BCT Training

လူသားတွေထက် အသိဉာဏ်ပိုမြင့်တယ်ဆိုတဲ့ Google ရဲ့ Gemini (AI) ဆိုတာ ဘာကြီးလဲ
Gemini ဆိုတာ Google ရဲ့ AI ရေသောက်မြစ်ကြီးပါ။ Google ကတော့ Gemini ကို သူတို့ရဲ့ အကြီးမားဆုံးနဲ့ အစွမ်းထက်ဆုံး AI မော်ဒယ်ကြီးဆိုပြီး ပြောထားပါတယ်။
Gemini ဘာတွေလုပ်နိုင်လဲ ?
Gemini က Large Language Model (LLM) ပါပဲ။ ဒါပေမယ့် တခြား LLM တွေထက် ထူးခြားတာက စာလုံးတွေကိုတင် မဟုတ်ဘဲ ဓာတ်ပုံ၊ ဗီဒီယိုနဲ့ အသံဖိုင်တွေကိုပါ Gemini က နားလည်နိုင်စွမ်းရှိတယ်။ ဆိုလိုတာက သူ့ကို ဓာတ်ပုံ ၁ပုံ ပြလိုက်မယ်ဆိုရင် ဘာပုံအမျိူးအစားလဲဆိုတာ ပြောနိုင်တယ်၊ ခွဲခြားနိုင်တယ်။ ဗီဒီယိုပြလိုက်ရင် ဘာဗီဒီယိုလဲ၊ ဘာအကြောင်းအရာတွေကို ပြောထားတာလဲဆိုတာတွေကို ပြန်ပြောပေးနိုင်တယ်။ အသံဖိုင်ဆိုရင်လည်း သီချင်းအမျိူးအစားတွေကအစ သိတယ်။
Gemini ဘယ်နှစ်မျိူးရှိလဲ ?
Gemini ကို မော်ဒယ် ၃မျိူး ခွဲထားပါတယ်။ Gemini Nano, Gemini Pro နဲ့ Gemini Ultra ဆိုပြီးတော့ပါ။
Gemini Nano
Nano မော်ဒယ်က Android ဖုန်းတွေမှာ သတ်မှတ်ထားတဲ့ AI အကူအညီတွေကို အင်တာနက်မလိုဘဲ Offline သုံးလို့ရအောင် လုပ်ပေးနိုင်တဲ့ ကောင်လေးပါ။
Gemini ကို ကျွန်တော်တို့လို End-user တွေက တိုက်ရိုက်သုံးလို့ ရမှာမဟုတ်ဘူး။ ဒါပေမယ့် သူက နောက်ကွယ်ကနေ ပါဝင်ပတ်သက်နေမှာပါ။ အခုဆိုရင် Google Pixel 8 Pro ဖုန်းတွေမှာ Gemini Nano ကျေးဇူးကြောင့် Recorder App ထဲက အသံတွေဖိုင်တွေကို Summarize (အနှစ်ချူပ်) ပြန်ထုတ်ပေးနိုင်ပြီ။ Pixel 8 Pro ဖုန်းနဲ့ WhatsApp သုံးရင် တစ်ဖက်လူပြောတဲ့စကားအပေါ် မူတည်ပြီး ကိုယ့်ဘက်က ဘာပြန်ပြောရမလဲဆိုတာကို Gboard (Keyboard) မှာ Suggestion အနေနဲ့ ဖော်ပြပေးနေပြီ။ ဒါကို Smart-reply လို့ ခေါ်ပါတယ်။ လောလောဆယ် English Language ပဲ ရပါသေးတယ်။
