Chrd2 Kandreho

Tafaverina soa amantsara ny logo 👌👌👍

Arahabaina ianao Dr @ izao dingana manaraka izao. mahaleova mahalasana @ andraikitra lehibe dia lehibe hiandreketanao. Hitondra rivo-baovao eo @ tontolon'ny fahasalamambahoaka anie izao fahatongavanao izao 👏👏👏

Vanimpotoanan'ny manga isika izao. Koa indro ary atolotra anao ireo soa hentiny.
💪Mampitombo sy manamafy ny hery fiarovana
Ny manga dia voankazo iray mitahiry vitamina C sy vitamina B amin’ny tahany ambony. Ny vitamina C moa dia fantatra amin’ny fiasany eo amin’ny fanamafisana sy fampitomboana ny hery fiarovana. Manampy izany fiasan’ny vitamina C izany ihany koa ny vitamina B. Ity farany moa etsy andaniny dia mandrisika ny famokaran’ny vatana ny tanjaka ary mampihena ny havizanana.
❤️Mikolokolo ny fahasalaman’ny fo
Ny fihinanana manga matetika dia manampy betsaka amin’ny fikolokoloana ny fahasalaman’ny fo. Voankazo isan’ny be « fibres digestes » toy ny « pectine » ny manga. Ireo karazana fibra ireo dia mampihena ny cholestérol ratsy ao anaty lalandrà. Ankoatra izay dia mitahiry potassium betsaka ihany koa ity voankazo ity. Ny potassium dia mampilamina ny tosidrà ary mandrindra ny fodoboky ny fo.
👌Manatsara ny fandevonan-kanina
Araky ny vokam-pikarohana maro nataon’ireo manam-pahaizana any ivelany dia voalaza fa mampitony ny olona mitohana matetika na hoe manao « constipation chronique » ny fizarana mihinana manga. Voalaza ihany koa fa manatsara ny fiasan’ny taova fandevonan-kanina ihany koa ity voankazo ity noho izy mitahiry fibra, rano sy antioxydants betsaka.
👁️Miaro ny fahasalaman’ny maso
Voankazo isan’ny manankarena « caroténïdes » ihany koa ny manga. Ny « caroténoïdes » dia isan’ireo singa misahana ny fahasalaman’ny maso. Ny « lutéine » sy « zéaxanthine » entin’izy ireo dia mandray anjara amin’ny fiarovana ny maso amin’ny taratry ny masoandro sy ny « lumière bleue » avy amin’ireo karazana écrans ampiasaintsika amin’ny andavanandro. Ireo singa roa ireo koa dia tena ilaina amin’ny fiarovana ny fiadiana amin’ireo karazana aretin’ny maso miseho rehefa miha antitra.

Tolotra ara-pahasalamana maiaimpoana eto @ hopitaliben'ny Kandreho.

Manomboka ny fametrahana ny kitrano hanaovana ny varavarana misokatra na ny Journée Porte Ouverte (JPO) hotontosaina ety@ hopitalibe (CHRD II) Kandreho. Tsiahivina hatrany fa maro ny tolotra ara-pahasalamana maiaimpoana homena ny mponin'ny Kandreho mandritra ny hetsika koa Samia ary mifampitaona.

📢Fampatsiahivana :
Eo ambany fiahian'ny Ministeran'ny fahasalamambahoaka dia ho tontosaina eny @ CHRD II KANDREHO ny 15-16-17 Octobre hoavy izao ireo tolotra ara-pahasalamana fanao isantaona ka ireto avy ny zavatra azontsika hisitrahana amin'izany :
🩺Fitiliana diabeta sy tension,
🩸Fitiliana ny tsimonkaretina VIH/SIDA
💉💊Fizahampahasalamana sy fitsaboana marary (consultation)
🦷Fitsaboana nify,
🤰Consultation prénatal na fisafoana ireo vehivavy bevohoka,
🧪Fitsarana rehoka ho an'ireo mikohadavareny hitiliana raboka
🩹Tsy adino ny fandidiana hydrocèle na bonga be.
⚠️Maimaimpoana avokoa ny tolotra rehatra @ io koa mitongava maro. Ampitapitao @ manodidina.

Fantaro ireo vokatsoa hoentin'ny papaye na mapaza masaka.
❤️Mahatsara ny fo

Tsy sangisangy tokoa ilay hoe "omena jus de papaye" ny olona rehefa tezitra be iny. Mampitony ny fo tokoa mantsy ny papaye. Noho ny "potassium" sy ny "fibres" ao anatiny, manatsara ny fahasalaman'ny fo io voankazo io. Mitandro ny "tension" tsy ho ambany na ho ambony loatra izy.
Ho an'ireo olona rera-dava, mahasoa ny fihinanana papaye. Mampahazo aina vetivety io voankazo io noho ny siramamy sy ny singa mahasalama rehetra entiny.

🚨Mahasalama ireo taova fandevonan-kanina

Voankazo manasitrana vavony ny papaye : mampihena ny rivotra anaty vavony sy ny fanaintainana. Ho an'ireo mparary vavony matetika dia tena amporisihana ny fihinanana io voankazo io, indray mandeha isan-kerinandro farafahakeliny. Manamora ny fandevonan-kanina izy sady mora levonina ihany koa. Azo hanina tsara ihany koa io voankazo io raha manana olana amin'ny famoahana maloto (constipation).

