Skip to content
FindGlocal
Media Lens

Media Lens

Street 1, Shahra-e-Quaid Azam, Near Agriculture Bank, Jutial, Gilgit Media/News Company

Contact information, map and directions, contact form, opening hours, services, ratings, photos, videos and announcements from Media Lens, Media/News Company, Street 1, Shahra-e-Quaid Azam, Near Agriculture Bank, Jutial, Gilgit.

Media Lens English
https://www.facebook.com/medialens.english

Website
media-lens.com

Twitter / X
twitter.com/medialens_x

Instagram
instagram.com/medialens.insta

YouTube
https://youtube.com/@medialense

14/10/2026

گلگت بلتستان: غذائی خود کفالت سے غذائی قلت تک
ایک وقت تھا جب گلگت بلتستان کی سرزمین زرخیزی، خود انحصاری اور صحت مند خوراک کی علامت سمجھی جاتی تھی۔ پہاڑوں کے دامن میں بسنے والے لوگ اپنی زمینوں سے گندم، جو، مکئی، باجرہ، سبزیاں، خوبانی، اخروٹ اور دیگر مقامی غذائیں حاصل کرتے تھے۔ گھروں میں خالص دودھ، دہی، مکھن اور قدرتی خوراک عام تھی۔ یہی وجہ تھی کہ اس خطے کے لوگ اپنی جسمانی طاقت، محنت، بہادری اور لمبی عمر کے لیے مشہور تھے۔
میکس ویل میک کریسن اور دیگر محققین نے بھی شمالی علاقوں کی روایتی خوراک کو دنیا کی صحت بخش غذائی روایات میں شمار کیا۔ لیکن آج صورتحال یکسر بدل چکی ہے۔ ایک ایسا خطہ جو کبھی اپنی غذائی ضروریات خود پوری کرتا تھا، آج غذائی قلت اور غذائی عدم تحفظ کی خبروں میں نظر آتا ہے۔ سوال یہ ہے کہ آخر ایسا کیوں ہوا؟
اس کا آسان جواب یہ ہے کہ اس بحران کا ذمہ دار کوئی ایک ادارہ، حکومت یا بیرونی طاقت نہیں، بلکہ کسی حد تک ہم خود بھی ہیں۔ ہم نے اپنی زرعی روایات کو آہستہ آہستہ ترک کر دیا۔ نئی نسل کھیتوں اور باغات سے دور ہوتی گئی، مقامی بیج ختم ہوتے گئے، اور بازار کی تیار شدہ اشیاء ہماری زندگیوں کا حصہ بنتی گئیں۔ جہاں کبھی سالانہ فصلوں پر تجربات ہوتے تھے، وہاں اب زمینیں خالی پڑی ہیں یا رہائشی مقاصد کے لیے استعمال ہو رہی ہیں۔
ہم نے اپنی محنت سے پیدا ہونے والی خوراک کو چھوڑ کر باہر سے آنے والی اشیاء پر انحصار بڑھا دیا۔ مقامی دالوں، اناج اور سبزیوں کی جگہ پیک شدہ خوراک اور درآمد شدہ غذائی مصنوعات نے لے لی۔ نتیجہ یہ نکلا کہ غذائی خود کفالت کمزور ہوتی گئی اور غذائی مسائل جنم لینے لگے۔
المیہ یہ ہے کہ آج ہم انہی بین الاقوامی اداروں سے غذائی معاونت اور غذائی قلت کے پروگراموں کی امید رکھتے ہیں جن کے بغیر کبھی ہماری زندگی بخوبی چلتی تھی۔ امداد ضرورت مندوں کا حق ہے، لیکن ایک پوری قوم کے لیے مستقل سہارا نہیں بن سکتی۔ خودداری کا تقاضا یہ ہے کہ ہم اپنی زمین، اپنے پانی، اپنے بیج اور اپنی محنت پر دوبارہ اعتماد کریں۔
بہادری صرف پہاڑ سر کرنے یا نعرے لگانے کا نام نہیں۔ اصل بہادری یہ ہے کہ ہم اپنی زمین کو دوبارہ آباد کریں، اپنے باغات کو زندہ کریں، مقامی غذاؤں کو فروغ دیں اور آئندہ نسلوں کو محنت اور خود انحصاری کی روایت منتقل کریں۔ اگر ہم نے یہ راستہ اختیار نہ کیا تو آنے والے وقت میں غذائی قلت صرف ایک مسئلہ نہیں بلکہ ہماری ثقافتی شناخت کے لیے بھی خطرہ بن سکتی ہے۔
آج بھی وقت ہے۔ گلگت بلتستان کی مٹی وہی ہے، پانی وہی ہے، موسم اور پہاڑ وہی ہیں۔ ضرورت صرف اس عزم کی ہے کہ ہم دوبارہ اپنی زمین سے رشتہ جوڑیں۔ جس دن ہم نے یہ رشتہ بحال کر لیا، اس دن غذائی قلت کی شکایت بھی کم ہو جائے گی اور خودداری کی وہ روایت بھی واپس لوٹ آئے گی جس پر ہمارے بزرگ فخر کیا کرتے تھے۔
"ایک قوم کی اصل طاقت اس کی زمین، اس کی محنت اور اس کی اپنی پیدا کردہ روٹی میں ہوتی ہے۔"محمد صالح

