Orphan school - bago

ပင်ပန်းနေလို့ပါ ပိုစ့်တွေကောင်းကောင်းမရေး
နိုင်လို့ပါနော် သည်းခံပေးကြပါ။

မနက်ဖြန်မှတ်တမ်းလေးနဲ့တကွစီစစ်ပြီး
တင်ပေးပါမယ်နော် ကျေးဇူးဥပကာအထူးတင်
ရှိပါတယ်။

နှလုံးသားလေးထွေးပိုက်ထားတယ်

ကြယ်တွေမစုံတဲ့ လသန်းခေါင်ယံမှာ
မှောင်မိုက်ခြင်းနဲ့ လောကကြီးထဲ
ထိုးဖောက်ရောက်လာသော...

လူသားထဲက လူသားသေးသေးလေးတွေအတွက်တော့....

ရင်ခွင့်မဲ့ကျောင်းလေးရဲ့အမွှေးဆုံး
ပန်းကလေးတွေပါပဲ။

ဘာလို့လဲ.....
လွတ်လပ်ခြင်းနဲ့ ပန်းရနံ့သင်းသင်း
လောကကြီးမှာ ဖူးပွင့်ဝေဆာ
ဖြစ်ခွင့်ရလို့ပါပဲ။

ဒါကြောင့်လည်း မျှဝေသောစိတ်
ကြင်နာသော မေတ္တာ အနန္တဂရုဏာ
ထားကာ ....

#ဒေါက်တာပြည့်ပြည့်ဖြိုးခက် ၏ ၄၀နှစ်ပြည့် မွေးနေ့
အထိမ်းမှတ်ဖြင့်......
ဖြည့်စွက်စာ အာဟာရဒါန
(ရေခဲမုန့်) အား
ကုသိုလ်ပြု လှူဒါန်းခဲ့ပါသည်။

မွေးနေ့ရှင် သည်လည်း
မွေးနေ့ရက်မြတ် ချိန်ခါ
မင်္ဂလာ အဖြာဖြာနှင့်
အစဥ်မကွာ ပြီးပြည့်စုံ၍

လျှောက်သော ဘဝလမ်းမှာ
မရှိစကား၊မလှစကား၊
မဝစကား၊ မသိစကားမကြားရသည်ဖြစ်၍
ကျန်းမာ ချမ်းသာ ခြင်းနှင့်ပြည့်စုံစေပြီး
ချစ်ရသောသူများနှင့် အေးချမ်းပျော်ရွှင်သော
နေ့ရက်များစွာ ပိုင်ဆိုင်နိုင်ပါစေ။

ph-09784740491

အပြုံးတွေနဲ့ နွေးထွေးစေ...

မွေးနေ့ရှင် #ကိုသက်နိုင်ထွန်း ၏
၃၄ နှစ်ပြည့်မွေးနေ့
အထိမ်းအမှတ် အဖြစ် ....

ကျောင်းရှိ သံဃာတော်များနှင့်ကလေးသူငယ်များအတွက်
နေ့ဆွမ်း၊ နေ့လယ်စာ အာဟာရဒါန၊ ရေခဲမုန့်နှင့် ကိတ်မုန့်များအတွက်
အာဟာရဒါန ကုသိုလ်ပြုငွေ ၉၀၀,၀၀၀ကျပ် ကို လှူဒါန်းခဲ့ပါတယ်။

နွေးထွေးသော အပြုံးများနှင့်
လှပသော နှလုံးသားထဲမှ
ထက်သန်သော သဒ္ဓါတရား..
ကြင်နာမှု ကရုဏာတို့ဖြင့်..

