ස්වස්ථායු අරණ - Swasthayu Arana

ගෘද්‍රසි ( Sciatica )

🍀ගෘද්‍රයා යනු ගුජුලිහිණියාය. ගුජු ලිහිණියෙකුගේ ගමන් විලාසයට සමානව කොර ගසමින් යන ගමනක් ඇති කරන හෙයින් ආයුර්වේදයේ මෙම රෝගය ගෘද්‍රසි නමින් හඳුන්වයි.

🍀ආයුර්වේදයට අනූව තට්ටම් ප්‍රදාන කොට පවතින මෙම රෝගය තුනටිය, කලව, දණහිස , කෙන්ඩ, පාදය යන මේවායේ තදබව , වේදනාව ඇති කරයි. අනින්නා බඳු වෙදනාව සිරුරේ වකුටු බව ඇතිකරයි. වාත ප්‍රමුක විට වරින් වර මේ ලක්ශන ඇති කරයි. වාත කඵ ප්‍රමුක විට නිදිමත , තෙමරිය, බර බව, අරුචිය හටගනී.

🍀බටහිර මතයට අනුව, පාදයේ පිටුපස පෙදෙස තට්ටම් වල සිට ඇඟිලි කෙලවර දක්වා වේදනාව විහිදී යන මෙම රෝගයෙදි ඇතැම් විට පාදයේ එක් පසකින් හෝ පාදයේ ඉදිරියෙන් හෝ ඇතිවී හැකිය. බොහෝවිට එක් පාදයක පමනක් හට ගැනෙන මෙම රෝග තත්වය ඇතැම් විට පාද දෙකේම හටගනී.වරින් වර හටගන්න තුනටියෙ වේදනාව, පාදයේ නොයෙකුත් ස්තානවල ඇතිවන දුර්වලතාවය හා පාදයේ හිරියද මෙම රෝගයෙදී දැකිය හැක.

🍀ලෝක ජනග්‍රහනයෙන් 2%- 40% අතර පිරිසක් පීඩා විඳින මෙම රෝගය බොහෝ විට වයස 40-50 අතර කාලයේ හටගනී. පුරුෂ පාර්ශවය මේ සඳහා ගොදුරු වීමේ වැඩි අවදානමක් ඇත. බටහිර මතයට අනූව මෙම රෝගය බටහිර මතයට අනුව මෙම රෝගය සයටිකා ස්නායු නමින් හැඳින්වෙන අප ශරීරයේ තිබෙන ඝනකමින් වැඩි ස්නායුව හා සම්බන්ධව ඇතිවන අතර එම ස්ථානය ඇතිවන උද්දීපනයක් මෙයට හේතු වේ.

🍀Sciatic ස්නායුව මූල 5 කින් යුක්තව සුෂුම්නාවේ සිට පැන නගී.එම මූලයන් L4,L5,S1,S2,S3 ලෙස නම් කරනුයේ ඒවා ඉවතට පැමිනෙන කටී හා ශ්‍රෝණි කශේරුකා අනුවය.

🍁🍁නවීන විද්‍යාවට අනූව මේ රෝගයට හේතු🍁🍁

🍀 90% කගේම රෝගයට හේතුව වන්නේ මෙයයි. අපගේ කශේරුකාවන්එකිනෙකට ගැටීම වැලක් වීමට කශේරුකා වල අතර අන්තර් කශේරුක මඩලපිහිටයි. වැරදි ඉරියව්වකින් අධික බරක් එසවීම , වැටීම ආදී හේතු නිසා අන්තර් කශේරුක මඬල නියමිත ස්ථානයෙන් ඉවතට නෙරා ආ හැකිය .මේ හේතුවෙන් එම අන්තර් කශේරුක මඬල අතරින් ඉවතට පැමිණෙන ස්නායු තෙරපීමකට ලක් වෙයි. මෙහිදී අවට ඇති පටක ඉදිමීමට ලක් විය හැක . එම ස්ථානය ඔස්සේ අධික වේදනාවක් ඇති වේ . මෙම සංසිද්ධිය සයිටිකා ස්නායු මූලයන් හි වූ විට සයටිකා රෝගය ඇති වේ.

* අන්තර් කශේරුක මඩල ඉවතට පැමිනීම ( Spinaldis cherniation)

* කශේරුව පටුවීම ( Spinal stenosis)

* පිරිෆෝමිස් ලක්ශනය ( piriformis syndrome )

* ගර්භණීභාවය ( Pregnansy)

🍁🍁🍁රෝග ලක්ෂන🍁🍁🍁

❌කොන්දේ වේදනාව

❌වේදනාව ක්‍රමයෙන් තට්ටම, කලවා , කෙණ්ඩ , පාදය දක්වා පැතිරීම

❌වාඩිවී සිටින විට වේදනාව අදිකවේ.

❌පාදය දිගේ පුපුරු ගසන්නාක් මෙන් වේදනාව.

❌පාදයේ හිරිය

❌පාදය චලනය කිරීමට අපහසු වීම.

❌පාදයේ අප්‍රාණික බව.