13/10/2026

ایمرجنسی اور گورنر راج کا ذمہ دار پیپلز پارٹی کو ٹھہرانا بدنیتی اور سیاسی لاشعوری ہے

بطور صوبائی ترجمان پیپلز یوتھ آرگنائزیشن گلگت بلتستان میرا زاتی مؤقف ہے کہ اگر پیپلز پارٹی کی حکومت ہوتی تو عمران خان سمیت کسی بھی سیاسی رہنما کو سیاسی قیدی نہ بنایا جاتا۔ اس مؤقف کا عملی ثبوت پیپلز پارٹی کا پانچ سالہ دورِ اقتدار ہے جب سیف الرحمٰن کے بوگس مقدمات میں چودہ سال قید اور مسلم لیگ (ن) کے دور میں زبان کاٹے جانے جیسے مظالم برداشت کرنے کے باوجود پیپلز پارٹی نے اپنے دورِ حکومت میں ایک بھی سیاسی قیدی نہیں رکھا۔۔
الیکشن 2024ء میں چیئرمین بلاول بھٹو زرداری نے پاکستان تحریک انصاف کو غیر مشروط طور پر حکومت سازی میں ساتھ دینے کی پیشکش کی لیکن جواب میں پی ٹی آئی نے چور اور ڈاکو جیسے القابات استعمال کرتے ہوئے پیپلز پارٹی کے سیاسی وجود کو تسلیم کرنے سے بھی انکار کر دیا۔۔
اگر پاکستان تحریک انصاف پیپلز پارٹی کی اس پیشکش کو قبول کرتے ہوئے اتحادی حکومت بناتی تو شاید سیاسی حالات مختلف ہوتے۔۔
جہاں تک ایمرجنسی اور گورنر راج کا تعلق ہے خیبر پختونخوا میں گورنر راج اور ایمرجنسی کے نفاذ کی بحث ریاستی اداروں اور وفاقی حکومت کی جانب سے پہلے دن سے جاری رہی ہے۔ اس کے باوجود صدر آصف علی زرداری اور پیپلز پارٹی مسلسل سیاسی مذاکرات اور مفاہمت کی کوشش کرتے رہے۔ پیپلز پارٹی کا مؤقف رہا کہ خیبر پختونخوا کی حکومت کو ایک سیاسی جماعت کے بجائے منتخب حکومت کے طور پر آئین و قانون کے دائرے میں رہتے ہوئے کام کرنا چاہیے۔۔
ریاستی وسائل کو مبینہ طور پر ایک سیاسی رہنما کی رہائی کے لیے اسلام آباد پر چڑھائی اور ریاست کو دباؤ میں لانے کے لیے استعمال کرنے جیسے اقدامات کے باوجود پیپلز پارٹی نے وفاقی حکومت اور ریاستی اداروں کو گورنر راج کے بجائے ڈائلاگ سے معاملات سلجھانے پر زور دیا۔۔
یہ بات بھی سمجھنے کی ضرورت ہے کہ حکومت سے مراد وزیراعظم اور ان کی کابینہ ہوتی ہے جو انتظامی اور حکومتی فیصلوں کی ذمہ دار ہوتی ہے۔۔
صدر آصف علی زرداری اپنی عوامی مقبولیت کو بچانے کے لیے اس نان پالوپر فیصلے کی مخالفت بھی کر سکتے تھے۔ لیکن اس مخالفت سے حکومتی فیصلے پر کوئی اثر نہیں پڑتا۔۔
صدر آصف زرداری کے پاس پی ٹی ائی کے دہشتگرد جماعت جیسے رویے کی وجہ سے بطور ریاستی سربراہ ان سفارشات کی حمایت کے علاوہ کوئی راستہ نہیں تھا۔۔