ဤကျောင်းလေး၏
တနပ်စာ အာဟာရဝန်ကို
ပါရမီဖြည့် ဒါနပြုကြည်နူးရင်း
မွေးနေ့မှတ်တိုင်လေး တခု စိုက်ထူခဲ့ပါတယ်။

နောက်လာမယ့် နေ့များကို
စိတ်သစ်လူသစ် ခွန်အားသစ်များနဲ့
ဖြတ်ကျော်ရင်း ...လှပသော ဘဝတစ်ခုကိုဖန်တီးတည်ဆောက်ရဦးမယ်။

မွေးနေ့ရှင်၏ မြတ်သောစေတနာအကျိုးအားကြောင့် ယနေ့ပျော်ရွှင်သော မွေးနေ့မှသည်နောက်ထပ် နောက်ထပ် ပိုမိုကြည်လင်လှပသော
ဘဝနေ့ရက်များကို ပိုင်ဆိုင်နိုင်ပါစေ။

စိတ်ရောကိုယ်ပါ ကြည်မွေ့ချမ်းသာနိုင်ပါစေ။

စစ်မှန်သော ချစ်ခြင်းမေတ္တာတို့ဖြင့်
အေးမြသောဘဝရိပ်မြုံလေးကို
ပိုင်ဆိုင်နိုင်ပါစေ။
ဘာသာ သာသနာအကျိုး အများအကျိုးတို့ကိုဆန္ဒရှိသမျှ သယ်ပိုးဆောင်ရွက်နိုင်ပါစေ။

မျှဝေခြင်းများနဲ့ လှပသောကမ္ဘာ

လူဖြစ်ရခြင်းကို...
မျိုးစုံခေါင်းစဥ်တပ်ကြပေလိမ့်မည်။
အဓိက အားဖြင့်..
မိမိကိုယ်ကိုယ် ကောင်းစွာတည်ဆောက်ခြင်း။
ထိုမှတဆင့် မိမိပတ်ဝန်းကျင်ကို
အကျိုးပြုခြင်း။
လူသားတွေအတွက် လုပ်ကိုလုပ်ရမယ်လို့
မသတ်မှတ်ထားပေမယ့်..
မိမိသိစိတ်နဲ့... လုပ်ဆောင်သင့်တဲ့အရာတွေ
အများကြီးပေါ့။

ဝင်လာချိန်ကနေ ပြန်လည်ထွက်ခွာချိန်ထိ...
ဘာတွေ အကျိုးပြုခဲ့သလဲဆိုတဲ့
မှတ်တမ်းလေးတော့ ရှိထားသင့်တယ်။

သင်သေသွားသော် ကဗျာထဲကလိုပါပဲ။
သင်ဘာတွေ လုပ်ပေးခဲ့သလဲ ပေါ့။

ဒီမေးခွန်းကို..
ကိုယ့်ကိုယ်ကိုယ် ခဏခဏ မေးကြည့်ရင်း..
လောကအတွက် အုတ်တစ်ချပ် သဲတစ်ပွင့်
ဖြစ်စေကြမယ့်... နှလုံးသားလှသူတွေ။

လူသားငယ်လေးတွေ ခိုနားရာ..
ပညာသင်ကြားရာ ဒီလိုနေရာလေးတွေကို..
မိမိလုပ်အားမှ ရသောဥစ္စာနဲ့...
ကူမယ် လှူမယ် ဆိုတဲ့ ကုသိုလ်ရှင်တွေ။

ကိုစိုးပြည့် မှ ၃၀နှစ်ပြည့်မွေးနေ့ အထိမ်းအမှတ်အားဖြင့် ဤနေရာလေးရဲ့
မြောက်မြားလှစွာသော လိုအပ်ချက်များအတွက်
တတ်စွမ်းသမျှ ပါဝင်ကူရင်း..
အရုဏ်ဆွမ်း၊မနက်စာ နှင့် ညနေစာ အာဟာရဒါနအတွက်
ကုသိုလ်ပြုငွေ... ၇၀၀,၀၀၀ကျပ်ကို
လှူဒါန်းခဲ့ကြပါတယ်။

မှတ်တမ်းကလေးတစ်ခုပေါ့။
လူ့လောကရဲ့ လှပမှုတွေထဲ...
ကုသိုလ်စိတ်နဲ့နေ့ရက်တွေလည်း ပါတယ်။

ယခုပြုရ ကုသိုလ်ရှင်မိသားစုများ..
ဘေးဘယာ ဝေးကွာကြပါစေ။
စိတ်ချမ်းသာ ကိုယ်ကျန်းမာရှိကြပါစေ။
စီးပွားဥစ္စာများ တိုးတက်ထွန်းကားကြပါစေ။
မြတ်သော အေးချမ်းသော တရားထူးများကိုလည်း
ရှာဖွေတွေ့ရှိနိုင်ကြပါစေ။

အနာဂတ်အတွက် ပျိုးခင်း​ငယ်တစ်ခု...

