Loyal Spring Channel

08.06.2026 သတင်းအကျဉ်းများ
နွေဦးသစ္စာ
ဇွန်လ ၈ရက် ၊၂၀၂၆။

-တင်္သာရီတိုင်း၊ လောင်းလုံးမြို့နယ်မှာ အာဏာသိမ်းစစ်တပ်က အရပ်သားတွေကို လူသားဒိုင်းအဖြစ် အသုံးပြုတာအပြင် ကျောင်းကြို/ပို့ယာဉ်တွေကိုပါ အကာအကွယ်ယူပြီး စစ်ရေးလှုပ်ရှားနေတာကြောင့် စစ်ရေးအရ အန္တာရယ်ရှိမှာစိုးလို့ ကျောင်းသားမိဘတွေအနေနဲ့ မြို့ပေါ်မှာ ကျောင်းပြောင်းထားဖို့ ပြည်သူ့ကာကွယ်ရေးတပ်မတော်(PDF) တနင်္သာရီတိုင်းစစ်ဌာန၊နည်းဗျူဟာ(၃၃) လက်အောက်ခံ PDF အပါအဝင်ဒေသတွင်း တော်လှန်ရေးတပ်တွေက အသိပေးထုတ်ပြန်ပါတယ်။

- ရက္ခိုင်ပြည် ကျောက်ဖြူမြို့နယ်အတွင်းက တောင်မော်ကြီးရေတပ်စခန်းအနီးမှာ စစ်တပ်နဲ့ အာရက္ခတပ်တော်တို့ဟာ နှစ်ဖက်တိုက်ပွဲတွေ ပြင်းပြင်းထန်ထန် ဖြစ်ပွါးနေပါတယ်။ အာရက္ခတပ်တော်ဟာ ပြီးခဲ့တဲ့ ရက်ပိုင်းက အဲဒီ တောင်မော်ကြီးရေတပ်စခန်းအနီးက ကာကင်းစခန်းတချို့ကိုတိုက်ခိုက် သိမ်းပိုက်နိုင်ခဲ့ပြီးတဲ့နောက်မှာ ဇွန်လ ၈ရက် ဒီနေ့ အဲဒီရေတပ်ကို ထိုးစစ်ဆင်တိုက်ခိုက်နေတာပါ။

- မကွေးတိုင်း၊ ပခုက္ကူခရိုင်၊ ပေါက်မြို့နယ်က ကုက္ကိုစုပျူရွာနဲ့ ရေပြာရဲစခန်းကို သိမ်းယူပြီးနောက် လက်ရှိစည်းလုံးမှုမျိုးနဲ့ ရှေ့ဆက်စခန်းသိမ်းအစီအစဉ်တွေ ရှိလာဦးမယ်လို့ မကွေးဒေသတွင်း ကာကွယ်ရေးအဖွဲ့တွေက ပြောပါတယ်။ကုက္ကိုစုပျူရွာနဲ့အတူ ပေါက်နယ်၊ ရေပြာရဲစခန်းကိုပါ ဒေသကာကွယ်ရေးအဖွဲ့တွေက အချိန် ၃ ရက်အတွင်း သိမ်းယူထားတာဖြစ်ပြီး စစ်သုံ့ပန်းနဲ့ လက်နက်အများအပြားပါ သိမ်းပိုက်ရပါတယ်။

- ပြည်သူ့ကာကွယ်ရေးတပ်မတော်(PDF)နဲ့မ
ဟာမိတ်တပ်တွေသိမ်းပိုက်ထားတဲ့ခါမ်းပတ်
မြို့ကို အာဏာသိမ်းစစ်တပ်က ကလေးနဲ့ တမူးမြို့တွေကဘက်ကနေတပြိုင်နက်စစ်
ကြောင်းထိုးလာလို့ လမ်းပိုင်းကို ဒေသခံပြည်သူတွေ အသုံးမပြုကြဖို့ ပြည်သူ့ကာကွယ်
ရေးတပ်တွေက သတိပေးထားပါတယ်။ ကလေး-ခါမ်းပတ်- တမူးလမ်းပိုင်းကို စစ်တပ်က ထိန်းချုပ်နိုင်ဖို့ ကြိုးပမ်းနေတာဖြစ်ပါတယ်။

