Pajau Shiga

Hpyen Masa A Majaw Indaw Ginra Na NUG Jawng Ni Hpaw Na Matu Yak Nga

Pajau Media
5 June 2026.

Jawng hpaw ten du taw sai rai tim hpyen masa a majaw Jinghpaw Mungdaw-Sagaing jarit Indaw ginra hta NUG asuya jawng ni hpe atsawm bai nlu hpaw shi ai lam ginra masha ni tsun ai kawn chye lu ai.

Lai wa sai shaning hkan Indaw ginra ting hta hpaji jawng ni hpe tsa lam shadang 80 du hkra lu hpaw wa ai rai tim ya ten hta gaw hpyen masa a majaw ginra simsa lam nnga ai majaw jawng atsawm bai hpaw lu ai masa nre hpe chye lu ai.

Dai majaw nkau ja gumhpraw lu ai jawng ma kanu kawa ni gaw tinang kasha hpaji lam a matu Monyin-Mandalay-Yangon zawn re muklum kaba hkan jawng sa tawn da nna, nkau gaw NUG asuya jawng hpaw na masa hpe la yu nga ai hpe chye lu ai.

Yaten hta Indaw-Naba lam maw shara, Naba, Mawlu, Indaw-Kata-Mawlu lam hkan hta nga ai mare ni hpe lai wa sai April shata ka-ang hkan kaw na Myen hpyen dap ni bai lu uphkang ai hpang asuya hpaji jawng ni mung bai hpaw hpang taw sai lam chye lu ai.

Shiga-Hpring

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/12629

website ; https://www.pajau.net/

Myitkyina - Sumpra Bum - Putao Lam Hta Myen Hpyen Dap Hte Seng Ai Rai Ni Nmai Htaw Ai Hpe Puta-O PDF Kawn Sadi Jaw Ai Lam

Pajau Media
5 May 2026.

Myitkyina - Sumpra Bum - Putao lam hta Myen hpyen dap hte seng ai rai hpe dai ni June 5 ya shani kaw na nmai htaw shalai sai hpe Putao ginra PDF (People Defence Force PUTAO) kawn sadi jaw ndau da ai re.

Myen hpyen dap gaw hkrun lam hkawm mung shawa ni a mawdaw ni hte hpyen shamu shamawt ai lam ni, hpyen hte seng ai rai ni jahpring ai lam hta jai lang ai majaw hpyen dap hte seng ai rai ni hpe htaw ai ni, Non-CDM ni hpe htaw ai hte Myen hpyen la ni hpe htaw shalai ai hpe tsep kawp n galaw na matu jaja ninghkap ai lam ndai laika hta lawm ai re.

Ndau da ai lam ni hpe nhkan nang ai masha, uhpung ni hpe PDF hpung kawn hpang e byin wa ai lam ni hpe lit la na nre ai hte jaja ahkyak la mat na hpe mung sadi jaw da ai.

Lai wa sai May shata htum hkan laman Myen hpyen hpung gaw nta jawn mawdaw ni hte Myitson Tanghpare dap shara maga masha galai ai hte hpyen n-gun jahpring ai ni galaw wa nna Lamung Zup shagyit hta mung shawa n-gun jat da ai hpe ginra masha ni kawn chye lu ai.

Lamung Zup shagyit hta ndai laman lai hkawm ai masha yawng ngu na daram hpe san jep ai ni grau galaw nga ai hpe mung chye lu ai.

Shiga-Htu Seng

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/12628

website ; https://www.pajau.net/

Shwegu Ginra Hta Nbungli Bawm Gap Gasat Ai Majaw Mung Shawa Marai Masum Asak Si Sum

Pajau Media
5 June 2026

Jinghpaw Mungdaw Shwegu ginra kata Myen hpyen dap kawn mung shawa tsi rung hte uphkang rung shara hkan nbungli bawm wa gap gasat ai majaw mung shawa yawm htum marai masun asak si sum nna, tsi rung mung hten za wa ai hpe chye lu ai.

June praw 4 ya jahpawt hkying 8 ram hta Shwegu ginra, Sitar mare de Myen hpyen dap kawn jet fighter hte bawm 4 lang wa gap gasat ai majaw mung shawa marai 3 asak si sum nna, dum nta ni mung hten za ai lam chye lu ai.

Bawm kapaw ai majaw Sitar mare na KBC nawku jawng makau hta nga ai Bum Bari Bum tsi rung hta mung bawm 3 lang wa hkra nna wan hkru hten za mat ai re.