ဒါတွေက အစပဲရှိပါသေးတယ်။ နောက်ပိုင်းကျရင် Google ရဲ့ App တွေအပါအဝင် တခြား Android App တွေမှာပါ On-device မှာ Offline Run နိုင်တဲ့ AI လုပ်ဆောင်ချက်တွေ အများကြီးရှိလာတော့မှာပါ။
Gemini Pro
Pro က Nano ထက် အဆင့်မြင့်တဲ့ မော်ဒယ်ပါ။ အသိဉာဏ်ပိုမြင့်တယ် ဆိုပါတော့...
ဒီကောင့်ကို အခု Google Bard မှာ ထည့်သုံးထားပါတယ်။ အဲ့ဒါကြောင့် Bard က မေးခွန်းတွေကို အရင်တုန်းကထက် ပိုနားလည်လာမှာဖြစ်သလို၊ အဖြေတွေကိုလည်း ပိုမှန်အောင် ရှင်းရှင်းလင်းလင်း ထုတ်ပေးနိုင်လာပါလိမ့်မယ်။
Google က ဒီ Gemini Pro ကို Bard အပြင် သူတို့ရဲ့ AI Services တွေအကုန်လုံးနီးပါးမှာ ထည့်သုံးဖို့ ရည်ရွယ်ထားတာပါ။
Developer တွေနဲ့ စီးပွားရေးလုပ်ငန်းရှင်တွေက Gemini Nano နဲ့ Pro မော်ဒယ်တွေကို သုံးခွင့်ရမှာပါ။
Gemini Ultra
Ultra ကတော့ အကြမ်းဆုံး Gemini မော်ဒယ်ပါ။ Google ကတော့ သူတို့ရဲ့ တိုင်းတာစစ်ဆေးချက်တွေအရ လက်ရှိနာမည်အကြီးဆုံးလို့ ပြောလို့ရတဲ့ ChatGPT-4 ထက် အများကြီးသာတယ်လို့ ပြောပါတယ်။
Gemini Ultra ရဲ့ အသိပညာနဲ့ ပြဿနာဖြေရှင်းနိုင်စွမ်းတွေကို လူသားပညာရှင်တွေနဲ့ နှိုင်းယှဥ်ဖို့အတွက် သင်္ချာ၊ ရူပဗေဒ၊ သမိုင်း၊ ဥပဒေ၊ ဆေးပညာနဲ့ လူ့ကျင့်ဝတ်ပိုင်းဆိုင်ရာတို့လိုမျိူး ဘာသာရပ်ပေါင်း ၅၇ခုပေါင်းစပ်ထားတဲ့ Massive Multitask Language Understanding (MMLU) နဲ့ မေးခွန်းတွေမေးပြီး စမ်းသပ်တိုင်းတာခဲ့ပါတယ်။
Gemini Ultra ဟာ လူသားပညာရှင်တွေထက် အသိဉာဏ်ပိုကောင်းတဲ့ ပထမဦးဆုံး AI မော်ဒယ်အဖြစ် မှတ်တမ်းဝင်သွားပါတယ်။
Ref: The Verge, CNBC

