Pajau Shiga

India-Myen Mung Jarit Pang Sau Jarit G*t Lawk Bai Hpaw Sai Lam

Pajau Media
6 August 2026

Shaning 6 Ning ram na hkra pat tawn da ai India-Myen Mung jarit Pang Sau jarit g*t lawk hpe lai wa sai July 30 ya shani bai hpaw sai lam chye lu ai.

Pang Sau Pass g*t hpe 2020 ning COVID-19 ana byin ai hpang kap bra ana tsang ra ai majaw pat ra mat ai rai nna, ya bai hpaw ai lam gaw mungdan lahkawng a gunrai hpaga wuhpung ni hte asuya lit nga ai ni a lapran tsun bawng ban nna hpaw hpang wa ai lam chye lu ai.

Ya ten hta Myen Mung Pang Sau maga na ginra masha ni hpe India mung Nampong maga de lani mi hta marai 30 sha shang ahkang nga nna, gunrai htaw ai hta mung India maga de masat da ai lam nga ai lam hpe ginra masha ni tsun ai re.

Jarit hpaga lam bai hpang taw sai majaw India Mungdan na tsi mawan ni, gaw gap rai ni hte malu masha hta kaga arung arai ni htaw shalai mai nna, ginra kata hkai lu hkaisha mai ai rai ni hte htunghkring hte seng ai, lata hpaji hte seng ai rai ni hpe mung htaw shalai mai nga ai re.

Free Movement Regime (FMR) hku na jarit g*t lawk hpe shata shagu 10, 20, 30 ya shani hkan hta hpaw na rai nna, jarit kawn 10 Kilometres hkawm sa mai ai lam hte masat da ai hte hkrak ginra masha ni sha hpaga lu galaw na lam hpe chye lu ai.

Pang Sau Pass lai lam gaw India Mungdan Nampong hte Myen Mung de Jinghpaw Mungdaw hpe matut da ai rai nna, labau shang lam langai mung rai nga ai.

Lahkawng maga asuya na lit nga ai ni a tsun shana ai hku nga yang jarit g*t lawk bai hpaw hpang ai gaw ginra kata na hpaga lam rawt jat galu kaba na matu hte lahkang maga ginra masha ni a matu amyu htunghkring Matut mahkai lam, hpaga ahkaw ahkang lam ni hpe grau lu jaw na myit mada ai lam nga ai hpe chye lu ai.

Shiga-Ko Kyaw

Photo-Crd
============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/13323?single

website ; https://www.pajau.net/

Balamin Htin Mahkrai Hta Gunrai Ni Nlai Shangun Ai Hpe Lawan Hparan Ya Na Matu Ginra Masha Ni Ra Sharawng Ai Lam

Pajau Media
6 August 2026.

Bala Min Htin mahkrai hta gunrai htaw mawdaw ni hpe nlai shangun ai majaw hpaga galaw ai ni arang sum nga nna ginra kata hta mung gunrai manu ladu lai tsaw laja nga ai majaw dai manghkang hpe lit nga ai ni kawn lawan hparan ya na matu ra sharawng ai hpe mung shawa langai kawn Pajau Shiga dap de Shana wa ai re .

Myitkyina muklum hta malu masha nau manu laja nga ai majaw shan ni shawoi na zawn nlu sha ai sha n-ga namlaw namlap ni mung jinghpaw mung hta lamu marang masa a majaw nkaja na Miwa mung na sa ai malu masha ni hpe sha mari sha ra nga ai re.

Hkrun lam masa a majaw namlaw namlap ni yet hten nga ai sha n-ga Bala Min Htin mahkrai hta mung nlai shangun ai majaw arang sum nga nna, hka lam hku htaw na nga yang mung lam pat na rim nga ai majaw lit nga ai ni manghkang lu hparan ya na matu mungshawa ni ra sharawng nga ai re.