Bawm hte wa gasat ai ten tsi rung kata hta nga ai machyi masha hte tsi Sr/Srn ni gaw tsi rung shingdu de aten dep lu hprawng mat wa ai majaw hkra hkala lam nnga ai sha lawt lu wa ai hpe ginra masha langai tsun ai kawn chye lu ai.

Ya ten Sam mung dingdung Mabein ginra maga kaw na hpyen n-gun 700 kaw na 800 ram nga ai hpyen lam masa gaw Shwegu ginra kata hta nga ai Hk.L.Y 56 dap dung de hpyen n-gun jahpring na matu May shata praw 5 ya shani hkan na Shwegu, Nga Oo lam hku htu shadut lung wa ai re.

Bawm wa gap gasat ai shara hta hkrum majan nnga ai sha mung shawa ni nga ai shara hta nbungli bawm wa gap gasat nna mung shawa hkra hkala si sum nna dum nta ni hten za wa ai hpe chye lu ai

Shiga-Htu Seng

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/12625?single

website ; https://www.pajau.net/

Shwegu Majan Matut Laha Nga Ai Lam

Pajau Media
4 June 2026

June praw 3 ya jahpawt hkring manga jan ram hta Shwegu ginra lam braw mare hta KIA pawng hpawm hpung hte myen hpyen hpung ni hkrum majan bai byin nga ai hpe chye lu ai.

Myen hpyen dap Hk.M.Y (378-416-602), Hk.L.Y (56), T.M(88) dap hpung ni gaw lam braw mare hta ga lam hku hpyen htu shadut lung wa ai hta KIA pawng hpawm hpung gaw ninghkap gap gasat ai majaw majan laja wa ai hpe chye lu ai.

Lai wa sai June praw 2 ya shani jahpawt hkying 9 aten Shwegu ginra Manalay mare grup yin hta KIA pawng hpawm hpung hte Myen hpyen hpung ni majan byin wa ai.

Majan byin nga ai ten Myen hpyen hpung kawn jet fightwe hte 3 lang gap gasat wa ai sha n-ga Rocket Machine sinat ni hte mung gap karum wa ai.

Shwegu ginra hta ndai laman shani shagu ram lahkawng maga majan byin nga ai hta Myen hpyen hpung gaw drone, nbungli, laknak kaba ni hte mung gap gasat ai lam matut manoi galaw nga ai hpe chye lu ai.

Shiga-Htu Seng

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/12606

website ; https://www.pajau.net/

Lawnghkang, Mawsi Sa Mare Hkan Myen Hpyen Dap Kawn Laknak Madun Na Jahkrit Shama Damya Mya Nga Ai Lam

Pajau Media
3 June 2026

Jinghpaw Mungdaw Hpakant ginra Lawnghkang hte Mawsi Sa mare makau hkan Myen hpyen dap pawng hpawm hpung gaw mung shawa ni hpe laknak lang jahkrit shama galaw nna rai ni gashun la kau ai ni jahkring hkring galaw nga ai hpe ginra masha kawn chye lu ai.

Myen hpyen dap gaw Lawnghkang hte Mawsi Sa hkan nga ai mung shawa ni hpe san jep ai ni, dum nta hkan shang jep nna grumhpraw, cycle, phone hte manu dan rai ni hpe gashun damya la kau ai hpe chye lu ai.

Hpakant ginra kata Myen hpyen dap ni hpyen htu shadut shang wa ai hpang lahkawng maga majan mung jahkring hkring byin nga ai sha n-ga hpyen dap kawn mung shawa ni hpe makawp galaw nna laknak kaba majoi gap shadam ai ni mung matut manoi galaw nga ai.

Dai sha n-ga Myen hpyen dap gaw Hpakant ginra de Hpakant-Kamai lam hku hpyen mawdaw ni hte hpyen n-gun, laknak malu masha ni matut manoi htaw sa nga ai hpe mung chye lu ai.

Shiga-Hpring

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/12603

website ; https://www.pajau.net/

Shwegu Ginra Hta Majan Matut Maoi Byin Nga Ai Lam

Pajau Media
3 June 2026.

KIA masat 11 dap ba, masat 12 dap dung Shwegu ginra hta Myen hpyen dap hte Shanglawt dap a lapran majan matut manoi byin nga ai hpe chye lu ai.

June 2 ya shani jahpawt hkying 9 aten kaw na Shwegu ginra Mana Lay mare grup yin hta KIA pawng hpawm hpung hte myen hpyen hpung a lapran hkrum majan byin wa ai hpe chye lu ai.

Majan byin nga ai ten Myen hpyen dap kawn jet fighter hte bawm 3 lang wa gap ai sha n-ga Rocket Machine sinat hte mung gap karum wa ai hpe chye lu ai.

