Yummykitchen CAFE

നെല്ലിക്ക ഉപ്പിലിട്ടത് ഒന്നാന്തരമാക്കാൻ ഈ 3 കാര്യങ്ങൾ ശ്രദ്ധിക്കാം
കടയിൽ നിന്നും കിട്ടുന്ന അതേ രുചിയിൽ ഉപ്പിലിട്ടതു തയാറാക്കാൻ ഈ കാര്യങ്ങൾ ശ്രദ്ധിക്കാം.
തയാറാക്കുന്ന വിധം
3/4 കിലോ നെല്ലിക്ക നന്നായി കഴുകിയ ശേഷം ഒട്ടും വെള്ളം ഇല്ലാതെ തുടച്ചെടുക്കുക. ഒരു പാത്രത്തിൽ വെള്ളം വച്ചു ചെറിയ കുമിളകൾ വരുമ്പോൾ നെല്ലിക്ക ചേർത്ത് 2 – 3 മിനിറ്റ് വരെ (കളർ ഒന്ന് മാറുന്ന) മീഡിയം തീയിൽ വേവിക്കുക. അതിനുശേഷം വെള്ളത്തിൽ നിന്നും മാറ്റി തണുക്കാൻ വയ്ക്കുക.

തണുത്ത ശേഷം ഒരു ഗ്ലാസ്‌ ബോട്ടിൽ എടുത്തു ആദ്യം കുറച്ച് കാന്താരി /ചീന മുളക് /പച്ച മുളക് എന്നിവ നെടുകെ കീറി ഇട്ടു കൊടുക്കുക. പിന്നെ ഒരു 1/4 കപ്പ്‌ ഉപ്പ് ചേർക്കുക. അതിനു മുകളിൽ വേവിച്ച നെല്ലിക്ക ഇട്ടു അതിനൊപ്പം വെള്ളം ഒഴിക്കുക (നെല്ലിക്ക മൂടുന്നതു വരെ ). അതിലേക്കു 1 1/4 കപ്പ്‌ വിനാഗിരി കുറച്ച് കൂടി കാന്താരി /പച്ച മുളക് ചേർത്ത് നല്ല ഉണങ്ങിയ സ്പൂൺ കൊണ്ട് ഇളക്കി അടച്ചു വയ്ക്കുക. ഒരു മൂന്ന് ദിവസം കഴിഞ്ഞു തുറന്നു ഉപയോഗിക്കാം.

ചേരുവകൾ :
പച്ച മാങ്ങ -2
വറ്റൽ മുളക് -10 എണ്ണം
കറിവേപ്പില - ഒരു പിടി
വെളിച്ചെണ്ണ
ഉപ്പ്
കായം-1/4 ടീസ്പൂൺ

ഉണ്ടാക്കുന്ന വിധം :
1. പച്ചമാങ്ങ കനം കുറച്ച് നീളത്തിൽ അരിയുക
2. ⁠ഒരു ചട്ടിയിൽ വെളിച്ചെണ്ണ ഒഴിച്ച് ചൂടായിട്ടു വരുമ്പോൾ അതിലേക്ക് കറിവേപ്പിലയും വറ്റൽമുളകും ഇട്ട് വറുത്തുകോരി എടുക്കുക
3. ⁠അതേ വെളിച്ചെണ്ണയിൽ തന്നെ പച്ചമാങ്ങയും ഒന്ന് വറുത്തെടുക്കുക
4. ⁠ഇനി പച്ചമാങ്ങ ഒരു പ്ലേറ്റിലേക്ക് മാറ്റുക,അതിലേക്ക് വറുത്തെടുത്തിട്ടുള്ള കറിവേപ്പിലയും വറ്റൽ മുളകും മിക്സിയുടെ ചെറിയ ജാറിൽ ഇട്ട് പൊടിച്ചത് ചേർത്ത് കൊടുക്കുക
5. ⁠അതിലേക്ക് ആവശ്യത്തിന് ഉള്ള ഉപ്പും കാൽ ടീസ്പൂൺ കായപ്പൊടിയും പൊരിച്ചെടുത്തിട്ടുള്ള വെളിച്ചെണ്ണയിൽ നിന്ന് ഒരു ടേബിൾസ്പൂൺ കൂടെ ചേർത്ത് കൈ വെച്ച് നന്നാക്കി മിക്സ് ചെയ്തെടുത്താൽ നമ്മുടെ കിടു ഐറ്റം റെഡി 😋
____________________________

