URDU INTERNATIONAL

فرانس نے برطانیہ، کینیڈا، آسٹریلیا، نیوزی لینڈ اور ناروے کے ساتھ مل کر اسرائیلی وزیرِ خزانہ بیزلیل سموٹریچ پر پابندیاں عائد کر دی ہیں۔ فرانس کے وزیرِ خارجہ ژاں نویل بارو کے مطابق سموٹریچ، آبادکار تنظیموں کے چار رہنماؤں اور 21 افراد کے فرانس میں داخلے پر بھی پابندی لگا دی گئی ہے۔

فرانسیسی حکومت کا کہنا ہے کہ یہ اقدامات مقبوضہ مغربی کنارے میں آبادکاری اور آبادکاروں کے تشدد کے تناظر میں کیے گئے ہیں۔ بارو کے مطابق سموٹریچ مغربی کنارے کے انضمام، نئی اسرائیلی بستیوں کے قیام اور فلسطینی اتھارٹی کو کمزور کرنے کی پالیسیوں کے حامی ہیں۔

سموٹریچ حالیہ مہینوں میں فرانس کی پابندیوں کا سامنا کرنے والے دوسرے اسرائیلی وزیر ہیں۔ اس سے قبل اتمار بن گویر پر بھی فرانس میں داخلے کی پابندی عائد کی جا چکی ہے، جبکہ برطانیہ، آئرلینڈ، سپین اور سلووینیا بھی ان دونوں وزرا کے خلاف اقدامات کر چکے ہیں۔

ڈی جی ایف آئی اے عثمان انور کے مطابق یورپی یونین اور دیگر ممالک نے غیر قانونی طور پر جانے والے پاکستانیوں کا معاملہ اٹھایا ہے، جس سے ملک کی بدنامی ہو رہی ہے۔

انہوں نے بریفنگ میں بتایا کہ رواں سال آذربائیجان وزٹ ویزے پر جانے والے 7 ہزار جبکہ بیلاروس جانے والے 580 پاکستانی واپس نہیں آئے۔ اسی طرح برطانیہ میں 10 ہزار افراد نے اسٹوڈنٹ ویزا کا غلط استعمال کرتے ہوئے پناہ کی درخواستیں دیں۔

ڈی جی ایف آئی اے کے مطابق 2025 میں 39 ہزار سے زائد افراد کو بغیر دستاویزات بیرونِ ملک جانے سے روکا گیا، جبکہ اسٹاپ لسٹ اور انٹرپول کے ذریعے 3 ہزار سے زائد افراد کو آف لوڈ کیا گیا۔

انہوں نے مزید بتایا کہ لیبیا سے 175 پاکستانیوں کو گرفتار کر کے واپس لایا گیا، جبکہ منظم بھکاری نیٹ ورکس اور جعلی دستاویزات کے کیسز میں نمایاں کمی ریکارڈ کی گئی ہے۔

بحرین نیشنل گارڈ کے کمانڈر ہز ہائنس جنرل شیخ محمد بن عیسیٰ بن سلمان آل خلیفہ نے راولپنڈی میں جنرل ہیڈکوارٹرز کا دورہ کیا اور فیلڈ مارشل سید عاصم منیر سے ملاقات کی۔

ملاقات میں علاقائی سیکیورٹی صورتحال اور دفاعی تعاون بڑھانے پر تبادلہ خیال ہوا۔ دونوں جانب سے پاک بحرین برادرانہ تعلقات کو مزید مضبوط بنانے پر اتفاق کیا گیا۔

انہوں نے نیول اور ایئر ہیڈکوارٹرز میں بھی الگ الگ ملاقاتیں کیں، جہاں دفاعی تعاون، سیکیورٹی اور جدید ٹیکنالوجیز پر گفتگو ہوئی۔

بحرینی کمانڈر نے پاکستان مسلح افواج کی پیشہ ورانہ صلاحیت اور خطے میں امن کے کردار کو سراہا۔

افغانستان میں بھارت کا ایجنڈا پاکستان کو غیر مستحکم کرنا ہے، سلامتی کونسل میں پاکستان کا مؤقف

ایران سے مذاکرات جاری، دو سے تین روز میں معاہدے کا امکان: ٹرمپ