ICT Solution

Backstage View

Excel File ရဲ့ ဘယ်ဘက်အပေါ်ရှိ File ကို Click လုပ်တဲ့အခါ Backstage View ကို တွေ့မြင်နိုင်ပါတယ်။ Backstage မျက်နှာပြင်တွင် မိမိလုပ်ဆောင်ခဲ့သည့်ဖိုင် (Recent file) များနှင့်အတူ ဖိုင်အသစ်ဖွင့်ခြင်း၊ ဖိုင်သိမ်းဆည်းခြင်း တို့ပါဝင်ပါတယ်။ Backstage View မှာပါတဲ့ Commands တွေရဲ့ လုပ်ဆောင်ချက်တွေကတော့

Info - File protect ပြုလုပ်ခြင်း၊ file ၏ အချက်အလက်များပါဝင်သည်။
New - Worksheet အသစ်များ၊ template အသစ်များပြုလုပ်နိုင်သည်။
Open - File များကိုဖွင့်ပေးသည်။
Save - File များကို သိမ်းဆည်းပေးသည်။
Save As - File အား အခြားနေရာ (သို့) အခြားအမည်ဖြင့် သိမ်းဆည်းနိုင်သည်။
Print - File အား print ထုတ်ခြင်းနှင့် ကြိုတင်ကြည့်ရှုခြင်းများ လုပ်နိုင်သည်။
Share - File အား online ပေါ်သို့မျှဝေခြင်း နှင့် email ပေးပို့ခြင်းများ ပြုလုပ် နိုင်သည်။
Export - File ကို pdf ပြောင်းလဲပေးခြင်း နှင့် အခြားသော file extension type များကို ပြောင်းလဲပေးခြင်းများ ပြုလုပ်နိုင်သည်။
Close - အသုံးပြုနေသည့် worksheet အားပိတ်ခြင်းဖြစ်သည်။
Account - Office Account ၏အချက်အလက်များနှင့် Software ၏ အချက်အလက်များကို ကြည့်ရှုနိုင်ပါသည်။
Options - Excel program တစ်ခုလုံး၏ လုပ်ဆောင်ချက်များကို အသုံးပြုသူ စိတ်ကြိုက် အသေးစိတ် Details လုပ်ဆောင်နိုင်သည်။

ဉာဏ်စမ်းပဟေဋိ ဖြေကြည့်ဖို့
စိတ်ဝင်စားသူတွေအတွက်

History Fast Facts: Myanmar Quiz This is the History of Myanmar Quiz. Can you guess ALL Questions? Let's get started.

Excel Window Screen

Excel ကိုစတင်အသုံးပြုမည့် User များအတွက် အခြေခံသိထားရမည့် အစိတ်အပိုင်းတစ်ခုဖြစ်သည်။ Worksheet အတွင်း စာရင်းဇယားများရေးဆွဲခြင်း၊ Data များဖြည့်သွင်းခြင်းနှင့် Graphic ပုံစံ Chart Design များဖန်တီးခြင်း၊ သင်္ချာဆိုင်ရာ တွက်ချက်မှုများ ဆောင်ရွက်ရာတွင် အဆင်ပြေလွယ်ကူစွာ အသုံးပြုနိုင်ရန်အတွက် လိုအပ်သည့် Functions များကို သိရှိစေနိုင်မှာ ဖြစ်ပါတယ်။

[ A ] File tab: Excel file အသစ်ဖွင့်ခြင်း၊ သိမ်းဆည်းခြင်း၊ ပိတ်ခြင်းနှင့် option များပါဝင်သည်။
[ B ] Quick Access Toolbar: command များကို အလွယ်တကူ အသုံးပြုနိုင် သည့် Tools များပါဝင်သည်။
[ C ] Title Bar: Workbook တွင်အသုံးပြုထားသည့် File ၏ နာမည်ကိုဖော်ပြ ပေးသည်။
[ D ] Close button: Excel File ပိတ်ရာ တွင်အသုံးပြုပါသည်။
[ E ] Ribbon: Tab များ နှင့် Menu များစွာ ပါဝင်ပါသည်။
[ F ] Scroll bars: Worksheet ကိုအပေါ် အောက် နှင့် ဘေး၊ ဘယ်ညာသို့ ရွှေ့ပြောင်းရာတွင် အသုံးပြုပါသည်။
[ G ] Zoom slider: Worksheet စာမျက်နှာကိုအလိုရှိသည့် အရွယ်အစားချိန်ညှိ ရာတွင် အသုံးပြုပါသည်။
[ H ] View buttons: worksheet ကိုပုံစံ(၃)မျိုးကြည့်ရှု့နိုင်ပါသည်။
[ I ] Worksheet tabs: Excel စာမျက်နှာများဖြစ်ပြီး ပုံသေစာမျက်နှာ (၃) ခုရှိ ပါသည်။
[ J ] Status bar: Worksheet ပေါ်မှ လုပ်ဆောင်ချက်များကို ဖော်ပြပေးသည်။
[ K ] Name box: Cell ကွက်၏ လိပ်စာကို ဖော်ပြပေးပါသည်။
[ L ] Row and column headings: row နှင့် column ၏ heading ပိုင်းဖြစ်ပါ သည်။
[ M ] Active cell: row နှင့် column ဆုံသောနေရာဖြစ်ပြီး လက်ရှိ ရောက်နေသည့် နေရာကိုဖော်ပြပေးပါသည်။
[ N ] Formula Bar: Cell ကွက်များ အတွင်းထည့်သွင်းသည့် Data များကို Edit ပြုလုပ်နိုင်ပြီး အသုံးပြုထားသည့် Formula များကို ဖော်ပြပေးပါသည်။

