Santa Rosa Methodist Church

NA KENA I VAKAMACALA:
Na i talanoa ni nona veivakaduavatataki na Kalou vei Juta kei Isireli me yaco me rau matanitu vata tale. Nai tukutuku oqo sa vakabibitaki kina na veivakaduavatataki ni tamata e Isireli kei na kena vakalesui mai vei ira na ka e ra sa vakayalia.

Na Kalou e cakava me ra vakalesui mai vei koya ko ira e ra sa lako tani mai vua. E vakaduavatataki ira, vakavouia na yalodra ka vakasinaiti ira e na
nona vakacegu. Sa vakatakila eke, ni Kalou e yalodina tikoga me vakabulai keda ka vakavouia na noda bula mai na i vesu kecega eda vesuki kina, se mani vakacava na kena dredre, e dau veisereki ka veivakabulai na Kalou.

E yalodina tikoga na Kalou me cakava na veisau ni veivakaduavatataki kei na veivakavoui kina noda bula.

Sa dua na i tukutuku bula vei keda na tamata vakabauta ena gauna bolebole eda lako curuma tiko e daidai, ni se rawa tikoga ni vakayacora na Kalou na veivakabulai kei na veivakaduavatataki ena keda maliwa.

ULUTAGA ME MASULAKI:
Me da masulaka na veivakaduavatataki ni tamata vakabauta.

NA KENA I VAKAMACALA:
Noda lesoni ni kua e tukuni kina na nona masulaki ira na vakabauta ko Jisu ka dusia toka na bibi ni duavata ni yago i Karisito. Na nona veimaroroi na Kalou kei na nodra bulataka na vakabauta, na loloma kei na vakarokoroko e na bula ni veiwekani kei na veitokani e na loma ni lotu.
E da sa kacivi me da toso e na bula ni veilomani, veinanumi, kei na veikauwaitaki ka vakatakilai kina na loloma titobu ni Kalou. Me vaka ni da sa veitiki ni yago i Karisito, sa gadrevi kina na noda cakacaka vata kei na noda veitauriliga ena kena cakacakataki na lotu i Jisu.
Na lotu e nona na Kalou, ka sa gadrevi kina na noda duavata me da maroroya kina na nona sa dau tiko ka vakayaço ka na Kalou ena noda bula.
Ni dau basika na duidui, ena dau yaco na veisei kei na tatawasewase ena noda i tikotiko ka da na calata kina na nona veivakalougatataki na Kalou.

ULUTAGA ME MASULAKI:
Me da masulaka na duavata e na loma ni lotu.

NA KENA I VAKAMACALA:
Na lesoni ni kua e vakabibitaka Ko Paula na kena bulataki na bula va-Kalou kei na loloma. E vakaraitaka na nona loloma ena nona solia na nona bula me mate me rawa ni da vakabulai na tamata. Sa vakabibitaki e na tikina oqo na kena bulataki na loloma, loma savasava kei na yalo savasava, ka cikevi ira na tamata vakabauta me ra qarauni ira mai na i tovo kei na vosa e sega ni vakarokorokotaki kina na Kalou.

Era sa kacivi me ra rarama kei vuravura me ra matanataki Jisu kei na nona bula. Eda sa kacivi na tamata vakabauta me da vakasulumi keda e na loloma ni Kalou kei na nona dina e na veisiga. Sa dodonu kina me da bula e na nona loloma ka veivakatataki cake vei ira e ra vakabauta na Kalou, me ra cata na i valavala ca ka vakasaqara me ra vakarokorokotaka na Kalou,

ULUTAGA ME MASULAKI:
Me da masulaka me da matanataki Jisu ena noda bula ena veisiga.

NA KENA I VAKAMACALA:

Na lesoni ni kua e tukuna kina na Kalou na nona yalayala vei ira na Isireli e na nodra tiko vakabobula. E yalataka vei ira ni na vakabulai ira ka vakabula na nodra vanua ka na vakasuka tale mai vei ira na veika e ra sa vakayalia. E na vakasavasavataka na nodra vanua mai na i valavala ca ka na vadodonutaki ira e matana, me vaka e tukuni e na Jeremia 33:8" ka'u na vakasavasavataki ira talega mai na nodra i valavala ca era sa cala kina vei au; ia, au ka'u na bokoca na nodra i valavala ca kecega, era talaidredre kina vei au." Sa dusia na tikina qo na nona gagadre na Kalou me vosoti ira ka ciqomi ira na nona tamata, veitalia ga na nodra i valavala ca kei na nodra vuki tani mai vua.
Na noda Kalou e vutuniyau e na yalo vinaka kei na yalololoma. E nona gagadre titobu na Kalou me kauta mai na veivakabulai kei na nona vakalesuya mai na veika sa yali vei ira na Isireli. E dau veivosoti ka veiciqomi na Kalou ni da veivutunitaka na noda i valavala ca.