Ingredients:
Green mango -2
Dry chillies -10 pcs
Curry leaves - a handful
Cooking oil
Salt
hing-1/4 teaspoon

How to make:
1. Slice the green mango into thin strips
2. ⁠Pour coconut oil in a pan and when it is hot, add curry leaves and dry chillies and fry them.
3. ⁠Fry the green mango in the same coconut oil
4. ⁠Now transfer the green mango to a plate, add the fried curry leaves and dry chillies in a small jar of the mixie and grind them into powder.
5. ⁠Add enough salt and a quarter teaspoon of kaya powder to it Add a tablespoon of the roasted coconut oil and mix well with your hands, and our delicious item is ready😋

ഇതാണ് മക്കളേ മോര് കറി! മോര് കാച്ചുമ്പോൾ ഈ ചേരുവകൾ കൂടി ചേർത്തു ഒന്ന് ഉണ്ടാക്കി നോക്കൂ!

നെല്ലിക്ക – 5 എണ്ണം
തൈര് – 1/2 ലിറ്റർ
ഉലുവ – കുറച്ച്
ചെറിയുള്ളി – 10 എണ്ണം
കായപ്പൊടി – 1/4 ടീസ്പൂൺ

ആദ്യമായി അഞ്ച് നെല്ലിക്ക നല്ലപോലെ കഴുകി വൃത്തിയാക്കിയെടുത്ത ശേഷം നീളത്തിൽ കനം കുറഞ്ഞ രീതിയിൽ മുറിച്ചെടുക്കണം. ഒരു മൺചട്ടി അടുപ്പിൽ വച്ച് ചൂടാകുമ്പോൾ അതിലേക്ക് രണ്ടോ മൂന്നോ സ്പൂൺ വെളിച്ചെണ്ണ ചേർക്കണം. ശേഷം ഇതിലേക്ക് കുറച്ച് കടുകും ഉലുവയും ചേർത്ത് പൊട്ടിച്ചെടുക്കണം. ശേഷം അഞ്ചോ ആറോ വെളുത്തുള്ളി നെടുകെ കീറിയതും മൂന്ന് പച്ചമുളക് നെടുകെ കീറിയതും ഒരു കഷണം ഇഞ്ചി ചെറുതായി അരിഞ്ഞെടുത്തതും പത്ത് ചെറിയ ഉള്ളി ചതച്ചെടുത്തതും കൂടെ ചേർത്ത് നല്ലപോലെ വഴറ്റിയെടുക്കണം.

ശേഷം രണ്ട് വറ്റൽ മുളക് രണ്ടായി മുറിച്ചതും കുറച്ചധികം കറിവേപ്പില തണ്ടോട് കൂടെയും ചേർത്ത് നന്നായി വഴറ്റിയെടുക്കണം. അടുത്തതായി ഇതിലേക്ക് അര ടീസ്പൂൺ മുളകുപൊടിയും അര ടീസ്പൂൺ മഞ്ഞൾ പൊടിയും ചേർത്ത് നന്നായി വഴറ്റിയെടുക്കണം. ശേഷം കാൽ ടീസ്പൂൺ കായം പൊടിയും അരിഞ്ഞ് വച്ച നെല്ലിക്കയും മുക്കാൽ ടീസ്പൂൺ ഉപ്പും ചേർക്കുക. ശേഷം നന്നയി അടിച്ചുവെച്ച തൈര് ചേർക്കുക. കട്ടി കൂടുതൽ ആണെങ്കിൽ അര ഗ്ലാസ് വെള്ളവും കൂടെ ചേർത്ത് നന്നായി ഇളക്കിയെടുത്ത ശേഷം അടച്ച് വച്ച് ഉയർന്ന തീയിൽ രണ്ടോ മൂന്നോ മിനിറ്റോളം വേവിച്ചെടുക്കണം.