အရောင်စုံ အသွေးစုံနဲ့ပန်းများသဖွယ်
ပညာရပ်တွေသင်ကြားလေ့လာနေကြသော
မောင်ငယ် ညီမငယ်တွေ...

လိုအပ်ချက်တွေများ သောကတွေပွားမနေရဘဲ
ပညာရေးစိတ်အေးချမ်းသာစွာ သင်ယူနိုင်ဖို့
နိုင်သည့်ဝန်ဖြင့် ကူညီခြင်း မေတ္တာ။

လူသားအချင်းချင်း ရိုင်းပင်းမျှဝေကြပြီး..
လူ့အဖွဲ့အစည်းအတွက် ဝိုင်းဝန်းပုံဖော်ကြရမယ့်
လူသား သစ္စာ။

ဒါနသီလ ဘာဝနာ အတွက်လည်း ဖြစ်စေရဲ့...

ကျောင်းရှိ သံဃာတော်များနှင့် ကလေးသူငယ်များအတွက်
လိုအပ်ရာသုံးနိုင်ရန်
နဝကမ္မအတွက် ကုသိုလ်ပြုငွေ....၁၀၀,၀၀၀ကျပ်။

စေတနာရှင်အမည်...နော်မူဆဲအယ်(ခေါ်)
မီးငယ်လေး ၏ ၃၃နှစ်ပြည့်မွေးနေ့ပါ တဲ့။

လူနတ်အများလည်း ကြည်နူးစွာသာဓုခေါ်စေသော်။

ကုသိုလ်ရှင်နှင့်တကွ...မိသားစုများ
စိတ္တကာယ နှစ်ဖြာစလုံး အေးငြိမ်းချမ်းသာကျန်းမာကြပါစေ။

လုပ်ငန်းစီးပွားများလည်း အဆင်ပြေချောမွေ့ကြပါစေ။

နေ့ရက်တိုင်းတွင် ပြုံးပန်းဆင် ရွှင်လန်းနိုင်ကြပါစေ။

အမ တ နိဗ္ဗာန်သို့ သွားရာလမ်းဖြစ်သော....
မဂ်တရား ဖိုလ်တရားများကို ရှာဖွေတွေ့ရှိနိုင်ကြသော ဘဝများကို ပိုင်ဆိုင်နိုင်ကြပါစေ။

ထိုက်တန်သော မွေးနေ့လက်ဆောင်...

စာအုပ်တစ်အုပ်ထဲကလို
ချစ်သောသူကို သတိရတဲ့အခါ မေတ္တာပို့ပါ တဲ့။
အာ့လိုပါပဲ....
ချစ်တဲ့သူကို ချစ်ခြင်းမေတ္တာအကြောင်း
ပြသချင်တဲ့အခါ...

မွေးနေ့လေးကို ကုသိုလ်ကောင်းမှုနဲ့ အလှဆင်ပေးပါတယ် ပေါ့။

မွေးနေ့ရှင် မပြည့်ပြည့်ဝင်း ၏ ၂၉
နှစ်ပြည့် မွေးနေ့ အမှတ်တရကုသိုလ်တော်အဖြစ်

ရင်ခွင်မဲ့ကျောင်းလေးမှာ
ကျောင်းရှိ သံဃာတော်များနှင့် ကလေးသူငယ်များအတွက်
နေ့ဆွမ်းနှင့် နေ့လယ်စာ အာဟာရဒါန
အလှူငွေ ၄၅၀,၀၀၀ကျပ်ကို လှူဒါန်းပါတယ်။

ပြုရသမျှ မြတ်ဒါနကြောင့်
ရပ်ဝေးမြေခြားတွင် ဘဝအတွက် ချီတက်နေရသော မွေးနေ့ရှင်နှင့်တကွ ကုသိုလ်ရှင် မိသားစုများ...စိတ်ရောကိုယ်ပါ
ငြိမ်းချမ်းကြပါစေ။

