morph4

Panorama mat Privatsphär: Wunnhaus zu Schëtter 🏠

Um Uertsrand vu Schëtter hu mir an exponéierter Hanglag e Wunnhaus geplangt, dat op all Etage d'Landschaft ronderëm erliefbar mécht. Inspiréiert vun den amerikanesche Mid-Century-Villen.

🪟 D'Hanglag huet d'Dispositioun vun de Raim gepräägt: vollflächeg Verglasungen ëffnen d'Bannenraim no Osten an droen se iwwer virgelagert Terrassen an d'Fräit weider. Aus- an Duerchbléck hu mir esou konzipéiert, datt trotz de grousse Verglasungen d'Privatsphär vun de Bewunner duerchgängeg gewahrt bleift.

E grousse Merci un eis Bauhären fir d'Vertrauen. 🙏

Mir si stolz, als Architekten um Projet vum neie Policekommissariat mat Büroe fir verschidde Servicer vun der d'Education zu Wolz matzewierken! 🏗️

E grousse Merci un de MMTP: Ministère de la Mobilité et des Travaux publics fir hiert Vertrauen. Mir freeën eis iwwer déi exzellent Zesummenaarbecht mat eise Partneren INCA Ingénieurs Conseils Associés sàrl a Felgen & Associés Engineering SA.

Gëschter war d'Straussfeier um Chantier a mir si frou dëse Projet weider ze begleeden an eng modern Infrastruktur fir d'Awunner am Norde vum Land matzegestalten.