🍁🍁පථ්‍යාපථ්‍ය🍁🍁
🍂🍂පථ්‍ය හෙවත් හිතකර දේ

✔කොල්ලු
✔️උඳු
✔️තිරිඟු
✔️මුරුංගා
✔️පරණහැල්
✔️තල
✔️බාර්ලි
✔️ලා බටු
✔️හීණටි ආදී ධාන්‍ය
✔️පතෝල
✔️පරිප්පු
✔️සුදුළූණු
✔️සිලින්දන්, මෝරන්, කාරල්ලො, ලූලො, තෝර, පරා, වැලි ගොව්වන්
✔️කුකුලු, වටු ආදී මස් හා මස් සුප්
✔️දොඩම්
✔️දෙලුම්
✔️මසං
✔️හීං නාරං
✔️උගුරැස්ස
✔️දී කිරි
✔️වෙඬරු
✔️කිරි , ගිතෙල්

🍂🍂අපථ්‍ය හෙවත් අහිතකර දේ
✖️කඩල
✖️කුරක්කන්
✖️මෑ කරල්
✖️කරවිල
✖️ඇතුන් පිට අසුන් පිට යාම
✖️ගැස්සෙන තද තැන්වල වාඩිවීම.
✖️නිදි වැරීම
✖️අදික වෙහෙසීම
✖️ඇල්දිය නෑම
✖️ආහාර අඩු කිරීම
✖️සීතල වැදීම

☘️_____☘️_____☘️_____☘️_____☘️_____☘

➡️ සටහන ✍️ - ආයුර්වේද වෛද්‍ය ශිෂ්‍යා
මධුරි මහේෂිකා ගුණසිංහ
(ගම්පහ වික්‍රමාරච්චි දේශීය
වෛද්‍ය විශ්ව විද්‍යාලය [UG] )

☘️_____☘️_____☘️_____☘️_____☘️_____☘

➡ පෙරලිපි සඳහා පිවිසීමට

#ආමවාත
https://m.facebook.com/story.php?story_fbid=404238161284771&id=103543444687579&mibextid=Nif5oz

☘️_____☘️_____☘️_____☘️_____☘️_____☘

➡️මෙවන් වැදගත් විස්තර දැනගැනීමට අපේ එකටත් 👍 කරන්න❤

➡ඔබ සැමට නිදුක් නීරෝගී සුවය

☘️_____☘️_____☘️_____☘️_____☘️_____☘

🌻🌻 #වාත_කණ්ඨක 🌻🌻

⭕ #විලුඹේ_වේදනාව වයස්ගත වීමත් සමගම බොහෝ දෙනෙක් අතර දක්නට ලැබෙන පොදු තත්වයකි.

⭕මෙම රෝග තත්වය සඳහා ප්‍රතිකාර කිරීමෙන් හා ඒ වෙනුවෙන් වූ වත්පිලිවෙත් පිළි පැදීමෙන් සමනය කරගත හැකි නිසා බොහෝ දෙනෙකු දිගින් දිගටම මේ තත්වයෙන් පීඩා විඳිති.

⭕විලුඹ ආශ්‍රිතව වන කැක්කුම මූලික කරුණු කීපයක් මත බලපායි. එය රෝග අවස්තාවක ආරම්භයක්ද වියහැක. සමහරවිට ඔබ ඇවිදින ඉරියව්වෙ වෙනස් වීම, විශේශයෙන්ම වැරදි පාවහන් භාවිතය නිසා ඇතිවිය හැක.

✳️✳️මේ සඳහා මූලික විය හැකි රෝග අවස්තා✳️✳️

1) විලුඹ අස්ථි ආශ්‍රිතව, වැඩිපුර අස්ථි වර්ධනය වීම ( වාත කණ්ඨක/ calcaneal spure)

2) සන්ධි ගත වාත ( Osteoarthritis )

3) විලුඹ ආශ්‍රිතව එක ගෙඩි ( Palantar Fibromatosis)

4) විලුඹ ආශ්‍රිත පටක වල තෙරපීම ( plantar Fascitis )

🚫සන්ධිගත රෝග අවස්තා නිසා වැඩි වශයෙන් මෙම විලුඹ ආශ්‍රිතව අස්ති වේදනා ඇතිවිය හැක.

🚫එමෙන්ම තරබාරුව, වැඩි වේලාවක් සිටගෙන සිටීම නිසා විලුඹ ආශ්‍රිතව වැඩි තෙරපුමක් ඇති වීමද මුලික හේතුවකි.

🚫සමහර විට විලුඹ ආශ්‍රිත පටක ඉරීයාම, ගෙවීයාම සහ මාංසමය ගෙඩි මෙයට බලපායි.

🚫විශම ලෙස වල ගොඩැලි සහිත බිමෙහි පාද තබමින් බොහෝ ඇවිදීමෙදි වාත දෝෂය කෝප වී ගැටය ඇසුරු කර තද වේදනාවක් ඇති කරයි. එය වා කටු හෙවත් වාත කණ්ටකය නමින් හැඳින්වේ.

🚫මෙහිදී බොලැට සන්ධිය මෙන්ම අසල කුඩා සන්ධි ඉදිමී , ඇවිදීමේදී බලවත් පීඩාවක් ඇති වෙයි

🍁 නව්‍ය වෛද්‍ය විද්‍යාවට අනුව ද නිරතුරුවම පීඩනයට ලක් වීමෙන් බොලැටය ආශ්‍රිතව කැල්සියම් තැන්පත් වේ.
✔️අධික තරබාරු පුද්ගලයන්
✔️යටි පතුල පැතලි ව පිහිටා පුද්ගලයන්
✔️අඩි උස පාවහන් පලඳින පුද්ගලයන්

මෙම රෝගයට වැඩිපුර ගොදුරු වේ. එයට හේතු වන්නේ ඔවුන්ගේ විලුඹ නිතර අදික පීඩනයට ලක්වීමයි.

⭕මෙහිදි calcaneus ලෙසින් හැඳින්වෙන බොලැටයේ මෙම තැන්පත් වීම සිදුවේ. එය අස්තියේ පාදස්තානයෙන් සිදුවේ නම් inferior calcaneal supur ලෙසද, Ca තැන්පත් වීම අස්තිය පිටුපස වෙයිනම් posterior calcaneal supur ලෙසද හඳුන්වයි. එක තරමක් විශාල වේ.

🌸🌸🌸 රෝග ලක්ෂණ🌸🌸🌸

🔴එම ස්තානය වටා වේදනාවක් ඇතිවේ.

