Daaci TV

Sawiro Q2aad: Ardey ka qalin badelatay School ka Naafic ee qaybta farsamada gacanta

Sawiro Q1aad: Ardey ka qalin badelatay School ka Naafic ee qaybta farsamada gacanta

Ma maqashay maahmaahda tidhaahda: "Ku qabso ku qadi mayside"?

Ninka ugu taajirsan dunida, Elon Musk, oo hantidiisa lagu qiyaaso in ka badan $1.1 tiriliyan, ayaa maalmahan hadal-hayn badan dhaliyey kadib markii nin Afrikaan ah oo u dhashay Kenya, laguna magacaabo Kibero, kaas oo dad badani sheegeen inuu aad ugu eg yahay Musk, uu sheegay inuu elon musk dhalay.

Kibero ayaa ku doodaya inuu yahay wiilka curadka ah ee Elon Musk, isaga oo dalbaday in laga qaado baaritaanka DNA-da si loo xaqiijiyo sheegashadiisa. Wuxuu sheegay in hooyadii iyo Musk ay xiriir lahaayeen sagaashameeyadii, sida ay baahisay Arab News.

Dad badan ayaa is waydiinaya: ma run baa waxa uu sheegayo, mise hantida faraha badan ee Elon Musk ayuu damacsan yahay inuu qayb ka helo?

Su'aal kale oo ay dad badani is waydiinayaan ayaa ah: ma la arki doonaa Soomaali badan oo raadin doonta maalqabeenno ay u eg yihiin, si ay ugu andacoodaan inay qaraabo yihiin?

W/Q: Cabdiraxmaan Deeq

Qaar ka mid ah culimada gobolka Sool oo ku guda jiray safar dacwo ah ayaa maanta galay shil gaadhi. Sida wararka aanu helayno, dhammaan culimadaasi Ilaahay wuu badbaadiyey, xaaladdooduna waa wanaagsan tahay.

Sucuudigu wuxuu FIFA ka dalbaday in calankiisa aan dhulka la dhigin, maadaama uu xambaarsan yahay Kalimadda Towxiidka. Arrintaasi waxay dhalinaysaa su’aal mudan in la is weydiiyo: maxaa dhici lahaa haddii dhammaan dalalka Muslimiinta ay calankooda ku qori lahaayeen Towxiidka?

Haddii sidaas la samayn lahaa, waxaa adkaan lahayd in calamada dalalka Muslimiinta loo adeegsado siyaabo keeni kara meel-ka-dhac ama ixtiraam-darro, maadaama ay xambaarsan yihiin kalmadda ugu weyn Diinta Islaamka. Waxaa markaas lama huraan noqon lahayd in la dejiyo xeerar iyo habraacyo gaar ah oo lagu ilaalinayo karaamada calamadaas, iyada oo loo tixgelinayo Kalimadda Towxiidka ee ku xardhan.

Dhanka kale, Somaliland ayaa iyaduna ka mid ah wadamada calankooda ay ku qoran tahay Kalimadda Towxiidka, taas oo ka dhigaysa in ay tahay wadanka labaad ee sida muuqata calankeeda ku xardhay kalmaddan qiimaha badan.

Arrintani waxay xusuusinaysaa in marka calan lagu qoro erayo muqaddas ah, masuuliyadda ilaalintiisu ay ka weyn tahay tan calamada kale ee aan xambaarsanayn astaamo diini ah, maadaama uu calanku markaas noqayo astaan qaran iyo mid diini ah .