FFTL

𝐀𝐌𝐈𝐙𝐀𝐃𝐄 𝐈𝐇𝐀 𝐅𝐀𝐌𝐈́𝐋𝐈𝐀 𝐅𝐔𝐓𝐄𝐁𝐎́𝐋 𝐈𝐍𝐓𝐄𝐑𝐍𝐀𝐒𝐈𝐎𝐍𝐀́𝐋

Momentu ida ne’ebé agradável entre Prezidente FFTL, Nilton Telmo Gusmão dos Santos, ho Prezidente FIFA, Gianni Infantino, molok asiste jogu finál FIFA ASEAN CUP 2026 entre Indonézia no Tailándia iha Estádio Utama Gelora B**g Karno, Jakarta, iha loron 5 Outubru 2026.

Futeból liu husi jogu iha kampu, maibé mos lori amizade, respeitu no relasaun di'ak entre ita hotu. Momentu simples hanesan ne’e mak sai parte importante husi família futeból internasionál.

𝐀𝐬𝐨𝐬𝐢𝐚𝐬𝐚𝐮𝐧 𝐅𝐮𝐭𝐞𝐛𝐨𝐥 𝐄𝐫𝐦𝐞𝐫𝐚 𝐄𝐧𝐬𝐞𝐫𝐚 𝐂𝐨𝐩𝐚 𝐉𝐮𝐯𝐞𝐧𝐢𝐥 𝟐𝟎𝟐𝟔 𝐒𝐮𝐛-𝟏𝟕

‎𝐅𝐅𝐓𝐋- Iha loron 2 Outubru 2026, Asosiasaun Futebol Ermera hamutuk ho Federasaun Futebol Timor Leste (FFTL) ensera ona Copa Juvenil 2026 Sub-17 ba Mane no Feto iha Kampo Futebol Glenu.

Serimónia ne'e reprezenta parte FFTL nian prezensa husi Kordenador Árbitrazem FFTL, Sr. Nivio da Costa Fernandes, Kordenador Membru Asosiasaun FFTL, Sr. Crisogno da Costa.
‎
‎Atividade Copa Juvenil ba Sub-15 no Sub-17 ne'e Asosiasaun Futebol Municípiu sira hamutuk ho FFTL realiza regularamente kada tinan ne'ebe ho objetivu atu promove talentu juvenil sira nian iha baze.

Serimónia enseramentu prezensa mós husi Administradór Postu Ermera, Ditetór Eskola Secundária Gerál Nino Konis Santa Gleno, Ermera, pontu vogal MJAK no responsavel klubu sira.

Copa Juvenil ne'e apoiu máximu husi FFTL no organiza direta husi Asosiasaun Futebol Ermera, ne'ebe konsegue la'o ho susesu tebes.

Espera ho atividade hirak ne'e bele dezenvolve di'ak liu tán futebol iha futuru.
‎
‎
‎
‎
‎
‎

𝐀𝐬𝐨𝐬𝐢𝐚𝐬𝐚𝐮𝐧 𝐅𝐮𝐭𝐞𝐛𝐨𝐥 𝐌𝐮𝐧𝐢𝐜í𝐩𝐢𝐨 𝐕𝐢𝐪𝐮𝐞𝐪𝐮𝐞 𝐄𝐧𝐬𝐞𝐫𝐚 𝐂𝐨𝐩𝐚 𝐉𝐮𝐯𝐞𝐧𝐢𝐥 𝟐𝟎𝟐𝟔 𝐒𝐮𝐛-𝟏𝟕

𝐅𝐅𝐓𝐋- Asosiasaun Futebol Município Viqueque ensera ona Copa Juvenil Sub-17 ba Mane no Feto iha loron 26 Setembru 2026.

Iha serimónia enseramantu, Diretór Marketing FFTL, Sr. Janio Tilman informa katak, Prezidente FFTL, Sr. Nilton T. Gusmão dos Santos labele marka prezensa tanba, okupadu hela ho atividade balun iha rai liúr.

Nune'e, Diretór Marketing no Komunikasaun, Sr. Janio Tilman enome FFTL hakarak hato'o agradese ba reprezentante Prezidente Autoridade Município Viquque, Pontu Vokal MJDAK, CDTL, PNTL, parte hotu-hotu ninia prezensa, tanba prezensa ne'e hanesan depozitu konfiasa seriu ba FFTL oinsá atu halo espansaun liu tán ba atividade desportiva iha nivel Município.

Ho programa hirak ne'e, parte FFTL mós dadaun halo esforsu atu kria kondisaun liuhusi reábilitasaun Estádiu Municipál Dili atu fó espasu ba alin jogadór Sub-17 sira bele uza iha futuru.