🔴මෙම වේදනාව විවේකීව සිට එකවර සිටගැනීම හා ඇවිදීවෙම්දි අධිකව දැනේ.

🔴උදෑසන නින්දෙන් අවදි වූ පසු ඇවිදීමෙදි වේදනාව අදිකව දැනේ.

🔴බරක් ඔසවන විට වේදනාව වැඩිවේ.

🔴ඇවිදීමෙදි හා දිවීමෙදි වේදනාව ඇතිවේ.

🌸🌸🌸පිලිපැදිය යුතු කරුණු🌸🌸🌸

⚪ රෝගියා විසින් අදික වෙහෙස දායක ක්‍රියා අත් හල යුතුය

⚪ශරීර බර නියම මට්ටමක පවත්වා ගත යුතුය.

⚪නිවැරදි පාවහන් දැමීම.

⚪වෛද්‍යවරුන් විසින් නියම කරන ව්‍යායාම කිරීම

⚪උණුසුම් ජලය ස්නානය

⚪සමබල ආහාර වේලක් ගැනීම.

✔️ඉදිරිය උල් හැඩති හෝ උස් අඩි පාවහන් ගැලපෙන්නෙ නැත.

✔️පාවහන් යුගලයේ ඇතුලත ඇඟිලි වල සිට විලුඹ දක්වාම කෙලින් තිබිය යුතුය.

✔️ එමෙන්ම එය පැලඳි පසු යටි පතුල සහ සපත්තුවේ අඩිය හොඳින් ස්පර්ශවී තිබිය යුතුය

✔️ඇවිදින විට ලිස්සා නොයා යුතුය.

✔️රළු පොලවක ඇවිදීමට හෝ වැඩි වෙලාවක් සිටගෙන සිටීමට වේ නම්, ශරීරයේ බර හොඳින් දරා ගත හැකි පාවහන් යුගලක් තෝරා ගත යුතුය.

🔴🔴පථ්‍ය හෙවත් හිතකර දේ🔴🔴

🍃පතෝල

🍃එළබටු

🍃ලප්නාරං

🍃මුරුංගා

🍃මිදි

🍃වියළි ඉඟුරු

🍃දිවුල්

🍃සුදුළූණු

🍃කොල්ලු

🍃උඳු

🍃තල

🍃තිරිඟු

🍃පරණ හාල්

🍃බාර්ලි

🍃හීනැටි

🍃පරිප්පු

🍃දොඩං

🍃මසං

🍃හීංනාරං

🍃දෙලුම්

🍃උගුරැස්ස

🍃කිරි

🍃ගිතෙල්

🍃දී කිරි

🍃වෙඬරු

🍃සිනිඳු උනුසුම් බලය වඩන ආහාර

🔴🔴අපථ්‍ය හෙවත් නුසුදුසු ආහාර🔴🔴

🍀විරුද්ද ආහාර පාන

🍀නිදිමැරීම

☘️විෂම ආහාර

☘️අදික වෙහෙස

☘️ඇල්දිය නෑම

☘️ඇත් අසු පිට යාම

☘️කරදර කල්පනා කිරීම

☘️සීතල වැදීම

☘️ආහාර අඩු කිරීම

☘️ලුණු

☘️පිටි ආහාර

☘️කුරක්කන්

☘️කඩල

☘️කරවිල

☘️මෑ කරල්

☘️_____☘️_____☘️_____☘️_____☘️_____☘

➡️ සටහන ✍️ - ආයුර්වේද වෛද්‍ය ශිෂ්‍යා
මධුරි මහේෂිකා ගුණසිංහ
(ගම්පහ වික්‍රමාරච්චි දේශීය
වෛද්‍ය විශ්ව විද්‍යාලය [UG] )

☘️_____☘️_____☘️_____☘️_____☘️_____☘

➡ පෙරලිපි සඳහා පිවිසීමට

ගෘධ්‍රසි
https://m.facebook.com/story.php?story_fbid=681787480615172&id=100063517784205&mibextid=Nif5oz

☘️_____☘️_____☘️_____☘️_____☘️_____☘

➡️මෙවන් වැදගත් විස්තර දැනගැනීමට අපේ එකටත් 👍 කරන්න❤

➡ඔබ සැමට නිදුක් නීරෝගී සුවය

☘️_____☘️_____☘️_____☘️_____☘️_____☘

☘️කාමාශාවෙන් මත් වී නැටීම හෙවත් කාමරංග , කාමයෙන් උමතු වීම, කටුක ශක්ති වර්දනය සහ ලේ නහර ඔස්සේ පිනා ගොස් ශරීරය බලවත් උත්තේජනයකට පත් කරවන පලතුරක් වශයෙන් කාමරංගවලට අතීතයේ දී ඉතා වැදගත් තැනක් ලැබී තිබුන ද අද වන විට එය දුලබ පලතුරක් බවට පත් ව ඇත...

☘️පුරාතන ඉන්දීය සමාජයේ බහුතරයක් කාමුක හැඟීම් බහුල අය වූහ. සියලු සැප සම්පත් මෙලොව දීම විඳිය යුතුය යන හැඟීම නිසා කාමභෝගී සුව පහසුකම් ඒ සඳහා අවශ්‍ය විහරන ආහාරපාන හා විශේෂ කාමශක්තිකර ශාක වර්ගද පලතුරු වර්ගද සෙවීමට උත්සුක වූහ. විශේශයෙන් අන්ත:පුර සහිතව ස්ත්‍රීන් ගබඩා කරගෙන රජකම් කළ බොහෝ දෙනෙකුට කම් සැප විඳීම සඳහා ශරීරය උත්තේජනය කරවන කාමශක්තිය වඩවන ආහාරපානවල පලතුරුවල අවශ්‍යතාව මතුවිනි.

