NADIR Institute Of Safety

𝐃𝐚𝐛 𝐱𝐨𝐨𝐠𝐚𝐧 𝐨𝐨 𝐤𝐚 𝐤𝐚𝐜𝐚𝐲 𝐝𝐚𝐛𝐚𝐪 𝐇𝐨𝐧𝐠 𝐊𝐨𝐧𝐠 𝐤𝐮 𝐲𝐚𝐚𝐥

Dab xoogan ayaa ka kacay guri deganaansho ah oo dabaqa, kana kooban sideed dabaq oo ku yaalla Hong Kong, dabku waxa uu ka dhashay cillad koronto (Electrical Fault), waxa uu sababay dhimashada 128 qof oo uu ku jiro qof dabdemiye ah, dhaawaca 79 qof oo dadkii goobta deganaa iyo dabdemiyeyaal ah, barakicinta 4,600 ilaa 4,800 oo qof oo dhismaha deganaa.

Khasaaraha dabka waxa sii kordhiyey, Dhismaha oo duug ahaa, jaranjarooyinka oo alaab lagu xannibay/xadhay, iyo nidaamyada dabka sheega (Fire alarms) oo aan shaqaynayn, nidaamka qiiq saarista guriga (Smoke extraction) oo aan shaqaynayn, jidka gurmadku usoo maraayey oo cidhiidhi ahaa (Access difficulties).

Baadhista hor dhacaha ah ayaa sheegaysa, in dhismaha uu ka socday dayactir, sidoo kale la isticmaalay shabag (Green mesh), Iyo walxo kale oo ah nooca sida fudud u gubta.

Laamaha amaanka, iyo haayadda la dagalaanka musuq maasuqa ayaa ilaa hadda xidhay 11 qof oo ay kamid yihiin, maamulka shirkaddii dhismaha, la-taliyeyaashii dhismaha, iyo qandaraaslayaashii.

𝐌𝐚𝐫𝐛𝐮𝐫𝐠 𝐇𝐞𝐦𝐨𝐫𝐫𝐡𝐚𝐠𝐢𝐜 𝐅𝐞𝐯𝐞𝐫

Xanuunka Marburg Hemorrhagic Fever ayaa ka dilaacay dalka Ethipia, waxaanay wasaaradda caafimadka dalkaasi shaacisay in ay ilaa hadda u dhinteen saddex qof, waxaanay karantiishay 129 qof oo looga shakisan yahay in ay la macaamileen, waxaana ku socota baadhis.

Xanuunkan ayaa ah mid si fudud loo kala qaadi karo, sida taabashada iyo wadaagista dharka ama walxaha kale. Xanuunkan ayaa leh astaamaha Ebola sida xumad badan, madax hanuun, muruq xanuun matag iyo daal badan.

Goobaha waxbarashada ayaa la fasaxay goobaha qaar dhanka Ethiopia.

𝐍𝐢𝐧𝐤𝐚 𝐮𝐠𝐮 𝐢𝐥 𝐝𝐡𝐞𝐞𝐫𝐛𝐚𝐚 𝐝𝐚𝐝𝐤𝐚 𝐮𝐠𝐮 𝐚𝐲𝐚𝐚𝐧 𝐝𝐚𝐫𝐚𝐧.
____________________________________________
Los angeles waxa h**e loo saadaaliyey in ay dhibaato wayn ka dhici doonto maalin maalmaha kamid ah, oo haddii dabayli la kulanto dab ka dhasha dhirta qalalan ee magaalada ku xeeran ay ololi doonto ilaa badda.

Marka laga yimaaddo imtixaanka rabaaniga ah ee alle tusay, hadana waxa jiray xogo la saadaaliyey iyada oo la cuskanaayo khatarta goobta ka jirtay (Risk assessment), sidoo kale shirkadaha caymiska ayaa ka guuray oo diiday in ay caymiyaan guryaha goobta ku yaal, maadaama oo aan khatarta waxba laga qaban.

Madaxa dab-damiska Los angeles Kristin Crowley ayaa uga digay duqa magaalada Karen Bass (D) bishii h**e $17+ milyan oo ay ka jartay miisaaniyadda waaxda "waxay si adag u xaddidday awoodda waaxda si ay ugu diyaargarowdo, u tababarto, ku wacyi geliso bulshada ugana jawaabto xaaladaha degdegga ah ee baaxadda leh, oo ay ku jiraan dabka.

Taasina waxa ay sababtay in maxaabiis la shaqaalaysiiyo maanta si ay ula dagaalamaan dabkan baaxadda leh sidoo kale ay ku burburaan dhaqaale xad dhaaf ah.

Maxaynu ka baran karnaa.

Saddex Sababood oo aynu u Maareynno Caafimaadka iyo Badbaadada goobaha shaqada:-

1.Employee moral-Mooraalka shaqaalaha
Loo-shaqeeyayaashu waxay leeyihiin masuuliyadda ilaalinta mooraalka si ay u ilaaliyaan caafimaadka iyo wanaagga shaqaalahooda. Xaqiijinta jawi shaqo oo badbaado leh, hubinta daryeelka shaqaalaha jidh ahaan iyo maskax ahaanba, iyo in shaqaalaha loo abuuro goob shaqo oo leh dhaqan bedbaado oo togan.taasina waxa ay keenaysaa in shaqaaluhu ku niyad samaadaan goobta shaqada, wax soo saarkooduna sare u kaco.

