Vision Entertainment

January.29 ရက် 2021 ည 11:30
ကျွန်တော်တို့ရဲ့ နှလုံးသားထဲကဂီတ Live Session ကို
ဂီတကိုချစ်မြတ်နိုးတဲ့သူတွေနဲ့နောက်ဆုံးဖြတ်သန်းခဲ့ပါတယ်။
February.1 ရက် 2021 နိုင်ငံအမှောင်ထဲစရောက်သွားရတဲ့နေ့ကစပြီး သုံးနှစ်ကျော်အကြောင်းအမျိုးမျိုးကြောင့်ရပ်တန့်သွားခဲ့ရတဲ့ ကျွန်တော်တို့ရဲ့ Vision Entertainment ကို ပြန်လည်ပြီး စတင်တော့မယ့်အကြောင်း မိတ်ဆွေများကိုခင်မင်စွာ
အသိပေးအပ်ပါတယ်။
နိုင်ငံကမှောင်စဲပါ
လောင်စဲပါ
ကျွန်တော်တို့အတွက်
အနုပညာဆိုတာ
အမှောင်ထဲရောက်နေတဲ့ နေ့ရက်များထဲမှာ
အလင်းလေးတစ်စသာသာပါ
မသေရုံ အားအဖြစ်
ဆွဲတင်းထားရတဲ့ ကြိုးလေးတစ်မျှင်ပါဗျာ…
မကြာခင်ပြန်ဆုံကြပါမယ်။ ။

``မဇ္ဈိမဒေသက မဟာဝီရ အိုဗုဒ္ဓကို ပူဇော်‌သူ´´
********************************** 🙏🙏🙏
🎤 “အစိမ်းရောင် ရက်စွဲများ” အယ်လ်ဘမ်ထဲမှာ မောင်မောင်ဇော်လတ်နဲ့ တွဲရေး ထားတဲ့ "မဟာဝီရ အို..ဗုဒ္ဓ” သီချင်းက တော်တော်ထူးခြားတယ်နော်။ ကိုငှက်တို့ ဘယ်လိုစိတ်ကူးနဲ့ ဒီသီချင်းကိုဖန်တီးခဲ့ကြတာလဲ။ဒီသီချင်းအတွက် ကိုငှက်တို့ အချိန်ဘယ်လောက်ယူခဲ့ကြလဲ။

✳️ဒီ "မဟာဝီရ အို.. ဗုဒ္ဓ”က ဒီသီချင်းရဲ့ Melody Sketch အကြမ်းလေးကို မောင်မောင်ဇော်လတ်က ကျွန်တော့်ကိုပေးထားတာကြာပြီ။ သူ မန္တလေးဆေးကျောင်းမှာတက်ခါစ 1st MB, 2nd MB နှစ်လောက်ကတည်းက သူဒီ Melody Sketch လေးကိုပေးထားတာ။ ဒါလေးကို ဒီMelody ထဲမှာဘာ Theme ထည့်မလဲဆိုပြီးတော့စဉ်းစားရင်း စဉ်းစားရင်းနဲ့ကိုကြာနေတာ၊ နောက်ဆုံး ဒီဗုဒ္ဓအကြောင်းကို ဗုဒ္ဓပူဇော်တဲ့သီချင်းရေးတော့မယ်ဆိုတဲ့အခါကျတော့ အဲဒီ Melody Sket လေးကို ပြန်ပြီး "မဇ္ဈိမဒေသ" အတိုင်း အဲဒီ အငွေ့အသက်ကလေးပါအောင် ပြန်ပြီးတော့ Edit ပြန်လုပ်ယူတယ်။ အဲဒီလို ပြန်လုပ်ယူပြီးတော့မှ ဒီ Theme ကို ဒီ Melody ထဲမှာဝင်အောင်ထည့်ခဲ့တာပါ။ ဘယ်လောက်ကြာလဲဆိုတာတော့ တွက်ကြည့်ပေါ့ဗျာ။ ၁၉၉၂၊ ၁၉၉၃ လောက်ကတည်းကစပြီးဒီသီချင်းကို ရေးခဲ့ကြတာ။

