Micro Account

📌 ՇՐՋԱՆԱՌՈՒԹՅԱՆ ՀԱՐԿ․ 3 ԲԱՆ, ՈՐՈՆՔ ԷԱԿԱՆ ԱԶԴԵՑՈՒԹՅՈՒՆ ԵՆ ԹՈՂՆՈՒՄ ՃԻՇՏ ՀԱՇՎԱՌՄԱՆ ՀԱՄԱՐ

🔹 1․ Հարկը հաշվարկվում է ոչ թե շահույթից, այլ իրացման շրջանառությունից

Շրջանառության հարկի հաշվարկման հիմքում ընկած է հարկման ենթակա շրջանառությունը։ Այդ պատճառով յուրաքանչյուր գործարքի ճիշտ փաստաթղթավորումը կարևոր է։

🔹 2․ Գործարքների ճիշտ ձևակերպումը կարևոր է

Հաշվարկային փաստաթղթերը (նաև Ozon, Wb, Temu-ից գնումների մասով), ՀԴՄ կտրոնները, բանկային փոխանցումները և այլ հիմնավորող փաստաթղթերը պետք է համապատասխանեն իրական գործարքներին։

🔹 3․ Տարբեր գործունեություններ՝ տարբեր մոտեցումներ

Շրջանառության հարկի հաշվարկման ժամանակ կիրառվող դրույքաչափն ու հարկման առանձնահատկությունները կարող են տարբեր լինել՝ կախված իրականացվող գործունեության տեսակից։

⚠️ ՈՒՇԱԴՐՈՒԹՅՈՒՆ

Սխալ դասակարգված գործարքը կամ չհիմնավորված շրջանառությունը կարող է հանգեցնել սխալ հարկային հաշվարկի և լրացուցիչ հարկային պարտավորությունների։

Հիմք` ՀՀ հարկային օրենսգիրք

🇦🇲🇷🇺🇧🇾🇰🇿🇰🇬
ԵՏՄ-ԻՑ ԱՊՐԱՆՔ Ե՞Ք ՆԵՐՄՈՒԾՈՒՄ

Ահա 3 կարևոր բան, որը պետք է իմանա յուրաքանչյուր բիզնես։

🔹 1․ Ներմուծման դեպքում ԱԱՀ-ն պետք է հաշվի առնել

ԵՏՄ անդամ պետությունից ՀՀ ապրանք ներմուծելիս, եթե ներմուծումը համարվում է ձեռնարկատիրական գործունեության նպատակով իրականացվող, առաջանում է ԱԱՀ-ի հաշվարկման և պետական բյուջե վճարման պարտավորություն։

🔹 2․ Փաստաթղթերը պետք է ճիշտ ձևակերպված լինեն

Մատակարարի հաշվարկային փաստաթղթերը, ապրանքի արժեքը, քանակը, ներմուծման ամսաթիվը և մյուս տվյալները պետք է ճիշտ արտացոլվեն հաշվապահական հաշվառման մեջ։

🔹 3․ Ներմուծման ամսաթիվը կարևոր է

ԵՏՄ-ից ներմուծման դեպքում հարկային հաշվարկներում կարևոր նշանակություն ունի ապրանքը ՀՀ տարածք ներմուծելու ամսաթիվը։ Արտարժույթով գործարքների դեպքում հարկման բազաները և ձեռքբերման արժեքները որոշվում են համապատասխան ամսաթվի դրությամբ ՀՀ ԿԲ հրապարակած միջին փոխարժեքով։

⚠️ ՈՒՇԱԴՐՈՒԹՅՈՒՆ

ԵՏՄ-ից ներմուծումը պարզապես ապրանքի գնում չէ․ սխալ հաշվարկված ԱԱՀ-ն, սխալ փաստաթղթավորումը կամ հաշվետվության մեջ սխալ արտացոլումը կարող է առաջացնել լրացուցիչ հարկային պարտավորություններ։

📊 ԵՏՄ-ից ներմուծումներ ունե՞ք։

Մենք կօգնենք՝
✅ ճիշտ հաշվարկել հարկային պարտավորությունները,
✅ ստուգել ներմուծման փաստաթղթերը,
✅ ճիշտ արտացոլել գործարքները հաշվապահական հաշվառման մեջ,
✅ ժամանակին ներկայացնել անհրաժեշտ հաշվետվությունները։