Website တစ်ခုရှိဖို့လိုလား

လူမှုကွန်ရက် Social Media တွေ မပေါ်ခင်က Website , Blog တွေဆိုတာ မရှိမဖြစ်ပါ။ ခုအချိန်မှာတော့ Facebook ရဲ့ သတင်းအချက်အလက်စီးဆင်းမှု မြန်ဆန်တဲ့ အားသာချက်ကို အသုံးချပြီး လူတွေက စီးပွားရေးလုပ်ကြတော့ Website တွေက မှေးမှိန်သွားတယ်။ ဒီအပေါ်မှာပဲ Facebook Marketing လုပ်နိုင်တဲ့ အခွင့်အလမ်းတွေ ထပ်တိုးလာတော့ အစိုးရရုံးဌာန၊ Banking၊ University တွေကလွဲလို့ Website တွေကို ဘယ်သူမှ စိတ်မဝင်စားကြတော့ဘူး။ နောက်တစ်ချက်က Social Media ပေါ်မှာက Account, Page, Group အတုတွေဖန်တီးလို့ရတဲ့အတွက် ဘယ်အရာကိုမှ အပြည့်အဝ ယုံကြည်စိတ်ချလို့ မရပါဘူးဆိုတာ ငြင်းလို့မရပါဘူး။

တကယ်တော့ ကိုယ့်ရဲ့ကုမ္ပဏီ၊ လုပ်ငန်းတွေ၊ Product တွေနဲ့ပတ်သက်လို့ Website တစ်ခုရှိထားခြင်းက Professional ဖြစ်တည်မှုကို သက်သေပြနိုင်သလို Customer ယုံကြည်စိတ်ချရမှုကို 100% ပေးစွမ်းနိုင်ပါတယ်။ ဒါ့အပြင် အချက်အလက်တွေကို တစ်နေရာတည်းမှာပဲ စုစည်းဖော်ပြပေးနိုင်ခြင်း၊ Google ရှာဖွေမှုတွေကတစ်ဆင့် Customer တွေတိုးလာနိုင်ခြင်း၊ Web Visitors တွေပေါ်မူတည်ပြီး Google Ads ရင်းနှီးမြှုပ်နှံမှုပြုလုပ်နိုင်ခြင်း၊ ကမ္ဘာတစ်ဝှမ်း ဘယ်နေရာကပဲဖြစ်ဖြစ် 24/7 ကြည့်ရှု အသုံးပြုနိုင်မှာပဲဖြစ်ပါတယ်။

Web Design အပြင်အဆင်များကို စိတ်ကြိုက်ဖန်တီးနိုင်ခွင့်ရှိခြင်း၊ ဓာတ်ပုံ/ဗွီဒီယို/ အချက်အလက်များကို ကန့်သတ်ချက်မရှိ လွတ်လပ်စွာမျှဝေနိုင်ခြင်းနှင့် အချိန်မရွေး လွယ်ကူစွာ ပြင်ဆင်ပြောင်းလဲနိုင်ခြင်းက Website ရဲ့ အားသာချက်တွေပါပဲ။ ဒီလောက်ဆိုရင် မိမိလုပ်ကိုင်နေတဲ့ လုပ်ငန်းတစ်ခုရဲ့ အနာဂတ်အတွက် Website တစ်ခုရှိခြင်းက လိုအပ်လား/ မလိုအပ်ဘူးလား စဉ်းစားကြည့်ပေါ့ဗျာ။

