Jamal Raisani Media Cell

اسما جتک کے والد کے بہیمانہ قتل پر نوابزادہ میر جمال خان رئیسانی کا اظہارِ افسوس

پاکستان پیپلز پارٹی کے مرکزی رہنما و ایم این اے نوابزادہ میر جمال خان رئیسانی نے خضدار میں اسما جتک کے والد کے بہیمانہ قتل کی شدید مذمت کرتے ہوئے گہرے دکھ اور افسوس کا اظہار کیا ہے۔

نوابزادہ میر جمال خان رئیسانی نے کہا کہ کسی بھی انسان کا اس طرح بے رحمانہ قتل انتہائی افسوسناک اور ناقابلِ قبول ہے۔ انسانی جان کے تحفظ اور انصاف کے معاملے میں کسی قسم کی غفلت یا سمجھوتہ نہیں ہونا چاہیے۔

انہوں نے کہا کہ واقعے میں ملوث عناصر کو قانون کے کٹہرے میں لا کر قرار واقعی سزا دی جائے، کسی بھی جرم کو سیاسی مصلحت یا دباؤ کی آڑ میں نظرانداز نہیں کیا جا سکتا۔

نوابزادہ میر جمال خان رئیسانی نے حکومتِ بلوچستان سے مطالبہ کیا کہ واقعے کی شفاف اور غیرجانبدار تحقیقات یقینی بنائی جائیں اور اسما جتک کے خاندان کو انصاف فراہم کیا جائے۔ قانون سب کے لیے برابر ہے اور کسی کو بھی قانون سے بالاتر نہیں ہونا چاہیے۔

سانحہ 8 اگست کے شہداء کو خراجِ عقیدت

پاکستان پیپلز پارٹی کے مرکزی رہنما و ایم این اے نوابزادہ میر جمال خان رئیسانی نے سانحہ 8 اگست کوئٹہ کے شہداء کو زبردست خراجِ عقیدت پیش کرتے ہوئے کہا ہے کہ 8 اگست 2016ء کا المناک سانحہ بلوچستان کی تاریخ کا ایک ایسا دردناک باب ہے جسے کبھی فراموش نہیں کیا جا سکتا۔

انہوں نے کہا کہ سانحہ 8 اگست میں قیمتی انسانی جانوں کا ضیاع ایک ناقابلِ تلافی نقصان تھا، اس سانحے نے پوری قوم کو غمزدہ کر دیا۔ شہداء کی قربانیاں اور ان کی یادیں ہمیشہ ہمارے دلوں میں زندہ رہیں گی۔

نوابزادہ میر جمال خان رئیسانی نے کہا کہ شہداء نے اپنے فرائض کی ادائیگی کے دوران اپنی جانوں کا نذرانہ پیش کیا، ان کی قربانیوں کو ہمیشہ یاد رکھا جائے گا۔ سانحہ 8 اگست کے شہداء اور ان کے خاندانوں کی قربانیوں کو سلام پیش کرتے ہیں۔

انہوں نے کہا کہ شہداء کے لیے دعا اور ان کی یاد کو زندہ رکھنا ہم سب کی ذمہ داری ہے۔ اللہ تعالیٰ سانحہ 8 اگست کے تمام شہداء کے درجات بلند فرمائے اور لواحقین کو صبرِ جمیل عطا فرمائے۔

پاکستان پیپلز پارٹی کے مرکزی رہنما و ایم این اے نوابزادہ میر جمال خان رئیسانی کا سورینج کوئلہ کان حادثے پر اظہارِ افسوس

کوئٹہ کے نواحی علاقے سورینج میں کوئلہ کان میں گیس بھر جانے کے باعث پیش آنے والے افسوسناک حادثے میں قیمتی انسانی جانوں کے ضیاع پر پاکستان پیپلز پارٹی کے مرکزی رہنما و ایم این اے نوابزادہ میر جمال خان رئیسانی نے گہرے دکھ اور افسوس کا اظہار کیا۔

انہوں نے کہا کہ سورینج میں کوئلہ کان کا یہ المناک حادثہ انتہائی افسوسناک ہے۔ کان کن اپنے اہلِ خانہ کے لیے روزی کمانے کی خاطر انتہائی دشوار اور خطرناک حالات میں کام کرتے ہیں، ایسے حادثات پورے معاشرے کے لیے باعثِ رنج ہیں۔

نوابزادہ میر جمال خان رئیسانی نے جاں بحق ہونے والے مزدوروں کے لواحقین سے دلی ہمدردی اور تعزیت کا اظہار کرتے ہوئے دعا کی کہ اللہ تعالیٰ مرحومین کی مغفرت فرمائے، انہیں جنت الفردوس میں اعلیٰ مقام عطا فرمائے اور سوگوار خاندانوں کو صبرِ جمیل عطا فرمائے۔

انہوں نے متعلقہ حکام پر زور دیا کہ حادثے کی شفاف تحقیقات کی جائیں اور مستقبل میں ایسے افسوسناک واقعات کی روک تھام کے لیے کوئلہ کانوں میں حفاظتی اقدامات کو مزید مؤثر بنایا جائے۔