Gilgit Worlds Time

ایمت چانڈی کے مقام پر تودہ گرنے کے باعث گزشتہ دو ہفتوں سے سڑک بندش اور شدید مشکلات کا سامنا ہے۔
روزانہ سینکڑوں مسافر، مریض، طلبہ اور ٹرانسپورٹرز اس راستے سے گزرتے ہیں، مگر متعلقہ اداروں کی جانب سے بروقت اقدامات نہ ہونے کے باعث عوام مسلسل پریشان ہیں۔
افسوس کی بات یہ ہے کہ جب عوام بنیادی سہولیات اور سڑک کی بحالی کے منتظر ہیں، تو متعلقہ سائٹ انجینئر صوبائی اسمبلی کے اجلاس کی گیلری میں موجود نظر آتے ہیں۔ سوال یہ ہے کہ عوامی مسائل کے حل کو ترجیح دی جا رہی ہے یا رسمی مصروفیات کو؟
متعلقہ حکام سے مطالبہ ہے کہ فوری طور پر روڈ کو ہر قسم کی آمدورفت کے لیے بحال کیا جائے تاکہ عوام کی مشکلات کا خاتمہ ہو۔