Okkar

ပြည်ထောင်စုဖောင့် လက်ကွက်ပုံစံ (ပက်ဆင့်အပါ)

Alt Key နှင့်တွဲ၍ရိုက်ရသော Win Font များ

Facebook Boost/ Ads Services

Facebook ပေါ်မှာ တပိုင်တနိုင် စီးပွားရေးလုပ်ဖို့ Page တွေဖွင့်ပြီး Product တွေကို ရောင်းကြတယ်။ ဒီလိုရောင်းချတဲ့အခါ ကိုယ့်ရဲ့ Page or Product ကို လူသိများအောင် လုပ်ဖို့က အရေးကြီးပါတယ်။ Public Group တွေထဲမှာလိုက်ပြီး Link ချပေးတာမျိုး၊ တခြား Page တွေ အောက်မှာ Comment ပေးတာမျိုး၊ Page Invite လုပ်တာမျိုး အခြေအမြစ်မရှိတာတွေ လုပ်မနေပါနဲ့တော့။ စနစ်တကျနဲ့ ထိရောက်တဲ့ Marketing ဖြစ်ဖို့ Facebook Boost/Ads Services တွေကို မဖြစ်မနေ အသုံးပြုဖို့လိုပါတယ်။

Post မှာပါတဲ့ Boost Button ကိုနှိပ်ပြီး Dollar ($) ထည့်သုံးလိုက်ရုံနဲ့လဲ မှန်ကန်တဲ့ Target Audience ဆီကို မထိရောက်နိုင်ပါဘူး။ Dollar ($) တွေသာ သုံးလိုက်ပြီး ရောင်းမထွက်တာ Follower မတက်တာမျိုးတွေ ဖြစ်နေတတ်ပါတယ်။

ဒီတော့ Boost/Ads လုပ်တော့မယ်ဆိုရင် ကိုယ့်ရဲ့ Content Post ကို စိတ်ဝင်စားမှု ရှိအောင်ရေးခြင်း၊ အရည်အသွေးကောင်းတဲ့ Image များကိုအသုံးပြုခြင်း၊ Ads Management အတွေ့အကြုံရှိခြင်းတို့ကို ပေါင်းစပ်ပြီးလုပ်မှသာ ထိရောက်တဲ့ Facebook Advertising တစ်ခုဖြစ်လာမှာသေချာပါတယ်။

ယူနီကုဒ် (Unicode)

ယူနီကုဒ်သည် တစ်ကမ္ဘာလုံးရှိ ဘာသာစကားများ အားလုံးအသုံးပြုနိုင်ရန် သတ်မှတ်ပေးထားသည့် တစ်ခုတည်းသော နိုင်ငံတကာစံ သတ်မှတ်ချက် (ISO 10646)၊ နိုင်ငံတိုင်းတွင် အသုံးပြုလျက်ရှိသော အက္ခရာစာလုံးများအတွက် သီးခြားသတ်မှတ်ပေးထားသော နံပါတ်များဖြစ်သည်-
- Any Platform
- Any Program
- Any Language
ဘာသာစကားများကို Font တစ်ခုအဖြစ် ဖန်တီးပြီး မည်သည့်ကွန်ပျူတာစနစ်တွင်မဆို အသုံးပြုနိုင်ရမည်ဖြစ်သည်။

မြန်မာယူနီကုဒ် (Myanmar Unicode)