☘️කාමරංගා වර්ග දෙකකි. පැණි කාමරංග හා ඇඹුල් කාමරංගා එම වර්ග දෙකයි. මෙම දෙවර්ගය ම ආයුර්වේද ඖෂද සඳහා යොදා ගනී. පැණි කාමරංගා වල කාම ශක්තිය වර්ධනය කරන ගුණය බහුලය. කෘෂිකර්ම දෙපාර්තමේන්තුව හසනිස්ව්ට් , වන්ටන් හා බී10 වශයෙන් කාමරංගා වර්ග තුනක් හඳුන්වා දී ඇත.

⚪ ඖෂධීය ගුණය.....
🔴උදරයේ අභ්‍යන්තරික ආමාශ හා බඩවැල් තුල රඳා ඇති විෂ සමනය කිරීමට ඇඹුල් කාමරංගා යුෂ ඉතා ගුණය.

🔴සියලු වාත රෝග දුරලන වාත විදුරංග තෛලයට කාමරංගා යුෂ අත්‍යවශ්‍ය බලකාරක ඔසුවක් වන අතර අණ්ඩවායු උන්මාදය හා සියලු වාතරෝග සමනයට හිතකර වාතාරක්ශ තෛලයට ද වාත මේඝ තෛලය ටද කාමරංග යුෂ යොදාගනී.

🔴කාමරංගා කාමශක්තිය වර්ධිත ඕජෝ බහුල නිසා බොහෝමයක් කටුක අයට තමන් ගේ කාම ශක්තිය වර්දනය කරගැනීමට ඉතාමත් හොඳ පලතුරක් වශයෙන් කාමරංගා ආහාරයට ගැනීම සුදුසු වෙයි.

🔴කටී වායුව , හිරිවාතය, සමනයට කාමරංගා යුශ මී පැණි මුසු කර පානය කිරීමෙන් ගුණයක් ලැබේ.

🔴 සමහරුන්ගේ පාදවල ඇති නහර ගැට ගැසීම් වැනි තත්වයන්හිදි කාමරංගා පලතුරක් වශයෙන් කලක් භාවිත කිරීමෙන් එම අපහසුතාව තුරන් කරගත හැකිය.

🔴 නහර දුර්වලත්වය වැනි අවස්තාවන්ට ද එය ම ගුණදායක වේ. මෙහිදී පැණි කාමරංගා අනුභව කිරීම නිර්දේශ කෙරේ.

🔴සෙම්ප්‍රතිශ්‍යා අවස්තාවකදී ඇඹුල් කාමරංගා සෙම් පැසවීමට ගුණදායකය...

☘️_____☘️_____☘️_____☘️_____☘️_____☘

➡️ සටහන ✍️ - ආයුර්වේද වෛද්‍ය ශිෂ්‍යා
මධුරි මහේෂිකා ගුණසිංහ
(ගම්පහ වික්‍රමාරච්චි දේශීය
වෛද්‍ය විශ්ව විද්‍යාලය [UG] )

☘️_____☘️_____☘️_____☘️_____☘️_____☘

➡ පෙරලිපි සඳහා පිවිසීමට

🔴 බල වඩන රඹතුරු

https://m.facebook.com/story.php?story_fbid=691059766354610&id=100063517784205&mibextid=Nif5oz

☘️_____☘️_____☘️_____☘️_____☘️_____☘

➡️මෙවන් වැදගත් විස්තර දැනගැනීමට අපේ එකටත් 👍 කරන්න❤

➡ඔබ සැමට නිදුක් නීරෝගී සුවය

☘️_____☘️_____☘️_____☘️_____☘️_____☘

_______⚪"සිටුවා දොර දොර රඹතුරු" ⚪
ගුත්තිල කවියක ලියවී ඇත. පෙරදිග ජනයා ගේ කල්ප වෘක්ශය හැටියට ද සලකන කෙසෙල් ලෝකවාසී බොහෝ ජනයා ගේ ප්‍රදාන පලතුරක්ද වෙයි.

☘️කෙසෙල් වර්ග රැසක් ඇත.
🍌ඇඹුල්
🍌පුවාලු
🍌ආනමාලු
🍌සුවදැල්
🍌රත්නමාලු
🍌ඇම්බුන්
🍌කිතල
🍌අළුකෙසෙල්
🍌බැදි කෙසෙල්
ආදී වශයෙනි. මේවායේ රසද ගුණද එකිනෙකට වෙනස්ය.

☘️ඉදුනු කෙසෙල් ගෙඩියක 100g ක
තෙතමනය 70g කි
ශක්තිය කැලරි 116
ප්‍රෝටීන 1g
මේදය 0.3g
පිෂ්ටදාතු 27g
Ca 2+ =7mg
යකඩ 0.5g ද
විටමින 30mg ද, අන්තර්ගතය.

☘️කෙසෙල් මුල්, අල, ගෙඩි, කෙසෙල් බඩ, හා මල් ආයුර්වේද ඖෂධ සඳහා යොදාගනී.

☘️සුවදැල් කෙසෙල් ගෙඩි ලෙලි හැර කැබලිවලට කපා වියළා කුඩු කර උක් හකුරු ගිතෙල් හා මී පැණි සමග වරකට තේ හැන්දක් බැගින් අනුබව කිරීමෙන් ධාතු ශක්තිය වර්ධනය වේ. කෙට්ටු ශරීර පෘශ්ටිමත් වේ.

☘️ඉදුණු කෙසෙල් ගෙඩි මධුරය( පැණි රසය) . බලකාරකයි. ශීත වීර්‍යෙන් යුක්තයි. මදක් වාතය වඩයි. ඉතාමත් ඉක්මනින් ශුක්‍ර වර්දනය කරයි.සෙම ඇති කරයි.ලේ සමනය කරයි.විඩාව හා පිපාසය නැති කරයි.

☘️අමු කෙසෙල් ගෙඩි සෙම් නසන ගුණයෙන් යුතුයි.