တနယ်တကျေး ရပ်အဝေးတွင်
မိတ်ကောင်း ဆွေကောင်း ပတ်ဝန်းကျင် ကောင်းဖြင့် ဘေးရန်ကင်းကွာ ကိုယ်ကျန်းမာပါစေ။

ကုသိုလ်တရားတို့၏ စောင့်ရှောက်မှုဖြင့်
လုံခြုံ အေးမြပါစေ။

ဘာသာ သာသနာအကျိုး
သယ်ပိုးနိုင်သော အမျိုးကောင်းသားသမီးများအဖြစ်
ဘဝခရီးကို ကြည်လင်ချမ်းမြေ့စွာ
လှမ်းလျှောက် နိုင်ကြပါစေ။

သောကကြားမှ ပွင့်သောပန်းများ...

ကာလ ဒေသ ပယောဂတွေ နဲ့
အလူးအလဲ နှိပ်စက်ခံနေရချိန်...
မိမိတို့ကိုယ်တိုင်လည်း..
ရုန်းကန်နေရချိန်...
ရှာဖွေရသမျှ..
အတ္တ ပရမျှတအောင်..
အသုံးပြုပေးကြတဲ့...ကုသိုလ်ရှင်များ။

သောကတွေ ပွေနေကြသော်လည်း..
ပွင့်လန်းခဲ့ကြနဲ့ သဒ္ဓါပန်းများ။
ရင်သွေးငယ်များ..
ခက်ခဲနေကြမလား ဆိုတဲ့အတွေးနဲ့..
ဒီကြီးမားလှတဲ့ စားအိုးကြီးမှာ..

ငါတို့ချွေးနှဲစာဟာ..
ဆားတစ်ပွင့်..ဆန်တစ်ဆုပ်ပဲ..ဖြစ်ရဖြစ်ရ
ဆေးတစ်ထုပ် ဆီတစ်ဇွန်းပဲ ဖြစ်ရ ဖြစ်ရ
ဒီလို မွန်မြတ်သောအတွေးတွေနဲ့...

မောင်ထွန်းအလွှာမိုးမြင့်+မမေဇင်ငြိမ်းချမ်း တို့မှ
မောင်ထွန်းအလွှာမိုးမြင့်၏ ၂၁နှစ်ပြည့်မွေးနေ့
အထိမ်းအမှတ်အားဖြင့်

ကျောင်းရှိ သံဃာတော်များနှင့်ကလေးသူငယ်များအတွက်
ဘက်စုံ အသုံးပြုနိုင်ရန်
ကုသိုလ်ပြုငွေ ၁၅၀,၀၀၀ကျပ်ကို လှူဒါန်းခဲ့ပါသည်။

စေတနာ သဒ္ဓါတို့၏
အေးမြခြင်းသုခ ကို ပြည့်စုံစွာခံစားနိုင်ကြပါစေ။

နှလုံးစိတ်ဝမ်းငြိမ်းချမ်းကြပါစေ။

နေ့ရက်တိုင်းတွင် အောင်မြင်နိုင်ကြပါစေ။

သာဓု သာဓု သာဓုပါ

✨

TikTok · ရင်ခွင်မဲ့ (မိဘမဲ့)ကျောင်း 93 likes, 6 comments. “သာသနပါလကျောင်းတိုက် ရင်ခွင်မဲ့သူများဆုံဆည်းရာ ဘက်စုံလူငယ်ဖွံ့ဖြိုးရေးကျောင်း ၏ ပဥ္စမအကြိမ်မြော....

မွေးနေ့ရက်မြတ် ကုသိုလ်နှင့်ဆက်လျက်..

မိမိ၏ မွေးနေ့လေးမှာ
အမှတ်တရမြတ်ဒါနအဖြစ်
ကုသိုလ်မှတ်တမ်းလေး စိုက်ထူ
လှူဒါန်းပေးခဲ့တဲ့ ...

