ZikR-e-MADINA

یا خدا ایسے اسباب پاؤں
کاش مکے مدینے پھر آؤں

مجھ کو ارمان حج کا بڑا ہے
یاخدا تجھ سے میری دعا ہے :'(

"حاجیو آؤ شہنشاہ کا روضہ دیکھو
کعبہ تو دیکھ چکے کعبے کا کعبہ دیکھو"

اے حجاج کرام !

خوش نصیب ہو کہ تمہیں حج کی سعادت نصیب ہوئی تم نے بیت اللہ شریف کے انوار و تجلیات کو اپنے دامن میں سمیٹا ، اب میری بات سنو !
چلو چلو مدینہ شریف کی جانب چلو !

اس شہنشاہ ہر دو عالم صلی اللہ علیہ والہ وسلم کی بارگاہ میں جس نے کعبہ معظمہ کو بت خانہ سے بیت اللہ شریف و قبلہ بنایا ، اگر یہ کعبہ ہے اور یقینا کعبہ ہے تو مدینے کا تاجدار تو کعبہ کا بھی کعبہ (قبلہ) ہے۔

کعبے کا کعبہ ؟

یہاں کعبے کا کعبہ کہہ کر حضور صلی اللہ علیہ والہ وسلم کی شان و عظمت کا اظہار کیا جا رہا ہے۔
ہمارے جسم کا قبلہ خانہ کعبہ ہے اور روح کا قبلہ حضور صلی اللہ علیہ والہ وسلم کی ذات پاک ۔۔۔مطلب کیا ہوا کہ اگر دل عشق مصطفی سے خالی ہو تو کعبہ کی طرف منہ کر کے نماز پڑھنا فائدہ نہ دے گا ، کوئی عبادت قبول نہیں بلکہ ایمان کی دولت سے ہی محروم کہلاۓ گا۔

ترمذی شریف میں ہے کہ حضور صلی اللہ علیہ والہ وسلم نے طواف کعبہ کرتے ہوے کعبہ کو مخاطب کر کے فرمایا

"اے کعبہ تو بھی پاکیزہ تیری ہوا بھی پاکیزہ ، اس ذات کی قسم جس کے ہاتھ میں محمد صلی اللہ علیہ والہ وسلم کی جان ہے اللہ تعالی کے نزدیک مومن کی عزت تجھ سے کہیں ذیادہ ہے۔"

جب مومن کی عزت کعبہ شریف سے ذیادہ ہے تو جن کے صدقے مومن کو عزت ملی جن کے صدقے اور رضا سے کعبہ قبلہ بنا ان صلی اللہ علیہ والہ وسلم کی شان و عظمت اور شان عزت کا کون اندازہ لگا سکتا ہے۔

حضرت علامہ صفوری علیہ رحمۃ کتاب شرف المصطفی سے نقل فرماتے ہیں

"قیامت کے روز کعبہ شریف اپنے رب سے عرض کرے گا ۔ کہ الہی مجھے مصطفی صلی اللہ علیہ والہ وسلم کی قبر شریف کی زیارت کی اجازت دے ۔تو اللہ عزوجل اسے اجازت دے گا ۔ اور وہ حضور صلی اللہ علیہ والہ وسلم کی زیارت کے لیے حاضر ہو گا۔"

کعبہ کا قبلہ بننے حضور صلی اللہ علیہ والہ وسلم کی رضا تھی جو اللہ نے قبول فرمائی ۔۔۔ اگر حضور صلی اللہ علیہ والہ وسلم کی نظر کعبہ پر نہ پڑتی تو کوئی نظر بھی ادھر نہ اٹھتی ۔
حضور صلی اللہ علیہ وآلہ وسلم تمام مخلوق الہی میں افضل و اعلی ہیں ، کعبہ بھی مخلوق ہے عرش و کرسی بھی مخلوق ہے

لا نہیں کہتے کسی سائل کو وہ ﷺ
اُن سے عیدی میں شفاعت مانگیے

اَسْئَلُکَ الشَّفَاعَۃَ یَارَسُوْلَ اللہﷺ
یارسول اللہ میں آپ کی شفاعت کا سوالی ہوں 🤲

تُو نے مجھ کو حج پہ بُلایا
یا اللہ میری جھولی بھردے
گِرد کعبہ خوب پھرایا
یا اللہ مِری جھولی بھر دے

میدانِ عرفات دکھا یا
یا اللہ مِری جھولی بھر دے
بخش دے ہر حاجی کو خدایا
یا اللہ مِری جھولی بھر دے

بہرِ کوثرو بِیرِ زم زم کردے کرم اے ربّ اکرم
حشر کی پیاس سے مجھ کو بچانا
یا اللہ مِری جھولی بھر دے