🎤 “မဟာဝီရ အို..ဗုဒ္ဓ” သီချင်းကို ပြန်နားထောင်ပြီးတော့ ကိုငှက်ရဲ့ စိတ်ထဲမှာ ဘယ်လို Feeling မျိုးပေါ်လာခဲ့ဖူးလဲ။

✳️ဒီသီချင်းကိုပြန်နားထောင်တော့ ကျွန်တော့်စိတ်ထဲမှာ ဒီသီချင်းကိုအဲဒီအချိန် တုန်းကဒီထက်ပိုကောင်းအောင်လုပ်ခဲ့သင့်တယ်။ လုပ်နိုင်သင့်ခဲ့တယ်လို့တွေးမိတယ်။ ဗုဒ္ဓကိုပူဇော်တဲ့နေရာမှာ ဒီ့ထက်ပိုပြီးတော့ အမွန်အမြတ်နဲ့ပူဇော်ချင်တဲ့ စိတ်မျိုးရှိတော့ အားမလိုအားမရဖြစ်တယ်။

🎤 မဟာဝီရ အိုဗုဒ္ဓ” သီချင်းကိုဖန်တီးတော့ Arrangeကို ကိုငှက်နဲ့ကိုမောင်မောင်ဇော်လတ်တို့ပေါင်းလုပ်ကြတာလား၊ IC ကပဲ Arrange လုပ်ပေးတာလား။ Arrange ကိုဘယ်လောက်ကြာကြာအချိန်ယူစဉ်းစားခဲ့ကြသလဲ။

✳️Arrangement ကမောင်မောင်ဇော်လတ်ရော၊ ကျွန်တော်ရော၊ IC ရော အားလုံးစုပေါင်းပြီးတော့လုပ်ကြတာပါပဲ။ ကျွန်တော်တို့ဒီသီချင်းရဲ့ body
(ကျောရိုး)ကိုတော့သိပ်ကြာကြာမစဉ်းစားခဲ့ကြပါဘူး။ ဒီကျောရိုးပေါ်မှာအမွန်းအမံလေးလုပ်ဖို့ကတော့နည်းနည်း အချိန်ယူပြီးတော့စဉ်းစားခဲ့ရပါတယ်။

🎤အဲဒီသီချင်းထဲမှာသုံးထားတဲ့အိန္ဒိယဗုံ၊ ပလွေစတဲ့တူရိယာတွေကတကယ့် အစစ်တွေပဲသုံးထားတာလား။ ဒီအိန္ဒိယသံစဉ်မျိုးကိုရဖို့၊ ဒီသီချင်းထဲမှာထည့် အသုံးပြုဖို့ကိုငှက်တို့ဘယ်လိုစိတ်ကူးပေါ်ခဲ့ကြတာလဲ။

✳️တကယ့်တူရိယာအစစ်တွေသုံးထားတာပါ။ ဒီသီချင်းကို ဗုဒ္ဓကိုပူဇော်တဲ့သီချင်း အဖြစ်ဖွဲ့ မယ်လို့စဉ်းစားပြီးတဲ့အခါကျတော့ ဒီဗုဒ္ဓပွင့်တော်မူရာမဇ္ဈိမဒေသရဲ့ အငွေ့အသက်လေးပေါ့။ အဲဒီ မဇ္ဈိမဒေသရဲ့ Taste လေးရအောင်လို့ ကျွန်တော်တို့ တာပလာ၊ ပလွေ၊ ခြူး၊ နောက် လင်းကွင်းသေးသေးလေးတွေပေါ့နော်။ ခွင်ခွင်ဆိုတဲ့ အသံလေးတွေက အစ၊ အဲဒါလေးတွေကိုကျွန်တော်တို့ ဒီမဇ္ဈိမဒေသရဲ့ရသလေးရအောင်လို့ ကျွန်တော်တို့စဉ်းစားပြီးသုံးခဲ့ကြတာပါ။