မွေးနေ့ရှင်... မောင်ဟိန်းထက်အောင်၏ ၂၀နှစ်ပြည့်
မွေးနေ့ကုသိုလ်တော်အဖြစ်...
ကျောင်းရှိ ကလေးသူငယ်ဝေယျာဝစ္စများအတွက်
လိုအပ်ရာ ကိစ္စရပ်များဖြည့်ဆည်း အသုံးပြုနိုင်ပါရန်
ဘက်စုံအလှူငွေ ၁၀၀,၀၀၀ ကျပ်ကို ဖြူစင်စေတနာ မေတ္တာတို့ဖြင့်လာရောက်၍ လှူဒါန်းခဲ့ပါတယ်။

သာဓု သာဓု သာဓု ပါ မွေးနေ့ရှင်...

ယနေ့ပြုရသော မေတ္တာစေတနာအရင်းခံ၍
ဤနေရာလေး၏ လိုအပ်ချက် ကွက်လပ်တစ်ခုကို
သဒ္ဓါစိတ်ထက်သန် လူသားဆန်ခြင်း အကြင်နာတို့ဖြင့်
ဖြည့်စွမ်းပေးခဲ့ရခြင်း ကုသိုလ်ကောင်းမှုကြောင့်....

မွေးနေ့ရှင်နှင့်တကွ စေတနာရှင်မိသားစုများ
စိတ်ရောကိုယ်ပါ ကျန်းမာချမ်းသာကြပါစေ။
လုပ်ငန်းဆောင်တာများ အဆင်ပြေ ချောမွေ့ကြပါစေ။

မွေးနေ့ရှင်၏ ဘဝအိပ်မက်များလည်း
ပြည့်စုံစွာ ဖန်တီးပုံဖော်နိုင်ပါစေ။
ဒီထက်ပိုမို လှူဒါန်းမျှဝေခြင်းများ
ပြုနိုင်ကြပါစေ။

နေ့ရက်တိုင်းတွင် ပြုံးပန်းဆင် ရွှင်လန်း
နိုင်ကြပါစေ။
နိဗ္ဗာန်ချမ်းသာတရားများကိုလည်း
ရှာဖွေတွေ့ရှိနိုင်ကြပါစေ။

နှလုံးသားမျက်ရှု သားရွှေဥအတွက်

ရင်သွေးများအတွက်...
အချိန်နဲ့အမျှ အေးမြမှုတွေပေးချင်လှသော
မိဘမေတ္တာ...။
အသက်စွန့်ပြီး မွေးခဲ့ရတဲ့ နေ့ရက်ကလေးကို
ပြန်လည်တမ်းတ အမှတ်ရမိကြတာပေါ့။

လူ့ဘဝကို စတင်ရောက်ရှိရာ မွေးနေ့လေးမှာ
ကုသိုလ်တရားတွေနဲ့ ထုံမွှမ်းရင်း
အေးချမ်းနေစေချင်တာ။

ခက်ခဲကာလကြီးကို
ကြိုးစားကျော်ဖြတ်နေတဲ့ ရင်ခွင်မဲ့ မိသားစု လေး..
တနေ့တာကို အကောင်းဆုံးရင်ဆိုင်နိူင်ဖို့..
ခွန်အား ပြည့်ဖြိုးကြစေရန်..
စိတ်က ရည်သန်လို့..

သားလေး မောင်ခေတ်ဘုန်းခန့် ၏
၁နှစ်ပြည့် မွေးနေ့ အမှတ်တရ
မြတ်ဒါနကုသိုလ်တော်အဖြစ်...

ကျောင်းရှိသံဃာကလေးသူငယ်
ဝေယျာဝစ္စများအတွက်...

နေ့ဆွမ်းနှင့် နေ့လယ်စာအာဟာရ ဒါန
ကုသိုလ်ပြုငွေ..၄၅၀,၀၀၀ကျပ် နှင့် ရေခဲမုန့် ကို
လာရောက်လှူဒါန်းခဲ့ကြပါတယ်။

ကုသိုလ်ဖြင့် အလှဆင်အပ်သော
နေ့ထူး ရက်မြတ်ကလေး...။
ကြည်နူးရခြင်း ပီတိတို့နှင့်
နှလုံးသားတို့ နူးညံ့ကြရ၏။

