Coach Oko

50-60 жил ханилсан хосуудын залууст өгөх 11 үнэт зөвлөгөө

"Залуу насандаа өөртөө ямар зөвлөгөө өгөх байсан бэ?" гэх асуултад тэд ийнхүү хариулжээ.

1. Хайр дурлалд "Оноо" бүү тоол. Онооны самбар зөвхөн спортод л хэрэгтэй, гэр бүлд биш. "Би тэгсэн, чи ингэсэн" гэж тооцоо бодох хэрэггүй. Энэ бол тэмцээн биш.

2. Өөрийн гэсэн хүсэл сонирхлоо хадгал. Гэрлэлт гэдэг нь хувь хүн байхаа болино гэсэн үг биш. Өөрийн гэсэн хобби, хүсэл тэмүүлэлтэй байх нь харилцааг улам үнэ цэнтэй болгодог.

3. Үргэлж 50/50 байна гэж үгүй. Зарим өдөр чи 90% хичээж, нөгөө хүн чинь 10% л чадна. Заримдаа эсрэгээрээ. Гол нь хоёулаа нийлээд 100% бүтэн байж, бие биеэ нөхөх нь чухал.

4. Болзохоо хэзээ ч бүү зогс. 91 настай ч эхнэрээ эргүүлсээр л бай. Гэрлэлт уйтгартай болдоггүй, харин та хоёр хичээхээ болихоор л уйтгартай болдог юм.

5. Хэрэлдээд жаргалтай болсон гэр бүл гэж үгүй. Асуудал гарах үед бие биетэйгээ биш, асуудалтайгаа хамтдаа тэмц.

6. Өөрийгөө хайрлаж байж л бусдыг хайрлана. Өөрийнхөө сэтгэл зүй, бие махбодыг гаргуунд нь бүү гарга. Та жаргалтай байж л гэр бүлээ, хамтрагчаа жаргалтай болгож чадна.

7. Хөндлөнгийн хүн бүү оролцуул. Найз нөхөр, эцэг эх, ажлын хүмүүст гэр бүлийн маргаанаа бүү ярь. Та хоёр маргааш нь эвлэрнэ, харин тэд хэзээ ч мартахгүйгээр санасаар байдаг юм.

8. Ханиа нэгдүгээрт тавь. Төрсөн гэр бүл, аав ээжээсээ илүү хань ижлээ урьтал болго. Энэ бол таны сонгосон амьдрал, таны бүтээж буй гэр бүл.

9. Бие биеийнхээ давуу талыг хүлээн зөвшөөр. Хэн нь юундаа сайн бэ, түүнийгээ л хийг. Нэг нь санхүүгээ барьж байхад, нөгөө нь өөр зүйлдээ лидер байж болно. Эрх мэдлийг хувааж сур.

10. Бусдын бодол хамаагүй. Та хоёрын хайр зөвхөн та хоёрынх. Хүн бүрд таалагдах албагүй. Зүгээр л бие биеэ тэврээд, өөрсдийнхөө жаргалыг бүтээ.

11. Эргэлзсэн үедээ зүгээр л хайрла. Хэрэв юу хийхээ мэдэхгүй эргэлзэж байвал зүгээр л хайрлахад буруудахгүй. Дэлхий ертөнцөд хайр хэзээ ч илүүдэхгүй.

Шинэ он 2026 ба Амжилт: Таны хамгийн хүчирхэг зэвсэг бол таны хань Шинэ он гарах гэж байна. Бид бүгд л ирэх жилийнхээ хувийн зорилго, эрүүл мэнд, бизнесээ төлөвлөхөд анхаарлаа хандуулж байгаа. Гэхдээ бид…

Мөнгөний тухай миний ойлгосон цөөн хэдэн үнэн:

Мөнгө бол хязгааргүй. Та өөрийгөө хязгааргүй их мөнгө олж чадна гэж төсөөлж, итгэж байж л хангалттай их мөнгө олдог.
Мөнгөтэй харьцах нь зуршил. Мөнгө олох, үрэх, хадгалах бол сурч болох дадал юм.
Хурдан ирсэн мөнгө хурдан явдаг. Харин өөрийн хөдөлмөрөөр, удаан босгосон мөнгө тантай удаан хамт байна.
Үнэнч шударга байдал урт хугацаанд хамгийн их мөнгийг авчирдаг.
Мөнгө танд цаг хугацааг худалдаж авч өгнө. Мөнгө аз жаргалд хүрэх саад бэрхшээлийг арилгаж чадна.

Мөнгө: Амьдралын зорилго уу? Залуу, гэнэн байхдаа би хамгийн баян хүмүүсээс л зөвлөгөө авах гэж гүйдэг байлаа. Харин одоо, арай жаахан ухаан суусан энэ хувилбар маань…

https://youtu.be/TsbVxMgB-vk?si=ycrfWs0A8HA0evbv

Coach Okod: Би NBA-ийн аварга Larry Bird-д pitch, бизнес найраа заах боломж олдсон Монголын startup community-ийн үндэслэгчдийн нэг, Techstars-ийн бүс хариуцсан захирал, high performance coach Д.Бат-Октябрь-тай хийсэн 2 цагийн амттай яриа. ...

https://youtu.be/rzVrdv3fCws?si=J5n9oePJ5SS9BfGp

ОЛОН АЖИЛ ЗЭРЭГ ХИЙХ НУУЦ! Coach Окогийн YouTube суваг. 7 хоног болгон шинэ мэдээлэл эрүүл амьдралын хэв маяг, бүтээмж, амьдралын хэлбэр, Өөдрөг хандлага янз янзын арга барилыг суралца...