📩 Վստահեք Ձեր հաշվապահությունը մասնագետներին։

Աղբյուր՝ ՀՀ Հարկային օրենսգիրք։

#հայտարարագրում2026

Սահմանվել են հայտարարագրման ոչ ենթակա նվազեցվող (չհար­կվող) եկա­մուտ­ների տեսակներն ու շեմերը։ Հայտարարագրի 2-րդ բաժնում նվազեցվող (չհար­կվող) եկամուտներից չեն լրացվի, օրինակ՝

✅ստացվող վարկերի գումարները,

✅ՀՀ ազգային հավաքականի կազմում միջազգային մրցույթ­նե­րում հաղթած մարզիկների և մարզիչների մրցանակները, այդ թվում՝ պետական պարգև­ները (մրցա­նակ­ները),
մրցույթներում ստացվող դրամական և իրային մրցանակների արժեքը` յուրաքանչյուր մրցա­­նակի դեպքում 50 հազար դրամը չգերազանցող չափով,

✅և մի շարք այլ նվազեցվող (չհար­կվող) եկա­մուտ­ների տեսակներ։

Սահմանվել են նաև, որ հայտարարագրման ենթակա չեն միանվագ մինչև 1 միլիոն դրամը ներառյալ ստացվող նվազեցվող եկամուտների հետևյալ տեսակները․

✅ֆիզիկական անձանցից ժառանգության և (կամ) նվիրատվության կարգով ստացվող գույք և (կամ) դրամական միջոցներ,

✅ստացվող փոխառությունների գումարները,
գույքի վաճառքից այլ ֆիզիկական անձանցից ստացվող եկամուտները, բացառությամբ՝ հողամասի վաճառքից ստացվող եկամուտների,

✅աշխատողի ընտանիքի որևէ անդամի մահվան դեպքում միանվագ կարգով ստացվող օգնության գումարներ,

✅ոչ առևտրային կազմակերպություններից անհատույց ստացվող ակտիվներ, աշխատանքներ, ծառայություններ,

✅ՀՀ պետական և տեղական ինքնակառավարման մարմինների, օրենքով ստեղծված մշտապես գործող մարմինների որոշումների հիման վրա, ինչպես նաև օտարերկրյա պետություններից և միջազգային, միջպետական (միջկառավարական) կազմակերպություններից անհատույց ստացվող ակտիվներ, աշխատանքներ, ծառայություններ, նշված մարմինների ու կազմակերպությունների կողմից ֆիզիկական անձանց համար (օգտին) կատարվող վճարումներ,

✅առևտրի իրականացման վայրերում (ոսկու շուկաներում) վաճառասեղանների կամ վաճառակետերի միջոցով թանկարժեք մետաղների, թանկարժեք մետաղներից պատրաստված իրերի կամ թանկարժեք քարերի առք ու վաճառքի գործունեություն իրականացնող հարկային գործակալին օտարվող ոսկու և թանկարժեք քարերի դիմաց ստացվող եկամուտներ:

Կարևոր է իմանալ, որ սահմանված շեմը գերազանցելու դեպքում վերոհիշյալ եկամուտները հայտարա­րագրման ենթակա են ամբողջ գումարի չափով։ Այսինքն, եթե անձը, օրինակ, միանվագ ստացել է 1 մլն 200 հազար դրամ գումար, ապա վերջինս պարտավոր է հայտարարագրել այդ ամբողջ գումարը, ոչ թե միայն գերազանցող մասը՝ 200 հազար դրամը։

‼️Ուշադրություն, հայտարարագրման ենթակա չեն ընտանիքի անդամներից (ամուսինը, ծնող­ները, քույրերը, եղբայրները, զավակները (որդեգրողներն ու որդեգրվածները), պապերը, տատերը և թոռները) ստացվող նվազեցվող (չհարկվող) եկամուտները՝ անկախ ստացվող եկամտի մեծությունից:

Ավելին՝ https://src.am/am/getNews/1410