Ang Siklab

𝐋𝐄𝐀𝐃 𝐋𝐈𝐊𝐄 𝐓𝐇𝐄 𝐁𝐀𝐁𝐀𝐘𝐋𝐀𝐍𝐒, 𝐅𝐈𝐋𝐈𝐏𝐈𝐍𝐀𝐒! 💜

Sa pagdiriwang ng Pambansang Buwan ng mga Kababaihan, ating kilalanin at ipagdiwang ang katapangan, talino, at lideratong ipinapakita ng mga kababaihang Pilipina.

Tulad ng mga babaylan noong sinaunang panahon, tayo ay magsilbing ilaw at tinig ng pagbabago—matatag na naninindigan para sa karapatan, pagkakapantay-pantay, at katarungan.
Mula sa mga komunidad hanggang sa larangan ng pulitika, agham, sining, at pamamahayag, patuloy na nagbibigay-inspirasyon ang kababaihan at nagbubukas ng mga bagong oportunidad para sa isang mas maunlad, matatag, at maliwanag na kinabukasan.

𝘼𝙗𝙖𝙣𝙩𝙚, 𝙗𝙖𝙗𝙖𝙚! 💜✨
𝙎𝙪𝙢𝙞𝙠𝙡𝙖𝙗 𝙠𝙖, 𝘽𝙖𝙗𝙖𝙚! 💜✨

Ang "Ang SIKLAB", ang opisyal na pahayagang pangkampus ng Columban College, Inc. – Asinan, ay muling pinagtibay ang katayuan nito bilang isa sa mga nangungunang publikasyon sa Olongapo matapos mag-uwi ng iba’t ibang parangal sa ginanap na Division Schools Press Conference, patunay ng husay nito sa pagbabalita at ng matibay nitong ambag sa pamamahayag pangkampus.

Nagtamo ito ng pagkilala sa iba’t ibang kategorya—8th sa Pahinang Balita at Ag-Tek, 6th sa Opinyon at Isports, 7th sa Lathalain at Pag-aanyo ng Pahina—at itinanghal bilang Ika-6 na Pinakamahusay na Pahayagang Pangkampus sa SDO Olongapo City. Ipinapakita ng mga parangal na ito ang isang pahayagang pinatatakbo nang may katumpakan, paninindigan, at integridad sa bawat lathala.

Higit pa sa mga tropeo, sinasalamin ng mga pagkilalang ito ang isang kulturang pamamahayag na pinagbubuklod nang malinaw na pag-uulat, makabuluhang komentaryo, at malikhaing presentasyon—isang tinig na lumalagpas sa pahina at tumatatak sa isipan ng mambabasa.

Sa pag-usad nito tungo sa panibagong hamon, dala ang mas pinatibay na paninindigan at adhikaing maghatid ng katotohanan, patuloy na itinataguyod ng Ang SIKLAB ang bandila nang wasto at makabuluhang pamamahayag. Hindi lamang para sa kompetisyon, kundi para sa mas mataas na layuning maglingkod sa komunidad at sa bayan.

Patuloy na magniningas ang Ang SIKLAB—naglalahad ng katotohanan, nagbubunyag ng realidad, at nagbibigay-kapangyarihan sa isip sa bawat kwento.

Anyo ni; Alvin Solis | Patnugot sa Isports

Apatnapung taon matapos ang EDSA People Power Revolution, muling binibigyang-diin ng mga tagamasid at lider sibiko ang kahalagahan ng pag-unawa sa makasaysayang pangyayari, kasabay ng panawagang patatagin ang mga institusyong demokratiko sa gitna ng makabagong hamon.

Nagbalik-tanaw ang iba’t ibang sektor sa mga pangyayari noong 1986 na nagbunsod sa mapayapang pag-aaklas ng mamamayan laban sa pamahalaan noon ni Ferdinand Marcos Sr.. Sa ilalim ng batas militar, naharap sa matinding pagsubok ang kalayaan sa pamamahayag, oposisyon, at ilang batayang karapatan, ayon sa mga historyador.

Itinuturing na mitsa ng malawakang kilos-protesta ang pagpaslang kay Benigno Aquino Jr. noong 1983. Pagsapit ng 1986, naging sentro ng tensyon ang halalang pampanguluhan na nauwi sa malawakang pagdududa sa kredibilidad ng resulta. Libo-libong mamamayan ang nagtipon sa Epifanio de los Santos Avenue, partikular sa paligid ng Camp Crame at Camp Aguinaldo, upang igiit ang panawagan para sa pagbabago ng pamumuno.

