Norbert Grech

Qed joqorbu ċ-ċelebrazzjonijiet tal-Festa ta' San Martin ġewwa r-raħal tagħna tal-Baħrija. Inħeġġiġkom tattendu.

Araw il-programm hawn taħt.

Ilbieraħ, il-komunità Rabtija ngħaqdet biex tfakkar it-300 sena mill-Konsagrazzjoni tal-Kolleġġjata Bażilika u Proto-Parroċċa ta’ San Pawl.

Għal din l-okkażjoni ġiet iċċelebrata quddiesa solenni, bis-sehem ta’ diversi saċerdoti, il-Fratellanzi tal-Parroċċa u l-Orkestra tal-Kappella Diacono.

Wara l-quddiesa, il-Banda Konti Ruġġieru akkumpanjat l-attivitajiet li komplew quddiem il-monument ta’ San Pawl, fejn l-Arċipriet u r-rappreżentanti tal-Kunsill Lokali tar-Rabat u diversi għaqdiet Rabtin, poġġew kuruni tar-rand f’ġieħ l-Appostlu Missierna San Pawl.

Nirringrazzjaw lil kull min ħa sehem u ta sehmu biex dan l-anniversarju importanti jiġi mfakkar kif jixraqlu.

B’sogħba kbira llum insellem il-memorja ta’ persuna li ddedikat parti kbira minn ħajjitha għas-servizz tar-Rabat u r-Rabtin.

Kelli l-privileġġ li għal dawn l-aħħar erba’ snin naħdem miegħu fil-Kunsill Lokali tar-Rabat. Matul dawn is-snin dejjem sibt fih persuna lesta li tgħinni, tagħtini parir u taqsam miegħi l-esperjenza tagħha. Tgħallimt ħafna mingħandu, kemm fuq il-ħidma fil-Kunsill kif ukoll fuq xi jfisser li tkun tassew għas-servizz tan-nies, u għal dan nibqa’ dejjem grat.

Is-servizz tiegħu lejn ir-Rabat imur lura ħafna aktar minn hekk. Sa mill-1994, huwa ddedika snin twal ta’ ħidma fil-Kunsill Lokali għall-ġid tal-lokalità li tant kien iħobb. Kien bniedem dedikat, ħabrieki u onest, Rabti ġenwin li kellu għal qalbu r-Rabat u r-residenti tiegħu. Dan kien jidher biċ-ċar fil-ħidma tiegħu u fl-impenn kontinwu li dejjem wera matul is-snin.

Tul dawn is-snin ta kontribut kbir lill-komunità tagħna u ħalla warajh eżempju sabiħ ta’ xi jfisser li taqdi lill-lokalità tiegħek b’dedikazzjoni, b’umiltà u b’qalbek kollha.

Għalija kien privileġġ li kelli l-opportunità naħdem miegħu u nitgħallem mingħandu. Il-memorja tiegħu u l-kontribut li ta lir-Rabat żgur li se jibqgħu mfakkra għal ħafna snin.

F’dan il-mument ta’ niket, il-ħsibijiet tiegħi huma mal-familja, il-qraba u dawk kollha li kienu jafuh u jħobbuh. Nagħtihom il-kondoljanzi sinċiera tiegħi.

Nazju, strieħ fis-sliem. Grazzi ta’ kollox, u grazzi tas-servizz kbir li tajt lir-Rabat u lir-Rabtin.

Il-funeral se jsir nhar il-Ġimgħa, 14 ta’ Awwissu, fit-3:00 ta’ waranofsinhar, fil-Kolleġġjata Bażilika u Proto-Parroċċa ta’ San Pawl, ir-Rabat.

Għeluq ta' Triq il-Fiddien. Araw hawn taħt.

Nawgura l-Festa t-Tajba lir-Rabtin kollha. Proset kbira tmur lil dawk il-voluntiera kollha li kienu involuti biex din il-Festa tkun suċċess kbir.

Viva San Pawl Missierna!

Illum se nagħtu l-aħħar tislima lill-ewwel Sindku tar-Rabat, is-Sur Alfred Sharples, fil-Bażilika ta’ San Pawl ġewwa r-Rabat.

Se jsir ukoll korteo fis-1:30pm mill-Kunsill Lokali tar-Rabat sal-Bażilika ta’ San Pawl.

Kondoljanzi sinċieri lill-familja kollha tiegħu.

Nixtieq nawgura l-Għid it-Tajjeb lil kulħadd!

Matul dawn l-aħħar ġranet żort numru sabiħ ta' wirjiet ġewwa r-Rabat, l-Imdina, u l-Buskett. Ilkoll wirjiet il-ġmiel tagħhom. Nixtieq ngħid proset tad-dedikazzjoni kbira lill-organizzaturi kollha sabiex iżommu l-kultura Maltija b'saħħitha.

Dawn huma l-wirjiet li żort:
1. "Pass wara Pass" Wirja - Golgota. 11, Triq Kola Xara, Rabat, ta' Patrick u Stephen Bonello
2. "FIAT VOLUNTAS TUA" mtellgħa minn Jean Paul Mifsud - Palace View, Triq tal-Lhudi, Buskett
3. "PASSION OF THE CHRIST IN MATCHSTICKS" - Xogħol artistiku ta' Salvinu Bugeja dwar il-passjoni ta' Sidna Ġesu Kristu.
4. Wirja mtella' minn Kaiden Farrugia ġewwa l-Imdina.
5. Wirja mtella' minn Christopher Farrugia ġewwa l-Imdina.
6. Wirja mtella' minn Manwel Ġenovese ġewwa l-Kunsill Lokali tar-Rabat.
7. Wirja mtella' minn Stephen Attard ġewwa l-Imdina.

Ninkoraġġixxi lil kulħadd sabiex iżur dawn il-wirjiet.

Rudolf Grima

Magħkom matul il-Festa ta' San Ġużepp. Proset kbira lil dawk kollha involuti sabiex din tkun Festa milll-isbaħ. Il-Festa t-Tajba lil kulħadd.

L-aħħar ċans biex tibbukkjaw!

Kunsill Lokali Rabat Malta

Illum hi l-aħħar ġurnata li wieħed jista japplika biex jattendi għal Breakfast with Santa li ser isir għada fis-sala tal-iskola medja fir-Rabat.