☘️ කෙසෙල් මුව හෙවත් කෙසෙල් මල්වල කසට ගතිය ප්‍රදාන කොට ඇති බැවින් දියවැඩියා රෝගීන්ට ඉතාම ගුණදායකය.

☘️කෙඳි සහිත ආහාරයක් වශයෙන් ද වැදගත් වෙයි ලපටි කෙසෙල් ගෙඩිවල ද කසට ගතිය වැඩි නිසා ප්‍රමේහ රෝග සඳහා විශේශ ගුණයක් ගෙන දෙයි.

☘️කෙසෙල් බඩ උයා ආහාරයට එක්කර ගැනීමෙන් පිත සමනය කරයි. කෙසෙල් බඩ ශීත වීර්‍යයෙන් යුක්තය. කෙඳි සහිත ආහාරයක් වශයෙන් මළ බද්දය දුරලීමට ද හිතකර ය.

🔴දියදැඩියාවට බෙහෙතක්🔴

විශේශයෙන් කෙසෙල් අල , නෙල්ලි , කොතලහිඹුටු, බැවිල මුල්, සුදුහඳුන් හා හීක් ගොකටු යනාදිය කෂාය කර බීමෙන් දියවැඩියාව සුව කරගත හැකිය.

🔴සිරුරේ බර කර ගැනීමට🔴

දේහ බර වැඩි කරගැනීමට අවශ්‍යතාවක් ඇති අයට කිරි වීදුරුවකට කෙසෙල් ගෙඩි දෙකක් බහා තබා සතියකට වතාවක් බැගින් ආහරයට ගැනීම යෝග්‍ය වේ. මුදවන ලද කිරිවලට කෙසෙල් දමා කෑම පාචන රෝගීන්ට යහපත් වන අතර අතීසාරයට එය ප්‍රත්‍යක්ශ ප්‍රතිකාරයකි.

🔴වේදනකාරී ඔසප් ඇතිවිට🔴

එය සමනය කරගැනීමටද, අදික රුදිරය යාම නිරාවරණය කිරීමටද කාන්තාවන්ට පිසූ කෙසෙල් මල් ආහාරයට ගැනීම ඉතාම හිතකරය.

🔴කට තොල දිව පැලීම් ඇතිවිට🔴

මීකිරි සමග කෙසෙල් ගෙඩි මිශ්‍ර කර ආහාරයට ගැනීමෙන් මුඛය ආශ්‍රිත බිබිලි හා පැලීම් සුව කර ගත හැකිය.

🔴පිලිස්සුම් තුවාල ඇතිවිට🔴

කෙසෙල් ගෙඩි තලපයක් මෙන් සදා පිලිස්සුම් තුවාලය මත ආලේප කිරීමෙන් සුවයක් දැනේ.

🔴ප්‍රතිශක්තිය වර්දනය සඳහා🔴

දිනකට කෙසෙල් ගෙඩියක් බැගින් දිනපතා ආහාරයට ගැනීම ප්‍රතිශක්තිය වර්දනය කරයි.

☘️_____☘️_____☘️_____☘️_____☘️_____☘

➡️ සටහන ✍️ - ආයුර්වේද වෛද්‍ය ශිෂ්‍යා
මධුරි මහේෂිකා ගුණසිංහ
(ගම්පහ වික්‍රමාරච්චි දේශීය
වෛද්‍ය විශ්ව විද්‍යාලය [UG] )

☘️_____☘️_____☘️_____☘️_____☘️_____☘

➡ පෙරලිපි සඳහා පිවිසීමට

🔴⚪ සෙමට නැතුවම බැරි පාවට්ටා

https://m.facebook.com/story.php?story_fbid=350944629947458&id=103543444687579&mibextid=Nif5oz

🔴⚪ විෂ දුරලන රක්ත කුසුම

https://m.facebook.com/story.php?story_fbid=326443119064276&id=103543444687579&mibextid=Nif5oz

☘️_____☘️_____☘️_____☘️_____☘️_____☘

➡️මෙවන් වැදගත් විස්තර දැනගැනීමට අපේ එකටත් 👍 කරන්න❤

➡ඔබ සැමට නිදුක් නීරෝගී සුවය

☘️_____☘️_____☘️_____☘️_____☘️_____☘

❌දියවැඩියාව සහිත රෝගියෙකුට ගැනීමට නුසුදුසු ආහාර❌

☘️_____☘️_____☘️_____☘️_____☘️_____☘

🔴 පෙර ලිපි සඳහා පිවිසීම 🔴

☘️_____☘️_____☘️_____☘️_____☘️_____☘

✔️ දියවැඩියාව රෝගීන්ට ගැනීමට වඩාත් සුදුසු ආහාර

https://m.facebook.com/story.php?story_fbid=683251140468806&id=100063517784205&mibextid=Nif5oz

☘️_____☘️_____☘️_____☘️_____☘️_____☘

✔️දියවැඩියාව රෝගීන්ට පමනට ගැලපෙන ආශාවට නොව අවශ්‍යතාවට පමනක් ගැලපෙන ආහාර

https://m.facebook.com/story.php?story_fbid=687212096739377&id=100063517784205&mibextid=Nif5oz

☘️_____☘️_____☘️_____☘️_____☘️_____☘

➡️ සටහන ✍️ - ආයුර්වේද වෛද්‍ය ශිෂ්‍යා
මධුරි මහේෂිකා ගුණසිංහ
(ගම්පහ වික්‍රමාරච්චි දේශීය
වෛද්‍ය විශ්ව විද්‍යාලය [UG] )
➡️ මූලාශ්‍ර 📒- මහාචාර්‍ය දයා රෝහණ අතුකෝරාල රචිත දියවැඩියාව ජය ගත හැකි මග