گورنر راج ریاستی اداروں اور وفاقی حکومت کی جانب سے پی ٹی ائی کے غیر ائینی اقدامات کے جرم میں لگایا گیا۔۔ پیپلز پارٹی کا اس میں کوئی قصور نہیں ۔۔

ساجد علی راجوا
ترجمان پیپلز یوتھ آرگنائزیشن گلگت بلتستان

13/10/2026

گلگت بلتستان کے دور دراز علاقوں کے اسکولوں میں میل پروگرام شروع کرنے پر غور

گلگت: وزیراعلیٰ گلگت بلتستان امجد حسین نے کہا ہے کہ صوبے کے دور دراز علاقوں میں بچوں میں غذائی قلت اور نشوونما کی کمی (Stunting) کے مسئلے پر قابو پانے کے لیے اسکولوں میں میل پروگرام شروع کرنے پر غور کیا جا رہا ہے، جس کے لیے یونیسف کا تعاون درکار ہے۔

یہ بات انہوں نے یو این ریذیڈنٹ کوآرڈینیٹر اور کنٹری ڈائریکٹر یونیسف پاکستان پرنیل آئرن سائیڈ سے ملاقات کے دوران کہی۔

وزیراعلیٰ نے کہا کہ صوبائی حکومت محدود وسائل کے باوجود بچوں کو درپیش غذائی قلت، خواتین کی فلاح و بہبود اور صحت سمیت سماجی شعبوں کی بہتری کے لیے اقدامات کر رہی ہے۔ انہوں نے بچوں اور خواتین میں غذائیت کی کمی دور کرنے، اسپتالوں کو شمسی توانائی پر منتقل کرنے اور ویکسینیشن کے شعبے میں یونیسف سے مزید تعاون کی ضرورت پر بھی زور دیا۔

امجد حسین نے کہا کہ بلدیاتی انتخابات کا انعقاد صوبائی حکومت کی ترجیحات میں شامل ہے تاکہ عوام کو ان کی دہلیز پر بنیادی سہولیات فراہم کی جا سکیں اور مقامی سطح پر مسائل حل ہوں۔

انہوں نے موسمیاتی تبدیلیوں کے باعث گلگت بلتستان کے گلیشیئرز کو لاحق خطرات کا ذکر کرتے ہوئے کہا کہ ان کے تحفظ کے لیے گلیشیئر پروٹیکشن اتھارٹی قائم کی گئی ہے، جبکہ گلیشیئرز کی نگرانی اور حفاظت کے لیے بھی تعاون درکار ہے۔

اس موقع پر پرنیل آئرن سائیڈ نے کہا کہ یونیسف گلگت بلتستان میں صحت، تعلیم، بچوں کی نشوونما میں کمی اور خواتین میں غذائی قلت کے مسائل کے حل کے لیے ہر ممکن تعاون کرے گا۔

انہوں نے کہا کہ گلگت بلتستان میں سیاحت اور معدنیات کے شعبوں میں وسیع مواقع موجود ہیں اور یہاں کے عوام مہمان نواز ہیں۔

ملاقات میں صوبائی وزرائے جنگلات و منصوبہ بندی، متعلقہ محکموں کے سیکریٹریز اور دیگر اعلیٰ حکام بھی شریک تھے۔

13/10/2026

گلگت بلتستان اسمبلی میں قراقرم یونیورسٹی کے ذیلی کیمپسز کے لیے مستقل فنڈز کی فراہمی کی متفقہ قرارداد منظور

گلگت: گلگت بلتستان اسمبلی نے قراقرم انٹرنیشنل یونیورسٹی کے غذر، ہنزہ اور دیامر میں قائم ذیلی کیمپسز کو درپیش مالی بحران کے خاتمے اور مستقل مالی معاونت کی فراہمی کے لیے متفقہ قرارداد منظور کر لی۔