🎤အဲဒီလိုခေတ်နဲ့လျော်ညီအောင်လုပ်ထားတဲ့ ဗုဒ္ဓနဲ့ပတ်သက်တဲ့သီချင်းမျိုးတွေ ချည်းပဲဖန်တီးပြီးသီးသန့်စုစည်းထုတ်လုပ်ဖို့စိတ်ကူးမရှိဘူးလား။

✳️ကျွန်တော်စဉ်းစားထားတယ်။ ဟိုတုန်းက ဆရာစိုင်းခမ်းလိတ်တစ်ခွေလုပ်ဖူးပါတယ်။ နန်းခမ်းနွဲ့လိတ်ဆိုတဲ့အခွေပေါ့။ တစ်ခွေလုံး ဗုဒ္ဓနဲ့ပတ်သက်တဲ့သီချင်းတွေပါပဲ။ ဒါပေမယ့်ကျွန်တော်လုပ်ချင်တာက ဗုဒ္ဓဝင်ပေါ့ဗျာ။ ဗုဒ္ဓရဲ့ဖြစ်တော်စဉ်အကြောင်းကိုတစ်ခွေစာလောက် ကျွန်တော်လုပ်ချင်တယ်။

🎤ဘာသာရေးစာအုပ်တွေကောဖတ်ဖြစ်လား။ ဘာသာတရား၊ကိုးကွယ်ယုံကြည်မှု နဲ့ပတ်သက်လို့ကိုငှက်ဘာပြောချင်လဲ။

✳️ဘာသာတရား၊ကိုးကွယ်ယုံကြည်မှုဆိုတာ သူ့အချိန်နဲ့ သူ့ဖြတ်သန်းမှုနဲ့သူရင့်ကျက်မှုနဲ့သာဖြစ်နိုင်တဲ့ကိစ္စဆိုတော့အဲဒီကိစ္စနဲ့ ပတ်သက်ပြီးတော့တစ်ယောက်ကိုတစ်ယောက်ဘာမှပြောစရာအကြောင်းမရှိပါဘူး။ ဘာသာတရားနဲ့ပတ်သက်လို့ ဘာလုပ်ဖြစ်သလဲဆိုတော့ကျွန်တော်ဘာမှမလုပ်ဖြစ်ဘူး။ တစ်ခုပဲ ကျွန်တော်ဒီလောကကြီးမှာနေမှု၊ထိုင်မှု ရှင်သန်မှုပေါ့နော်။ အဲဒါနဲ့ပတ်သက်ပြီးတော့ ကျွန်တော်မတရားသဖြင့်အသက်ရှင်နေတာမျိုးမဖြစ်အောင်လို့ကိုယ့်ဘာသာကိုယ်ကြိုးစားပြီးတော့နေထိုင်ပါတယ်။ ဒီလောက်ပါပဲ။

🎤 ကိုငှက်အသက်ရလာတဲ့အခါဂီတနဲ့ပတ်သက်တဲ့ဘယ်လိုအလုပ်မျိုးတွေ လုပ်သွားဖို့စိတ်ကူးရှိလဲ။

✳️ကျွန်တော်အသက်ကြီးတဲ့အထိနေရဦးမယ်ဆိုရင်ကျွန်တော် ကလေးတွေကို ဒီဂီတနဲ့ပတ်သက်တာတွေသင်ပေးပြီးတော့အေးအေးဆေးဆေး တိတ်တိတ်ဆိတ်ဆိတ်နေသွားဖို့ကျွန်တော် စဉ်းစားထားတယ်။

