MOH Healthy Role Models
Share
Role Models for a Healthy Tonga Lead the revolution! Join the revolution, REGISTER NOW! You can lead the revolution!
Did you know that patients of healthy health workers have better outcomes, BUT a survey of 206 MOH staff found that 9 out of 10 felt they needed to exercise more, 1 in 5 smoked, and the most common foods eaten by MoH staff at work was noodles and keke! At registration you can: set your own goals; measure your weight, BMI, & waist; pick up a schedule of activities; and get some easy to use tools
🫗🫗👨👩👧👦👨👩👧👦
'Oku mahu'inga ma'u pe ke tau tokangaekina 'a e me'atokoni 'oku ma'u he longa'ifanau (Ko e hakau 'o e 'aho ni ko e fonua ia he kaha'u) 'Oku 'auhia hotau kakai 'i he mahaki 'ikai pipihi (NCD) Ko e mo'ui lelei ange 'a e longa'ifanau te tau ma'u ha fonua 'e to e mo'ui lelei ange.
12/06/2024
12/06/2024
Na'e fakahoko fatongia atu 'ofisa mei he va'a ngaue ki tu'a 'o e Potungaue Mo'ui mei he tafa'aki ki hono uki mo faka'ai'ai 'o e mo'ui lelei ki he taha 'o e ngaahi Ward LDS Kolomotu'a.
Na'e fakahoko ai 'a e talatalanoa mo fakalotolahi ki he nofo mo'ui lelei ma'u me'atokoni mo'ui lelei mo lahi fe'unga. 'Oku oatu heni 'a e fakamalo lotohounga mo'oni ki he ngaue fakataha 'oku tau fakahoko ki hono teke mo hono faka'ai'ai 'o e mo'ui lelei.
11/06/2024
TOKONI KI HE 'AHO NI ‼️
MALU'I KOE MO HO'O FANAU AKO MEI HE MOFI TENGI 🚫
Ko ha ngaahi founga faingofua 'eni te ke lava ala 'o fakahoko p**e ako, kau faiako mo e fanau ako 'i ho'o 'apiako ke fakasi'isi'i ai hono tufaki holo 'o e MOFI TENGI.
⚠️ Ki ha ngaahi faka'eke'eke , fetu'utaki mai pe ki he Va'a Tokangaekina Ngaahi Mahaki Pipihi, Falemahaki Vaiola, Fika Telefoni: 7400416.
11/06/2024
FANONGONONGO KI HE VAHE FONUA HA’APAI: TOUR ‘A E POTUNGAUE MO’UI KI HE KUATA SUNE.
***************************************************************
Ko e polokalama ‘a’ahi ‘eni (Island Tour) ‘a e timi mei he Potungaue Mo’ui ‘a e Vahe Fonua Ha’apai.
Koe ngaahi ngaue ‘eni ‘e fakahoko ‘e he timi ‘a’ahi ki he ngaahi ‘otu motu kotoa ‘o Ha’apai:
1. Talatala faka’aho (General Outpatient Consultation)
2. Kiliniki s**a, toto ma’olunga, pea mo e ngaahi mahaki ‘ikai ke pipihi (NCD)
3. Kiliniki ki he kau feitama (Antenatal Clinic)
4. Toketa nifo he timi tene fakahoko ‘a e sevesi ki he nifo (Dental Checkup)
5. ‘A’ahi kolo ‘a e ‘Inisipekita Mo’ui
6. Fakafo’ou ‘a e ngaahi fo’i ‘akau tauhi ‘a e kau kiliniki
7. Fakahoko ‘a e kiliniki mata
8. Kiliniki ki he mo’ui lelei ‘a e ngaahi fa’ee pea mo e pepe pea mo e huhu malu’i
Ki he kakai kotoa ‘o e vahe fonua ‘o Ha’apai, kemou fakatokanga’i mo faka’aonga’i ‘a e ngaahi ngaue ko ‘eni ‘e fakahoko atu he timi ‘a’ahi mei ho’omou Potungaue Mo’ui.
Faka’apa’apa atu,
Falemahaki Pilinisesi Fusipala,
Potungaue Mo’ui,
Pangai, Ha’apai.
10/06/2024
TOKONI KI HE 'AHO NI ‼️
MALU'I KOE MO HO'O FAMILI MEI HE MOFI TENGI 🚫
Ko e ngaahi faka'ilonga 'o e MOFI TENGI 'oku meimei a'u nai ki he 'aho 'e 7 pea a'u pe 'o laulau uike mo e mahina ka e tautautefito ki he langa hokotangahui.
Ko ha ngaahi founga faingofua leva 'eni te ke lava ala 'o fakahoko 'i ho'o 'api nofo'anga ke fakasi'isi'i ai hono tufaki holo 'o e MOFI TENGI.
KA 'OKU 'ALU KE KOVI ANGE 'A E NGAAHI FAKA'ILONGA : 'Oku fiema'u leva ia ke ke sio ki he toketa he vavetaha.
⚠️ Ki ha ngaahi faka'eke'eke , fetu'utaki mai pe ki he Va'a Tokangaekina Ngaahi Mahaki Pipihi, Falemahaki Vaiola, Fika Telefoni: 7400416.
09/06/2024
TOKONI KI HE 'AHO NI ⚠️
MALU'I KOE, MALU'I AU, MALU'I MO TONGA ☺️
Kapau 'oku ke ma'u 'a e ngaahi faka'ilonga ko 'eni kataki fetu'utaki mai pe ki he Va'a Tokangaekina Ngaahi Mahaki Pipihi, Falemahaki Vaiola, Fika Telefoni: 7400416 pe ko ho'o a'u tonu mai pe.
*********************************
🥭🍏🍎🍐🍊🍍🥑👩🏫👨🏫
Mei he longa'i fanau 'o ako'anga Petani mei Ha'apai mo e poupou ki he tohi tu'utu'uni ki he me'atokoni 'oku mo'ui lelei ki he ngaahi ako.
🍏🍏🍏🍎🍎🍎🍎🍊🍊🍊🍊🍐🍐🍐🍐📖📖📖📖📖📖📖📖📖📖
Polokalama ki hono savea 'a e tohi tu'utu'uni ki he ma'u me'atokoni mo'ui lelei ki he ngaahi ako 'a ia na'e fakahoko 'ia ki he Fungafonua ('EUA)
********************************************************************
04/06/2024
04/06/2024
Taimalie kainga mei he Pakimoeto'i ( Lapaha) 'i he 'a'ahi na'e Fakahoko va'a ngaue ki tu'a 'o e Potungaue mo'ui ki hono talatalanoa mo hono fakamanatu ki he kolo 'eiki ni 'a e ngaahi founga ke tauhi'aki 'a e mo'ui lelei.
Na'e fakamanatu 'e he toketa ki he kainga ni 'a e fakamuimui taha 'o e mahaki Tengi 'i Tonga ni pehe ki he tafaki 'oku nau tokanga'i 'a e 'atakai 'a e ngaahi founga 'e malava ke tau'i aki 'a e mahaki ni 'ene mafola.
Na'e hoko 'atu ai pe ki hono talatala 'o e kainga ne nau lava ange ki he polokalama ma'u ai pe mo e ngaahi faito'o.'Oku toe pe kolo 'e ua mei he vahenga 10.Na'a ko ha faingamalie 'eni keke lava ange fanongotonu ki he ngaahi tokoni ko 'eni.
Click here to claim your Sponsored Listing.
Website
Address
Tofoa