မြန်မာစာရေးထုံးကို မှန်ကန်စွာအခြေခံပြီး နိုင်ငံတကာစံသတ်မှတ်ချက်နှင့် အပြည့်အဝကိုက်ညီသော မြန်မာစာကွန်ပျူတာစနစ်ဖြစ်သည်။
***ရှင်းလင်းချက်၊ (ကွန်ပျူတာက " စံသတ်မှတ်ချက်" တစ်ခုကို သိလာမှသာ တစ်ကမ္ဘာလုံး မည်သည့်ကွန်ပျူတာကမဆို မြန်မာစာကို နားလည်လာပါမည်။ ကွန်ပျူတာက လက်ခံနိုင်သည့် " စံသတ်မှတ်ချက် " ဆိုသည်မှာ ကကြီးကို U+1000 နှင့် ခခွေးကို U + 1001 အဖြစ် ကုဒ်အနေဖြင့် ပုံသေ သတ်မှတ်ပေးရပါလိမ့်မည်။ သတ်မှတ်ရုံသာမက တစ်ကမ္ဘာလုံးရှိ Software Developer များ သိစေရန်နှင့် တစ်ပြေးညီအသုံးပြုနိုင်စေရန် သတ်မှတ်ပြီး ကြေညာထားကြ ရပါလိမ့်မည်။ ထိုသို့ သတ်မှတ်ကြေညာမှုကို ISO က စံထားပြီးသတ်မှတ်ပေးသည်။)

မြန်မာယူနီကုဒ်၏ စံသတ်မှတ်ချက်များကို လိုက်နာထားသော Font များစွာရှိပါသည်။
Pyidaungsu.ttf
Myanmar3.ttf
Tharlon.ttf
Padauk-book.ttf
Myanmar Cencus.ttf
Win Uni Innwa.ttf
Myanmar Text.ttf
မြန်မာယူနီကုဒ်စနစ်အတိုင်း ရိုက်နိုင်သောကီးဘုတ်များမှာ Keymagic, Keyman, Myanmar-custom, TT Keyboard တို့ဖြစ်သည်။

မြန်မာယူနီကုဒ်စနစ်ကို အသုံးပြုနိုင်သည့် Windows, Linux, Android, iOS, Mac Operating Systems များတွင် အသုံးပြုနိုင်ပါသည်။‌

-------
အမျိုးသားစံချိန်စံညွှန်းကောင်စီသည် စံချိန်စံညွှန်း သတ်မှတ်ခြင်းဆိုင်ရာ ဥပဒေပုဒ်မ ၃၃၊ ပုဒ်မခွဲ(ခ) အရ အပ်နှင်းထားသော လုပ်ပိုင်ခွင့်ကို ကျင့်သုံး၍ ပုဒ်မ ၅၊ ပုဒ်မခွဲ (ခ)ပါ လုပ်ငန်းတာဝန်များအရ MMS ISO/IEC 10646:2017 သတင်းအချက်အလက် နည်းပညာ၊ နိုင်ငံတကာသုံးယူနီကုဒ်စံစနစ်အား မြန်မာစံချိန်စံညွှန်းအဖြစ် သတ်မှတ်ကြောင်း ၂၀၁၉ခုနှစ် ဖေဖော်ဝါရီလ (၂၁)ရက် ရက်စွဲပါ အမိန့်ကြော်ငြာစာအမှတ် (ဝ၂၂/၂၀၁၉)ဖြင့် ထုတ်ပြန်ကြေညာခဲ့ပြီး ဖြစ်သည်။
၁၀။ ၂၀၁၉ ခုနှစ် ဧပြီလ (၁)ရက်တွင် အစိုးရဌာနများသည် ISO 10646 နိုင်ငံတကာသုံး ယူနီကုဒ်စံစနစ်နှင့် ကိုက်ညီသော မြန်မာယူနီကုဒ်သို့ အောင်မြင်စွာ ကူးပြောင်းခဲ့ပြီးဖြစ်သည်။ ကျန်ရှိနေသော နည်းပညာအခက်အခဲအချို့ကို မြန်မာနိုင်ငံကွန်ပျူတာအသင်းချုပ် အောက်မှ Natural Language Processing Lab (NLP Lab) နှင့် ပြင်ပ ပညာရှင်များ ပူးပေါင်းဖြေရှင်းပေးလျက်ရှိသည်။

