San Isidro Labrador Parish - Digos

𝐏𝐡𝐨𝐭𝐨 𝐇𝐢𝐠𝐡𝐥𝐢𝐠𝐡𝐭𝐬 I Arrival of the Pilgrim Image of Mary Mediatrix of All Grace

Usa ka malinawon ug puno sa grasya nga adlaw ang nasinati sa katilingban atol sa pag-abot sa Pilgrim Image sa Mary Mediatrix of All Grace. Gikan sa Welcome Caravan sa Phoenix Gasoline Station, pag-abot sa simbahan diin gihimo ang Rite of Welcome, Procession and Enthronement, hangtod sa Marian Catechesis, ang matag kalihokan nahimong pagpamatuod sa pagtoo ug debosyon sa mga tumutuo ngadto sa Mahal nga Birheng Maria.

Pinaagi sa catechesis, napahinumdoman ang matag usa nga si Maria dili lamang hulagway o larawan, kundili inahan natong tanan ug tigpataliwala sa tanang grasya ngadto kang Hesus. Ang iyang pag-ingon nga, “Matuman unta kanako sumala sa imong pulong,” nahimong ehemplo sa pagsalig, pagkamatinumanon, ug pagtuo sa kabubut-on sa Ginoo.

Sa pagpamalandong, gipasiugda ang kahinungdanon sa pag-ampo sa Santo Rosaryo, pagpamalandong, ug paghigugma sa Ginoo ug isigkatawo. Hinaut nga pinaagi sa paggiya sa Mahal nga Birheng Maria, magpadayon nga malig-on ang pagtoo ug panaghiusa sa atong katilingban.