🧖Mahatsara hoditra

Mahamandina sy mahasalama ny hoditra ny fihinanana papaye. Manan-karena "beta-carotène" sy "vitamine C" mantsy izy. Azo hosorana mivantana amin'ny hoditra ihany koa ny papaye, indrindra rehefa mahatsikaritra tasy na koa main'ny masoandro. Misy ihany koa ireo manasa volo amin'ny ranona papaye (tsy misy siramamy). Tsy vitsy ireo mpisehatra amin'ny tontolon'ny taovolo sy ny tarehy no mampiasa ny papaye hanamboarana crèmes, lotions na shampoing.

❓❓Ahoana àry ny fihinanana papaye ?

Amin'izao andro mafana izao, mampahazo aina ery ny mihinana papaye notetehina somary nampangatsiahana kely tao anaty vata fampangatsiahana. Azo atao goûter tsara izy na hohanina alohan'ny sakafo (tsindrian-tsakafo fa tsy tsindrin-tsakafo). Tsy vitsy ireo olona manamboatra "salade de fruits" ka mampifangaro ny papaye amin'ny voankazo hafa : akondro, frezy, voaroy, mananasy, sns. Azo atao tsara ihany koa ny manodina azy ho lasa ranom-boankazo.

⚠️Fanamarihana

Ho an'ny olona diabetika, mila lanjalanjaina ny fihinanana azy.

⚠️Ahoana no amantarana olona voan’ny « appendicite » ?
Misy manindrona tampoka ve ao amin’ny faritry ny kibo havanana rehefa mamindra na mibata zavatra mavesatra ? Mety « appendicite » izany. Raha tsy misy fandraisan-tanana mialoha dia mety hihitatra ho areti-mandoza.
❓Inona no atao hoe « appendicite » ?
Aretiny « appendice », izay ampahany amin’ny tsinay, no atao hoe « appendicite ». Mety ho tratry izany avokoa ny olona rehetra fa ireo eo anelanelan’ny 15 hatramin’ny 30 taona no tena isehoan’izany.
🚨Ireo fomba fisehon’ny « appendicite »
Ny fomba fisehon’ny appendicite dia ny :
-fahatsapana manaintaina manindrona tampoka eo amin’ny manodidina ny foitra ary midina mankany amin’ny ilany ambany ankavanana sy amin’ny fe izany fanaintainana izany ;
-mihamafy hatrany ny fahatsapana fanaintainana ka mety manindrona mafy be anatin’ny iray andro ;-mety hahatsapa maloiloy sy te handoa
-lasa malain-komana ;
mety hisy hafanana sy hangovitra ;
-mivalana na mitohana ;
-mety misy zavatra fotsifotsy miforona eo ambonin'ny lela.
💊💉Ny fomba fitsaboana ny « appendicite »
Ny fandidina ihany hatreto no fitsaboina mahasitrana sy analana ny « appendicite ». Vao miseho ireo soritr’aretina dia mila manantona toeram-pitsaboana avy hatrany. Raha tara ny fandraisan-tanana dia mety ho vaky ny « appendicite » ka lasa sarotra tsaboina tokoa. Ny fihinanana antibiotika dia tsy mitsabo ity aretina ity tanteraka fa manena ny fihitarany fotsiny ihany aretina.

Ireo sakafo tsara hanina raha miakatra tosi-drà
🚨🛑🚫Tsy mifidy taona intsony ankehitriny ny olona miakatra tosi-drà. Atoro anao eto ary ireo karazana sakafo tsara hanina hanatsarana ny tosi-drà sy ho famenon’ny fanafody fitsaboana izany.
🥦Ny « brocoli »
Fomba iray manampy hanatsarana ny tosi-drà ny fihinana legioma sy voankazo karazany 5 isan’andro. Anisan’ny legioma be kalsioma, potasioma ary manezioma ilain’ny vatana ny « brocoli ». Mandray anjara betsaka amin’ny fandrindrana ny tosi-drà ireo singa hita ao anatin’ny « brocoli » ireo. Tsara raha tsy atao masaka be loatra ny « brocoli » mba ho voatahiry avokoa ny otrikaina ao anatiny.
🧄Ny tongolo gasy
Efa maro no mahafantatra fa mampidina tosi-drà ny tongolo gasy. Voaporofo ara-tsiansa rahateo fa mampihena ny tahan’ny tosi-drà sy ny kolesteroly ratsy ny fihinanana tongolo gasy. Ilaina noho izany ny mihinana hasiny efatra isan’andro amin’izany raha te-hisitraka ny tombotsoa azy avy aminy. Tohizana hatrany ny fanafody tosi-drà ho an’izay efa mihinana izany fa ho fanampiny fotsiny ihany ny fihinanana tongolo gasy.
🍶Ny « yaourt »
Araka ny voka-panadihadiana iray natao tao Minnesota dia voamarina fa manampy betsaka amin’ny fampidinana ny tosi-drà ambony loatra ny fihinanana « yaourt » matetika sy amin’ny fotoana raikitra noho izy manankarena kalsioma.
🌰Ny « cacao »
Anisan’ireo karazana sakafo manankarena « flavonoïdes » ny « cacao » ka miaro ny vatana amin’ny rarin-tsaina. Fantatra nefa fa ny rarin-tsaina no isan’ireo fototra mampiakatra ny tosi-drà.
🍠Ny tamotamo
Manana fahafahana misoroka ny rà tsy hivaingana ao anaty (anticoagulant) sady miaro azy amin’ny mikraoba koa ny tamotamo. Ny tamotamo fakany no hoanina manta na kikisana atao amin’ny laoka.
🍌Ny akondro
Hita ao anatin’ny akondro ny otrikaina mineraly miaro ny fo sy ny lalan-drà dia ny manezioma, ny potasioma ary ny kalsioma izany.