قرارداد میں وفاقی حکومت سے مطالبہ کیا گیا ہے کہ ان کیمپسز کے واجب الادا تنخواہوں سمیت دیگر مالی مسائل کے حل کے لیے فوری طور پر خصوصی گرانٹ جاری کی جائے اور تعلیمی و انتظامی امور کی بلاتعطل انجام دہی کے لیے سالانہ بنیادوں پر مستقل فنڈز مختص کیے جائیں۔

قرارداد کے مطابق وفاقی حکومت نے 2018 میں پبلک سیکٹر ڈویلپمنٹ پروگرام (PSDP) کے تحت ان کیمپسز کا قیام عمل میں لایا تھا، جس کا مقصد گلگت بلتستان کے دورافتادہ علاقوں کے طلبہ و طالبات کو ان کی دہلیز پر اعلیٰ تعلیم کی سہولیات فراہم کرنا تھا۔

تاہم، ترقیاتی منصوبے کی تکمیل کے بعد ان کیمپسز کے انتظامی اور تدریسی اخراجات کے لیے مستقل مالی وسائل کی عدم فراہمی کے باعث ادارے شدید مالی مشکلات کا شکار ہیں، جبکہ ملازمین کی تنخواہوں کی عدم ادائیگی بھی ایک سنگین مسئلہ بن چکی ہے۔

قرارداد میں اس خدشے کا اظہار کیا گیا کہ مالی بحران کے باعث تعلیمی سرگرمیاں متاثر ہونے سے ان طلبہ و طالبات کا مستقبل غیر یقینی صورتِ حال سے دوچار ہو سکتا ہے جو مالی مشکلات کے باعث اعلیٰ تعلیم کے لیے دوسرے شہروں کا رخ کرنے کی استطاعت نہیں رکھتے۔

ایوان نے وفاقی حکومت پر زور دیا کہ ان کیمپسز کے لیے پائیدار مالی معاونت کا مؤثر نظام وضع کیا جائے تاکہ تدریسی، انتظامی اور بنیادی ڈھانچے کے اخراجات بروقت پورے کیے جا سکیں اور گلگت بلتستان کے نوجوانوں کو اعلیٰ تعلیم کے مساوی مواقع میسر رہیں۔

13/10/2026

گلگت بلتستان میں موسمِ سرما کی پہلی بارش 🌧️❄️ یونیورسٹی کے طلباء سے خصوصی گفتگو، دیکھیے اسامہ قریشی کی رپورٹ میں۔

13/10/2026

گلگت بلتستان میں اعلیٰ انتظامی افسران کے تبادلے، مجید محسن پنہوار ایڈیشنل چیف سیکریٹری تعینات

گلگت: حکومت گلگت بلتستان نے دو اعلیٰ انتظامی افسران کے تبادلوں اور نئی تعیناتیوں کا نوٹیفکیشن جاری کر دیا ہے۔

13 اکتوبر 2026 کو جاری نوٹیفکیشن کے مطابق، مجید محسن پنہوار (PAS/BS-20)، جو سروسز، جنرل ایڈمنسٹریشن اینڈ کابینہ ڈیپارٹمنٹ میں تعیناتی کے منتظر تھے، کو فوری طور پر ایڈیشنل چیف سیکریٹری (ترقیات)، محکمہ منصوبہ بندی و ترقیات (P&D)، گلگت بلتستان تعینات کر دیا گیا ہے۔

نوٹیفکیشن کے مطابق، ایڈیشنل چیف سیکریٹری (ترقیات) ریاض احمد (PAS/BS-19) کو تبدیل کرکے پبلک پرائیویٹ پارٹنرشپ یونٹ کا ڈائریکٹر جنرل تعینات کر دیا گیا ہے۔ ان کی تعیناتی سول سرونٹس ایکٹ 2011 کی دفعہ 9 کے تحت عمل میں لائی گئی ہے۔

