FinLab

☝️2025 թվականի սեպտեմբեր ամսից ժամանակավոր անաշխատունակության և մայրության նպաստները կնշանակվեն, կհաշվարկվեն և կվճարվեն Միասնական սոցիալական ծառայության կողմից․ քաղաքացին որևէ դիմում կամ փաստաթուղթ ներկայացնելու կարիք չի ունենա:

✔️Նոր համակարգով սեպտեմբեր ամսից Միասնական սոցիալական ծառայությունը նպաստները կնշանակի, կհաշվարկի անաշխատունակության վերաբերյալ էլեկտրոնային առողջապահական համակարգից և եկամուտների վերաբերյալ հարկային մարմնի կողմից վարվող տեղեկատվական համակարգից ինքնաշխատ եղանակով ստացված տվյալների հիման վրա:

❌2025 թվականի սեպտեմբեր ամսից անաշխատունակության թերթիկներն այլևս չեն կիրառվի, դրանք քաղաքացիներին կտրվեն միայն բացառիկ դեպքերում (օրինակ` օտարերկրյա պետության լիազոր մարմնին ներկայացնելու համար)։

2024 թվականի հաշվետու տարվա համար հայտարարագրերը ներկայացվում են մինչև 2025
թվականի նոյեմբերի 1-ը։

Եկամտային հարկի և սոցիալական վճարի հաշվարկ (հայտարարագիր)՝ պետք է ներկայացնեն⬇️

🔹2024 թվականի ընթացքում վարձու աշխատող համարված ՀՀ քաղաքացիները
🔹2024 թվականի ընթացքում քաղաքացիաիրավական պայմանագրերի շրջանակում հարկվող եկամուտ ստացած ՀՀ քաղաքացիները։
🔹2024 թվականի դեկտեմբերի 31-ի դրությամբ՝ «Հանրային ծառայության մասին» ՀՀ օրենքով
սահմանված պետական և համայնքային ծառայողները, հանրային պաշտոններ զբաղեցնող ՀՀ
քաղաքացիները։
🔹2023 թվականի արդյունքներով 1 մլրդ դրամ և ավելի համախառն եկամուտ
հայտարարագրած ՀՀ ռեզիդենտ առևտրային կազմակերպությունների՝ 2024 թվականի
դեկտեմբերի 31-ի դրությամբ մասնակից (բաժնետեր, փայատեր, անդամ) հանդիսացող ՀՀ
քաղաքացիները։
🔹 «Փողերի լվացման և ահաբեկչության ֆինանսավորման դեմ պայքարի մասին» ՀՀ
օրենքով իրական շահառու համարվող ՀՀ քաղաքացիները։
🔹2024 թվականի ընթացքում 20 մլն դրամ և ավելի փոխառություն ստացած ՀՀ քաղաքացիները
(վարկը չի դիտարկվում որպես փոխառություն և 2024 թվականի ընթացքում 20 մլն դրամ և
ավելի չափով վարկ ստացած (այդ թվում՝ հիփոթեքային) քաղաքացիները չեն ներառվում այս
խմբում):

📊 Նոր հնարավորություններ գործարարների համար

ՊԵԿ պաշտոնական կայքում արդեն հասանելի է Շրջանառության հարկի հաշվիչը, որը թույլ է տալիս հեշտությամբ և արագ կատարել հարկային հաշվարկներ։

🔹 Հաշվիչը պարզեցնում է գործընթացը,
🔹 Նվազեցնում է սխալների հավանականությունը,
🔹 Խնայողություն է ապահովում ժամանակի և ռեսուրսների մեջ։

Այսուհետ ձեր հարկային հաշվարկները դառնում են ավելի հարմար և հասանելի։ ✅

👋Ողջու՛յն,

☝️Եթե ցանկանում ես ունենալ հաջող կարիերա, ապա այս դասընթացը հենց Քեզ համար է․

📚Դասափուլերը․
🔹 Հաշվապահական հաշվառում
🔹 ՀՀ Հարկային օրենսգիրք
🔹 ՀՀ Աշխատանքային օրենսգիրք
🔹 ՀԾ-հաշվապահ ծրագիր
🔹 Tax Service ծրագրի միջոցով հաշվետվությունների կազմում և հաշիվների դուրս գրում

📊Դասընթացի ընթացքում հնարավորություն կունենաս․
🔹 Ձեռք կբերեք համապարփակ գիտելիքներ հաշվապահական հաշվառման, ֆինանսական հաշվետվությունների պատրաստման և պրակտիկ հաշվապահության վարման վերաբերյալ
🔹 Կծանոթանաք ՀՀ հարկային օրենսդրության հիմնական դրույթներին, աշխատանքային միջավայրում դրանց կիրառման առանձնահատկություններին
🔹 Կկիրառեք ՀԾ-հաշվապահ 7 ծրագրի գործիքակազմը՝ գործնական օրինակների հիման վրա ամրապնդելով ձեռք բերած տեսական գիտելիքները
🔹 Կունենաք ամբողջական պատկերացում և հստակ գիտելիքներ հաշվապահության վարման վերաբերյալ։