Gunrai manu ni nrawt rawt hkra galaw nga nna, ya nga yang Udi langai hta 1300ks, chyinghkrang joi mi 15000ks du hkra jaw ra nga ai majaw nta masha marai 4 nga ai dum nta hta lani mi nga shang gunhpraw 25000ks ram nnga yang Myitkyina muklum hta sakhkrung nga na matu yak nna bungli ni lu yak ai Myitkyina hta mayak law law hkrum nga ai hpe tsun da ai.

Myitkyina hta madung malu masha law malawng gaw Miwa mung hte Myen mung lawu daw kaw na shang ai Rai nna, Jinghpaw Mungdaw maga de na htaw wa ai gunrai ni gaw lam pat ai, lam hten ai lam a majaw gunrai law law yet hten ma ai re. Maga mi de Miwa de na mung Bala Min Htin mahkrai hta mung hpyi ai daram ahkun njaw yang nlai shangun ai majaw mayak hkrum nga ai hpe chye lu ai.

Ya ten hta Myitkyina muklun kata gunrai shang lam rai nga ai Mandalay lam hta mung majan masa a majaw pat tawn da nna Miwa mung maga de na gunrai shang lam Bala Min Htin mahkrai hta mung gunrai shang lam pat da ai majaw lit nga ai ni kawn hparan ya na hpe mung shawa ni ra sharawng nga ma ai.

Shiga-Zau

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/13314

website ; https://www.pajau.net/

Shwegu Majan Matut Manoi Laja Nga Ai Lam.

Pajau Media
5 August 2026.

KIA masat 11 dap ba, masat 12 dap dung Shwegu ginra na Shwe Bone Myint dap shara langai hpe KIA/PDF pawng hpawm hpung ni gasat zing la ai hpang Myen hpyen hpung gaw laknak kaba, nbungli ni lang nna laja lana gap gasat wa ai hpe chye lu ai.

August 4 ya shani Shwe Bone Myint dap shara langai hpe KIA pawng hpawm hpung ni gasat zing ai hpang Myen hpyen hpung gaw Jet nbungli Y -12 nbungli lang nna bawm gap gasat ai sha n-ga Shwegu de mung laknak kaba ni gap gasat wa ai hpe lam chye lu ai.

KIA kawn gasat zing la da ai shara gaw Shwegu sha n-ga Mandalay-Shwegu lam maw kaba ntsa kaw nga nna, August praw 3 shana daw hkying 3 aten kaw na Shwe Bone Myint dap shara hta lahkawng maga man hkrum majan byin laja wa ai re.

August 4 ya shani jahpawt jau hkying 1 aten du hkra Myen hpyen hpung kawn bawm 4 lang lahta wa gap gasat mat nna, Shwe Myint mare hta matut gap gasat mat ai majaw mung shawa langai asak si sum nna Hpunggyi langai mung asak si sum mat ai hpe chye lu ai.

Shiga-Htu Seng

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/13307

website ; https://www.pajau.net/

Myitkyina Muklum Hta Jawng Ma Shada Nhtu Galun Hkat Ai Lam

Pajau Media
5 August 2026.

Jinghpaw Mungdaw, Myitkyina muklum hta jawng ma shada nhtu galun hkat nna jawng ma langai ana sawng mat ai hpe ginra masha ni kawn chye lu ai.

Mabyin gaw mani August praw 4 ya jawng de rau sa na matu cycle hpang kaw hkan jawn wa ai wa gaw nhtu hte galun mat ai hpe chye lu ai.

"Jawng sa na ngu na sa mat ai hta shi gaw nye hpang kaw na hkan jawn nang na ngai hpe galun mat ai "nga nhtu galun hkrum ai jawng ma kawn tsun ai re.

Nhtu galun hkrum ai jawng ma gaw A.L.K 8 Grade 8 hta lung taw ai Mg Khant Thu Hein ngu ai wa rai nna lahpyan kaw 3 lang, baw hte shabyi kaw kalang hpra galun hkrum ai hpe chye lu ai.

Nhtu galun ai wa hte mung shada chye hkat nna A.Ht.K Ziun jawng Grade 12 lung taw ai wa re hpe chye lu ai.
Hpa majaw galun ai lam hpe gaw grai nlu shagawn shi nga ai re.