🎤နောက်ပိုင်းသူတို့ဆီကအယ်လ်ဘမ်တွေမှာတယောတွေကိုတော်တော်ဦးစားပေးထည့်သုံးလာတာတွေ့ရတယ်။orchestra လိုတယောဝိုင်းကြီးတွေကိုလည်း Show ပွဲတွေမှာပွဲထုတ်လာကြတယ်။ ကျွန်တော်တို့ဆီမှာကောအဲ့ဒီလို orchestra ဝိုင်းကြီးတွေဘာ့ကြောင့်မလုပ်နိုင်သေးတာလဲ။

✳️လေးလေးတင်ရီ (တယောဦးတင်ရီ) တို့ ကြိုးစားနေကြတာပဲ။ လေးလေးတင်ရီ ဆိုရင်သူ့တစ်သက်လုံးဒီတယောကိုပဲ ဇောက်ချပြီး စူးစိုက်ပြီးကြိုးစားလာခဲ့ တာပဲ။ တစ်နေ့နေ့ကျရင်တော့ဒီလို string orchestra ကြီးတွေကို Rock Band တွေနဲ့တွဲပြီးတော့ တီးမှုတ်ဖျော်ဖြေတဲ့ concert တွေ ဖြစ်လာမှာပါ။

🎤ကျွန်တော်တို့ဆီကပရိသတ်ရဲ့ဂီတပေါ် ခံစားတတ်တဲ့အာရုံတွေဟာအရင်ကထက်ပိုမြင့်လာတယ်လို့သတ်မှတ်လို့ရမလား။ ကိုငှက်ဘယ်လိုမြင်လဲ။

✳️အင်း ...ကျွန်တော်ကမျက်စိနည်းနည်းမှုန်တယ်ဗျ။ ခင်ဗျားသိပါတယ်ဗျာ။ နည်းနည်းမဟုတ်ဘူး။ အများကြီးကို မှုန်တာ။ ကျွန်တော့်မျက်မှန်ကအထူကြီး လေ။ ကျွန်တော်ဘယ်လိုမှမမြင်တတ်ပါဘူးဗျာ။ (ရယ်လျက်)




#ထူးအိမ်သင်
#ဌက်
Photo & Content Credit to Original Owner& Interviewer

နှလုံးသားထဲကဂီတ Live
10:00 PM
ညရှိတယ်နော်
တေးသီချင်းများမှာ
ဘယ်သူတွေပါမလဲ
ဘယ်သီချင်းတွေဖွင့်စေချင်ကြလဲ ?