-ရှမ်းမြောက်ရှိ နမ့်ခမ်းမြို့ ကောင်းတပ်ရပ်ကွက် ယမ်းဂိုဒေါင်ပေါက်ကွဲမှုဖြစ်စဉ်ကြောင့် သေဆုံးထိခိုက်နစ်နာရသည့် မိသားစုများကို ပလောင် (တအာင်း) အမျိုးသားလွတ်မြောက်ရေးတပ်မတော် (TNLA) က ဝမ်းနည်းကြောင်းနှင့် လေးနက်စွာ တောင်းပန်ကြောင်း ယနေ့ ထုတ်ပြန်ထားပါတယ်။ နစ်နာသူတွေအတွက်လည်း လျော်ကြေးငွေနဲ့ ကူညီထောက်ပံ့ငွေတွေလည်း ပေးတယ်လို့လည်း ဖေါ်ပြထားပါတယ်။

- ဇွန်လ ၇ ရက်နေ့တွင် မုံရွာ-မန္တလေး လမ်းမကြီးပေါ်တွင် မုံရွာမြို့ နမခမှ ချောင်ဦးမြို့သို လက်နက်ခဲယမ်း ပို့ဆောင်ရန်သွားသော စစ်သား ၉ ဦးလိုက်ပါလာတဲ့ Alphard ကား ၁ စီးနှင့် Honda fit ကား ၁ စီးကို တော်လှန်ရေးတပ်ဖွဲ့များက တောပုပျူစောထီးကျေးရွာအနီး ကြားဖြတ် တိုက်ခိုက်ခဲ့လို့ အကြမ်းဖက် စစ်တပ်ဘက်မှ ဗိုလ် ၂ ဦးအပါအဝင် ၆ ဦးသေဆုံးခဲ့ပြီး ၂ ဦးထိခိုက်ဒဏ်ရာရရှိကာ လက်နက်တွေလည်း သိမ်းပိုက်ရရှိပါတယ်။

-ကချင်ပြည်နယ်၊ ရွှေကူမြို့နယ်ထဲမှာ စစ်တပ်နဲ့ ကချင်လွတ်လပ်‌ရေးတပ်(KIA) တပ်တွေကြား ဒီနေ့ ဇွန်လ ၈ ရက် မနက်ပိုင်းကစလို့ အပြန်အလှန်လက်နက်ကြီးနဲ့ ပစ်ခတ်ကြတဲ့အပြင် စစ်ရေးတင်းမာနေတာကြောင့် KIA တပ်မဟာ ၁၁က မြို့ခံလူထုတွေ ရွှေကူမြို့ထဲကနေ တိမ်းရှောင်ကြဖို့ ဒီနေ့ ဇွန်လ ၈ ရက်နေ့ ရက်စွဲနဲ့ ထုတ်ပြန်လာပါတယ်။

Loyal Spring
June 8,2026.

#
Photo-Social Media

07.06.2026 သတင်းအကျဥ်းများ

နွေဦးသစ္စာ
ဇွန်လ ၇ရက်၊၂၀၂၆။

- နမ့်ခမ်းမြို့၊ အမှတ် (၁) ကောင်းတပ်ရပ်ကွက် ပြန်လည်ထူထောင်နိုင်ရေးအတွက် KIO ဗဟိုကော်မတီမှ ကျပ်သိန်း ၅၀၀ နှင့် KIO အစိုးရမှ ငွေကျပ်သိန်း ၅၀ စုစုပေါင်း ကျပ်သိန်း ၅၅၀ ကူညီပေးခဲ့ကြောင်း ကောင်းတပ်ကျေးရွာပြန်လည်ထူထောင်ရေး ကော်မတီက ယနေ့ ထုတ်ပြန်ထားသည်။
ဇွန်လ ၅ ရက်ကလည်း အမှတ် ၉ တပ်ရင်း KIO (ကွတ်ခိုင်) မှ ကျပ်သိန်း ၂၀ နှင့် Kachin Sub-State အတိုင်ပင်အဖွဲ့မှ ကျပ်သိန်း ၃၀ တို့ ကူညီပေးခဲ့ကြောင်း ဖော်ပြထားသည်။

အလားတူ SSPP/SSA မှလည်း ကောင်းတပ်ကျေးရွာ၊ မန်ခမ်းကျေးရွာ၊ ပန်လုံကျေးရွာ၊ ကောင်းနောင်စန့်ကျေးရွာ၊ စယ်ဟိုင်းကျေးရွာနှင့် ပန်ထိုလင်ကျေးရွာများ ပြန်လည်ထူထောင်ရေးအတွက် ငွေကျပ် သိန်း ၅၀၀ ကျော် တန်ဖိုးရှိ ငွေကြေးနှင့် ဆန်များ ကူညီထောက်ပံ့ပေးခဲ့ကြောင်း ယမန်နေ့တွင် ထုတ်ပြန်ထားသည်။