Shiga-Hpring

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/13304

website ; https://www.pajau.net/

Myitkyina Muklum Hta Jawng Ma Shada Nhtu Galun Hkat Ai Lam

Pajau Media
5 August 2026.

Jinghpaw Mungdaw, Myitkyina muklum hta jawng ma shada nhtu galun hkat nna jawng ma langai ana sawng mat ai hpe ginra masha ni kawn chye lu ai.

Mabyin gaw mani August praw 4 ya jawng de rau sa na matu cycle hpang kaw hkan jawn wa ai wa gaw nhtu hte galun mat ai hpe chye lu ai.

"Jawng sa na ngu na sa mat ai hta shi gaw nye hpang kaw na hkan jawn nang na ngai hpe galun mat ai "nga nhtu galun hkrum ai jawng ma kawn tsun ai re.

Nhtu galun hkrum ai jawng ma gaw A.L.K 8 Grade 8 hta lung taw ai Mg Khant Thu Hein ngu ai wa rai nna lahpyan kaw 3 lang, baw hte shabyi kaw kalang hpra galun hkrum ai hpe chye lu ai.

Nhtu galun ai wa hte mung shada chye hkat nna A.Ht.K Ziun jawng Grade 12 lung taw ai wa re hpe chye lu ai.
Hpa majaw galun ai lam hpe gaw grai nlu shagawn shi nga ai re.

Shiga-Hpring

Photo-Crd
============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/13301?single

website ; https://www.pajau.net/

Bala Min Htin Mahkrai Hta Gun Rai Htaw Mawdaw Kaba Ni Hpe Nlai Shangun Ai Lam

Pajau Media
4 August 2026.

Jinghpaw Mungdaw, Myitkyina hte Waimaw hpe matut da ai Bala Min Htin mahkrai hta gun rai htaw mawdaw kaba ni nlai shangun ai majaw hpaga galaw ai ni mayak hkrum nga ai hpe ginra masha ni tsun ai kawn chye lu ai.

Bala Min Htin mahkrai gaw Miwa mung na gun rai ni hpe Myitkyina hte Jinghpaw Mungdaw shara shagu de sa ai hta akyu jashawn ai mahkrai langai rai nna, ya na zawn gun rai pru shang na matu pat shing dang da ai gaw ginra kata gun rai manu ni grau grau tsaw lung wa chye ai nga ginra masha ni tsun ai re.

"Ya gaw Myitkyina de shang na gun rai mawdaw ni hpe nshang shangun ai. Gun rai htaw mawdaw ni gaw Bala Min Htin kaw ahkun grai jaw na shang ra ai, ngut na muklum kata de mung ahkun matut bai hta ai re majaw gun rai htaw ai ni gaw Bala Min Htin kaw ahkun grai law hkra jaw da sai re majaw bai nkam jaw ai re. Dai majaw muklum kata hta ai ahkun hte mahkrai kaw hta ai ahkun manghkang loi shuk sam ai" nga Myitkyina ginra masha langai tsun ai re.

Mahkrai kaw lai na matu mawdaw hpan hta hkan nna ahkun jaw ra nna gun rai htaw mawdaw langai hta yawm htum sen 10 jaw ra nna leng 12 mawdaw kaba ni gaw sen 120 jan jaw ra ai sha n-ga dai mahkrai hta n lai shangun ai gaw bat mi ram na wa sai re hpe chye lu ai. Galoi hkan bai hpaw na hpe gaw atsawm nchye lu shi ai re.

Ya ten hta Myitkyina muklum kata Miwa mung na shang ai madung malu masha nkau manu bai tsaw laja wa nga nna, shakau hkyeng, shakau hpraw manu ni mung joi mi hta mun mi jan nga taw sai re hpe chye lu ai.

Jinghpaw Mungdaw de gun rai shang ai madung lam rai nga ai Myitkyina-Mandalay lam mung majan a majaw pat da nna ya na zawn Miwa maga de na gun rai shang lam Bala Min Htin mahkrai mung pat da ai majaw Myitkyina kata rai manu matut tsaw lung wa ai hpe ginra masha ni tsang nga ma ai re.