ယခုပြုရ ကုသလတို့ကြောင့်
သားလေး၏ ဘဝခရီးလမ်း
ချောမွေ့အေးချမ်းပါစေ။
စိတ်ရောကိုယ်ပါ ကျန်းမာ၍
ချမ်းသာပါစေ။

ပညာရပ်ဟူသမျှ ဆန္ဒနှင့်အမျှ
သင်ယူခွင့်ရပါစေ။

သူတော်ကောင်းတရားများနှင့်ပြည့်စုံသော
အမျိုးကောင်းသားလေးအဖြစ် မိဘဆွေမျိုးများ
အားထားရာ လူရည်ချွန်လေးဖြစ်ပါစေ။

ကုသိုလ်ရှင်မိသားစုများလည်း
နှလုံးစိတ်ဝမ်းငြိမ်းချမ်းကြပါစေ။
ဘဝ၏နေ့ရက်များ...
အေးချမ်းကြပါစေ။
နိဗ္ဗာန်တရားများလည်း အတူတကွ
ရှာဖွေတွေ့ရှိနိုင်ကြပါစေ။

သာဓု သာဓု သာဓု

ဝေးရပ်မြေသို့ အကြင်နာလက်ဆောင်..

ကြည်သောအပြုံး..
နူးညံ့သောမျက်နှာ..
ကြင်နာသောနှလုံးသား..
ထက်သန်မွန်မြတ်သော သဒ္ဓါတရားတို့နှင့်အတူ
ရင်ခွင်မဲ့ကမ္ဘာအတွက် ...လိုအပ်ချက်တစ်ခုကို
ကုသိုလ်ယူပါရမီဖြည့်ပေးကြတာကတော့...

မရွှန်းလဲ့ရူပါ (New Zealand)၏
၁၄ နှစ်ပြည့် မွေးနေ့အမှတ်တရ
မြတ်ဒါနကုသိုလ်တော်အဖြစ်..

ချစ်လှစွာသော မိခင်ဖခင်တို့မှ
ကျောင်းရှိသံဃာ ကလေးသူငယ်
ဝေယျာဝစ္စများအားလုံးအတွက်...
အရုဏ်ဆွမ်း၊ မနက်စာ အာဟာရဒါန နှင့် ရာသက်ပန် ပညာရေးပဒေသာပင် အတွက်
ကုသိုလ်ပြုငွေ ၄၅၀,၀၀၀ ကျပ်ကို
စေတနာ ထက်သန်စွာ..လှူဒါန်းသမှု
ပြုခဲ့ပါတယ်။

ဒါနအမှုဟူသော စိတ်စေတနာ..
လူသားချင်း စာနာ ကြင်နာသောနှလုံးသားတို့ဖြင့်
ဘဝ၏ အထင်ကရ နေ့ရက်လေးကို
ကြည်နူးစွာ ဆေးခြယ်ရေးခဲ့ကြပါတယ်။

ရပ်ဝေးမြေခြား တိုင်းတပါးတွင်
ဘဝအတွက် အတွက်
ကြိုးစား နေရပါသော..
ရင်မှမွေးဖွား သမီးလေးအား
ပေးလိုလှတဲ့ မေတ္တာလက်ဆောင်။

လှူလိုသောသဒ္ဓါ ကူလိုသောမေတ္တာတို့ဖြင့်
မွေးနေ့အလှူလေး ကို ပုံဖော်ပေးခဲ့ပါတယ်။

ယနေ့ပြုရ ကုသလတို့ကြောင့်..
ကုသိုလ်ရှင် မွေးနေ့ရှင်..၏ ဘဝတလျှောက်
စိတ်ရောကိုယ်ပါ ကျန်းမာချမ်းသာစွာဖြင့်
မိဘဆွေမျိုး ကျေးဇူးများကို ဆပ်နိုင်ပြီး
အများအကျိုး လောကအကျိုး သာသနာအကျိုး
အသက်ရာကျော် ရွှင်​ပျော်စွာဖြင့်
သယ်ပိုး ထမ်းဆောင်နိုင်ပါစေ။

အိပ်မက် ရည်ရွယ်ချက်များကိုလည်း
လှပစွာ ပုံဖော်ဖန်တီးနိုင်ပါစေ။
ဘေးကင်းရန်ကင်း အန္တရာယ်လည်းကင်းပါစေ။