Shwegu ginra hta lai wa sai May shata praw kaw na KIA pawng hpawm hpung hte Myen hpyen hpung lahkawng maga hkrum majan byin wa ai gaw ya ten du hkra rai nna, lahkawng maga majan masa lam mung laja nga ding yang re hpe chye lu ai.

Shiga-Htu Seng

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/12598

website ; https://www.pajau.net/

May Shata Laman Mung Shawa Marai (49) Asak Si Sum Ai Lam

Pajau Media
3 June 2026

Myen Hpyen Dap a majaw May shata laman mung shawa marai (49) asak si sum mat ai hpe Assistance Association for Political Prisoners (AAPP) kawn dai ni ndau da ai re.

Asak si sum ai hta nbungli bawm a majaw marai (31), laknak kaba a majaw marai (8), sinat gap ai majaw marai (5), htawng kata machyi makaw byin ai majaw marai (3) hte naw sagawn nga ai marai (2) yawng pawng yang marai 49 nga ai hpe chye lu ai.

Dai sha n-ga atsawm tup hkrak chye na matu naw nga ai rai nna ndai laman asak si sum ai mung shawa marai (73) ram gaw atsawm chye lu na matu shagawn nga ding yang re hpe chye lu ai,

May shata laman mung masa a majaw rim hkrum ai mung shawa marai (7) mung nga ai re.

Dai sha n-ga Myen Hpyen Dap a nhtoi (100) masing gaw kaja wa simsa lam a matu nre ai sha mara kata ma ni, amyu shayi ni, hpaji jawng ni, hpung makam masham htingra ni hpe nbungli bawm gasat ai hte mung shawa ni hpe jahkrit shama lam hte uphkang na matu galaw nga ai masing re hpe ndau da ai re.

Shiga-Zau

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/12597?single

website ; https://www.pajau.net/

Myitkyina-Shwebo Lam Lapran Ramma Law Law Hpyen Lahkawn Hkrum Nga Ai Lam

Pajau Media
2 June 2026

Myitkyina-Shwebo lam lapran hta Myen hpyen dap kawn ramma law law hpe hpyen magam gun na matu hpyen lahkawn nga ai hpe chye lu ai.

Mandalay-Yangon ga de jawng lung wunkat lung na matu hkawm sa nga ai ramma ni hpe dap nu 33 kawm nta jawn mawdaw ni hte Myitkyina-Shwebo lam hte Shwebo, Sagaing, Monywa shara hkan hta mung hpyen lahkawn nga ai hpe chye lu ai.

Dai sha n-ga Myen hpyen dap kawn lu rim da ai ramma ni hpe bawng masha zawn lagaw kaw hpri sumri hte gyit da nna gawk kata rim bang da ai hpe chye lu ai.

Myen hpyen dap gaw ndai laman Sagaing hte Jinghpaw mung maga de hpyen n-gun ni, hpyen laknak ni, malu masha ni matut manoi jahpring nga nna majan gasat na matu shajin nga ai majaw ramma ni hpe mung hpyen magam gun na matu hpyen lahkawn ai lam ni ding yang galaw nga ai hpe chye lu ai.

Shiga-Hpring

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/12581

website ; https://www.pajau.net/

Masat (26) Dap Dung Ginra Na Lam Ni Hpe Nhtoi Ladaw Nmasat Ai Sha Pat Ai Lam

Pajau Media
2 June 2026

Ya ten majan masa lam a majaw shang lawt asuya KIA dap ba (9) masat (26) dap dung uphkang ginra kata na lam ni yawng hpe jahkring gan pat na hpe KIA kawn ndau da ai re.

May (31) ya kaw na masat (26) dap dung ginra Hopin-Chawng Wa hte Hopin-Nyawngpin matut da ai lam kaba ni nhtoi ladaw masat lam nnga ai sha pat da na hpe dap dung kawn ndau da ai hpe chye lu ai.

Ya ten hpyen masa a majaw ginra kata hkawm sa nga ai mung shawa ni hte gunrai htaw mawdaw kaji kaba, cycle, nta jawn mawdaw ni hkawm sa ai lam hpe jahkring gan pat da ai re.

KIA masat (9) dap ba ginra hta majan byin nga ai sha n-ga Myen hpyen dap mung hpyen htu shadut ai lam ni, mung shawa ni hpe san jep jahkrit shama ai ni matut manoi galaw nga ai lam chye lu ai.

Shiga-Htu Seng

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/12577

website ; https://www.pajau.net/