.org

Special Symbols

Microsoft Document တွင် စာသားများ၊ ကိန်းဂဏန်းများအပြင် သင်္ချာဆိုင်ရာ/ငွေကြေးဆိုင်ရာ/ ကုဒ်ရေးခြင်း အစရှိသည့် လုပ်ဆောင်ချက်များအတွက် အထူးသင်္ကေတများကိုပါ ထည့်သွင်းအသုံးပြုနိုင်ပါသည်။ သတိထားရမယ့် အချက်ကတော့ မိမိ အသုံးပြုလိုတဲ့ သင်္ကေတစာလုံးသည် Font အမျိုးအစားအားလုံးတွင် မပါရှိသည့်အတွက် မှန်ကန်သော Font ကိုရှာဖွေအသုံးပြုရန် အရေးကြီးပါသည်။
Symbol such as currency (¥), music (♫), or check marks (✔)


 သင်္ကေတကို ထည့်သွင်းလိုသည့် နေရာတွင် Cursor ချထားလိုက်ပါ။
 Insert Menu မှ Symbols ကိုသွားပါ။
 ပေါ်လာသည့် သင်္ကေတများကို ရွေးချယ်ပါ (သို့မဟုတ်) ထပ်မံရွေးချယ်လိုပါက More Symbols ကိုနှိပ်ပါ။
 Symbols နှင့် Special Characters Options တို့တွင် မိမိအသုံးပြုလိုသည့် သင်္ကေတကို ရှာဖွေ ရွေးချယ်ပြီး Insert ကိုနှိပ်၍အသုံးပြုနိုင်ပါသည်။





Telegram Channel
https://t.me/bcttraining247

၁၉၃၀ ခုနှစ်က ကွန်ပြူတာကို Update လုပ်ထားတဲ့ ပုံတွေပါ
ဗဟုသုတ ရအောင်တင်ပေးချင်ဖြစ်ပါသည်

စာလုံးပေါင်းသတ်ပုံနှင့် သဒ္ဒါစစ်ဆေးခြင်း (Spelling & Grammer)

Word Document မှာ စာသားအကြောင်းအရာတွေကို ရေးသားတဲ့နေရာမှာ မှားယွင်းတဲ့ စာလုံးပေါင်းသတ်ပုံနဲ့ သဒ္ဒါအမှားများကို စစ်ဆေးပေးနိုင်တဲ့ Options ပါဝင်ပါတယ်။ ကိုယ်ရေးလိုက်တဲ့ စာလုံး (Word) ၏ သတ်ပုံမှားယွင်းနေရင် စာလုံးရဲ့အောက်မှာ အနီရောင်မျဉ်းတွန့် ဖြင့်ဖော်ပြပါလိမ့်မယ်။ အကယ်၍ သင်ရေးလိုက်တဲ့ စာကြောင်းရဲ့ သဒ္ဒါမှားယွင်းမှု ဖြစ်နေရင်တော့ အပြာရောင်မျဉ်းတွန့်နဲ့ ဖော်ပြပေးပါလိမ့်မယ်။

မှားယွင်းမှုများကို ပြင်ဆင်ဖို့အတွက်တော့ Review Tab ထဲက Spelling & Grammer Options ကို သွားပါ။ မှားနေတဲ့ စာလုံးတွေအတွက် မှန်ကန်တဲ့ စာလုံးကိုဖော်ပြပေးထားပါတယ်။ ပြီးရင်တော့ မှားယွင်းမှုတွေကို ပြင်ဆင်နိုင်မယ့် ခန့်မှန်းချက် Suggestions ကို ရွေးချယ်နိုင်ပါတယ်။




&_Grammer

Telegram Channel
https://t.me/bcttraining247