Nagwakas ang apat na araw na pagkilos sa pag-alis ni Marcos sa pwesto at sa panunungkulan ni Corazon Aquino bilang pangulo. Ang transisyong ito ang nagbukas ng daan sa pagbabalik ng konstitusyonal na pamahalaan at muling pagbalangkas ng mga demokratikong institusyon.

Sa paggunita sa ika-40 anibersaryo, binigyang-diin ng mga akademiko at civic groups na ang diwa ng EDSA ay hindi dapat manatili sa alaala lamang. Ayon sa kanila, ang kasalukuyang hamon sa demokrasya ay mas nakikita sa paglaganap ng maling impormasyon, revisionism sa kasaysayan, at tumitinding polarisasyon sa lipunan.

“Ang demokrasya ay hindi natatapos sa isang makasaysayang tagumpay. Ito ay patuloy na proseso ng pakikilahok at pananagutan,” pahayag ng isang propesor ng kasaysayan sa isang forum na ginanap kaugnay ng anibersaryo.

Habang patuloy ang mga talakayan at paggunita, nananatiling sentral ang tanong kung paano mapananatili at mapapalalim ang demokratikong kultura sa bansa. Para sa ilang tagamasid, ang sagot ay nakasalalay sa pagpapatibay ng edukasyon sa kasaysayan, malayang midya, at aktibong pakikilahok ng mamamayan sa pampublikong usapin.

Sa ika-40 taon ng EDSA, malinaw ang mensahe ng mga naggunita: ang aral ng People Power ay hindi lamang bahagi ng nakaraan, kundi gabay sa paghubog ng kinabukasan ng republika.

🖼️: Alvin Solis | Patnugot sa Isports

🎉HINDI KAILANMAN MAUUPOS ANG APOY! 🎉

Buong pagmamalaking pagbati sa Columban College Asinan
🗞️ The Echo x Ang Siklab
sa matagumpay na pag-alab ng mga boses at panulat sa Division Schools Press Conference na ginanap sa Regional Science High School III at SPED-G noong Disyembre 11–12, 2025. 🌟

🏆 Ikalawang Pwesto – Overall School Highest Pointer
Private School Category

👏 LAHAT NG MGA NAGWAGI AT KINATAWAN:

📰 News Writing (Filipino)
Melissa Tala – 🥉 3rd Place (RSPC Qualifier)

✍️ Editorial Writing (English)
Ruelyn A. Lacuesta – 🥉 3rd Place (RSPC Qualifier)

✍️ Editorial Writing (Filipino)
Christ Jr. A. Rodriguez – 4th Place

🖋️ Feature Writing (Filipino)
Sanjo A. Martorillas – 🥈 2nd Place (RSPC Qualifier)

🏀 Sports Writing (Filipino)
Alvin M. Solis – 🥈 2nd Place (RSPC Qualifier)

📸 Photojournalism (English)
Junuel Lebron A. San Pedro – 🥇 1st Place (RSPC Qualifier)

🎨 Editorial Cartooning (English)
Azriel Ailan A. Dominisac – 🥈 2nd Place (RSPC Qualifier)

🎨 Editorial Cartooning (Filipino)
Angel Ericselle M. Reyes – 4th Place

📝 Column Writing (English)
Aaliyah Nicole B. Galicinao – 4th Place

📝 Column Writing (Filipino)
Lebron James Q. Bawar – 4th Place

🧐 Copyreading & Headline Writing (English)
Icee T. Escaño – 5th Place

🎙️ Radio Scriptwriting & Broadcasting (Filipino)
🥇 1st Place (RSPC Qualifier)
🏅 Best Presenter | Best Script | Best Technical Application

Daphne Aleene Jimenea
Julius Deacon S. Gabriel
Lyra R. Ancheta
Lhady Samantha Raliet O. Fernandez
Danielle KC A. Calimbas
Lerince Nicole S. Delos Reyes
Ralph Gerald B. Antonio

📺 TV Scriptwriting & Broadcasting (English)
🥉 3rd Place

Iesha Christabel Ramos
Jairo B. Tirol
Heloise E. Tan
Hillary Mish San Pascual
Cameron Sofia F. Gapas
Lee Andizon A. Santos
Rean Rain Arbee D. Santos

📱 Mobile Journalism (Filipino)
🏅 Best Output
Sanjo A. Martorillas

Isang malaking pagbati rin sa ating masisipag at dedikadong tagapayo na naging gabay sa tagumpay na ito.:

G. Francis Robert M. Dela Cruz
Bb. Sheila Marie C. Edrosolo
G. Vladimir R. Dela Cruz
Bb. Michaela Malixi

Mabuhay ang lahat ng nagwagi!
Padayon, CCA Campus Journalists! 🗞️🔥

𝐂𝐡𝐫𝐢𝐬𝐭𝐦𝐚𝐬 𝐓𝐫𝐞𝐞 𝐋𝐢𝐠𝐡𝐭𝐢𝐧𝐠, 𝐈𝐝𝐢𝐧𝐚𝐨𝐬 𝐬𝐚 𝐂𝐨𝐥𝐮𝐦𝐛𝐚𝐧 𝐂𝐨𝐥𝐥𝐞𝐠𝐞, 𝐈𝐧𝐜.