☘️_____☘️_____☘️_____☘️_____☘️_____☘

➡️මෙවන් වැදගත් විස්තර දැනගැනීමට අපේ එකටත් 👍 කරන්න❤

➡ඔබ සැමට නිදුක් නීරෝගී සුවය

☘️_____☘️_____☘️_____☘️_____☘️_____☘

දියවැඩියාව සහිත පුද්ගලයන්ට පමන දැනගත යුතු ආහාර

( මද්‍යම ප්‍රතිපදාවට අනූව සීමාවක් සහිතව ආශාවට නොව අවශ්‍යතාවට අනූව ගත යුතු ආහාර )

🟤🟤 පෙර ලිපිය 🟤🟤🟤

✔️✔දියවැඩියාව සහිත ඔබට සීමා රහිතව ගැනීමට සුදුසු ආහාර✔️✔️

https://m.facebook.com/story.php?story_fbid=683251140468806&id=100063517784205&mibextid=Nif5oz

🍀🍀🍀 #දියවැඩියාවෙන්_පෙලෙන_ඔබට_සුදුසු_ආහාර🍀🍀🍀

උදෑසන නැගිට ඇඳෙන් බහින විට ඔබේ විලුඹේ වේදනාවක් දැනෙනවාද.......?

ආයුර්වේදයේ "වාත කණ්ඨක" නමින් හැඳින්වෙන මෙම රෝගය ගැන ඔබ දැනුවත්ද ? ඒ පිලිබඳ හෙට ලිපියෙන් බලපොරොත්තු වන්න

ඔසු කැඳ පුරාණය

Sciatica හෙවත් ගුධ්‍රසි රෝගය පිලිබඳ ඔබ දැනුවත්ද ?
හෙට ඒ පිලිබඳ ලිපියකින් ඔබව දැනුවත් කරන්නම්

සෙමට නැතිවම බැරි #ආඩතෝඩා

🌱Adathoda vasica nees යන උද්භිත විද්‍යාත්මක නාමයෙන් සමන්විත මෙය Acanthacea කුලයට අයිති වේ. සිංහලෙන් ආඩතෝඩා , පාවට්ටා , වනේපල , අගලාදාර යන නම් භාවිතා කරන අතර සංස්කෘත භාෂාවෙන් වාසා කියන නම භාවිතා කරයි . malbar nut යන ඉංග්‍රීසි නාමය භාවිතා කරයි .

🌱මෙම ශාකය බහුවාර්ෂික පඳුරු ආකාර මීටර් එකක් දෙකක් පමණ උස සම්මුඛව විහිදුණු ඉහලට යන හරහාට විහිදුණු අතු දැකිය හැකිය. කඳ සිලින්ඩරාකාර වේ. ළපටි කාලෙ මුදු රෝම සහිත ශාකයකි .

🌱විශාල පත්‍ර පවතී. ඒවා සරල පත්‍ර වින්‍යාසයක් සහිත වේ . පත්‍ර සම්මුඛව පිහිටයි . එම පත්‍ර යුගලක් සම්මුඛව ද ඊළඟ යුගල වෙන පැත්තකට ද සම්මුඛ පිහිටයි. පත්‍ර ලංසාකාර වේ . සෙන්ටි මීටර දහයක් විස්සක් පමණ දිගකින් යුක්ත වන අතර සෙන්ටිමීටර් 2.5 ත් 8.5 පළලක් ගනී. අග්‍රස්ථය හා මූලයේ දෙසට සිහින් වේ. පත්‍ර දාරය සම්පූර්ණ දාරයකි. පත්‍ර අග්‍රය තීක්ෂණ වේ. පත්‍ර උඩ පුෂ්පය තද කොළ වේ .යටි පෘෂ්ඨය ඊට අඩු ළා කොළ පැහැයක් ගනී .නාරටි සමාන්තරය යුගල 12ක් පවතියි. ජාලාකාර නාරටි ඒ අතර පවතී . පත්‍ර වෘන්තය සෙන්ටිමීටර 13 ත් අතර ප්‍රමාණයකින් යුක්තයි.

🌱පුෂ්ප මංජරිය බහුලව ශාකඅග්‍රස්තයේ හටගණී . කක්ෂියවද හටගනී ‍. .බොහෝවිට සංයුක්තව තදට බැඳුණු මනි පත්‍ර සහිත ශුකීයක් ආකාරවේ මංජරියේ විවිධ පියවර සහිත පුෂ්ප හට ගනී.

🌱මල් ගත් විට ද්වීලිංගික වේ . විශාල සුදු පාට මල් පවතී. පෙති වල රතු දම් සහිත රේඛා පවතී. දල පත්‍ර පහක් ඇත. එකට එක්වී ද්වී ඕස්ටීය මුකුටයක් සාදයි.මුකුට නාලය සෙන්ටි මීටර් 1.2 ක් පමණ දිගයි .පහළ කොටස සිලින්ඩරාකාර වේ ඉහළ කොටස කොටස් දෙකකි .යටි හා උඩු තොල ඇත උඩු තොලේ ඛණ්ඩිකා දෙකක්ද යටි තොලෙ ඛණ්ඩිකා තුනක්ද ඇත . යටි තොලේ මධ්‍යම ඛණ්ඩිකාව විශාලත්වයෙන් වැඩිය . යටිතිලේ මද්‍යම කන්ඩිකාව වඩා විශාලය .රේණු දෙකක් පවතී ඔක්තෝබර් දෙසැම්බර් කාලයේ දී මල් පිපේ.

🌱මෙහි ප්‍රධාන වශයෙන් ප්‍රභේද තුනක් පවතී සුදු මල් පිපෙන ප්‍රභේදය රතු මල් පිපෙන ප්‍රභේදය කළු මල් පිපෙන ප්‍රභේදය .

🌱ඖෂධ පිණිස ශාකය ශාකයේ සියලුම කොටස් ගනු ලැබේ.

