VON

ہوڈر سے تعلق رکھنے والے متحرک اور باصلاحیت نوجوان فیاض اللّٰہ دیامری کو پیپلز یوتھ آرگنائزیشن (PYO) گلگت بلتستان کا وائس پریزیڈنٹ منتخب ہونے پر دلی مبارکباد۔

یہ اعزاز ان کی سیاسی جدوجہد، نوجوانوں کے حقوق کے لیے آواز بلند کرنے اور پارٹی کے لیے مسلسل خدمات کا اعتراف ہے۔ امید ہے کہ وہ اپنی نئی ذمہ داری احسن انداز میں نبھاتے ہوئے نوجوانوں کی مؤثر نمائندگی کریں گے اور پاکستان پیپلز پارٹی اور پیپلز یوتھ آرگنائزیشن کے پیغام کو مزید مضبوط بنائیں گے۔

اللہ تعالیٰ انہیں اس نئی ذمہ داری میں کامیابی، عزت اور عوامی خدمت کی مزید توفیق عطا فرمائے۔

مسلم لیگ ن گلگت نے الیکشن 2026کے لیے اپنا 51 نکات پر مشتمل منشور عوام کے سامنے رکھ دیا

عبد الحمید خان ن لیگ میں شامل ہوگئے

کرنل عبید کے حق میں سول سوسائٹی کی حمایت مسترد

گلگت: حلقہ جی بی اے 2 سے انتخابات میں حصہ لینے والے امیدوار اسلام الدین، امتیاز علی اور شکیل احمد نے ایک مشترکہ اجلاس میں کرنل (ر) عبیداللہ بیگ کے حق میں سول سوسائٹی فورم کے نام سے جاری کی گئی حمایت کو مسترد کر دیا۔
جٹیال میں منعقدہ اجلاس میں مقامی نوجوانوں نے بھی شرکت کی۔ شرکاء کا کہنا تھا کہ مذکورہ فورم سونیکوٹ، اپر جٹیال، ذوالفقار آباد، یاسین کالونی اور نور کالونی سے تعلق رکھنے والے چند ریٹائرڈ افراد پر مشتمل ہے اور اسے حلقے کے عوام کی نمائندگی حاصل نہیں۔
اجلاس کے شرکاء نے مؤقف اختیار کیا کہ نہ امیدوار اور نہ ہی علاقے کے نوجوان اس فورم کے فیصلوں کو تسلیم کرتے ہیں۔ ان کے مطابق یہ گروہ حلقے کی اجتماعی رائے کا نمائندہ نہیں اور نہ ہی اسے عوام کی جانب سے کوئی مینڈیٹ حاصل ہے۔
مقررین نے الزام عائد کیا کہ چند ریٹائرڈ افراد کا ایک محدود حلقہ ہر انتخابی دور میں سیاسی عمل پر اثرانداز ہونے کی کوشش کرتا رہا ہے، جس کے باعث مقامی سیاسی قیادت کی نشوونما متاثر ہوئی اور حلقے میں تقسیم پیدا ہوئی۔
اجلاس میں ووٹرز پر زور دیا گیا کہ وہ اپنی سیاسی رائے آزادانہ طور پر قائم کریں اور کسی بھی قسم کے دباؤ یا اثر سے بالاتر ہو کر ووٹ کا استعمال کریں۔ شرکاء نے سول سوسائٹی فورم سے مطالبہ کیا کہ وہ انتخابی عمل پر اثرانداز ہونے سے گریز کرے اور عوام پر سیاسی فیصلے مسلط کرنے کی کوشش نہ کرے۔
اجلاس کے اختتام پر مقررین نے کہا کہ جمہوری نظام میں فیصلہ کرنے کا حق صرف ووٹرز کو حاصل ہے اور انتخابی نتائج کا تعین بھی عوام کی آزادانہ رائے سے ہونا چاہیے۔

عبدالحمید اج دو بجے مسلم لیگ نون میں شامل ہو جائیں گے