Rolans_Kitchen

يسعد مساكم
شوربة البرغل وكفته بصوص الفطر مع البطاطا البوريه
نبلش بالشورية كتير طلعت طيبة
قليت بصلة مفرومه ناعمه مع توم مهروس بزيت الزيتون وملح وفلفل ولما دبلت ضفت جزر مبشور قلبتهم لمدة2د
ضفت نص كاسة برغل خشن قلبتهم لياخد البرغل طعمة التقلاية وضفت مرقة وتركتها لحتى استوت ضفت كريمة الطبخ / او حليب .
ونصرة ليمونه وصحتين وعافيه.

كفتة بصوص الفطر
لحمة مفرومة نية ضفتلها ملح وفلفل أسود وتوم مهروس وبابريكا وبودرة التوم وبودرة البصل وبصلة ناعمه وبقسماط عجنتها منيح وقرصتها وقليتها بشوية زيت زيتون.
حطيتها بصحن على جنب.
بنفس الطنجرة زودت زبدة وبصلة ناااعمة ورشة ملح وفلفل أسود لدبل ضفت الفطر قلبته شوي بعدها حطيت ملعقة صغيرة طحين حمصتها شوي حطيت مي وكريمة البلسمك وكريمة الطبخ تركتها تغلي دقيقه نزلت بالكفته وتركتهم على النار شي 2د.
وصحتين وعافيه علينا وعليكم يارب 💕💕

#صلصات

فول بالخلطة السحريه 👌🏻عن جد ادمااان وطعمته خطيرة من اول لقمه صار انفجار بالنكهات😅
حطيت زيت زيتون وقليت بصلة مفرومه ناعمه مع اربع سنان توم مهروس وقرن حر🌶️ مفروم ناعم..وضفت فليفله حمرا نص حبة مقطعة مكعبات وحبة طماطم مقطعه مكعبات وملعقتين صلصه وملح وفلفل وكمون وكزبرة ناشفه وملعقتين كزبرة خضراء مفرومه وتركتهم على النار شي 10 د.
حطيتهم بالخلاط مع علبة فول خلطتهم منيح رجعتهم على الطنجرة يغلوا شوي .
شعلت فحمه وحطيت صحن صغير بطنجرة الفول وشوية زيت بالصحن والفحمه وغطيتها لتتبخر منيح و تاخد نكهه الشواء.
سكبت الفول.
خلطت لبن زبادي مع ليمون وطحينه وملح وزينته وشوية بقدونس وزيت زيتون. جربوه مع التميس 👌👌
وصحتين وعافيه.😋

😋👌

فطيرة البيض بالفرن أكله رااائعه وطيبه وظريفه للسحور :🍳🍳
نخفق بزبديه 8 حبات بيض وكاستين حليب سائل ملح فلفل نخفقهم جيدا ..ثم نضيف بروكلي مقطع قطع وسط جبنه بارميزان وموزريلا وجبنه شيدر وملعقه خردل .وفطر وبصله ناعم نقليه بزيت الزيتون حتى يذبل .
نصف بجاط التقديم حلقات من الخبز الفرنسي او الصامولي ونضع خليط البيض فوقه ونزين الوجه بحلقات البندورة وقطع السلامي ويغلف قصدير ويدخل الفرن لمدة ساعه كامله ...🔥🔥

😋👌

خبزة الخضار مع الجبنه 🧀 رهيييبة ولذيذة لازم تجربوها على العشا خفيييفه😅
نقطع إلى مكعبات صغيرة:
فليفله حمرا 30غ
حبة بطاطا نقطعها شرايح رفيعه جدا ثم تقطع مكعبات صغيرة
بصل أخضر مقطع ناعم50غ
بصل عادي مقطع ناعم 50غ
فطر طازج مقطع مكعبات صغيرة
توضع على جنب.
في زبدية نضع بيضه وملعقة صغيرة ملح.
وملعقه صغيرة خميرة
ملعقه صغيرة سكر
ورشة فلفل.
تخلط مع بعض ثم نضع 200غ طحين و190 غ حليب سائل دافي تقلب جيدا ثم نضيف 30غ زبدة سايحه تخلط جيدا ثم نضيف الخضار المقطعه تقلب كافه المقادير وتوضع في قالب وتترك لمدة ساعه تتخمر.
نرش جبنة موزريلا على الوجه وتزين بشرائح الطماطم
تدخل فرن حامي لمدة 25د تقريبا لحتى تستوي ثم يحمر الوجه.
وبالعافيه🔥🔥

طريقة الزبدة الرهيبة
منجيب كريمة الطبخ ولازم تكون نسبة الدهون فيها عاليه
نضعها بالعجانه ونضل عم نخلط فيها لمدة تقريبا 8د.
بالبداية رح تصير كريمة معنا وبعدين بتفصل وتتكون زبدة
نلم الزبدة ونصفيها .. نغطس كرة الزبدة بماء نظيف كل نتخلص من بواقي الحليب .
ثم توضع بكيس الخاص او شاشية
ونعصرها..صارت جاهزة 👌👌
خلطت معها ملح وبودرة التوم وطماطم مجففة .
طلعت رهيييبة
وصحتين وعافيه علينا وعليكم يارب
*****مصل الحليب لا ترموه هادهو butter milk ممكن نعمل فيه كيك
💕💕

#برغل

كبة العدس ولا أطيب👌👌
نغسل كاسة عدس احمر ونسلقها بمي وملح غمرها (لازم تتشرب كمية المي )
بعدها نضيف عليها كاسة برغل ناعم
ندعكها باليد منيح ونتركها لتبرد
نفرم بصلة كبيرة ناااعمة ونقليها بنص كاسة زيت زيتون مع ملح وفلفل وثلاث ملاعق كبيرة رب البندورة.
نتركها لتبرد.
نقطع كمية منيحه من البصل الأخضر ناعم
نفرم بقدونس ناعم.
نص حزمة نعنع مفروم ناعم
ملعقة كبيرة دبس فليفله
ملح وفلفل أسود وكمون
نخلط كل المكونات مع بعضها البعض جيدا
ولذا لقيناها ناشفه شوي نضيف رشة زيت زيتون.
بعدين منشكلها ونصفها بطبق التقديم مع خس وليمون
وصحتين وعافيه علينا وعليكم يارب
لاتنسونا من صالح دعائكم 🤲🤲💕💕

#وجباتي

مقبلات الباذنجان
قطعت الباذنجان مكعبات وقليتها
بخلاط الكاس خلطت
ثوم /عصير ليمون/ خل /ملح وفلفل أسود/ كمون / بقدونس /وقرن فلفل حار
وحطيت هالخلطة فوق الباذنجان وطلعت أكلة👌👌
وصحتين وعافيه علينا وعليكم يارب

#باذنجان 😋👌

بطاطا بكزبرة/ بطاطا حرّة

نقطع البطاطا مكعبات ونقلها
بمقلاية حطيت زيت زيتون وتوم مهروس وقلبته شوي لدبل بعدها ضفت كزبرة خضراء مفرومه وملعقة كبيرة دبس الفليفله حااار قلبتهم شوي ونزلت البطاطا المقلية قلبتهم لمدة 2د
طفيتها بعصير الليمون
وخلصت
وصحتين وعافيه علينا وعليكم يارب

#رمضانيات

كل عام وانتم واحبابكم بالف خير رمضان كريم ينعاد عليكم بالصحة والعافية 💕💕💕
لاتنسونا من صالح دعائكم