Shiga-Zau

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/13280

website ; https://www.pajau.net/

Shwegu Majan Hta Myen Hpyen Hpung Uphkang Dap Shara Nkau Ni Hpe KIA Gasat Zing Lu Ai Lam.

Pajau Media
4 August 2026.

Jinghpaw mungdaw Shwegu ginra hta Myen hpyen hpung ni uphkang da ai Shwe Bone Myint mare dap shara hpe KIA pawng hpawm dap kawn mani August praw 3 ya shana daw hta gasat zing la lu ai hpe shawng lam hpyen shiga ni kawn chye lu ai.

Lahkawng maga man hkrum majan laja nga ten Myen hpyen hpung maga kawn hkra hkala da ai hpyen ma ni hpe nhkye ai sha lawan ladan bai hting nut mat ai hpe chye lu ai.

Myen hpyen hpung ni htingnut mat ai hpang dai ni jahpawt jau hkying langai aten hkan Tada Oo kawn lung wa ai Jet Fighter hte bawm lahkawng lang wa gasat ngut ai hpang Nay Pyi Taw kawn lung wa ai Jet Fighter hte bawm lahkawng lang matut na gap gasat mat ai lam chye Lu ai.

Nbungli gap gasat a majaw mung shawa hkra hkala si sum lam hte dum nta hkra htenza mat ai lam nga nnga masa hpe atsawm nchye lu shi ai re.

Shiga-Hpring

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/13279

website ; https://www.pajau.net/

Myitkyina, Dukatawng Lawk Na Bawa Thit Tsi Seng Kaw Na Cycle 4 Lagu La Hkrum Ai Lam

Pajau Media
4 August 2026.

Myitkyina, Dukatawng lawk (3) hta nga ai Bawa Thit Htunghkring Tsi seng kaw na cycle 4 mani August praw 3 ya shana lagu la hkrum ai lam buga masha tsun shana wa ai kawn chye lu ai.

Bawa Thit Htunghkring Tsi Htingnu kaw na cycle 125 6 nga ai kaw na 4 hpe lagu la kau ya nna, seng kaw battery cycle lahkawng nga tim, lagut ni gaw 125 cycle mali hpe sha lata na lagu mat ai lam chye lu ai.

Mana na mabyin hta lagut ni gaw g*t seng chyinghka hpe n jahten hpaw ai sha wang nhpan ntsa hku lung nna, cycle ni hpe la kau ya ai lam re hpe chye lu ai.

Du Kahtawng kaga lawk kata hta mung lai wa sai bat hkan cycle 3, 4 kalang ta lagu la hkrum ai mabyin ni mung nga ai hpe ginra masha ni tsun ai re. Cycle lagut ni gaw masha marai 6 kaw nna 7 daram hpung hku rai nna lawk hkan shang nna cycle ni hpe hpung hku lagu nga ai lam chye lu ai.

Bawa Thit Tsi Seng kaw CCTV camera n shakap da ai majaw, ndai mabyin hte seng ai masat video nnga ai hpe chye lu ai.

Ya ten Myitkyina muklum kata lagu lagut ai hpe wuhpung hku lagu ai ni grau grau law wa ai hpe ginra masha ni tsun lam law nga nna ginra kata na shim lam hte seng nna myit tsang ai lam ni law wa nga ai hpe chye lu ai.

Maga mi hku mung gunrai manu rawt jat wa ai majaw mung shawa ni malu masha yak hkak hkrum nga ai ten 125 cycle langai hta ya aten hta sen 25 jan manu dan ai majaw, dai zawn re cycle ni lagu la kau ai gaw, madu ni a matu sum machyi kaba byin wa ai lam ginra masha ni tsun ai.

Shiga: CJ

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/13276

website ; https://www.pajau.net/

KIA Dap Ba 8 Maga Myen Hpyen Nbungli Wa Gap Gasat Ai Lam.

Pajau Media
3 August 2026.