Hakarak klareza liu tán ba programa Copa Juvenil katak, jogu Sub-15 ne'e hanesan espasu ida ba alin jogadór sira atu promove nafatin talentu ne'ebe iha ona no jogu ba Sub-17 la'ós to'o de'it iha Município, maibé sei iha oportunidade ba rezional no nacional.

Espera ekipa Sub-17 husi Município Viqueque mós bele hakat ba kompetisaun rezionál no nacional iha tempu tuir mai.

Bainhira to'o iha nivel nacionál, parte FFTL mós prepara hela treinadór sira atu akompaña hodi fihir alin jogadór sira nia talentu, karik balun prestasaun di'ak, treinadór bele hili ba reforsa klubu Mane no Feto Liga Timorense nian.

Ho oportunidade hirak ne'e hotu mak hakarak husu ba alin jogadór sira atu disiplina iha tempu hodi hadi'a aan nafatin ba futuru.

Tanba dadaun iha palku international, Timor-Leste mós hetan oportunidade atu partisipa jogu la'os de'it selesaun nacionál seniór, maibé hahú mós husi sub-15, sub-17, sub-19 no sub-23.

Dala ida tán agradese ba lideransa sira iha Município Viqueque tanba, ho kooperasaun no kolaborasaun hotu mak halo futebol iha Município Viqueque la'o ho pas no estabilidade ida furak tebes.

Ikus liu, hakarak hato'o agradese wa'in mós ba Prezidente Asosiasaun Futebol Município Viqueque, Sr. Jaime Sarmento ho nia estrutura tomak ne'ebe esforsu makas hodi konsegue organiza jogu Copa Juvenil 2026 Sub-15 ho Sub-17 ho susesu.

Serimónia enseramentu ne'e, prezinsa direta husi Diretór Kompetisaun FFTL, Sr. Janio Tilman akompaña husi Kordenadór Dezenvolvimentu Asosiasaun Membru FFTL, Sr. Crisogno da Costa, Kordenadór Árbitrajem FFTL, Sr. Nivio Fernandes, Reprezentante Prezidente Autoridade Municipál Viqueque, PNTL, Pontu Vogal MJDAK Município Viqueque, CDTL, CVTL, Timor Telecom no responsavel klubu sira hotu.

🇹🇱 FULL-TIME 🇹🇱

FIFA ASEAN Cup 2026
🇹🇱 Timor-Leste 2–2 Cambodia 🇰🇭

VAMOS, TIMOR-LESTE! 🐊 ⚽

⏸️ HALF-TIME

FIFA ASEAN Cup 2026 🇹🇱⚽

🇹🇱 Timor-Leste 1 – 2 Cambodia 🇰🇭

VAMOS, TIMOR-LESTE! 🇹🇱 ❤️

🇹🇱 STARTING XI IS READY! 🔥

The battle begins! 💪 ⚽
🇹🇱 Timor-Leste vs 🇰🇭 Cambodia

VAMOS, TIMOR-LESTE! 🔥

🇹🇱 MATCH DAY #2 🇹🇱

🏆 FIFA ASEAN Cup 2026

🇹🇱 Timor-Leste vs Cambodia 🇰🇭

📅 Wednesday, 30 September 2026
🏟️ Kai Tak Stadium, Hong Kong
⏰ 18:00 OTL

VAMOS TIMOR-LESTE! 🇹🇱🔥⚽

𝐅𝐅𝐓𝐋 𝐏𝐚𝐫𝐭𝐢𝐬𝐢𝐩𝐚 𝐒𝐞𝐫𝐢𝐦ó𝐧𝐢𝐚 𝐀𝐛𝐞𝐫𝐭𝐮𝐫𝐚 𝐉𝐨𝐠𝐮 𝐂𝐨𝐩𝐚 𝐉𝐮𝐯𝐞𝐧𝐢𝐥 𝐒𝐮𝐛-𝟏𝟕 𝐈𝐡𝐚 𝐁𝐨𝐛𝐨𝐧𝐚𝐫𝐨.
‎
‎FFTL- Iha loron 26 Setembru 2026, Federasaun Futebol Timor Leste (FFTL) reprezenta husi Diretór Kompetisaun, Sr. João Campos partisipa serimónia abertura Copa Juvenil 2026 Sub-17 ba Mane no Feto iha Municípiu Bobonaro.

Kompetisaun ne'e apoiu husi FFTL no organiza direta husi Asosiasaun Futebol Bobonaro, ne'ebe partisipa husi klubu hamutuk (13) kompostu husi Mane (9) no Feto (4).
‎
‎Iha serimónia abertura ne'e, Diretór Kompetisaun FFTL, Sr. João Campos enome Prezidente Federação Futebol Timor Leste (FFTL) Sr. Nilton Telmo Gusmão dos Santos hato'o nia felisitasaun ba Prezidente Asosiasaun Futebol Bobonaro ho nia estrutura tomak ne'ebé servisu makas hodi realiza ona Copa Juvenil 2026, Sub-15 no Sub-17 ba Mane no Feto.