- ပဲခူးတိုင်း အနောက်ခြမ်း ဆင်လန်စခန်းရဲ့ အရှေ့ဘက် စမ်းပက်လက်အလွန် ၂၇ မိုင်လမ်းဆုံရှိ အဏာသိမ်းစစ်တပ်ရဲ့ ပွိုင့် ၂၁၇ စခန်းကုန်းကို ပြီးခဲ့သည့် ဇွန် ၄ ရက်နေ့မှ၅ရက်နေ့အထိ AA နှင့် ပူးပေါင်းတပ်ဖွဲ့များက အလစ်အငိုက် ဝင်ရောက်စီးနင်းတိုက်ခိုက်ခဲ့တာကြောင့် စစ်တပ်ဖက်က အတော်လေးအထိနာတယ်လို့ သိရပါတယ်။ AA နဲ့ ပူးပေါင်းတပ်တွေဟာ ဥသျှစ်ပင် မြို့အနီးအထိ နီးကပ်လာပြီ ဖြစ်သည်။

- ကချင်ပြည်နယ် ဖားကန့်မြို့နယ် ယူမာ ကျေးရွာမှာ တပ်စွဲထားတဲ့ အကြမ်းဖက် စစ်တပ်ကို KIA,KPDF တပ်တွေက ဇွန်လ ၆ရက်နေ့ ညနေက တိုက်ခိုက်လို့ တိုက်ပွဲပြင်းထန်ခဲ့ပီး စစ်တပ်ဖက်က အကျအဆုံးများတယ်လို့ ဒေသခံတွေက ပြောပေမယ့် သီးခြားအတည်ပြုလို့ မရသေးပါဘူး။

-ပဲခူးတိုင်း သဲကုန်းမြို့နယ် မှာ အကြမ်းဖက်တပ်က စစ်မှုထမ်းအမှတ်စဥ် ၂ သင်တန်းဆင်း တပ်သားသစ်တွေထဲက ၂နှစ်ကျော်တာ၀န်ထမ်းဆောင်ပီး ဒေသခံ ၄ ဦးသာ အိမ်ပြန်လာနိုင်တယ်လို့ သိရပါတယ်။တခြားမြို့နယ်တွေမှာလည်း သဲကုန်းမြို့နယ်နည်းတူ (၁၀) ယောက်ပြည့်အောင် ပြန်လာနိုင်သူမရှိတာကို တွေ့နေရပါတယ်။

- ဂျပန်နှင့် တောင်ကိုရီးယားနိုင်ငံရှိ အလုပ်သမားသမဂ္ဂအဖွဲ့ဝင် နိုင်ငံတကာပြည်သူ့ဝန်ဆောင်မှု (PSI) ၏ နိုင်ငံအဆင့်ညှိနှိုင်းရေးကော်မတီများက တရားမဝင်မြန်မာစစ်အုပ်စုကို ကျောထောက်နောက် ခံပြုနေသော စီးပွားရေးလုပ်ငန်းကြီးများအား အရေးယူရန် တောင်းဆိုကြပြီဖြစ်ကြောင်း Justice For Myanmar က သတင်းထုတ်ပြန်သည်။

- ဧရာဝတီတိုင်း သာပေါင်းမြို့နယ်အတွင်းရှိ ရွှေရင်မျှော်ကုန်းတွင် ပြီးခဲ့သည့် မေ ၂၆ ရက်မှစတင်၍ အင်အားများ စုဖွဲ့ထားရှိပြီးအရေးပေါ် လက်နက်ခဲယမ်း သယ်ယူရွှေ့ပြောင်းရန် ဆိုင်ကယ်နှင့် နွားလှည်းများအပြင် ဒေသခံအမျိုးသားများကိုပါ ဖမ်းဆီးစုဆောင်းထားကြောင်း ဒေသခံသတင်းရင်းမြစ်များထံမှ သိရသည်။

Loyal Spring
June 7,2026.
#

Photo-Social Media

06.06.2026 သတင်းအကျဥ်းများ

နွေဦးသစ္စာ
ဇွန်လ ၆ရက်၊၂၀၂၆။

- ရခိုင်ပြည်နယ် ကျောက်ဖြူမြို့နယ်အတွင်းမှာရှိတဲ့ တောင်မော်ဦး ရေတပ်စခန်းက ကာကင်းစခန်း အားလုံးနီးပါး ကို အေအေ ကသိမ်းပိုက်ထားပီး ကျန်ရှိနေတဲ့ အ၀တောင်ရွာ ကာကင်းစခန်း သိမ်းပိုက်ရရင် တောင်မော်ဦးရေတပ်ကို ၀င်သိမ်းနိုင်ပီလို့ စစ်ရေးသတင်းရင်းမြစ်တွေက ပြောပါတယ်။