🌱ඖෂධීය මාත්‍රාවන් සැලකූ විට මුලෙන් ලබාගන්නා කසාය ml හැටත් 120 එකසිය විස්සත් අතර , පත්‍ර යුෂ මිලිලීටර් 10 ක් විස්සත් අතර ද, මලේ යුෂය මිලිලීටර් 10ක් විස්සත් අතර ද, මුල් වල චූරණයයේ හෙවත් කුඩු ග්‍රෑම් එකත් හතරත් අතර ප්‍රමාණයක් ඖෂධ පිණිස ගනී .

🌱ආයුර්වේදයේ මේ පාවට්ටා සඳහා විවිධ නම් භාවිතා කරයි .වාසක , වාසිකා භිශක් මාතා, සිංහිකා, සිංහාස්‍ය, වාජීදන්ත, ආටරූෂ, ආටරූෂක , අටරූෂ, වෘශ, තාම්‍ර, සිංහ පර්ණ.

🌱පංච පදාර්ථය සැලකූ විට තික්ත , කසාය රසින් යුක්ත වන අතර ලඝු ,රුක්ෂ ගුණ පවතී ශීත වීර්‍ය වන අතර කටු විපාක වේ. කප හෙවත් සෙම හා පිත සාමක වේ .

🌱මේ සතුව වාත වර්ධක ගුණ පවතී .
කප හෙවත් සෙම, පිත ,රත්ත රෝග නැතිකරයි .
උගුරට හිතයි .
තිත්ත කෂාය රස පවතී .
හෘදයට හිතකරයි .
පිපාසය හා වේදනා සමනය කරයි .
ශ්වාසය හෙවත් ඇදුම කාස හෙවත් කැස්ස ඒ වගේම සෙම නිසා ඇතිවන රෝග
වමන , ප්‍රමේහ රෝග , කුෂ්ඨ රෝග ක්ෂය රෝග, වලදීද මෙය ඖෂධයක් පිණිස භාවිතා කරනු ලබයි .

🌱මෙහි පත්‍ර ප්‍රලේපය, එනම් පත්‍ර වලින් සාදා ගන්නා පල්පය වේදනාවන් සමනය කිරීමට , ඉදිමුම් නැති කිරීමට, පණු රෝග වලට , කුෂ්ඨ රෝග වලට භාවිතා කිරීමට පුළුවන.

🌱එමෙන්ම ආමවාත, තුවාල ,ඉදිමීම් ,නාඩි වල වේදනා ,සමේ රෝග වලට බාහිරව ආලේපනය කර හැක .

🌱එමෙන්ම තුවාල සේදීමට විෂබීජ නාශකයක් ලෙසට මෙම පාවට්ටා පත්‍ර යුෂ යොදා ගන්නා ලබන අතර වාත රෝග වලදී මෙම ආඩතෝඩා මිශ්‍රිත තෛල මගින් වේදනාව සමනය කරයි .

🌱මේ සතුව ශීත වීර්යය, කෂාය රස, ලඝු ගුණ පවතින නිසා ස්ථම්භන ගුණ පවතී. එම නිසා අතීසාර , රක්ත අතීසාරය ප්‍රවාහිකා යන රෝගවල දී යොදා ගැනේ.

🌱මෙය හෘදයට ඉතා හිතකර වේ . රුධිර ශෝධනය කරයි . රක්තය ස්ථම්භනය කරයි .ඒ නිසා රුධිර ගලන රෝගවල දී යොදා ගත හැක. රක්ත ප්‍රදර, රක්ත රෝග වලදී යොදා ගනියි . ශරීරයේ තියෙන කුඩා රුධිර නාල සංකෝචක හැකියාවක් ඇත.

🌱පාවට්ටා ප්‍රධානවම ක්‍රියාකරන ව්‍යුහය වන්නේ ස්වසන ව්‍යුහයයි. කැස්ස නැති කරයි . සෙම සහ ඇදුම ද නැති කරයි . මේ සතුව සෙම දියකර ශරීරයෙන් පිට කිරීමේ හැකියාව සහිතයි .එමෙන්ම ශ්වාසනාලිකා පලල් කරන නිසා ස්වාස රෝගීන් හෙවත් ඇදුම රෝගීන්ට ලබා දෙයි .අපහසුවෙන් ස්වසනය කරන පුද්ගලයන්ට ද ලබා දෙයි .උගුරේ ආසාදනය සඳහා හිතයි . දීර්ඝකාලීන හෝ වියළි කැස්සට ඉතා ගුණ වෙ.. මෙය වඩාත් සුදුසු වන්නේ කැස්සේ තීව්‍ර අවස්ථාවේදි වන අතර මුල් අවස්ථාවේදී ගැනීමට වඩා තීව්‍ර අවස්ථාවේ දී ගැනීම වඩාත් සුදුසුයි . ආඩතෝඩා වියළි පත් හා අත්තන කොළ දුම් ලෙස ආග්‍රහණය කිරීමෙන් ශ්වසනය ඉතා පහසු වේ .

🌱මේද්‍ය ගුණය ඇති කිරීම සඳහා ආඩතෝඩා මුල් ඒ කෂාය මඟින් සාදන ලද තෛලය භාවිතා කරයි .

🌱එමෙන්ම රක්ත පිත්ත අවස්ථාවලදී ආඩ තෝඩා මල් පවනේ වියළා කුඩු කර මීපැණියෙන් ගනු ලබයි.

🌱අධික ස්ථුල ඇති විට ආඩතෝඩා පත්‍ර යුශ බෙලි පත්‍ර යුෂ සමග ගනු ලබයි.