KIA dap ba 8 ginra hta lai wa sai August praw 1 ya shani kawn na Myen hpyen hpung kawn hpyen shamu shamawt ai ni nga wa nna nbungli bawm gap gasat ai lam nga wa ai hpe chye lu ai.

August praw 10 ya shani ka-ang hkying 2:50 ram aten hta Myen hpyen hpung kawn Y-12 nbungli hte bawm 20 lang hta n yawm ai sha wa gap gasat lai wa nna nbungli bawm a majaw mung shawa asak hkra hkala si sum ai hte dum nta hten za ai lam hpe gaw atsawm tup hkrak nchye lu shi ai re.

July 31 shana yup tung hkying 1 jan aten ram hta mung Chawng Son mare hta Jet Fighter 2 hte OFAV 250 ngu maram ai bawm hte 3 lang wa gap gasat mat ai re. Dai wa gap gasat ai a majaw dum nta langai hkra hten wa nna, dumsu 9 ram hkra si wa ai re.

Jinghpaw mungdaw Shwegu, Manmaw hte Hkawng Lang Hpu ginra hkan hta mung ya ten laman shani shagu majan byin nga nna hpyen masa laja nga ai ten re. Ginra masha ni mung hprawng koi yen nga ra ai madang re. Dai hte maren Sagaing - Jinghpaw Mungdaw jarit ginra Indaw, Mawlu ginra hkan hta mung KIA pawng hpawm hpung hte Sam hkyen dap lapran majan ni laja nga ding yang re hpe chye lu ai .

Shiga-Htu Seng

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/13271

website ; https://www.pajau.net/

Jinghpaw Mung Hta Bat Mi Laman Gasat Gala Majan 29 Lang Byin Ai Lam

Pajau Media
3 August 2026.

Jinghpaw Mungdaw Manmaw, Hpakant hpyen man hte masat 2, masat 7, masat 11 dap ba ginra maga hta bat mi laman majan 29 lang byin lai wa ai hpe shang lawt asuya KIA/KIO shiga dap kawn ndau da ai re.

Lai wa sai July 27 ya kaw na August 2 ya du hkra Manmaw, Hpakant hpyen man de Myen hpyen dap kawn nbungli, drone, laknak kaba ni hte shani shagu gap gasat wa nna, bat mi laman Jet Fighter hte 40 lang lahta, drone bawm 100 lang lahta, laknak kaba 200 lang lahta gap gasat wa ai hpe tsun ndau da ai re.

Myen hpyen hpung kawn hpyen htu shadut wa ai majaw masat 11 dap ba ginra de majan 12 lang, masat 9 dap ba Hpakant ginra maga majan 9 lang, masat 3 dap ba ginra maga majan 1 lang, masat 8 dap ba ginra maga majan 2 lang hte masat 7 dap ba ginra maga majan 5 lang byin lai wa ai re.

Myen hpyen hpung gaw ga lam hku hpyen htu shadut shamu shamawt nga ai sha n-ga drone, laknak kaba ni hte matut manoi gap gasat nga ai majaw hpyen masa laja nga ding yang re hpe chye lu ai.

Lai wa sai bat Jinghpaw mungdaw hta Myen hpyen hpung hte KIA pawng hpawm dap lapran man hkrum majan, ninghkap majan 18 lang byin lai wa nna, mi na bat hta na hpyen masa grau laja lai wa ai hpe chye lu ai.

Shiga-Htu Seng

============================================================
Shiga yu mung chying mung masha ni hku nna tinang a grup yin hta byin nga ai mabyin masa ni, lak lai ai shiga ni, shiga sumpha laika ni hte ningmu ni hpe shana, shalai ya mayu ai rai yang Pajau Shiga page Massenger hku nna shing nrai [email protected] gmail ni hku nna matut mahkai shiga jaw la mai ai lam ndau shana dat ga ai. Pajau Media hku nna lawu kaw jaw da ai link ni mung shani shagu na shiga ni hpe hkap madat la mai sai lam n dau shana dat ga ai.

Telegram Link;-https://t.me/pajaumediachannelgenuinenews2023/13266

website ; https://www.pajau.net/