ULUTAGA ME MASULAKI:
Me da masulaka nona veivakabulai kei na nona veivakavoui na Kalou ki na noda bula.

NA KENA I VAKAMACALA:
Ena noda lesoni edaidai, eda sarava kina na nodrau dinata ko Josefa kei Meri na nodrau lawa vaka-Jiu me rau kauta na nodrau ulumatua tagane me laki vakacabori me vaka na lewa ni vunau. Na nodrau laki vakacaboisoro me baleta na gone ko Jisu e vakaraitaka na nodrau talairawarawa kei na lotu dina.
Ena valenisoro erau sotavi Simioni o koya sa vakarautaka na Kalou na Yalo Tabu me mai keveta ka vakadinadinataka na i Vakabula, na Mesaia me baleta na tamata kecega e vuravura.
Na vosa nei Simione e vakadeitaka na nona i tuvatuva na Kalou ena nona cakacaka levu ni veivakabulai me baleti vuravura. Na veisotari oqo e bulia cake na veivakadeitaki ni veiqaravi nei Jisu me baleta na matanitu ni Kalou e vuravura.
Na nona mai vakacabori ko Jisu oqo e dusia ka vakananumi keda tale meda raica na nona cakacaka ni veivakabulai kei na veisereki na noda Kalou mai ljipita. Sa ka bibi kina vei keda na tamata vakabauta Vakarisito me da solia taucoko na noda bula vua na Kalou.
Me da sa i vakadinadina bula ni nona sa tiko na kaukauwa ni Yalo Tabu ki na noda bula me rawa ni da cakacakataka kina na lomana ena vanua eda
tiko kina.

vou."
NA KENA I VAKAMACALA:
E vakaraitaka toka ko Paula ena lesoni ni kua ni loloma ni Kalou e sega ni solia na veivakadonui me da caka cala tikoga. E vinakati kina na bula e veisau e taucoko. Ena veipapitaisotaki eda sa vakaturi kina me da mate vata kei Karisito, ka biuta tani na noda bula makawa, ka vakatucaketaki vata kei Karisito kina dua na bula vou. Sa dua dina nai tukutuku veivakaugeti ni gauna eda sa papitaisotaki kina, eda sa duavata kina nona mate kei na nona tucake tale.
Eda sa biuta tani tu mai na noda bula makawa, ka laveti meda bulataka na bula veisau mai na noda i valavala makawa kina bula vou. Sa sega ni qai vesuki keda tiko nai valavala ni bula makawa, ia, eda sa curuma edua na i nuinui vou, naki vou, kei na kaukauwa ni lako vata kei na loloma levu ni Kalou. Eda sa vakananumi ni da muri mawe ni yava i Karisito, sa sega walega ni da vakatokai meda tamata vakabauta, ia, sa tukuna na bula eda bula kina, ni da sa tamata vakavoui e loma.
TARO:
1. Na cava na kena i balebale ni da sa mate ki na i valavala ca? (t.2)
2. Vakamacalataka na tikina e tolu?
3. A cava na kena i balebale me da bulataka na bula vou? [t.4]

ULUTAGA ME MASULAKI:
Masulaki na bula vakayalo ni tamata lotu.

NA KENA I VAKAMACALA:
E sega ni galu na daunivolavola me vakaraitaka na i tukutuku vinaka
ni veivakabulai ni Kalou. E mai vakadewataka ko Jisu Karisito ena nona lako mai ki vuravura. Na lesoni oqo, e tukuni tiko kina na bula ni tamata i valavala ca, ka da sa mai okati kece kina na tamata kecega ena vuravura oqo. Sa mani yaco me vakakina me na mate na tamata vakayaduaga ni sa okati me i valavala ca ena vuku ni nona talaidredre.
Ni da raica ena rarama ni vakasama oqo, ni sa sega ni okati na i valavala ca ni sa sega na i vunau. la, na gauna nei Atama, me yacova na gauna nei Mosese sa dauveitalia ko mate, vei ira talega era sa sega ni valavala ca me vaka na talaidredre nei Atama.
E sa ka bibi meda cakacaka vakadodonu, ka me tiko talega veikeda na bula ni talairawarawa. Ko Jisu Karisito duadua ga e noda i nuinui, ka tiko na noda digidigi me da qaravi koya ena yalo dina.
TARO:
1. Na cava ko vakila ena gauna ko tawase tani mai kina vei ira era lomani iko?
2. Ko bau kila li ni rawa ni ko vakabulai?
3. E rawa beka mo soli bula vei Jisu Karisto edaidai?

