Outreach Info Rëmeleng

D'läscht Woch hunn ech decidéiert, 20 komplett Projet-2026-Tuten "Steps In The Right Direction Combi 2026" virzebereeden, gefëllt mat villen interessanten an hëllefräichen Informatiounen, an natierlech, wéi ëmmer, och mat e puer flotten Gadgeten! 😊
Dir kënnt gären uruffen, eng Message, Email, SMS, WhatsApp schécken oder einfach am Outreach-Büro oder am Jugendhaus laanscht kommen, fir eng Tut ofzehuelen.
Ärt Tilly

D’Summervakanz vun der Schoul ass eng gutt Zäit, fir sech op dat neit Schouljoer virzebereeden. Dozou gehéiert och, déi lescht zwee Enveloppe vun „Steps in the Right Direction“ fäerdeg ze maachen an dofir ze suergen, datt esou vill Leit wéi méiglech vum „Outreach-Büro“ hei zu Rëmeleng gewuer ginn.
Dës Woch hunn ech 24 Informatiounspäck virbereet, déi un ënnerschiddlech Plaze geschéckt ginn. Dës enthalen all déi wichteg Informatiounen, déi Dir iwwer den „Outreach-Büro“ wësse musst.
Mellt Iech gären bei mir ënnert der Nummer +352 621 548538 oder per E-Mail un [email protected], wann Dir en Informatiounspak wëllt kréien.
Dir kënnt och einfach bei eis am Büro laanschtkommen: 7, rue des Artisans, L-3712 Rëmeleng
Ech wënschen Iech e schéinen Dag!
Tilly

Gëschter hat ech d'Freed, e bëssen Zäit mat jonken Erwuessenen ze verbréngen, fir iwwert d'Dating-Welt zu Lëtzebuerg ze schwätzen.
Et si vill Froen opkomm iwwer Dating-Apps, sécher daten, Fake-Profiler, déi éischt Begéinung an nach vill aner Saachen, déi Suergen oder Onsécherheeten ausléisen.
Dat Ganzt huet mech dozou bruecht, dëst Thema méi déif ze recherchéieren. Vläicht gëtt et esouguer en neien "Steps in the Right Direction" Enveloppe fir 2027.
Ech géif mech freeën, wann Dir mir Är Gedanken, Iddien oder Suergen zu dësem Thema zou schéckt.
Merci am Viraus!
Tilly

E puer Leit hu mech gefrot, wat ech maachen op Deeg, wou ech keng Clienten hunn.
Ech schaffen un zukünftege Projeten.
Dat fänkt ëmmer mat Gespréicher mat jonke Leit un. Ech froen si, wat si am Moment beschäftegt oder Suerge mécht. Duerno recherchéieren ech d'Thema a sammelen Informatiounen. Dobäi huelen ech och Kontakt mat Servicer an Organisatiounen op, déi Hëllef oder Ressourcen zu deem Thema ubidden.
Wann alles zesummegedroen ass, erstellen ech Informatiounsblieder, sammelen Flyeren, Visittekaarten an aner nëtzlech Materialien a leeën alles an eng Enveloppe.
Hei gesitt Dir zum Beispill, wat an der Enveloppe zum Thema Mobbing & Respekt dran ass.

Zu all Enveloppe gehéiert och e klenge Gadget.

Salut Jonker! 👋
Bass du vu Rëmeleng a fros dech, wat dëse Summer alles Cooles lass ass? Da bass du hei genee richteg!
Komm laanscht an d'Jugendhaus Rëmeleng a kuck, wat fir flott Aktivitéiten op dech waarden.
Mir freeën eis op dech! ☀️

Enveloppe Nummer 3 ass elo disponibel: „Sex“.

Dës Enveloppe enthält verschidden Informatiounen iwwer sécher Sexpraktiken, Verhënnerung vun enger Schwangerschaft, ongewollt Schwangerschaften, HIV an aner sexuell iwwerdrobar Krankheeten.

All Enveloppe enthält verschidde Schutzartikelen, Berodung an Informatiounen iwwer verschidde Servicer zu Lëtzebuerg, déi Hëllef a Berodung zu dësem ganz wichtege Beräich ubidden.
Wéi ëmmer kënnt Dir eng Enveloppe am Outreach-Büro, am Jugendhaus oder aus der anonymer Bréifkëscht ofhuelen.
Dir kënnt och eng digital Versioun ufroen, andeems Dir eng E-Mail un [email protected] schéckt. Op Ufro kann Iech och eng Enveloppe heem geschéckt ginn, wann Dir Är gewënschten Adress ugitt.

"Teschend 16 & 30?, Keen Job? Kee Problem!
Tipps fir motivéiert ze bleiwen"
1. Waat wells du wierklech?
• Fro dech: Wat mécht der Freed? Wat kanns du gutt?
Tipp: Schreiw deng Iddien op, och déi verréckt!
2. Setz kleng, realistesch Zieler
• Net direkt d'Dreemjob, mee kleng Schrett.
Ziel fir dess Woch: Update dain CV, schreiw een Motivatiounsbréif.
3. Léier eppes Neies (gratis!)
• Vill Online-Kuren sin gratis!
Tipp: Google e bessi
4. Schwätz mat Leit
• Verbann dech mat aneren ? Frenn, Famill, Professioneller.
Tipp: Zesumme geet alles méi liicht!
5. Denk un deng Gesondheet
• Pausen, Sport a Gespréicher hellefen géint Stress an Drock.
Tipp: Et ass ok Hellef ze froen!
6. Beloun dech selwer
• All kleng Etapp zielt! Geff der selwer e klengen „Bravo“
Iddi: Maach dir e Belounungssystem, z.B. no 3 Applikatiounen.

Du packs daat!
All Wee fänkt mat engem éischte Schrett un.
Brauchs de Hellef?
Kontaktéier Tilly Bastian "Outreach Remeleng:
Email: [email protected]
Tel: 621 548 538