Kuya Randy Coronel

MAYOR JACK GIHIMAKAK ANG HUHUNGIHONG NGA SIYA ANG MIPUGONG SA USA KA FAST FOOD CHAIN NGA MUTUKOD SA BAYAWAN KAY INTERISADO SIYA

Gihimakak ni Mayor John “Jack” Raymond Jr ang mga huhungihong nga iyang nabatian nga siya ang nipugong o mibalabag aron dili makasulod ang usa ka “fast food chain” sa dakbayan kay interisado kono kini sa maong negosyo.

Sumala kang Mayor Jack, usa ka demokrasya nga dakbayan ang Bayawan, busa welcome ang si bisan kinsa nga musulod sa siyudad.

Giklaro usab sa Alkalde nga wala siya mupugong ug dili usab siya interisado sa maong negosyo.

Sigon ni Raymond, may mga estorya nga adunay musulod nga fast food chain ug aprubado na, apan sumala sa alkalde wala pay nag apply ug building permit ug wala pa poy tawo nga midool kanila aron mag proseso ug mga papelis.

Gidugang pa ni Mayor Jack, nga sa gipahiyon nila nga panagtigom kauban ang mga local restaurant owners, mipabutyag sila sa ilang kabalaka nga mawad-an sila ug kustomer.

Pero sumala kang Raymond, sa iyang kaugalingong obserbasyon sa laing mga lugar nga adunay gitukod nga fast food chain, tinood nga mikunhod ang ilang sales sa pila ka bulan.

Apan mibalik lang ang ilang mga kustomer ug misaka ug balik ang ilang sales.

Ug gilantaw nga rason sa Mayor, nga posible nga igo lang nga mitilaw ug bag-ong pagkaon ang mga tawo.

Giklaro ni Mayor Jack nga gina welcome sa siyudad sa Bayawan ang susamang kalamboan apan importante usab sa Alkalde nga maka estorya pag usab ug mapamatian ang mga local restaurant onwer sa dakbayan.

Gibutyag usab sa Alkalde, nga usa ka beses sa iyang pagpauli gikan sa Regional Development Council (RDC) meeting sa Siquijor, aduna siya’y naka estorya ug nagpaila kaniya nga naga trabaho kini sa usa ka kumpanya ug miingon nga aprubado na ug aduna na silay nakitant lokasyon.

Busa iya kinint giingnan nga mubisita sa iyang buhatan aron masayod sila kung unsa ang ilang matabang ug ila usab masayran kung unsa ka seryoso ang maong plano, apan naabtan na lamang ug hapit duha ka bulan walay nagpakita sa iya buhatan.

Sa separado nga interview sa K5 News FM Bayawan sa usa sa mga tag-iya sa yuta nga giingong pagatukoran sa maong “fast food chain” iyang gipahayag nga madayon gyud ang maong kalamboan.

Gani matud pa niya, kung dili man madayon ang usa ka sikat nga local fast food chain nga nailhan sa lamian ug barato nga chicken joy, adunay pay laing duha sikat nga fast food chain nga interisado usab nga mutukod sa siyudad, sama sa restaurant nga nagatanyag ug unli-rice.

Kini nga balita gihatod kanato sa;








📍 Mapalit sa Sir J Alternative ug sa tanang mga authorized reseller.

May 13, 2026