Diretór Kompetisaun FFTL informa katak, parte FFTL fó prioridade ba Copa Juvenil Sub-15 no Sub-17 ho hanoin ida hakarak, parte FIFA, AFC no mai FFTL to'o iha Asosiasaun Futebol sira atu sai fileira ida de'it hodi dezenvolve talentu foinsa'e nia ba futuru.
‎
‎Tanba ne'e, la haluha hato'o agradese wa'in ba Prezidente Autoridade Munisípiu Bobonaro, Komandu PNTL Munisípiu Bobonaro, prezidente klubu sira hotu, Inan-Aman ne'ebé esforsu makas hodi apoiu oan sira partisipa iha eventu sira ne'ebé hala'o iha Bobonaro.
‎
‎Nune'e husu ba joven foinsa'e sira aproveita didi'ak oportunidade ne'e, hodi hatudu imi nia talentu, tanba iha tempu tuir mai Bobonaro mak sei sai uma na'in ba eventu rezional 2026 nian.
‎
‎Husi programa hirak ne'e, FFTL hamutuk ho Asosiasaun Futebol sira hahú bibit ona joven foinsa'e sira sub-15 to'o sub-17 husi Munisípiu to'o Nasional, espera bele reforsa ekipa Selesaun Nasional iha futuru.

‎Iha ambitu serimónia abertura ne'e prezensa direita husi reprezentante Federasaun Futebol Timor Leste (FFTL), Diretór Kompetisaun, Sr. João Campos, Prezidente Asosiasaun Futebol Bobonaro, Sr. Marçal dos Santos Vicente ho nia estrutura tomak, Prezidente Autoridade Munisípiu Bobonaro, Sr. Paulo Moniz Maia, no reprezentante Komandu PNTL Munisípiu Bobonaro.

‎
‎
‎
‎
‎

FFTL Partisipa Serimónia Abertura ba Copa Juvenil 2026 Sub-17 Iha Liquiça

FFTL- Reprezentante Federasaun Futebol Timor-Leste (FFTL), Diretór Kompetisaun Sr. João Campos akompaña husi kordenadór Selesaun Nacional, Sr. José Fonseca partisipa serimónia abertura Copa Juvenil 2026 ba Mane no Feto iha Municípiu Liquiça, loron 22 Setembru 2026.

Copa Juvenil ne'e, apoiu husi FFTL no organiza direta husi Prezidente Asosiasaun Futebol Liquiça, Sr. Carlito da Costa A. Correia ho nia estrutura tomak, ne'ebe partisipa husi klubu 12, kompostu husi Mane 8 no Feto 4.

Iha serimónia abertura, Diretór Kompetisaun FFTL, Sr. João Campos hato'o agradese ba lideransa Asosiasaun Futebol Liquiça, prezidente klubu sira, tanba konsege organiza juvenil sira hodi partisipa iha eventu ne'e.

Tuir Diretór Kompetisaun katak, atu organiza jogador ka ita nia oan sira la'os fasil, maibé prezidente klubu sira iha duni responsabilidade hodi halibur joven sira mai tuir atividade ne'ebe iha benefísiu ba ita nia rain.

Kompetisaun Copa Juvenil ba sub-15 ho sub-17 importante tebes tanba, ida ne'e hanesan espasu ida ba sira atu kaderniza aan oinsá atu sai mós jogadór di'ak iha futuru.

Tanba ne'e, parte FFTL foti Copa Juvenil Sub-15 no Sub-17 sai nu'udár programa prioridade hodi hala'o regularmente kada tinan iha Asosiasaun Futebol Municípiu sira.

Nune'e husu ba alin jogadór sira atu aproveita didi'ak espasu hirak ne'e hodi kontinua dezenvolve talentu ne'ebe iha atu bele mós sai jogadór kualidade ba selesaun nacional iha futuru.

Ikus liu hakarak agradese ba autoridade municipál, PNTL, Inan-Aman no parte hotu ne'ebe fó ona ninia kontribuisaun direta no indereta ba programa Copa Juvenil 2026 iha Liquiça.

Tanba ho kontribuisaun hirak ne'e hotu mak sei lori susesu ba dezenvolvimentu futebol liuliu ba atividade sub-15 no sub-17 iha Liquiça.

Serimónia ne'e, prezensa mós husi reprezentante Autoridade Municipál Liquiça, PNTL, FFDTL no responsavel klubu sira hotu.