RealSoft LLC

13–14 октября в Душанбе (Республика Таджикистан) в рамках международного форума «Digital Tajikistan 2025» состоялось подписание меморандума о сотрудничестве между одной из ведущих IT-компаний Узбекистана — RealSoft — и ОАО «Центры сертификации, государственные услуги и разработка цифрового программного обеспечения» Республики Таджикистан.

Церемония подписания прошла в рамках деловой программы форума. В мероприятиях форума приняла участие официальная делегация Республики Узбекистан во главе с министром цифровных технологий Шерзодом Шерматовым. Цель визита делегации — расширение двустороннего сотрудничества и обмен опытом в сфере цифровых технологий.

——

13-14 oktabr kunlari Tojikistonning Dushanbe shahrida bo‘lib o‘tgan “Digital Tajikistan 2025” xalqaro forumi doirasida O‘zbekistonning yetakchi IT-kompaniyalaridan biri hisoblangan RealSoft va Tojikiston Respublikasining “Sertifikatlash markazlari, davlat xizmatlari va raqamli dasturiy ta’minotni ishlab chiqish” OAJ o‘rtasida hamkorlik memorandumi imzolandi. Memorandumni imzolash marosimi “Digital Tajikistan 2025” forumi doirasidagi tadbirlar qismi sifatida o‘tkazildi. Forumda O‘zbekiston Respublikasi raqamli texnologiyalar vaziri Sherzod Shermatov boshchiligidagi rasmiy delegatsiya ishtirok etdi. Delegatsiyaning tashrifi raqamli texnologiyalar sohasida ikki tomonlama hamkorlikni kengaytirish va tajriba almashish maqsadida amalga oshirildi.

___

On October 13–14, within the framework of the “Digital Tajikistan 2025” international forum held in Dushanbe, the Republic of Tajikistan, a Memorandum of Cooperation was signed between one of Uzbekistan’s leading IT companies — RealSoft — and the “Certification Centers, Public Services and Digital Software Development” JSC of the Republic of Tajikistan.

The signing ceremony took place as part of the forum’s official program. The event was attended by the official delegation of the Republic of Uzbekistan, led by Minister of Digital Technologies Sherzod Shermatov. The purpose of the delegation’s visit was to expand bilateral cooperation and exchange experience in the field of digital technologies.

Global Innovation Lab rahbari Jon O’Neill RealSoft bosh ofisiga tashrif buyurdi!

Joriy yilning 25-iyul kuni Texas universitetining Global Innovation Lab dasturi rahbari Jon O’Neill O‘zbekistonning yetakchi IT kompaniyalaridan biri hisoblangan RealSoft bosh ofisiga tashrif buyurdi.

Jonob O’Neillni RealSoft Investitsiyalar departamenti rahbari Abdukarim Qodirov va PR bo‘limi rahbari Xurshid Normurodov kutib oldi. Mehmonga RealSoftning ofisi, loyihalari haqida to’liq ma’lumot berildi. Shuningdek, kompaniyaning vazifalari, maqsadlari va texnologik rivojlanish yo‘nalishlari bo‘yicha batafsil taqdimot qilindi.

Tashrif doirasida Jon O’Neill RealSoft xodimlari uchun maxsus ma’ruza o‘qidi. Unda u Fortune 500 kompaniyalari va xalqaro startaplar bilan 30 yillik faoliyati davomida orttirgan tajribalari bilan o‘rtoqlashdi. U texnologiyalarni tijoratlashtirish, raqobatbardosh bozorlarda startaplarni kengaytirish va yirik tashkilotlarda innovatsiyalarni yo‘lga qo‘yish bo‘yicha amaliy tavsiyalar berdi.

Mazkur tashrif Jon O’Neill boshchiligida 30-iyuldan 1-avgustgacha bo‘lib o‘tadigan ochiq seminarlar oldidan tashkil etildi. Ushbu sessiyalar orqali O‘zbekistonlik IT mutaxassislari va startap asoschilari global innovatsion amaliyotlar bilan yaqindan tanishish imkoniga ega bo‘ladilar.

“Iste’molchilar huquqlarini himoya qilish jamiyatlari federatsiyasi” va “RealSoft” kompaniyasi o‘rtasida hamkorlik shartnomasi imzolandi!

Joriy yilning 28 iyul kuni “Iste’molchilar huquqlarini himoya qilish jamiyatlari federatsiyasi” va “RealSoft” MCHJ o‘rtasida o‘zaro hamkorlikni yo‘lga qo‘yishga qaratilgan shartnoma imzolandi.