نوٹیفکیشن چیف سیکریٹری گلگت بلتستان ارشد مجید کے احکامات پر جاری کیا گیا ہے۔

13/10/2026

پاکستان جیمز اسٹون مائننگ ایسوسی ایشن آف منرل پروسیسنگ اینڈ ٹریڈنگ کا گلگت بلتستان حکومت سے معدنی وسائل کے مؤثر استعمال اور عوامی شعور اجاگر کرنے کے لیے مہم شروع کرنے کا مطالبہ

گلگت (پریس ریلیز) پاکستان جیمز اسٹون مائننگ ایسوسی ایشن آف منرل پروسیسنگ اینڈ ٹریڈنگ کی جانب سے جاری ایک بیان میں کہا گیا ہے کہ گلگت بلتستان قدرتی اور معدنی وسائل سے مالامال خطہ ہے، تاہم ان بیش بہا وسائل کے درست استعمال سے متعلق آگاہی کی کمی اور عوام میں پائی جانے والی بعض غلط فہمیوں کے باعث معدنی شعبے کی ترقی اور عوامی مفادات کے حصول میں مشکلات پیش آ رہی ہیں، جس کے نتیجے میں عوام اور لیز ہولڈرز کے درمیان مختلف نوعیت کے مسائل اور پیچیدگیاں جنم لیتی ہیں۔

بیان میں کہا گیا کہ سابق صوبائی حکومت نے محکمہ معدنیات کے پلیٹ فارم سے معدنی وسائل کے درست استعمال، ان کی اہمیت اور اس شعبے سے وابستہ قانونی و انتظامی امور کے حوالے سے عوامی شعور اجاگر کرنے کی مہم شروع کی تھی، جس کے مثبت نتائج بھی سامنے آئے تھے۔ تاہم یہ پالیسی تسلسل برقرار نہ رہنے کے باعث دیرپا ثابت نہ ہو سکی۔

ایسوسی ایشن نے حکومتِ گلگت بلتستان سے مطالبہ کیا کہ معدنی شعبے میں مزید بہتری، عوام اور لیز ہولڈرز کے درمیان اعتماد سازی اور باہمی تعاون کو فروغ دینے کے لیے ایسوسی ایشن کی مشاورت اور اشتراک سے ایک جامع عوامی آگاہی مہم کا دوبارہ آغاز کیا جائے۔

بیان میں مزید کہا گیا کہ عوام کو معدنی وسائل کی اہمیت، ان کے قانونی استعمال، ذمہ دارانہ کان کنی اور اس شعبے سے وابستہ معاشی مواقع کے بارے میں آگاہ کرنا وقت کی اہم ضرورت ہے۔ اس مقصد کے لیے حکومت اور متعلقہ اسٹیک ہولڈرز کے درمیان مؤثر رابطہ کاری کو فروغ دیا جائے تاکہ معدنی وسائل کو بہتر انداز میں بروئے کار لاتے ہوئے علاقے کی معاشی ترقی، روزگار کے مواقع اور عوامی خوشحالی کو یقینی بنایا جا سکے