Dinaluhan ang taunang Lighting of the Christmas Tree noong ika-5 ng Disyembre 2025, sama-samang nagtipon sa ganap na 5:00 ng hapon ang mga kaguruan, kawani, at mga mag-aaral mula sekondarya hanggang kolehiyo upang opisyal na buksan ang pagdiriwang ng kapaskuhan sa Columban College Inc. – Asinan.

Pinangunahan ni Fr. Gerry Pascual ang programa sa pamamagitan ng isang taimtim na panalangin, na sinundan ng pag-awit ng “Ama Namin” na pinangunahan ng Church Chorale. Matapos nito ay isinagawa ang pagbibigay ng basbas sa Advent wreath, Christmas tree, at Belen.

Pinakainaabangan sa programa ang pagsindi ng ilaw ng Christmas tree, na nagbigay ng makukulay na liwanag at masiglang simula ng pasko sa paaralan. Ang sabayang pagningning ng ilaw at presensya ng buong Columbanista ay nagpaigting sa diwa ng pagdiriwang.

Naging matagumpay at makabuluhan ang buong seremonya. Kumuha ng mga litrato ang mga dumalo upang magsilbing alaala sa kanila sa diwa ng pasko.

✍️: Jay Sereño
📷: Jhane Rapal, Ryne Francisco, at Kylezhanjo Muega

𝐑𝐞𝐚𝐝𝐲 𝐟𝐨𝐫 𝐓𝐚𝐤𝐞𝐨𝐟𝐟!

As Columban College, Inc. marks its 64th Founding Anniversary this November 19, 2025, 𝗧𝗵𝗲 𝗘𝗰𝗵𝗼 and 𝗔𝗻𝗴 𝗦𝗶𝗸𝗹𝗮𝗯, the institution’s official English and Filipino student publications, invite you aboard 𝗧𝗘𝗥𝗠𝗜𝗡𝗔𝗟 𝗘:𝗦 — the 64th Founding Anniversary Special, a creative voyage celebrating the enduring legacy of excellence and purpose.

Much like a flight embarking toward new horizons, this milestone honors the institution’s continuous ascent in nurturing Christian character, competence, and service, while upholding the journalistic principles of truth, integrity, and justice that both publications steadfastly champion.

Step into The Echo and Ang Siklab’s booth of boundless experiences, where celebration converges with creativity. Savor the distinct flavor of Columban spirit through an array of 𝗵𝗮𝗻𝗱𝗰𝗿𝗮𝗳𝘁𝗲𝗱 𝗱𝗲𝗹𝗶𝗰𝗮𝗰𝗶𝗲𝘀, explore 𝗲𝘅𝗰𝗹𝘂𝘀𝗶𝘃𝗲 𝗸𝗲𝗲𝗽𝘀𝗮𝗸𝗲𝘀 𝗮𝗻𝗱 𝗺𝗲𝗿𝗰𝗵𝗮𝗻𝗱𝗶𝘀𝗲 that reflect the pride of the pen, and strike a pose at the 𝘃𝗶𝗯𝗿𝗮𝗻𝘁 𝗽𝗵𝗼𝘁𝗼𝗯𝗼𝗼𝘁𝗵, that captures the joy and unity of every Columbanite. Each corner invites not only participation but also reflection — a reminder that the studentry's heart beats strongest when voices harmonize, passions ignite, and stories take flight together.

So fasten your seatbelts and prepare for departure — because this anniversary isn’t just a celebration of years gone by, but a takeoff toward the future we continue to build together.

The 𝗿𝘂𝗻𝘄𝗮𝘆 𝗶𝘀 𝗿𝗲𝗮𝗱𝘆, the 𝗲𝗻𝗴𝗶𝗻𝗲𝘀 𝗮𝗿𝗲 𝗿𝗼𝗮𝗿𝗶𝗻𝗴, and 𝘆𝗼𝘂𝗿 𝘁𝗶𝗰𝗸𝗲𝘁 𝗮𝘄𝗮𝗶𝘁𝘀.