Ushbu hamkorlik doirasida RealSoft kompaniyasi tomonidan “Iste’molchi” axborot tizimi va mobil ilovasi ishlab chiqiladi. Elektron tizim iste’molchilar huquqlarini himoya qilish bo‘yicha zamonaviy raqamli yechimlarni o‘z ichiga olib, quyidagi asosiy yo‘nalishlarni qamrab oladi:

🔘 Iste’molchilarning qonuniy huqiq va manfaatlarini himoya qilish;
🔘 Yashirin iqtisodiyotni qisqartirish va tadbirkorlikni qo’llab-quvvatlash;
🔘 Iste’molchilar huquqlarini himoya qilish jamiyatlarining moddiy ta’minotini tubdan yaxshilash va faoliyat shaffofligini oshirish;
🔘 Iste’molchilar va davlat idoralari bilan hamkorlikdagi ishlarni yangi sifat bosqichiga olib chiqish.

Mazkur axborot tuzimi RealSoft kompaniyasi tomonidan ishlab chiqilgan “Yashil to‘lov” va “Onlayn bozor” axborot tizimlari bilan integratsiya qilinib, aholining tadbirkorlik va mehnat faoliyatini qonuniy amalga oshirishga ko’maklashish imkonini beradi.

Shuningdek, “Iste’molchi” axborot tizimi jamiyat xodimlari va a’zolari tomonidan huquqbuzarlik holatlarini elektron shaklda rasmiylashtirish, ularni samarali nazorat qilish, shuningdek ushbu sohadagi yangiliklardan xabardor bo’lib, o’z bilim va malakani oshirib borishda yaqindan ko‘mak beradi. Tizim doirasida foydalanuvchilar uchun sohaga dahldor video yo‘riqnomalar, test savollari, elektron sertifikatlar va reyting ballari berib boriladi.

Mazkur innovatsion tashabbus iste’molchilar huqiqlarini samarali himoya qilib, tadbirkorlik sub’ektlarining qonuniy va sifatli faoliyatga ko’rsatishini yangi bosqichga olib chiqishga xizmat qiladi.

RealSoft kompaniyasida xalqaro ekspertlar bilan uchrashuv

RealSoft kompaniyasiga Xitoy, Janubiy Koreya, Belarus Respublikasi va Qozog‘istondan bir guruh malakali ekspertlar tashrif buyurishdi.

Mazkur tashrif IT Park tashabbusi bilan tashkil etilgan bo‘lib, uning asosiy maqsadi mehmonlarni O‘zbekistonda muvaffaqiyatli faoliyat yuritayotgan IT Park rezidentlari bilan yaqindan tanishtirishdan iborat bo‘ldi.

Uchrashuv davomida mehmonlar RealSoft kompaniyasining ilg‘or loyihalari, korporativ boshqaruv yondashuvlari va joriy etilgan innovatsion yechimlari bilan tanishdilar. Shu bilan birga, ekspertlar kompaniya jamoasi bilan ochiq muloqot qilib, tajriba almashish va IT sohasida o‘zaro hamkorlikni kengaytirish masalalarini muhokama qildilar.

Mazkur tashrif nafaqat xalqaro tajribani o‘rganish, balki O‘zbekiston IT ekotizimini rivojlantirishga hissa qo‘shish, yangi hamkorlik aloqalarini yo‘lga qo‘yish imkoniyatlarini yaratadi.

RS Liga — yangi futbol musobaqasi start olmoqda!

Yaqindagina futbol muhitini larzaga keltirgan REALSOFT CUP 2025 yakun topgan bo‘lsa-da, stadionlar yana qiziydi! Endi navbat — RS Liga 2025 musobaqasiga!

10 ta jamoa, har biri g‘alabaga chanqoq, o‘zaro raqobat asosida chempionlik sari yo‘l oladi. Har bir gol, har bir natija — turnir jadvalida o‘z o‘rniga ega.

Liga musobaqasi bugun rasman start oladi. Uchrashuvlar haftasiga 3 ta o‘yin, jami 18 hafta davom etadi.

Ushbu musobaqaning asl maqsadi:
◾ xodimlar o‘rtasida do‘stlik va sog‘lom raqobat muhitini mustahkamlash,
◾ jamoaviy ishlash ko‘nikmalarini yanada kuchaytirish,
◾ ish muhitida motivatsiya, energiya va sog‘lom turmush tarzini targ‘ib qilishdir.