ULUTAGA ME MASULAKI:
Me ra masulaki na noda tabagone ena gauna bolebole era donumaka tiko oqo.

NA KENA VAKAMACALA:
Ena rarama ni veika e vola ka vakataudeitaka ko Paula, e dusia kina ni noda vakabauti Jisu Karisito sa raica kina na Kalou ni da sa dodonu vua.
Eda sa sega tale ni veimecaki kei koya, ia, eda sa veivinakati ga kei na Kalou. E vukei keda ko Jisu meda bula ena nona loloma, ka solia veikeda na i nuinui e sega ni mudu.
Ena gauna ni dredre, na veika rarawa eda sotava, e vukei keda meda kaukauwa, yaloqaqa, ka vakanuinui duaduaga vua na Kalou, baleta ni sa
vakasinaiti na lomada ena loloma ni Kalou na Yalo Tabu.
Na ka talei duadua, ni mate ko Jisu Karisito ena vuku ni noda i valavala ca. E dina kina na levu ni nona loloma ena vuku ni nona mate kei na nona bula, eda sa veivosoti kei na Kalou ka vakabulai. Ogo eda sa rawa ni marau baleta ni sa vakalesui tale na noda veiwekani kei na Kalou.
TARO:
1. Sa bau veivinakati kei na dua e caka cala vei iko?
3. la, na ca na na na na me da veiinakati kina kei na Kalou?

ULUTAGA ME MASULAKI:
Me nanumi na veimatanitu era veivaluvaluti tiko, me soli na yalo ni veilomani kei na veivinakati.

NA KENA I VAKAMACALA:
Na tikina oqo e vakavotuya na nona vakabauta na yalayala ni Kalou vei Eparama. Ena gauna mada ga e se sega ni rawa kina na sala me rokovi kina na vakabauta kei na valavala dodonu.

la, na tikina oqo e vakabibitaki kina na veivakabulai kei na veivakalougataki e yalataki vua. E yali se sega ni tukuni eke na kena maroroi na lawa. E ciqomi na veivakabulai kei na yalayala ni Kalou ena vakabauti ni vosa ni yalayala ni Kalou, ia, oqo e sega ni sala vata kei na lawa.
Na vosa ni yalayala vei Eparama, e sega ni yavutaki ena nona cakacaka, ena nona maroroya na lawa ena vakabauta duaduaga. Sa ka bibi me da kila ni rawati na veivakabulai ena vakabauta na yalayala ni Kalou, ka sega ena cakacaka ni vunau.
TARO:
1. E na rawa vakacava vei keda na tamata lotu Vakarisito me da i vakadinadina
ni vakabauta ena veivanua ena veigaravı kına!
2. Na sala cava me da muria me rawati kina na bula e vakabulai taucoko?

ULUTAGA ME MASULAKI:
Meda masulaka vua na Kalou, me da tamata vakabulai vakayalo, ka me da cakacakataka na noda vakabauta.

NA KENA I VAKAMACALA:
vakadeitaki keda ko Paa la kaddaki ena vakabauta kel na cakaaka. veil
ira eso na Jiu vakabauta, ko Eparama e vakadonui ena cakacaka. la, kevaka
sa vakadonui ko Eparama ena cakacaka, ia, ena mata ni Kalou e sega ni vakadonui. Na i vakamacala oqo e kunei na kena dina ena tikina e 3 kei na Vakatekivu 15: 6; na tikina oqo sa yavu dei ni nona vakadewataka na dina ko Paula.
(t.9-12) se na lawa (t.13-17). E vakadinadinataka na kaukauwa kei na dei ni vakabauta nei Eparama. E vakamatatataka vei keda kecega eda vakabauta
na dina ni noda vakadonui, sega ena vuku ni cakacaka, ia, ena vakabauta ga.
Na cakacaka ena saumi vakaiyau se vakailavo, ia, na vakabauta e soli ena loloma. E talei kina me da kila na tamata vakabauta ni veivakadonui e sega ni yavutaki ena cakacaka, ia, ena vakabauta ga. Sa baleta duadua ga na Kalou kei na nona loloma, kei na nona lomana na tamata i valavala ca.
Sa yavutaki na noda veiwekani kei na Kalou, ena nona loloma soli wale, ka me cigomi ena vakabauta.
TARO:
1. Cava ko nanuma me baleta na vakabauta ena t4 kei na t7-8?
2. Railesu ka vakasarava na i rairai ni nomu bula kevaka ko vakayacora tikoga eso na i vakarau ka sega ni salavata kei na nomu ciqomi Jisu me nomu
Turaga kai Vakabula.

ULUTAGA ME MASULAKI:
Me da dau veiciqomi ka veivosoti.