Sworgadwari Update

सरकारले आर्थिक वर्ष २०८३/०८४ का लागि २१ खर्ब २४ अर्ब ३४ करोडको बजेट सार्वजनिक गरेको छ ।
यसमध्ये चालुतर्फ १२ खर्ब ७० अर्ब ५८ करोड, पुँजीगत ४ खर्ब ३१ अर्ब १० करोड र वित्तीय व्यवस्थातर्फ ४ खर्ब २२ अर्ब रहेको छ ।

सरकारी कर्मचारीको तलब न्यूनतम् ४० हजार हुने !

निजामती कर्मचारीको तलब २० प्रतिशतले वृद्धि हुने निश्चित ।

बालबालिकामा हुने क्यान्सर रोगको सरकारी अस्पतालमा निःशुल्क उपचार हुने व्यवस्था मिलाएको छ।

साथै नर्सिङ कर्मचारीको रात्रि ड्यूटी भत्ता दोब्बर गरेको छ । स्वास्थ्य स्वयंसेविकालाई यातायात खर्चको भत्ता ५० प्रतिशतले वृद्धि गरेको छ।

सूचना तथा सञ्चारमा ५ अर्ब ९३ करोड विनियोजन
सञ्चार माध्यलाई दिने लोककल्याणकारी विज्ञापन निरन्तर !

रास्वपा प्रवेश गरेका कांग्रेसका दुई जना वडाध्यक्ष पदमुक्त

रास्वपा प्रवेश गरेका कांग्रेसका दुई जना वडाध्यक्ष पदमुक्त - स्वर्गद्वारी अपडेट प्युठान – राष्ट्रिय स्वतन्त्र पार्टी (रास्वपा) प्रवेश गरेका नेपाली कांग्रेसबाट निर्वाचित दुई जना वडाध्यक्ष पदम.....

दुर्घटना अपडेट:-
Sworgadwari Update

प्युठान नगरपालिकाको “एक वडा एक कालोपत्रे” सडक निर्माण अभियान अन्तर्गत यस वर्ष चेरनेटा–सालघारी–धाइरेचौर सडकको थप करिब डेढ किलोमिटर कालोपत्रे कार्य सम्पन्न भएको छ !

बिजुवार स्थित कालिका भगवती मन्दिर दर्शन गरौ ।

राष्ट्रिय स्वतन्त्र पार्टी लाई एउटा सुझाव-

तपाईंहरूलाई आएको मत केवल संगठनको बलले आएको होइन ।
यो मत वर्षौँदेखि पुराना राजनीतिक दलबाट निराश भएका, दुःख पाएका र परिवर्तन खोजिरहेका जनताको आशाको मत हो ।
जनताले “अब शायद नयाँ पुस्ताले केही फरक गर्छ कि” भन्ने विश्वासका साथ तपाईंहरूलाई साथ दिएका हुन् ।

त्यसैले अहिले सबैभन्दा महत्वपूर्ण कुरा संगठन विस्तार होइन, जनताले प्रत्यक्ष अनुभूति गर्ने काम हो ।

नेपालका धेरै पुराना दलहरूले संगठन विस्तारको नाममा ठाउँ–ठाउँमा कार्यकर्ता पाल्ने, भागबन्डा गर्ने र शक्तिको घेरा बनाउने काम गरे । आज त्यही संस्कार हटाउन, प्रशासन सुधार गर्न र राज्यलाई जनतामुखी बनाउन अनेक प्रयास गर्नुपरेको अवस्था छ ।
यदि नयाँ भनिएको शक्ति पनि विस्तारै त्यही बाटोमा हिँड्न थाल्यो भने, जनताले खोजेको “फरक राजनीति” र पुरानो शैलीबीचको दूरी बिस्तारै हराउन सक्छ ।

संगठन आवश्यक छैन भन्ने होइन ।
तर संगठनभन्दा ठूलो कुरा विश्वास हो, काम हो, परिणाम हो ।
तपाईंहरूले पहिलो निर्वाचनमै देखाइसक्नुभएको छ — जनताले मनबाट साथ दिए भने ठूलो संगठन बिना पनि समर्थन दिन सक्छन् ।

अर्को कुरा, संगठन विस्तारको हतारमा पार्टीभित्र सबै राम्रा मानिस मात्रै आउँछन् भन्ने हुँदैन ।
समाजमा इमानदारीका साथ काम गरिरहेका धेरै सक्षम व्यक्तिहरू पार्टीको झण्डामुनि बस्नै चाहन्छन् भन्ने पनि छैन ।
भोलि अवसरवादी, स्वार्थ बोकेका वा पुरानै राजनीतिक संस्कार बोकेका मानिसहरू संगठनभित्र प्रवेश गरे भने, त्यही संगठन पार्टीमाथि नै भारी बन्न सक्छ ।

त्यसैले अहिलेको आवश्यकता यस्तो राजनीति हो —
जहाँ कार्यकर्ता भन्दा नागरिक ठूलो होस्,
नारा भन्दा काम ठूलो होस्,
भीड भन्दा परिणाम ठूलो होस् ।

जनताले आज भाषणभन्दा बढी परिणाम खोजिरहेका छन् ।
सडक, स्वास्थ्य, शिक्षा, सुशासन, रोजगारी र भ्रष्टाचार नियन्त्रणमा फरक अनुभूति भयो भने जनताले साथ स्वतः दिन्छन् ।
किनकि विश्वास पोस्टर टाँसेर होइन, काम गरेर जितिन्छ ।

यदि तपाईंहरू साँच्चिकै पुराना दलभन्दा फरक बन्न चाहनुहुन्छ भने,
पहिले संगठनको आकार होइन, कामको स्तर ठूलो बनाउनुहोस् ।
जनताको मन जितियो भने संगठन आफैँ बलियो बन्छ ।

— चिकित्सक सन्तोष के.सी.

प्यूठानको माण्डवी गाऊँपालिका हुदै बग्ने माडी नदीमा गर्मी छल्न पौडी खेल्दै स्थानीय -🙂