Layout and Text by Raphanyl Asuelo | The Echo Editor-in-Chief and Heloise Tan | The Echo Managing Editor

Muling bubuhayin ng SLPC 2025 ang diwa ng kampus journalism ngayong Nobyembre 5, 13, at 14! Hinihikayat ang lahat ng mga mag-aaral na makiisa, matuto, at makipagsabayan sa mga kapwa mamamahayag sa isang pambihirang pagsasanay at paligsahan. Sa tulong ng The Echo at Ang Siklab, ito ang iyong pagkakataong iparinig ang katotohanan, isulat ang pagbabago, at ipamalas ang lakas ng iyong tinig.

Tara na, Campus Journalist — ikaw ang susunod na boses ng bayan!

𝐒𝐢𝐤𝐥𝐚𝐛 𝐧𝐠 𝐋𝐢𝐰𝐚𝐧𝐚𝐠, 𝐩𝐢𝐧𝐚𝐚𝐩𝐨𝐲 𝐧𝐠 𝐁𝐒𝐏

Siklab ng apoy ang lumiwanag sa Columban College Inc. - College, Asinan Campus matapos ganapin nitong ika-29 ng Oktubre 2025 ng alas-syete ng gabi ang 𝑪𝒂𝒎𝒑𝒇𝒊𝒓𝒆 𝑨𝒄𝒕𝒊𝒗𝒊𝒕𝒚 na inilunsad ng Boy Scout of the Philippines.

Dinaluhan ng bawat pangkat ng BSP ang aktibidad kung saan pinangasiwaan ni G. Eris John Clavo ang aktibidad kasama ng mga senior scouts na bumuo sa pagsindi ng bonfire. Sumunod dito, pinangunahan ni Yelika Freylle A. De Guzman ang pagsasadula ng paghahanap ng liwanag.

Sa pagdaraos ng programa, hindi napigilang umikot at umawit ang bawat scouts palibot sa apoy at tinapos ito nang bumalik muli sa Msgr. Crisostomo A. Cacho Activity Center.

Ulat ni: Jaemie Orgaya | Patnugot ng Balita
Kuha ni: Jhane Rapal | Punong Litratista

𝐓𝐢𝐤𝐚𝐬 𝐚𝐭 𝐃𝐢𝐬𝐢𝐩𝐥𝐢𝐧𝐚; 𝐁𝐒𝐏 𝐈𝐧𝐯𝐞𝐬𝐭𝐢𝐭𝐮𝐫𝐞 𝐏𝐫𝐨𝐠𝐫𝐚𝐦, 𝐧𝐚𝐢𝐬𝐚𝐠𝐚𝐰𝐚 𝐧𝐚

Isinagawa noong Oktubre 29 2025, mula ika-1:30 hanggang ika-3 ng hapon ang Boy Scout of the Philippines Investiture Program na may temang: "𝑪𝒐𝒏𝒏𝒆𝒄𝒕𝒆𝒅 𝒃𝒚 𝒕𝒉𝒆 𝑺𝒄𝒐𝒖𝒕 𝑺𝒑𝒊𝒓𝒊𝒕 𝑨𝒘𝒂𝒓𝒆𝒏𝒆𝒔𝒔 𝒂𝒏𝒅 𝑰𝒏𝒕𝒆𝒈𝒓𝒊𝒕𝒚 𝒊𝒏 𝑨𝒄𝒕𝒊𝒐𝒏" sa Msgr. Crisostomo A. Cacho Activity Center ng Columban College Inc. Basic Education Asinan.

Sa pangunguna ni G. Eris John Clavo, sinimulan ang programa sa pagdadasal at sinundan ng pag-awit ng Lupang Hinirang, Panunumpa sa Watawat ng Pilipinas at Himno ng Columban.

Nagbigay rin ng paunang mensahe si Dr. Alysa Mae C. Abella, Assistant Principal kung saan malugod niyang binigyang pagbati ang mga bagong miyembro ng BSP, mga kaguruan, at mga magulang.

Sumunod dito, sinindihan naman ng ilang piling scouts ang kandila sa entablado kung saan sumisimbolo ito sa responsibilidad sa diyos, sa bayan, sa kapwa, at sa sarili.

Ipinakilala rin ang tagapagsalita ng programa na si E.S. Brian Charles D. Pineda kung saan kanyang ibinahagi na nakikita niya ang kaniyang sarili sa mga scouts na kabilang sa harap ng entablado.

Opisyal namang itinuring na miyembro ang mga napabilang na scouts sa pagbibigay pins at pagsusuot ng neckerchief na pinamunuan ni G. Paul Henry Silvano, isa rin sa mga tagapayo ng nasabing organisasyon.

Sa huli ng programa, galak at tuwa ang ramdam sa puso ng bawat scouts dahil sa nailunsad na programa.

Ulat ni: Jaemie Orgaya | Patnugot ng Balita
Kuha ni: Jhane Rapal | Punong Litratista