2.Legal obligations-Waajibaadka Sharci
Maareynta badbaadada goobta shaqadu waxay lama huraan u tahay u hoggaansanaanta sharciyada iyo xeerarka. Ku guuldareysiga in la buuxiyo heerarka badbaadada waxay keeni kartaa cawaaqib sharci, sida ganaaxyo, xadhig, ama tallaabooyin sharci oo kale, taas oo dhaawici karta sumcadda iyo hawlaha shirkadda.

4. Financial benefits-Faa'iidooyinka maaliyadeed
Goob shaqo oo badbaado leh waxay caawisaa dhimista kharashyada la xidhiidha shilalka, sida kharashyada caafimaadka, sheegashada magdhowga, dhaawaca qalabka, iyo wax soo saarka oo yaraada. Maareynta badbaadada wax ku oolka ah waxay sidoo kale hoos u dhigtaa halista carqaladaynta hawlaha shaqo.

Subax wanaagsan

Qof kasta waxa uu ka fikirayaa in uu subaxa shaqo tago, si uu quudka noloshiisa usoo helo.

Waxa barbar socda halisyo ay macquul tahay in aad la kulanto, inta aad kusii socoto, inta aad shaqada ku guda jirto iyo inta aad kasoo socoto.

Waa xuquuq sharci in shaqaalaha la ilaaliyo caafimaadkooda iyo bedqabkooda.

Qaado masuuliyadda koowaad ee ilaalinta naftaada.

Kala sarraynta xakamaynta khataraha (Hierarchy of controls)
_____________________________________________
Waa Hanaan caan ka ah dadka ka shaqeeya arrimaha Bedbaadada (Safety professionals) dexdooda, oo lagu aqoonsado, laguna kala horumariyo si looga ilaaliyo shaqaalaha khatarta soo ku iman karta.

Waxa loo kala sarraysiiyey sida ay u kala saamayn badan yihii.
Waxa ay kala yihiin sidan soo socota:_

1.Elimination: waa in guud ahaan khatarta meesha laga saaro
2.Substitution: khatarta yaree, oo mid ka khatar yar ku bedel
3.Engineering control: kala xayndaab khatarta iyo dadka.
4.Administration: Bedel hanaanka shaqada.
5.PPE: ku ilaali shaqaalaha is u isticmaalaan qalabka bedbaadada ah (Personal protective equipment).

Calaamadaha Bed-baadada (Safety Signs) ee Goobaha Shaqada iyo muhiimadda ay leeyihiin.
_____________________________________________

Calaamadaha bed-baadadu waa tilmaamo muuqaal ah oo gudbiya xogo bed-baado oo muhiim ah, oo uga digaya shaqaalaha iyo dadka kaleba, khataraha ka iman kara goobta.

Calaamadaha bed-baadadu waa kuwo aad muhiim ugu ah bedqabka shaqaalaha, qandaraaslayaasha, iyo cid kasta oo goobta timaadda.

Waxa aynu halkan kusoo bandhigi doonnaa SADDEX sababood oo goobta shaqadu ugu baahantahay calaamadaha bed-baadada.

1.Waxa ay kordhinaysaa aqoonta: Ka soo qaad in aad goobta ku cusubtahay, calaamaduhu waxa ay ku siinayaan xogo dheeraad ah oo aad ku garan karto khatarta goobta ka jirta, waxa ka reeban iyo waxyaabaha lagaaga baahanyahay.

2.Waxa ay noqon karaan kuwo shilka ka hor taga: si kasta oo shaqaalaha loo tababaro, haddana waa in si joogto ah loo xasuusiyaa hab-raacyada shaqada iyo khataraha goobta ka jira, sida xawaaraha lagu soconayo, sida loo isticmaalayo qalabka iyo wixii la mid ah.

3.Waa sharci in la isticmaalo: Waddamo badan, ayey qasab tahay in loo shaqeeyuhu isticmaalo calaamadaha bed-baadada, si loo yareeyo shilalka, haddi laga tago oo sidaas shil ku dhaco waxa ay mutaysan karaan ganaax.

01-May-2024.
Maalinta shaqaalaha adduunka.

Maamulka NADIR INSTITUTE OF SAFETY, waxa uu hambalyo u dirayaa maalinta dhammaan shaqaale weynaha adduunka gaar ahaan soomaalida meel kasta oo ay joogaan.

Maalinta shaqaalaha adduunka waxa ay ILO, hal ku dhig u qaadatay sanadkan, in la xasuusiyo loo shaqeeyayaasha, sidii ay u ilaalin lahaayeen xuquuqda shaqaalaha.

Mudane Loo shaqeeye,

●Bixi deegaan shaqo oo bedbaado iyo caafimaad u ah shaqaalaha.
●Hubi mushaharka shaqaaluhu in uu caddaalad yahay.
●Sii shaqaalaha Faa'idooyin iyo Fursado siman.
●Ilaali xuquuqda shaqaalaha, kuna dhaqan xeerka shaqaalaha.
●Kor u qaad caafimaadka shaqaalaha, oo sii fursado Tababar.