13/10/2026

وزیراعلیٰ گلگت بلتستان امجد حسین سے یو این ریذیڈنٹ کوآرڈینٹر اینڈ کنٹری ڈائریکٹر یونیسف پاکستان پرنیل آئرن سائیڈنے ملاقات کی۔ اس موقع پر وزیر اعلیٰ نے مختلف شعبوں میں یونیسف کے تعاون سے شکریہ اد اکرتے ہوئے کہاکہ صوبائی حکومت محدود وسائل کے باوجود بچوں کو درپیش سٹنٹڈنگ (Stunting)کے چیلنجز اور خواتین کی فلاح و بہبود سمیت صحت اور سوشل سیکٹر کے شعبے کی بہتری کیلئے بھرپور اقدامات کررہی ہے۔ صوبے کے دور دراز علاقوں میں بچوں کو درپیش سٹنٹڈنگ (Stunting) کے مسئلے کو مدنظر رکھتے ہوئے دور دراز علاقوں کے سکولوں میں میل پروگرام شروع کرنے پر غور کیا جارہاہے جس کیلئے یونیسف کا تعاون درکار ہے۔ بلدیاتی انتخابات صوبائی حکومت کی ترجیح ہے تاکہ عوام کی دہلیز پر ان کو بنیادی سہولیات میسر ہو اور ان کے مسائل حل ہوسکے۔ خواتین اور بچوں میں نیوٹریشن کی کمی دور کرنے پر بھی توجہ دی جارہی ہے۔ وزیر اعلیٰ نے کہاکہ ہسپتالوں کی سولرائزیشن اور ویکسینیشن کے حوالے سے بھی یونیسف کا مزید تعاون درکار ہے۔ گلگت بلتستان گلیشیرز کا مرکز ہے، موسمیاتی تبدیلیوں کی وجہ سے گلیشیرز متاثر ہورہے ہیں جن کی تحفظ کیلئے گلیشیرز پروٹیکشن اتھارٹی کا قیام عمل میں لایا گیا ہے۔ گلیشیرز کی مانیٹرنگ اور تحفظ کیلئے تعاون درکار ہوگا۔ یو این ریذیڈنٹ کوآرڈینٹر اینڈ کنٹری ڈائریکٹر یونیسف پاکستان پرنیل آئرن سائیڈنے اس موقع پر گفتگو کرتے ہوئے کہا کہ گلگت بلتستان میں صحت، تعلیم، بچوں میں پائی جانے والی سٹنٹڈنگ (Stunting)کے مسائل کو حل کرنے اور خواتین مید غذائی قلت کے مسئلے کو دور کرنے کیلئے یونیسف ہر ممکن تعاون کرے گا۔ گلگت بلتستان میں سیاحت اور معدنیات کے حوالے سے وسیع مواقع موجود ہیں۔ گلگت بلتستان کے عوام مہمان نواز ہیں۔اس موقع پر صوبائی وزیر جنگلات، صوبائی وزیر پلاننگ، صوبائی سیکریٹری جنگلات، صوبائی سیکریٹری سوشل ویلفیئر، سیکریٹری برائے وزیر اعلیٰ، سیکریٹری سکول ایجوکیشن، سیکریٹری صحت سمیت متعلقہ آفیسران شریک تھے۔

13/10/2026

وزیراعلیٰ گلگت بلتستان امجد حسین نے ریجنل پیس کمیٹی کے نمائندہ وفد سے گفتگو کرتے ہوئے کہا کہ گلگت بلتستان میں تعمیر و ترقی کا انحصار قیام امن سے وابستہ ہے۔ حکومت کی ترجیحات میں عوام کے بنیادی مسائل حل کرنا، غربت، بے روزگاری جیسے چیلنجز سے نمٹنا اور عوام کی معیار زندگی کو بہتر بنانا ہے۔ بحیثیت گلگت بلتستان کے ہونے کے ناطے امن ہم سب کی ضرورت ہے۔ مستقل قیام امن کیلئے ہمیں اپنے حصے کا مثبت کردار ادا کرناہوگا۔ انصاف، میرٹ کو یقینی بنائیں گے تاکہ کسی کے ساتھ ناانصافی نہ ہو اور حقدار کو ان کا حق ملے۔ پارلیمانی امن کمیٹی کا قیام جلد عمل میں لایا جارہا ہے جو ریجنل پیش کمیٹی کے ساتھ مل کر امن وامان اور بھائی چارگی کے فضاء کو فروغ دینے کیلئے کام کریں گے۔ ریجنل پیس کمیٹی کے نمائندہ وفد نے اس موقع پر گفتگو کرتے ہوئے کہا کہ گلگت بلتستان میں بحیثیت وزیر اعلیٰ مختصر مدت میں مقبولیت اور عوامی خدمت کا جو مقام آپ نے حاصل کیا ہے اس پر ہم آپ کو خراج تحسین پیش کرتے ہیں۔ گلگت بلتستان کی تعمیر و ترقی اور امن کیلئے ہم بلامشروط حکومت کو ہمارا تعاون رہے گا۔ وفد نے وزیر اعلیٰ کے پالیسیوں کو سراہتے ہوئے مستقبل کیلئے بھی نیک خواہشات کا اظہار کیا اور پھولوں کا گلدستہ پیش کیا۔

