North Media

انڈین وزارت خارجہ کے ترجمان رندھیر جیسوال کی جانب سے جمعے کو ایکس پر جاری بیان میں کہا گیا کہ حکومتِ انڈیا نے گلگت بلتستان اسمبلی کے لیے سات جون 2026 کو ہونے والے عام انتخابات کے انعقاد کے پاکستانی منصوبے پر پاکستان کے سامنے باضابطہ احتجاج درج کرایا ہے۔
بیان کے مطابق انڈیا گلگت بلتستان کو جموں و کشمیر اور لداخ کے ساتھ اپنی سرزمین کا حصہ قرار دیتا ہے اور وہاں انتخابات کے انعقاد کو قبول نہیں کرتا۔
بیان میں مزید کہا گیا کہ انڈیا ان تمام کوششوں کو مسترد کرتا ہے جن کے ذریعے پاکستان اپنے زیرِ انتظام علاقوں میں کوئی انتظامی یا سیاسی تبدیلی لانے کی کوشش کرتا ہے۔

تصویر: انڈین وزارت خارجہ

سب ڈویژن جگلوٹ
انتخابی مہم کے آخری روز آزاد امیدوار حلقہ نمبر 02 گلگت سمیع اللّٰہ مغل حافظ حفیظ الرحمان کے حق میں دستبردار ہوگئے۔سمیع اللّٰہ مغل نے اپنے تمام ووٹر سپوٹرز سمیت پاکستان مسلم لیگ ن کے نامزد امیدوار حافظ حفیظ الرحمان خان کی حمایت کا اعلان کردیا
سابق وزیر اعلی نے سمیع اللہ مغل اور ان کی پوری برادری کا شکریہ ادا کیا۔

ہنزہ:
ہنزہ: پاکستان پیپلز پارٹی کے سینئر رہنما عباس میر نے پاکستان تحریک انصاف (پی ٹی آئی) میں شمولیت اختیار کر لی۔ شمولیت کا اعلان ایک تقریب کے دوران کیا گیا جس میں پی ٹی آئی کے مقامی قیادت عزیز احمد، باقر تیحان ، آغا نعیم، فرمان تاجک ، رحیم گوجالی اور مرکزی رہنماؤں عمر ڈار، ریحانہ ڈار، اور شان دانا گلزار نے ان کا پرتپاک استقبال کیا۔

اس موقع پر عباس میر نے خطاب کرتے ہوئے کہا کہ انہوں نے عوامی خدمت، علاقے کی ترقی اور عوامی مسائل کے حل کے لیے پاکستان تحریک انصاف میں شمولیت کا فیصلہ کیا ہے۔ انہوں نے اس عزم کا اظہار کیا کہ وہ پارٹی کے منشور کے مطابق عوام کی فلاح و بہبود کے لیے بھرپور کردار ادا کریں گے۔

تقریب سے خطاب کرتے ہوئے پی ٹی آئی رہنماؤں نے عباس میر کی شمولیت کا خیرمقدم کیا اور کہا کہ ان کی شمولیت سے پارٹی مزید مضبوط ہوگی اور علاقے میں تنظیمی ڈھانچے کو تقویت ملے گی۔

مغویہ لڑکی فریال افضل کو پولیس نے بازیاب کرالیا۔ ملزم مدثر سکنہ کنوداس کو گرفتار کر کے قانونی کاروائی شروع کردی گئی ہے۔

سکردو: گلگت بلتستان کے سینئر صحافی اقبال سالک پر حملہ.
اقبال سالک بلتستان ریجن میں ن لیگ کے جلسے کی کوریج میں مصروف تھے اچانک شر پسندوں کے ایک ٹولے نے ان پر حملہ کر دیا. نارتھ میڈیا سے بات چیت کرتے ہوئے سینئر صحافی اقبال سالک نے بتایا کہ شر پسندوں کے خلاف پولیس کے پاس گیا اور معلومات فراہم کیں تو الٹا پولیس والے میرے اوپر کیس کرنے کی دھمکی دے رہے ہیں جبکہ لوگوں کی پہچان اور نام میں نے پولیس کو فراہم کئے ہیں.

تشہیری مواد:
چئیرمین پاکستان پیپلز پارٹی بلاول بھٹو زرداری کل گلگت میں عوامی جلسے سے خطاب کریں گے۔