Hum ansar

والد کا طلاق کے بعد گھر واپسی پر بیٹی کا بارات کی طرح شاندار استقبال
جھاڑ کھنڈ (ویب ڈیسک )بھارتی ریاست جھاڑکھنڈ میں ایک شخص نے طلاق کے بعد گھر واپسی پر بیٹی کا بارات کی طرح شاندار استقبال کر کے تاریخ میں انوکھی مثال قائم کردی۔بھارتی میڈیا کی رپورٹ کے مطابق مطلقہ کے باپ نے اپنی بیٹی کا بالکل ویسے ہی استقبال کیا جیسے اُس نے بارات میں وداع کیا تھا، گھر واپسی پر لڑکی کے ساتھ رشتے دار آئے اور آتش بازی جبکہ ڈھول کی تھاپ پر رقص میں کیا گیا۔والد کی جانب سے فیس بک پر ویڈیو کے ساتھ بتایا گیا کہ میری بیٹی کو سسرال والے ہراساں کرتے اور تشدد کا نشانہ بناتے تھے جس پر اُس نے مشورے کے بعد علیحدگی کے لیے قانونی راستہ اختیار کیا اور پھر گھر واپس آگئی۔لڑکی کے والد پریم چاند کا کہنا ہے کہ بیٹیاں بہت قیمتی اور خاص تحفہ ہیں جن کی عزت و تکریم ہم سب پر لازم ہے۔ اگر ہم اُن کا ساتھ نہیں دیں گے تو پھر وہ کہاں جائیں گی۔انہوں نے لکھا کہ ’میں اپنی بیٹی کو اُسی عزت اور احترام کے ساتھ گھر واپسی پر خوش آمدید کہتا ہوں کیونکہ ہماری بیٹی ہمارے لیے بہت قیمتی ہے۔

#انصاری متحدہ موومنٹ

#انصاری #انصاری متحدہ موومنٹ پاکستان