#နှလုံးသားထဲကဂီတ

♪အဉ္စလီ မောင်မောင် ပြောခဲ့တဲ့ သီချင်းရေးပုံ
~~~~~~~~~~~~~~~~~~~~~~~~~~~~ 🖊
တကယ်တော့ ဘ၀မှာ မထင်မှတ်ဘဲ သီချင်းရေးသူတယောက် ဖြစ်လာတာပါ။ ကျွန်တော် မူလတန်းကျောင်းသား အရွယ်တုန်းက စန္ဒရားတီးတတ်ချင်လို့ အဖေ့ကို ပူဆာပါတယ်။အဖေကဘကြီးသန့် (ဦးသန့်ဒါးတန်း)ကိုအကူအညီတောင်းတော့ဆရာဦးသိမ်းမောင်ဆီမှာစန္ဒရားတီးသင်ဖို့ဘကြီးသန့်ကစီစဉ်ပေးပါတယ်ဒါးတန်းဦးသန့်ကကျွန်တော့်ဦးသိမ်းမောင်ရဲ့ဆရာပါ။ကျွန်တော့်ရဲ့ဂီတဘ၀ အဲဒီကစလိုက်တာ၊ ၁၀ တန်း ကျောင်းသားဘဝရောက်တဲ့အထိ စန္ဒရားတီးသင်ခဲ့ပါတယ်။ လယ်တန်းနဲ့ အထက်တန်း ကျောင်းသားဘ၀ကျတော့ အမြင်တွေ အမျိုးမျိုး ပြောင်းလဲလာပါတယ်။ ၁၀ တန်းစာမေးပွဲဖြေပြီး တက္ကသိုလ် မတက်ခင်မန္တလေးမြို့မအပျော်တမ်းတူရိယာအသင်းမှာ ငါးလလောက် စန္ဒရားတီးခဲ့ပါတယ်။

၁၉၆၇-၁၉၆၈ ခုနှစ်မှာ စက်မှုတက္ကသိုလ် (R.I.T.) စတက်ပါတယ်။ တက္ကသိုလ် ကျောင်းအိပ်ကျောင်းစားဘ၀မှာ စန္ဒရားနဲ့ကျွန်တော် အဆက်ပြတ်သွားပါတယ်။ အရင်က ဂရုမစိုက်ခိခဲ့တဲ့ "ဟာမိုနီ အသံဖွဲ့စည်းခြင်း" နဲ့ "တန်ပြန်တေးသွား" ဆိုင်ရာ စာအုပ်တွေ ရှာပြီ ဖတ်မိတယ်။ မှတ်စုအတိုအထွာတွေ ထုတ်ပြီး မှတ်တယ်။ ကျက်တယ်။ နားမလည်၊ သဘော မပေါက်၊ မရှင်းတာတွေကို ဂီတ လိုက်စားသူတွေနဲ့ မေးမြန်းတယ်၊ ငြင်းခုန်တယ်၊ ဆွေးနွေးတယ်။

ခင်မောင်တိုး၊ ကိုနေ၀င်း၊ ကိုရဲလွင်တို့နဲ့ ခင်မင်ရင်းနှီးတဲ့ ကာလအတော်ကြာမှ ကျွန်တော် ဂီတာကို တီးချင်စိတ် ပေါ်လာတာပါ။ ဂီတာဟာ အသံရဲ့အတွဲအဖက် သဘော သဘာ၀ကို လေ့လာလို့ရတဲ့ တူရိယာပစ္စည်းတမျိုးပါပဲ။ စန္ဒရားလောက် နည်းပညာပိုင်းမှာ (Techniques) မခက်ဘူးလို့ အရင်က ထင်ခဲ့တယ်။ (အမှန်ကတော့ တူရိယာပစ္စည်းတိုင်းဟာ သူ့ဟာနဲ့သူ ခက်တာပါပဲ)။ ကောင်းတာကတော့ ကိုယ်နဲ့ သင့်တော်မယ့် တူရိယာပစ္စည်း ရွေးမိဖို့ အရေးကြီးပါတယ်။ ဒါပါပဲ။

ခေတ်ပြိုင်သီချင်းရေးသူတွေနဲ့ ဝါသနာ တူတယ်လို့သာ ပြောရတယ်၊ တကယ်တော့ ကြိုက်နှစ်သက်တဲ့ ဟန်ချင်းမတူပါဘူး။ ကျွန်တော်ရေးရင် မျဉ်းကြောင်း သင်္ကေတ (Staff-Notation) နဲ့ မှတ်ပါတယ်။ ရေးစတုန်းကတော့ တူရိယာပစ္စည်း တခုရယ်၊ ဆိတ်ငြိမ်တဲ့ ပတ်၀န်းကျင်ရယ် ရှိမှပဲ ရေးလို့ ရပါတယ်။ သီချင်းပုဒ်ရေ ၉၀ ကျော်ရေးပြီးတဲ့ နောက်ပိုင်းမှာတော့ တူရိယာပစ္စည်းတခုခု အနားမှာ မရှိလည်း ရေးလို့ဖြစ် လာတယ်။
သီချင်းရေးတဲ့နေရာမှာ တေးသွားဘောင်ကိုလည်း တင်ကြိုရှာမထားဘူး။ စာသားပိုဒ်ကိုလည်း အရင်ရေးမထားဘူး။ ပထမရေးချင်တဲ့ အကြောင်းအရာကို စဉ်းစားတယ်။ ရေးတဲ့အခါ အသုံးချမယ့် ဂီတသံအဖွဲ့အစည်း (Musical Forms & Figures) ပုံစံတွဲတွေကို စိတ်ထဲမှာ ဖော်ကြည့်တယ်။ အဲဒီနောက် ဂီတဝါကျ (Musical Phrase) နဲ့ စာသားဝါကျ (Lyric) တခုရပြီး တခုဆက်တယ်။ ပြောချင်တဲ့ အကြောင်းအရာ ပြည့်စုံပြီထင်ရင် အဆုံးသတ်လိုက်တယ်။ ထပ်ပြောချင်တဲ့အခါ ဆက်ရေးပြန်ရော။ တေးသွားပဲ ဖြစ်ဖြစ်၊ စာသား ပဲဖြစ်ဖြစ် အားမရရင် ခဏခဏ ပြင်တယ်။ အသံသွင်းပြီး (Recording) အခွေထဲ ရောက်သွားပြီးမှ မကြိုက်ရင်လည်း ချောင်ထိုးထားလိုက်တော့တယ်။

