Codimii

عيد ميلاد سعيد للملك محمد السادس الرياضي لأول بالمغرب 🥳🥳🥳

بعيد كل البعد على شنو واقع بالضبط وسط الجماهير ولكن كانأمن بواحد الحاجة النادي المكناسي ملك لجميع المكناسيين و الرجال الحمر عطاو للفريق كتر من لي عطى أي جمهور أخر لفرقة ديالو. نتمنى الجمهور يحل المشاكل ديالو قبل بداية الموسم لأنه الجمهور هو راس مال النادي المكناسي.

باش نحطكوم فالصورة لأي درجة مكناس كانت في التهميش، اليوم كانشوفو دواوير و قرى الناس ديالهوم كيطالبو بحقهم من المشاريع الكبرى. حنا فمكناس لي من أكبر المدن في المغرب باقي كانطالبو غير ب الضوء و الماء و الطوبيسات و الحفاري يتسدو اما داكشي لأخر راه فاقدين فيه لأمل🤡.

فواحد المدينة سميتها مكناس تفيق صباح و تشكى من حفرة في الطريق تجي فلعشية تلقى جوج حفرات جداد، ولكن أش كاتعرف راه زفت غالي و اليد العاملة غالية و الميزانية ماكافياش ههههه.... أودي

رسميااا

كما هو معروف على أننا قربنا لإنتخابات و هادشي كيخلي السياسين و المنتخبين يستغلو بزاف ديال نقاط الضعف و مشاعر المغاربة باش يجيبو لأصوات. داكشي علاش خصك تحضي راسك منهوم، ماتخليهومش يستاغلو هاد النقاط التالية باش يربحو الصوت ديالك:
محبة المغاربة للقضية الفلسطينية.
الخطابات الدينية بحكم الشعب المغربي متشبت بالدين ديالو.
الوعود الكادبة و لغة لأسواق و البلورة.
شوف شباب جديد لي غادي يخدم البلاد، قرا البرنامج لإنتخابي قبل ماتصوت، عرف المستوى الدراسي و الفكري ديال هاداك لي غادي تصوت عليه، و من لأحسن لو نبعدو من لأحزاب لي مادارت والو في السنوات الماضية.

جهة فاس-مكناس جاء وقت التغيير.
كاملين شفنا هاد السنوات لأخيرة التهميش و المعانات لي دازت منو هاد الجهة و أظن أنه جا الوقت فين حنا كا مكناس و فاس فين خصنا نتاحدو لأول مرة و نبينو بلي هاد الجهة فيها مثقفين و ماكانصوتوش حيتاش واحد من العائلة مع شي حزب معين ولا حيتاش ل 200 درهم و دجاج محمر بنين. جاء الوقت فين الشباب خصهوم يشوفو شكون هاد الناس لي مرشحين في الجهة ديالهوم و يقراو البرنامج لإنتخابي ديالهوم و يعرفو التوجه ديالهوم فين غادي، نحاولو نركزو على الشباب كتر و نبعدو من الناس لكبار لحقاش عندهم عقلية ديال لقيت الفساد فراه خصني تا أنا نستافد منو و زيد عليها دوك الناس لي كيحاولو يستعملو الدين و الخطابات الدينية لمصالحهم الشخصية هربو منهم.
نتمنى تشوفو شباب لي مع أحزاب عندهم توجهات نقية و زوينة و بعدو على لأحزاب لي كل عام كيكون عندهم نفس الموال، شوفو شباب في الجهة ديالكم لي يستاهلو الثقة ديالكوم و عرفو شنو هو البرنامج لإنتخابي ديالهوم باش من بعد تابعوهوم إلا ماداروهش. نتمنى كاع الجهات و الجمعات تكون عندها مصطفى الخصم ديالها.
تعيش جهة فاس-مكناس.
جاء وقت التغيير.

فاش كاتوصل لواحد المرحلة من الوعي في التشجيع و كاتبعد كل البعد على أفكار لي بانت بلي كاتخرب الفكر ديال المجتمع و ديال الشباب، كاتجيك الشبيبة الوطنية. لا غالب إلا لله، برافو الشبيبة و مكناس للجميع❣️