مولیٰ مجھ کو نیک بنادے
اپنی الفت دل میں بسا دے
بہرِ صفا اور بہرِ مروہ
یا اللہ مِری جھولی بھر دے

یا اللہ یا رحمٰن یا حنّان یا منّانُ
بخش دے بخشے ہوؤں کا صدقہ
یا اللہ مِری جھولی بھر دے

واسطہ نبیوں کے سَرور کا
واسِطہ صِدّیق اور عُمر کا
واسِطہ عثمان و حیدر کا
یا اللہ مِری جھولی بھر دے

نارِ جہنّم سے تُو بچانا
خُلدِ بریں میں مجھ کو بسانا
یاربّ اَز پئے ابو حنیفہ یا اللہ مِری جھولی

سائل ہوں میں تیری وِلا کا
پھیر دے رُخ ہر رنج وبلا کا
واسطہ شاہِ کرب و بلا کا
یا اللہ مِری جھولی

جنّت میں آقا کا پڑوسی بن جائے عطّار الٰہی
بَہرِ رضا و قُطبِ مدینہ یا اللہ مِری جھولی بھردے

یاخدا! حج پہ بُلا آ کے میں کعبہ دیکھوں
کاش! اِک بار میں پھر میٹھا مدینہ دیکھوں

پھرمُیَسَّر ہومجھے کاش! وُقوفِ عَرفات
جلوہ میں مُزدَلِفہ اور مِنیٰ کادیکھوں

جھوم کر خوب کروں خانۂ کعبہ کا طواف
پھر مدینے کو چلوں گُنبدِ خَضْرا دیکھوں

زائرو! کہنا یہ رو رو کے شہا! اِک مسکین
کہہ رہا تھا یہ تڑپ کر:’’میں مدینہ دیکھوں‘‘

دوڑ کر قدموں میں عطارؔ گروں میں اُس دم
حَشر میں جس گھڑی سرکار کو آتا دیکھوں

کعبے کی رونق کعبے کا منظر اللہ اکبر اللہ اکبر
دیکھوں تو دیکھے جاؤں برابر اللہ اکبر اللہ اکبر

مدینے کو جائیں یہ جی چاہتا ہے
مقدر بنائیں یہ جی چاہتا ہے

جو دیکھوں میں روضۂ محبوبِ خدا ﷺ
وہ آنسو بہائیں یہ جی چاہتا ہے

ہم مدینے میں تنہا نکل جائیں گے اور گلیوں میں قصداً بھٹک جائیں گے
ہم وہاں جا کے واپس نہیں آئیں گے ڈھونڈتے ڈھونڈتے لوگ تھک جائیں گے

جیسے ہی سبز گنبد نظر آئے گا بندگی کا قرینہ بدل جائے گا
سر جھکانے کی فرصت ملے گی کسے خود ہی پلکوں سے سجدے ٹپک جائیں گے

نام آقا جہاں بھی لیا جائے گا ذکر ان کا جہاں بھی کیا جائے گا
نور ہی نور سینوں میں بھر جائے گا ساری محفل میں جلوے لپک جائیں گے

اے مدینے کے زائر خدا کے لیے داستان سفر مجھ کو یوں مت سنا
بات بڑھ جائے گی دل تڑپ جائے گا میرے محتاط آنسو چھلک جائیں گے

ان کی چشم کرم کو ہے اس کی خبر کس مسافر کو ہے کتنا شوق سفر
ہم کو اقبالؔ جب بھی اجازت ملی ہم بھی آقا کے دربار تک جائیں گے

اقبال عظیم

𝗝𝗮𝗯 𝗬a𝗮𝗱 (ﷺ) 𝗔𝗮 𝗚a𝘆𝗲 𝗛𝗲i𝗻 🥹🤍

اُن ﷺ کے نثار کوئی کیسے ہی رنج میں ہو 🤍
جب یاد آگئے ہیں سب غم بھلا دیے ہیں 🥹

تیری آمد تھی کہ بیَتُ اللہ مُجرے کو جھکا
تیری ہیبت تھی کہ ہر بُت تھر تھرا کر گر گیا

عیسوی اعتبار سے حضور جانِ عالم ﷺ کی ولادت کو 1455 سال مکمل ہو چکے ہیں

20 اپریل 571ء عام الفیل کے سال ولادتِ سرکار ﷺ ہوئی تھی 💝
پاکستان میں آج دن بھی وہی تاریخ بھی وہی 20 اپریل بروز پیر

جن کے آنے سے روشن زمانہ ہوا
ان کی ولادت پہ لاکھوں سلام🪷

آج کے دن درودِ پاک کی کثرت کریں۔🌹