သီချင်းရေးရင်တော့ ခံစားမှု ရှိရမှာပေါ့လေ။ ကျွန်တော်လည်း ခံစားမှုရှိမှ သီချင်းရေး တာပါ။ ဒါပေမယ့် ရေးနည်းကို မလေ့လာဘဲ၊ ရေးစပ်တဲ့ အတတ်ပညာကို မလိုက်စားဘဲ၊ ခံစားမှုနောက်ကိုချည်း လိုက်လို့တော့ မဖြစ်ဘူးပေါ့လေ။ အများစုကတော့ ခံစားမှုလွန်ကဲဟန် (Emotional Type)ကို ရှုပ်နေတယ်။ "သိပ်ပြီး ပြင်းပြတဲ့ ခံစားမှု" တခုဟာ ပန်းချီကားတချပ်ကို လည်း ဖန်တီးနိုင်တယ်။ သီချင်းတပုဒ်ကိုလည်း ဖွဲ့နွဲ့နိုင်တယ်။ ပန်းချီ ဆွဲတတ်လို့လည်း မဟုတ်ဘူး။ သီချင်းစပ်တတ်လို့လည်း မဟုတ်ဘူးလို့ ယူဆကြတယ်။ အမှန်ကတော့ ခံစားမှုနဲ့ နည်းနာပိုင်း မျှတအောင် ရောစပ်ရမှာပါ။ တီးကွက်ဖော်တာကျတော့ ခံစားမှုနဲ့ မဆိုင်တော့ဘူး။

ပန်းပု၊ ပန်းချီ၊ ဂီတ၊ ကဗျာ စတဲ့ သုခုမလက်ရာတွေရဲ့ရသဟာ "ခံစားသူရဲ့အာရုံထက်မြက်မှု" ဒါမှမဟုတ် "ခံစားနိုင်စွမ်း" ပေါ်မူတည်ပြီး အရသာ အမျိုးမျိုး ကွဲနိုင်တယ်။ ခံစားမှုဆိုတာ ဘောင်မရှိဘူး၊ လွတ်လပ်တယ်။ သီချင်းတပုဒ်ရေးပြီးရင် ကိုယ်တိုင်ဆိုကြည့် တယ်။ ထစ်ငေါ့နေတယ်ထင်တဲ့ စကားလုံးနဲ့ နုတ် (Note)ကို "တလုံးစီ" ဒါမှမဟုတ် "အစုံလိုက်" ပြင်တယ်။ ပြင်စရာမရှိရင် တီးကွက်ကို ထပ်ပြီး ဖြည့်စွက်ရပါတယ်။ သီချင်းရေးတဲ့နေရာမှာ စာသား (Melody) ချည်းသက်သက် မဟုတ်ဘဲ အားလုံးကို တာ၀န်ယူချင်တာပါပဲ။ ကောင်း မကောင်း ကိုယ်နဲ့ပဲ သက်ဆိုင်တာပေါ့။

ခင်မောင်တိုး ဆိုတဲ့ "ကြိုးကြာသံ" ကတော့ အရှေ့တိုင်း အယူအဆလေးကို အခြေခံတာပါပဲ။ သစ္စာတရားဆိုပါတော့ အဖော်ကွဲရင် ရင်ကွဲနာကျသေတယ်လို့တောင် ပြောကြတယ် မဟုတ်လား။ တရုတ်အယူအဆကတော့ အသက်ရှည်တယ်ပေါ့ဗျာ။ ဂျပန်မှာတော့ ခါးနာနေရင် စက္ကူတွေနဲ့ ကြိုးကြာပုံ ချိုးကြတယ်။ အရုပ်က တထောင်ပြည့်ရင် မသေဘူးလို့လည်း ဆိုကြတယ်။ အဲဒါလေးတွေ ပါအောင် ရေးထားတာပါပဲ။

✍ မောင်မောင် ✍
အဉ္စလီ




#အဉ္စလီ မောင်မောင်
၁၉၈၆၊ ဧပြီလ၊ စံပယ်ဖြူမဂ္ဂဇင်းမှာပါတဲ့
"ဂီတသံစဉ် တေးချင်းဖွဲ့သီ" ကဏ္ဍမှ ကောက်နှုတ်တင်ပြထားတဲ့ Beauty မဂ္ဂဇင်း ထဲက ဆောင်းပါးကို ကူးယူဖော်ပြပါတယ်။
Artwork Crd to Artist AG GA

နှုတ်ဆက်ပါတယ် အကို
~~~~~~~~~~~~~~~~~
တေးသီချင်းကောင်းများစွာကိုဖန်တီး၊ရေးသား၊သီဆိုခဲ့သူ
ကိုကျော်နိုင်သူ(ခ)လာဇရု
ယနေ့မနက်တွင်
သူချစ်တဲ့တေးသီချင်းများ
သူချစ်တဲ့အနုပညာ
သူချစ်တဲ့သူတွေအားလုံးကို
နှုတ်ဆက်ခွဲခွါထွက်ခွါသွားခဲ့ပါပြီ။
ကောင်းမွန်သောဘုံဘဝကိုရောက်ရှိပျော်ပါစေအကို
R.I.P....
ဝမ်းနည်းခြင်းများစွာဖြင့်