- ဖက်ဒရယ်ဒီမိုကရေစီပြည်ထောင်စုပေါ်ထွန်းရေးဦးဆောင်ကောင်စီ (SCEF) က ထိုင်းနဲ့မြန်မာအခြေစိုက် နိုင်ငံတကာသံရုံးတချို့က သံတမန်တချို့နဲ့ ဇွန် ၅ ရက်က ဘန်ကောက်မြို့မှာ တွေ့ဆုံခဲ့တယ်လို့ အဖွဲ့ဝင်တချို့ဆီက သိရပါတယ်။ အဲဒီဆွေးနွေးပွဲကို မြန်မာနဲ့ ထိုင်းနိုင်ငံအခြေစိုက်တဲ့ ၂၉ နိုင်ငံက သံတမန်ကိုယ်စားလှယ်တွေတက်ရောက်ပီး လက်ရှိ မြန်မာနိုင်ငံရဲ့ အခြေအနေနဲ့ အနာဂတ်မြန်မာနိုင်ငံရဲ့ အခြေအနေတွေကို ဆွေးနွေးကြတယ်လို့ သိရပါတယ်။

-ကချင်ပြည်နယ် ရွှေကူမြို့ရဲ့ အနောက်‌တောင်ဘက်ခြမ်းက ငအိုးရွာနဲ့ ရွှေကူမြို့ကြားမှာ နေ့စဉ်တိုက်ပွဲ ဖြစ်နေပီး အကြမ်းဖက်တပ်က သေးဆုံတာတွေများတယ်လို့ ရွှေကူ KPDF ပြောရေးဆိုခွင့်ရှိသူက သူရဲ့ လူမှုကွန်ရက်ကတဆင့် ဒီကနေ့ အသိပေးဖော်ပြပါတယ်။

- မကွေးတိုင်း၊ မကွေးမြို့နယ်၊ ကံပြားရွာနှင့် နတ်မောက်မြို့ကြား လမ်းပိုင်းတနေရာတွင် တော်လှန်ရေးရဲဘော်များက ရှောင်တခင် စစ်ဆေးနေချိန် အာဏာသိမ်းအကြမ်းဖက်စစ်တပ်မှ ရန်ကုန်၊ လှည်းကူးမြို့နယ်၊ ရဲမွန်တပ်မြို့၊ တပ်မ (၁၁) လက်အောက်ခံ၊ ခမရ - ၂၁၅ မှ DSA - 51 ဆင်း ဗိုလ်မှူး အောင်ဖြိုးဝေ၊ ပဲခူးတိုင်း၊ ကျောက်ကြီးမြို့နယ်၊ မုန်းမြို့၊ ခမရ ၅၉၉ မှ ဗိုလ်ကြီး ပြည့်စုံအောင်နှင့် တပ်ကြပ်ကြီးစာရေး ကိုမျိူးဦးတို့ကို လက်နက်တွေနဲ့တကွ ဖမ်းမိထားပါတယ် လို့ Aung San's Land Natmauk က ဇွန်လ ၆ ရက်တွင် သတင်းထုတ်ပြန်ထားပါတယ်။

-ချင်းတောင်ပိုင်းကို ထိုးစစ်ဆင်လာသည့် စစ်ကြောင်းကို ဗျူဟာကျကျ တုန့်ပြန်တိုက်ခိုက်နေပြီး စစ် ကောင်စီတပ်သားအများအပြား သေဆုံးနေသော်လည်း နောက်ထပ် နှစ်လသုံးလခန့်ကြာမှ အောင် ပွဲအဖြေထုတ်နိုင်မည်ဖြစ်ကြောင်း CB/CPU-CPA မှ အထွေထွေ အတွင်းရေးမှူး ဆလိုင်းယောမန်က ပြောကြားသည်။အကြမ်းဖက်တပ်က အင်အား ထောင်နဲ့ချီပီး စစ်ဆင်ရေးလုပ်နေတာဖြစ်ပီး သေဆုံးသူအများစုဟာ စစ်မှုထမ်းတပ်သားသစ်တွေဖြစ်တယ်လို့ သိရပါတယ်။

Loyal Spring
June6,2026.
#
Photo-Social Media