Bu oddiy sport emas — bu RealSoftdagi yagona ruh, bir maqsad sari harakat, va barqaror jamoaviylikning aksidir.

Turnir davomida sizni eng yorqin lahzalar, qiziqarli gollar va haftalik natijalar bilan tanishtirib boramiz.

Kim eng barqaror va kuchli jamoa bo‘ladi?
Barchasi oldinda! Maydon hamon ochiq, chempionlik sari yo‘l esa — hozir boshlanmoqda!

RealSoft xalqaro Fraud Management dasturida ishtirok etdi

RealSoft kompaniyasining texnik direktori (CTO) Bekzod Saidov Gruziya poytaxti Tbilisi shahrida bo‘lib o‘tgan Fraud Management (firibgarlikka qarshi boshqaruv) bo‘yicha xalqaro o‘quv dasturida muvaffaqiyatli ishtirok etdi.

Mazkur o‘quv dasturi O‘zbekiston FinTex Assotsiatsiyasi hamda Loialte Academy hamkorligida tashkil etilgan bo‘lib, unda ishtirokchilarga zamonaviy antifrod tizimlari, davlat va xususiy sektorlar o‘rtasidagi ma’lumot almashinuvi, shaxsiy ma’lumotlar xavfsizligi, shuningdek, raqamli hukumat (e-Gov) xizmatlari bo‘yicha ilg‘or xalqaro tajribalar taqdim etildi.

⚡️ Ta’kidlash joizki, RealSoft kompaniyasi O‘zbekistonda raqamli xavfsizlikni ta’minlash, innovatsion texnologiyalarni joriy etish va xalqaro hamkorlikni kengaytirish yo‘nalishida izchil faoliyat olib bormoqda.

🏆 REALSOFT CUP 2025 kubogi o‘z egasini kutmoqda!

Final yaqin. Jamoalar tayyor, hayajon esa eng yuqori nuqtada!
Endi esa faqat bitta savol qoldi: uni kim yutadi?

💬 Sizningcha qaysi jamoa g‘alaba qozonishi mumkin? Izohlarda yozib qoldiring!

‘ladi

RealSoft kompaniyasiga Janubiy Koreyaning bir guruh malakali ekspertlari tashrif buyurishdi.

Uchrashuvdan ko’zlangan maqsad sun’iy intellekt (AI) texnologiyalarining O‘zbekistondagi rivoji, texnologik salohiyati va amaliy ahamiyatini o‘rganish, shuningdek sun’iy intellektni sanoat, ta'lim va sog‘liqni saqlash kabi muhim sohalarga integratsiya qilish hamda sohada hamkorlik istiqbollarini belgilash tahlil qilindi.

RealSoft AI kompaniyasi rahbari Kamoliddin Soliyev Janubiy Koreya mutaxassislariga kompaniyaning "Bolalar Bog’chasi", "Raqamli Bozor", "Raqamli Maktab" kabi platformalariga sun’iy intellektning amaliy tatbiq etilishi, mazkur yo‘nalishlarda amalga oshirilayotgan ishlar va ularga ehtiyoj haqida ma’lumotlar taqdim etdi.

Shuningdek, uchrashuv doirasida Janubiy Koreya va O‘zbekiston o‘rtasida texnologik hamkorlikni mustahkamlash, qo‘shma loyihalar ustida ishlash va tajriba almashish bo‘yicha kelishuvlar ham muhokama qilindi.

RealSoft kompaniyasi va Indorama korporatsiyasi vakillari bilan uchrashuv bo'lib o'tdi.

Uchrashuv davomida ikki tomonlama hamkorlikni rivojlantirish masalalari muhokama markazida bo'ldi.

Asosiy e'tibor Smart Office platformasidan foydalanish imkoniyatlariga qaratildi. Platforma korporativ jarayonlarni avtomatlashtirish, samaradorlikni oshirish va resurslardan unumli foydalanishga yordam beruvchi ilg‘or yechimlar sifatida namoyish etildi.

Indorama korporatsiyasi vakillari Smart Office platformasining qulayliklari va imkoniyatlari bo‘yicha o‘z fikr-mulohazalarini bildirishdi.

Uchrashuv natijasida o‘zaro manfaatli hamkorlikni mustahkamlash va platformadan foydalanish bo‘yicha dastlabki kelishuvlarga erishildi.

Bu muzokaralar ikki tomonlama aloqalarni yangi bosqichga olib chiqishi va zamonaviy texnologiyalarni qo‘llash orqali biznes jarayonlarini yanada takomillashtirishga xizmat qilishi kutilmoqda.