Rato Bangala Partnership in Outreach Program-RBPOP

सार्थक बाल सिकाइ कार्यक्रम- आठराइ तेर्हथुम
तेर्हथुमको आठराइ गाउँपालिकामा रहेका २५ सामुदायिक विद्यालयका विद्यालय प्रधानाध्यापकहरूसँगको अन्तर्क्रिया कार्यक्रम मिति वैशाख ७ गते आठराई गाउँपालिकाको पालिका भवनमा सम्पन्न भयो। कार्यक्रमममा सहभागीहरू विच सार्थक बालसिकाइ कार्यक्रमले विद्यालयका सामुदायिक विद्यालयहरूका बालकक्षाहरूमा ल्याएका सकारात्मक परिवर्तनहरू, चुनौतीहरूका साथै कार्यक्रमबाट आगामी दिनहरूमा राखिएका अपेक्षाहरूका बारेमा छलफल भयो।
साथै विद्यालयमा अभिभावकहरूसँग पनि कार्यक्रमका बारेमा अन्तर्क्रिया सम्पन्न भयो।

सार्थक बालसिकाइ कार्यक्रम- फिदिम
बालकक्षामा स्थानिय वस्तुहरूको प्रयोगद्वारा बनाइएका केही सिकाई सामग्रीहरू।

सार्थक बालसिकाइ कार्यक्रम -फिदिम
पाँचथरको फिदिम नगरपालिका र रातो बङ्गला स्कुलको साझेदारी कार्यक्रम अन्तर्गत फिदिम नगरपालिकाका १४ सामुदायिक विद्यालयका प्रधानाध्यापक, नगरपालिका अध्यक्ष, शिक्षा प्रमुख एवं बालकक्षाका शिक्षकहरूसँगको रातो बङ्गला फाउन्डेसन र रातो बङ्गला साझेदारी कार्यक्रमका प्रशिक्षकहरूको अन्तर्क्रिया कार्यक्रम।
मिति २०८३ वैशाख ९ गते। स्थानः नगरपालिका भवन, फिदिम बजार ।

सार्थक बालसिकाइ कार्यक्रम -हलेसी तुवाचुङ
खोटाङको हलेसी तुवाचुङ नगरपालिका रातो बङ्गला फाउण्डेसन र रातो बङ्गला स्कुलको साझेदारी कार्यक्रम अन्तर्गत हलेसी तुवाचुङ नगरपालिकाका २२ सामुदायिक विद्यालयका बालकक्षाका २२ जना बालकक्षा शिक्षकहरू दोस्रो चरणको तालिममा सहभागी हुँदै।

सार्थक बालसिकाइ- हलेसी तुवाचुङ
खोटाङको हलेसी तुवाचुङ नगरपालिकाका सामुदायिक विद्यालयका बालकक्षाका बालबालिकाहरू खेल्दै सिक्दै।

सार्थक बालसिकाइ कार्यक्रम- हलेसी तुवाचुङ ।

रातो बङगला फाउन्डेसन,खोटाङको हलेसी तुवाचुङ नगरपालिका र रातो बङ्गला स्कुलको साझेदारी कार्यक्रम सार्थक बालसिकाइ कार्यक्रम- हलेसी तुवाचुङ अन्तर्गत रातो बङ्गला स्कुलले एक समारोहको आयोजना गरी २२ ओटा बालकक्षाका लागि आवश्यक शेक्षिक एवं खेलका सामग्रीहरू बितरण गरेको छ। समारोहमा नगरपालिका का अध्यक्ष एवं उपाध्यक्षको उपस्थितिमा विद्यालयहरूलाई सामग्री हस्तान्तरण गरियो।

नयाँ वर्ष २०८३—नयाँ लक्ष्य, नयाँ सिकाइ र उज्ज्वल भविष्यतर्फको यात्रा ।

सार्थक बालसिकाइ कार्यक्रम- भिमसेनथापा गाउँपालिका गोरखा।
रातो बङ्गला साझेदारी कार्यक्रमले भिमसेनथापा गाउँपालिकाका संपूर्ण सामुदायिक विद्यालयका नेतृत्वहरूसँगको अन्तर्क्रिया कार्यक्रमको आयोजना गर्यो। कार्यक्रममा रातो बङ्गला फाउन्डेसनका प्रमुख प्रशिक्षकद्वारा हाल सम्म गरिएका तालिमहरूको बारेमा प्रतिक्रिया सङ्कलन गर्नुका साथै आगामी कार्यक्रमहरूका बारेमा जानकारी पनि प्रदान गरियो। कार्यक्रममा गाउँपालिका अध्यक्ष, सामाजिक विकास समितिका संयोजक लगायत शिक्षा शाखा प्रमुखको पनि उपस्थिति रह्यो।

सार्थक बालसिकाइ कार्यक्रम- भिमसेनथापा गाउँपालिक गोरखा
रातोबङ्गला साझेदारी कार्यक्रमले सार्थक बालसिकाइ कार्यक्रम अन्तर्गत भिमसेनथापा गाउँपालिकाका संपूर्ण सामुदायिक विद्यालयका प्रारम्भिक बाल कक्षाका शिक्षकहरूका लागि बिभिन्न किसिमका पपेटहरूको निर्माण तथा प्रयोगको १ दिने कार्यशाला सम्पन्न गर्यो। प्रारम्भिक बालविकासको क्षेत्रमा राष्ट्रिय एवं अन्तराष्ट्रिय बालकक्षाहरूमा शिक्षण तथा शिक्षक तालिमको लामो अनुभव बटुल्नुभएका प्रारम्भिक बालकक्षाका विज्ञ श्री कल्पना पराजुलीले कार्यशालामा बिभिन्न सामाग्रीहरू जस्तै कपडा, कागज, मोजा लगायतबाट बिभिन्न किसिमका पपेटको निर्माण र बालकक्षामा सिकाइ एवं कक्षा सञ्चालनमा यसको उपयोगिताका बारेमा रमाइला क्रियाकलापहरूद्वारा कार्यशाला सञ्चालन गर्नुभयो।
कार्यशाला श्री सरस्वती मा वि बोर्लाङ् र श्री दुल्लभ मा वि घ्याम्पेसालमा गरिएको थियो र २ केन्द्रमा जम्मा ४० जना बालसहजकर्ताहरूको सहभागिता रह्यो।

प्रारम्भिक बाल विकास कार्यक्रम - ललितपुर
रातो बङ्गला साझेदारी कार्यक्रम र ललितपुर महानगरपालिकाको सहकार्यमा आयोजित कार्यक्रम अन्तर्गत समूह ४ का प्रधानाध्यापक तथा बालकक्षा शिक्षकहरूको संयुक्त कार्यशाला मिति २०८२ फागुन ८ शुक्रबार रातो बङ्गला स्कुलमा सम्पन्न भयो।