ကုသိုလ်ရှင်စေတနာရှင်မိသားစုများအားလုံး
နှလုံးစိတ်ဝမ်းငြိမ်းချမ်းကြပါစေ။
နိဗ္ဗာန်ချမ်းသာတရားတို့ကိုလည်း
ရှာဖွေတွေ့ရှိနိုင်ကြပါစေ။

ဘုံတကွေ့မှာ ဆုံတွေ့ကြပြန်တဲ့..ကုသိုလ် ရေစက်တွေ

​သံသရာမှာ ကျင်လည်ကြချိန်
လာရောက်ဆုံတွေ့ခွင့်ရသည့်
အစုအဖွဲ့လေး။

မစိမ်းတဲ့ နာမည် နဲ့ မိသားစုများ

ကောင်းသောအမှတ်တရများ
ထာဝရ မေတ္တာတရားတွေနဲ့ လွှမ်းခြုံထားရာ
ကမ္ဘာငယ်လေး မှ.....
ကြည်နူးဖွယ်မှတ်တမ်းလေး။

သမီးမွေးနေ့မှာ လာရောက် ကုသိုလ်ပြုခဲ့ကြဖူးတဲ့
ခဏခဏ လာရောက်ကူညီပေးကြသော
ရှေးရေစက် ပဌာန်းဆက်များ။
အခုတဖန်မှာလည်း ၈နှစ်ပြည့်မွေးနေ့ကို
ရင်ခွင်မဲ့မှာပဲ ကုသိုလ်ပြု ပြီး
ကြည်နူးကြဖို့ ထပ်မံ ရွေးချယ်ခဲ့ကြပြန်တယ်။

ဖေဖေ မေမေ မိသားစုများမှ

သမီး မမေဆုသွင် ၏
၈နှစ်ပြည့် မွေးနေ့အထိမ်းအမှတ်အဖြစ်
ကျောင်းရှိ သံဃာတော်များ နှင့် ကလေးသူငယ် ဝေယျာဝစ္စ များအတွက်
နေ့ဆွမ်းနှင့် နေ့လယ်စာအာဟာရဒါန
ကုသိုလ်ပြုငွေ.... ၇၀၀,၀၀၀ ကျပ် ကို
လာရောက်၍ ကုသိုလ်ပြုကြပါတယ်။

အမြဲတမ်း ရင်ထဲမှာထားပြီး
ရင်ခွင်မဲ့တွေအတွက် အားဖြည့်ပေးနေတဲ့
မိသားစုများကို ကျေးဇူးတင်ရပါတယ်။

စေတနာရှေ့ဆောင် သဒ္ဓါအားကောင်းသည့်
လှူသမျှ မြတ်ကောင်းမှုအစုစုတို့သည်...
ဘဝသံသရာခရီးအတွက် မြတ်သောအားကိုးရာများဖြစ်ကြပါစေ ဟူသော.... ကုသိုလ်ရှင်များ၏
ရင်တွင်း မှ လှိုက်လှဲစွာသော...ဆုမွန်..။

သာဓု သာဓု သာဓု
ဤစေတနာ သဒ္ဓါ အဟုန်တို့ကြောင့်
မွေးနေ့ရှင်နှင့် တကွ စေတနာရှင်မိသားစုများ
ပြုံးပျော်ရွှင်လန်းရသော
ဘဝခရီးကိုဖြတ်သန်းနိုင်ကြပါစေ။

စိတ်ချမ်းသာ၍ ကိုယ်ကျန်းမာပြီး
ဒါန သီလ ဘာဝနာနှင့် မွေ့လျော်နိုင်ကြပါစေ။
နိဗ္ဗာန်တရားအတွက် အထောက်အပံ့လည်း
ဖြစ်ပါစေ။

ကပ်ကြီး ၃ပါးမှ ကျော်လွှားနိုင်ကြပါစေ။
လောကီ စီးပွား လောကုတ္တရာတရားများလည်း
ပြည့်စုံချမ်းသာကြပါစေ။
နတ်လူသာဓုခေါ်နိုင်ပါစေ။