LGU Compostela

𝐏𝐔𝐁𝐋𝐈𝐂 𝐀𝐃𝐕𝐈𝐒𝐎𝐑𝐘 !!!

Pinaagi sa Executive Order No. 69, Series of 2026, opisyal nang gi-lift ang Executive Order No. 51, Series of 2026 nga nagpatuman sa energy conservation measures ug 4-day onsite work arrangement sa Munisipyo sa Compostela.

Busa sugod karong adlawa, Hunyo 1, 2026, mobalik na sa regular nga government work arrangement ang tanan nga opisina sa Local Government Unit of Compostela.

🕗 Regular Office Hours:
Monday to Friday
8:00 AM – 5:00 PM

Giawhag ang tanang katawhan nga magpahibalo ug mag-adjust sa ilang mga transaksyon ug lakang ngadto sa atong mga opisina sumala sa regular nga oras sa pagserbisyo.

Daghang salamat sa inyong kooperasyon ug pagsabot.

With immense pride and gratitude, the Local Government Unit of Compostela, Davao de Oro proudly receives the 2026 𝐏𝐡𝐀𝐋𝐆𝐀 𝐄𝐱𝐜𝐞𝐥𝐥𝐞𝐧𝐜𝐞 𝐀𝐰𝐚𝐫𝐝 for being a recipient of the 𝐒𝐞𝐚𝐥 𝐨𝐟 𝐆𝐨𝐨𝐝 𝐋𝐨𝐜𝐚𝐥 𝐆𝐨𝐯𝐞𝐫𝐧𝐚𝐧𝐜𝐞 (SGLG) for CY 2024 in recognition of the Municipality’s exemplary transparency, accountability, integrity, and excellence in public financial management.

This remarkable achievement reflects the unwavering commitment of the Municipality to good governance and quality public service, highlighted by the attainment of an 𝗨𝗻𝗺𝗼𝗱𝗶𝗳𝗶𝗲𝗱 𝗖𝗢𝗔 𝗔𝘂𝗱𝗶𝘁 𝗢𝗽𝗶𝗻𝗶𝗼𝗻 on the 2024 Financial Statements and recognition as a recipient of the Seal of Good Local Governance (SGLG) for CY 2024.

Under the leadership of Mayor Levi S. Ebdao, the LGU Compostela continues to strive for responsive governance and genuine public service that uplifts the welfare of our people.

May this achievement inspire us all to continue to LEAD with integrity, GROW in service, and EXCEL in governance.

Padayon ta mag LEVelUP Compostela!

Usa ka mahinungdanon ug puno sa kalipay nga higayon ang atong nasaksihan karong adlawa sa paghiusa sa duha ka kasingkasing pinaagi sa kaminyoon, diin personal nga gipangulohan ni Mayor Levi S. Ebdao ang civil wedding nila Mr. & Mrs. Chad Jhon Ryan Corunag Odi and Leonevic Capua Dacayanan.

Sa iyang gipadayag nga mensahe alang sa bagong magtiayon, iyang gipaabot ang bililhong pahimangno nga ang kaminyoon usa ka sagrado nga saad nga angay ampingan pinaagi sa gugma, pagsinabtanay, respeto, ug pagtinabangay sa matag yugto sa ilang panag-uban.

Dako ang kalipay sa LGU Compostela nga mahimong kabahin sa maong espesyal nga selebrasyon ug makig-uban sa pagsaulog sa sinugdanan sa inyong bag-ong panaw isip usa ka pamilya.

Kinasingkasing nga pahalipay ug hinaut nga ang inyong kaminyoon mapuno sa kalinaw, kalig-on, ug walay kinutuban nga panalangin.

Usa ka mainiton ug makahuluganon nga selebrasyon sa gugma ang atong nasaksihan karong adlawa, diin personal nga gi-officiate ni Mayor Levi S. Ebdao ang solemnization sa kaminyoon nila Mrs. Vanessa Terante Magbanua ug Mr. Rejie Pitao Vargas.

Sa iyang mensahe ngadto sa bag-ong magtiayon, gipahinumdoman sila ni Mayor Levi nga ang tinuod nga kaminyoon dili lamang mahitungod sa kalipay sa adlaw sa kasal, kondili sa lig-on nga panag-uban, pagsinabtanay, ug pagtinabangay sa matag yugto sa ilang kinabuhi isip magtiayon.

Nagpaabot ang LGU Compostela ug si Mayor Levi sa ilang kinasingkasing nga pagbati sa kalipay ug pagpasalamat nga nahimong kabahin sa maong mahinungdanong higayon sa ilang kinabuhi.

Congratulations ug hinaut nga mapuno sa gugma, kalinaw, ug panalangin ang inyong panag-uban isip usa ka pamilya.