13/10/2026

گلگت: وزیراعلیٰ گلگت بلتستان امجد حسین نے صوبائی سیکریٹری زراعت، لائیو سٹاک اور فشریز عثمان احمد کی جانب سے پارلیمانی کمیٹی کو مجوزہ زرعی پالیسی کے حوالے سے دیئے جانے والے بریفنگ کے موقع پر گفتگو کرتے ہوئے کہا کہ صوبائی حکومت گلگت بلتستان کو زرعی شعبے میں خود کفیل بنانے اور مقامی کسانوں اور زمینداروں کیلئے سہولیات اور بہتر مواقع فراہم کرنے کیلئے اقدامات کررہی ہے، جس کے تحت پہلی مرتبہ گلگت بلتستان کے زرعی شعبے کیلئے 500 ملین کی خطیر رقم بلاک ایلوکیشن سے مختص کئے گئے ہیں۔ مقامی زمینداروں کو سبسڈائزڈ گندم کے معیار اور سرٹیفائیڈ بیچ فراہم کرنے کیلئے بھی خصوصی رقم مختص کی گئی ہے۔ حکومت کی ترجیح مقامی کسانوں اور زمینداروں کو بہتر مواقع فراہم کرنا، جدید مشینری اور معلومات فراہم کرنا ہے تاکہ زراعت کو جدید خطوط کے مطابق بہتر بنایا جاسکے، جس سے مقامی زمینداروں کی معیشت میں بہتری آئے گی۔ وزیر اعلیٰ نے کہا کہ دیہی سطح پر کسانوں کی تنظیموں کو منظم کیا جائے تاکہ گاؤں کی سطح پر معاشی سرگرمیاں فروغ دی جاسکے۔کسانو ں کیلئے کسان کارڈ متعارف کرایا جائے۔ ریجن سطح پر معیاری ادویات، بیچ اور مشینری کی دستیابی کیلئے پرائیویٹ سیکٹر کے تعاون سے ایگری مالز کا قیام عمل میں لایا جائے۔ محکمے میں موجود ہیچریز کو مکمل بنایا جائے۔ فشریز کے سیکٹر میں جدید لیب متعارف کرایا جائے۔ وزیر اعلیٰ نے صوبائی سیکریٹری زراعت کو ہدایت کی کہ ترجیحی بنیادوں پر ماڈرن ہیچریز کا قیام عمل میں لایا جائے۔ اجلاس میں محکمے کی جانب سے پیش کی جانے والی مجوزہ زرعی پالیسی کو سراہتے ہوئے آئندہ کابینہ اجلاس میں پیش کرنے کی ہدایت کی تاکہ جلد اس پالیسی کو عملی جامعہ پہنایا جاسکے جس سے گلگت بلتستان زراعت، لائیوسٹاک اور فشریز کے شعبے میں خودکفالت کی منزل کی طرف گامزن ہوسکے۔

Other Media/News Companies in Gilgit

Show All
  • Himaliya Media Network

    Himaliya Media Network

    Gilgit, Gilgit

    Social Media News Channel From North Of Pakistan Presenting Local and Non local News And analysis ?

  • Muntakhib TV

    Muntakhib TV

    Bagrote, Gilgit

    ظلم کے خلاف حق کا برملا اظہار An outspoken expression of truth against oppression.

  • Kurumber Times official

    Kurumber Times official

    Ghizer Ishkoman Kurumber Valley, Gilgit

    Warmly welcome to everyone The foremost and paramount aims are of this page is to raise voice of th

  • Deosai Today

    Deosai Today

    Gilgit

    To public true news & analyses about Gilgit Baltistan, Pakistan & other countries of world.

  • Gb & Kashmir

    Gb & Kashmir

    Gilgit

    GB & Kashmir - Truth - News - Our Voice Gilgit | Skardu | Hunza | Diamer | Astore Tourism & Culture of Mountains ❤️

  • SBC is a local news network based in gilgit baltistan where we gives you every single bite of news

  • Fairy Meadow Digital

    Fairy Meadow Digital

    Gilgit Baltistan, Gilgit 11550

    خبر وہی جو سچی — روزنامہ فیری میڈو، گلگت بلتستان کی دھڑکن!۔ہر معتبر خبر، ہر عوامی مسئلہ — فیری میڈو سب سے پہلے۔جہاں سچائی ملتی ہے تیزی سے — گلگت بلتستان کی خبر کا پہلا انتخاب۔ سب س...

Alerts

Be the first to know and let us send you an email when Media Lens posts news and promotions. Your email address will not be used for any other purpose, and you can unsubscribe at any time.

Subscribe

We will notify you when anything happens in Gilgit.