Vision Entertainment Team




#လာဇရု
Photo Crd to Original Owner

နှလုံးသားထဲကဂီတ Live
10:00 PM
မနက်ဖြန်ညရှိတယ်နော်
တေးသီချင်းများမှာ
ဘယ်သူတွေပါမလဲ
ဘယ်သီချင်းတွေဖွင့်စေချင်ကြလဲ ?

#


#နှလုံးသားထဲကဂီတ

မဇ္ဈိမလှိုင်းကို သတိရတဲ့ဂီတချစ်သူတွေရှိလား....
သူတို့ရဲ့ဘယ်သီချင်းတွေကို ဘဝမှာမှတ်မှတ်ရရရှိခဲ့လဲ ?

#


#နှလုံးသားထဲကဂီတ
#မဇ္ဈိမလှိုင်း
Artwork Crd to Ko MAR NA

ငယ်စဉ်အခါ ချာတိတ်အရွယ်တုန်းတွေက...
Emperor #ဇော်ဝင်းထွဋ် #ထူးအိမ်သင် #ချစ်ကောင်း
တစ်ချိန်က ငယ်ငယ်လေးတွေ 🎸🥁🎹🎤

#


#နှလုံးသားထဲကဂီတ
#ဇော်ဝင်းထွဋ် #ထူးအိမ်သင် #ချစ်ကောင်း
Photo Crd to U Nyi Htut