Nagpahigayon ang Local School Board Meeting sa Local Government Unit of Compostela, nga gipangulohan ni Municipal Administrator Sir Jason James S. Ebdao, nga nagpakita sa padayon nga koordinasyon ug panaghiusa sa lokal nga panggamhanan ug sektor sa edukasyon.

Sa maong miting, gihisgutan ang JMC No. 1, s. 2025 – Omnibus Guidelines on the Use of the Special Education Fund (SEF) nga naghatag og klaro ug estratehikong direksyon sa husto ug epektibong paggamit sa pondo alang sa mga programa ug proyekto sa edukasyon.

Gipresentar usab ang West District ug East District School Reports, nga naglatid sa kahimtang sa atong mga eskwelahan, lakip na ang mga kalampusan, mga hagit, ug mga panginahanglan nga angay matutukan. Gisusi usab ang Letter of Intent alang sa School-Based Feeding Program (SBFP) – LGU-Led Implementation, nga naghatag og gibug-aton sa importansya sa nutrisyon isip usa ka kritikal nga pundasyon sa mas maayong pagkat-on ug kahimsog sa mga kabataan.

Lakip usab sa agenda ang ubang mga butang nga may kalabutan sa Local School Board nga nagtinguha sa mas episyente, responsive, ug epektibong implementasyon sa mga programa sa edukasyon.

Pinaagi niini nga panagtigom, gipakita ang lig-on nga panaghiusa sa LGU, DepEd, ug tanang stakeholders sa edukasyon aron masigurado nga ang mga polisiya ug programa dili lang magpabilin sa plano kondili magresulta sa tinuod ug malungtaron nga epekto alang sa matag compostelaño nga kabataan ug sa tibuok komunidad.

Malampuson nga gipahigayon ang Oathtaking Ceremony sa mga newly-appointed nga LGU employees, nga gipasiugdahan ni Mayor Levi S. Ebdao. Ang ilang pagpanumpa sa Mas LEVelUP na Serbisyo alang sa mga bag-ong natudlo nga mga empleyado sa lokal nga panggamhanan.

Sa mensahe ni Mayor Levi S. Ebdao, iyang giawhag ang mga newly-appointed nga LGU employees nga ipadayon ang LEVelUP nga pagserbisyo ngadto sa katawhan nga puno sa dedikasyon, integridad, ug tinuod nga malasakit alang sa matag Compostelanhon.

Kini nga kalihukan nagtimaan sa ilang pormal nga pagdawat sa katungdanan ug sa padayon nga komitment sa Municipal Government of Compostela sa pagpalig-on sa usa ka mas episyente, matinud-anon, ug serbisyo-oryentado nga lokal nga panggamhanan.

🎉 Happy Birthday, Cong. Maricar Zamora-Mabanglo! 🎉

From the people of Compostela, we extend our warmest greetings and heartfelt appreciation to Maricar Zamora-Mabanglo on your special day.

Thank you for your unwavering dedication, inspiring leadership, and genuine service to our community. Your commitment continues to bring progress, hope, and opportunities to the people you serve.

May this new year of your life be filled with good health, happiness, and even more success in your mission to uplift lives.

🎂 Padayon sa pag-alagad ug pag-inspire!
Happy Birthday, Cong! 💙

📢 PAHIBALO!

Ang Municipal Social Welfare and Development Office (MSWDO) sa lungsod sa Compostela nanginahanglan ug usa (1) ka Registered Social Worker.

Sa tanang interesado ug kwalipikado, palihug isumite ang inyong aplikasyon sa Mayor’s Office ASAP.

Application Details:
Interested and qualified applicants should signify their interest in writing addressed to:

HON. LEVI S. EBDAO
Municipal Mayor
Compostela, Davao de Oro

𝐅𝐔𝐄𝐋 𝐏𝐑𝐈𝐂𝐄 𝐔𝐏𝐃𝐀𝐓𝐄 | Lungsod sa Compostela

Gipahibalo sa tanan nga mao kini ang kasamtangang prisyohan sa mga gasoline stations sa Lungsod sa Compostela, pinasikad sa pinakabag-ong price adjustments karong semanaha.

Mapasalamaton kita sa MyGas Compostela ug Petron Compostela sa ilang abtik ug responsableng pagpatuman sa maong rollback, nga nakatabang sa pagpaubos sa gasto sa atong mga konsumidor.

Dugang niini, ang LGU Compostela nakapadala na ug opisyal nga notice sa tanang gasoline stations aron ipahinumdom ang ilang responsibilidad sa hustong pagpakita ug pag-update sa prisyohan. Ang maong notice naglatid usab sa posibleng regulatory actions ug ubang angay nga lakang nga mahimong ipatuman sa higayon nga adunay dili pagsunod sa mga balaod ug giya sa presyo ug consumer protection standards.

Padayon ang panawagan sa LGU Compostela sa tanang gasolinahan nga magpakita og transparency, hustong prisyohan, ug responsableng serbisyo alang sa kaayohan sa publiko.