Դասընթացի մանրամասներ.
•Մեկնարկը՝ 06.10.2025
•Ձևաչափը՝ առկա ուսուցում
•Տևողությունը՝ 4 ամիս
•Շաբաթական 3 հանդիպում՝ 1.5 ժամ տևողությամբ
•Երկուշաբթի և երեքշաբթի օրերին ժամը 18։00, շաբաթ` 13:00
🎓Վկայական
Դասընթացի ավարտին տրվում է՝
🔹 Որակավորման սերտիֆիկատ
🔹 Մեկ ամիս անվճար պրակտիկա
🔹Հնարավորություն՝ աշխատելու Ֆին Լաբ ՍՊԸ-ում և/կամ գործընկեր կազմակեպություններում
🔹Առնվազն 3 տարի օնլայն խորհրդատվություն մեր ուսանողներին՝ հաշվապահական հաշվառում վարելիս։
👤Դասընթացավար՝ Ֆին Լաբ ՍՊԸ-ի Գլխավոր հաշվապահ ՝ Հովհաննես Ասլանյան
Հարցերի դեպքում կարող եք զանգահարել`
📞 +374 94 90 94 27

Ֆիզիկական անձ եք և վարձակալության եք տալիս անշարժ գույք առանց պետական գրանցման, ապա պարտադիր է․

* Վարձակալության պայմանագրի մասին հայտարարությունը ներկայացնել հարկային մարմին 5 աշխատանքային օրվա ընթացքում,
* Վարձակալությունը դադարեցնելու դեպքում՝ դադարեցման օրվանից հետո 5 աշխատանքային օրվա ընթացքում հարկային մարմին ներկայացնել դադարեցման հայտարարություն,
* Վարձավճարից հաշվարկել և ՀՀ ԿԱ ՊԵԿ վճարել 10 տոկոս եկամտային հարկ՝ ներկայացնելով տարեկան հաշվարկ հայտարարագիր։

ՀԻՇԵՑՈՒՄ՝
📌 2024թ․-ի համար եկամտային հարկի վճարման և հաշվարկ հայտարարագրի ներկայացման վերջնաժամկետն է նոյեմբերի 1-ը։

📢 Նոր կարգավորում՝ դրոշմավորված ապրանքների նույնականացման միջոցների վերաբերյալ

🔹Նույնականացման միջոցներով դրոշմավորված ապրանքների վերաբերյալ տեղեկատվությունը պետք է էլեկտրոնային եղանակով փոխանցվի ՊԵԿ-ին՝ բջջային հավելվածի կամ մոնիտորինգի տեղեկատվական համակարգի միջոցով։

🔹 Տեղեկությունը բջջային հավելվածի միջոցով փոխանցվում է, երբ՝
- ապրանքը օգտագործվում է արտադրության մեջ կամ սեփական կարիքների համար,
- իրականացվում է մասնակի օտարում,
- օգտագործվում է ծառայության մատուցման ընթացքում,
- շրջանառությունից հանվում է այլ պատճառներով։

🔹 Տեղեկությունը կարող է փոխանցվել նաև ապրանքն արտահանելու, կորուստ ճանաչվելու, բռնագրվելու կամ մատակարարին վերադարձնելու դեպքում։

🔹 Եթե ապրանքը չի օգտագործվել և պահպանվել է իր տեսքն ու հատկությունները, հնարավոր է վերադարձնել շրջանառության մեջ։

📢 Նոր կարգավորում՝ հսկիչ (նույնականացման) նշանների վերաբերյալ
2026թ․ հունվարի 1-ից սկսած՝ ծխախոտային և ալկոհոլային ապրանքների մատակարարման դեպքում հարկային հաշիվներում պարտադիր պետք է ներառվեն հսկիչ (նույնականացման) նշանների և դրանց քանակի տվյալները։

🔹 Տվյալները կցվելու են հաշվարկային փաստաթղթերին՝ էլեկտրոնային համակարգի կամ հատուկ բջջային հավելվածի միջոցով։

🔹 Մինչ փաստաթղթի ստորագրումը կամ հաստատումը հնարավոր կլինի փոփոխել տվյալները։

🔹 Ստացողը կստանա փոփոխություններ կատարելու իրավասություն՝ մատակարարման հաջորդ օրվանից։

🔹 Եթե ապրանքը նախատեսված է վերջնական սպառման համար, ապա դրոշմավորման ծածկագրերը կստանան «շրջանառությունից հանված» կարգավիճակ։

🗓️Հաշվարկ-հայտարարագրի ներկայացման վերջնաժամկետ և պատասխանատվության մեկնաբանություն։

⏰ Վերջնաժամկետ

Ըստ գործող կարգի՝ 2024թ.-ի եկամտային հարկի տարեկան հաշվարկ-հայտարարագիրը ներկայացնելու վերջնաժամկետն է
➡️ 2025թ. նոյեմբերի 1-ը

❌Չներկայացնելու դեպքում՝
առաջին և երկրորդ անգամ՝ վարչական պատասխանատվություն ։
•Առաջին խախտման դեպքում կիրառվում է նախազգուշացում
•Երկրորդ խախտման դեպքում՝ 30 օրվա ընթացքում չներկայացնելիս, ընտրվում է տուգանք՝
5000–50 000 դրամ ։
•Եթե տուգանք նշանակվելուց հետո ևս 30 օրում չկատարվում է ներկայացում, ապա տուգանքը կրկնապատկվում է ։