☘️_____☘️_____☘️_____☘️_____☘️_____☘

➡️️සටහන ✍️ - ආයුර්වේද වෛද්‍ය ශිෂ්‍යා
මධුරි මහේෂිකා ගුණසිංහ
(ගම්පහ වික්‍රමාරච්චි
ආයුර්වේද විද්‍යායතනය UG)
➡️මූලාශ්‍ර 📖️ - ආයුර්වේද ග්‍රන්ත

☘️_____☘️_____☘️_____☘️_____☘️_____☘

➡️මෙවන් වැදගත් විස්තර දැනගැනීමට අපේ එකටත් 👍 කරන්න❤

➡ඔබ සැමට නිදුක් නීරෝගී සුවය

☘️_____☘️_____☘️_____☘️_____☘️_____☘

~එරබදු/පාරිභද්‍ර~

• අවුරුදු එන බවට පරිසරය වර්ණවත් කරමින් අපට ඉඟි කරන මේ එරබදු යනු ඖෂධීය වටිනාකමකින් ඉතා ඉහල ශාකයක් බව මීට පෙර අසා තිබුනාද ? අද ලිපියෙන් විමසන්නේ ඒ පිළිබඳවයි.....

>උද්භිත විද්‍යාත්මක නම - Gava
>කුලය -
>සිංහල නාමය - එරබදු
>සංස්කෘත නාමය - පාරිභද්‍ර
>ඉංග්‍රීසි නාමය -

🌺මෙම ශාකය මධ්‍යම ප්‍රමාණයේ මීටර හයත් - නවයත් අතර උසට වැඩෙන කටු සහිත ශාකයකි . මෙම ශාකය පත්‍ර නටු බූවකින් වැසී පවතී. ඒකාන්තර පත්‍ර පවතී .ත්‍රිපත්‍ර වේ. දිලිසෙන කොල වර්ණයක් පත්‍රවල පවතී. පත්‍ර නටුව දිගු වන අතර සෙන්ටිමීටර් හයත් පහළොවත් අතර දිගකින් යුක්ත වේ. ප්‍රාක්ෂය සෙන්ටිමීටර් 5 ත් 30 ත් අතර ප්‍රමාණයක් වේ. මෙහි පිපෙන පුෂ්පය ඉතා දිගු මලකි .දිලිසෙන රෝස රතු වර්ණයකින් යුක්ත වන අතර මංජරියක් ආකාරයෙන් මල් පිපේ. තද රතුපාට සෘජු ප්‍රාක්ශය 15-20cm අතර ප්‍රමාණයකින් දිගු වන අතර රේණු යන්තම් මලෙන් නෙරා පවතී . මෙහි පළ සිලින්ඩරාකාර ටොරුලාකාර කරලකි. කොළ හෝ කළු වර්ණයකින් යුතු වන අතර මෝරන විට රැළි වැටෙන ඵලයක් පවතී ආයතකාර ප්‍රතිලංසාකාර ආකාර බීජ පවතින අතර 6 mm පමණවේ. මල් පිපෙන්නේ මාර්තු අප්‍රේල් කාලයේ ය.

🌺මේ සඳහා සංස්කෘත භාෂාවේ පර්යාය බොහොමයක් පවතී . පාරිභද්‍ර , නිම්භතරු , මන්දාර , පාරිජාත රක්තපුශ්ප, ක්‍රිමිඝ්න, කණ්ඨකී , රක්තකුසුම, බහු පුෂ්පී......

🌺කටු , තිත්ත රසයෙන් යුක්ත වන අතර ලඝු ගුණ සහිතයි . උෂ්ණ වීර්ය වන අතර කටු විපාක වේ. කර්ම වශයෙන් කඵ හා වාත සමනය කරයි . ප්‍රධාන වශයෙන් පොතු ,පත්‍ර ,බීජ ,මුලේ පොතු ඖෂධ පිණිස යොදා ගනු ලබයි.

ගුණ කර්ම~~~

🌺එරබදු සතුව තුවාල ශෝධන කිරීමේ ගුණයක් පවතී .එමෙන්ම ඉදිමුම් අවස්ථාවලදී යොදා ගනියි.

🌺වාත ශාමක ගුණ පවතී . නින්ද නාශක ගුණ පවතී . එනිසා නින්ද යන්නැති අවස්ථාවලදීද ඖෂධ පිණිස යොදා ගනී.

🌺එමෙන්ම රෝචන හෙවත් රුචි කාරක ගුණ , දීපන ගුණ , අනුලෝම ගුණ වේදනා නාශනය කිරීමේ ගුණ , ක්‍රිමි රෝග වලදීද යොදා ගනු ලබයි .

🌺එමෙන්ම රුදිරය ප්‍රසාදණ ගුණය සහිතයි. එමෙන්ම පරංගි රෝග, උපදංශ රෝග අවස්තා වලදී ද ඖෂධ පිණිස යොදා ගෙන ඇත.

🌺කඵ නිස්සාරක ගුණ සහිත නිසා කැස්ස අවස්ථාවලදී යොදා ගනී. එමෙන්ම මුත්‍ර කුච්ච හෙවත් මුත්‍රා අඩුවෙන් පිටවන පිටවන අවස්ථා වලදීද මෙහි මුත්‍ර ජනන හැකියාව තිබෙන නිසා ඖෂධ පිණිස යොදා ගනී .

🌺එමෙන්ම ආර්තව ජනන හැකියාවද පවතී . කුෂ්ඨ නාසනය කිරීමේ ගුණයක් ද පවතී.

☘️_____☘️_____☘️_____☘️_____☘️_____☘

➡️️සටහන ✍️ - ආයුර්වේද වෛද්‍ය ශිෂ්‍යා
මධුරි මහේෂිකා ගුණසිංහ
(ගම්පහ වික්‍රමාරච්චි
ආයුර්වේද විද්‍යායතනය UG)
➡️මූලාශ්‍ර 📖️ - ආයුර්වේද ග්‍රන්ථ ඇසුරින්

☘️_____☘️_____☘️_____☘️_____☘️_____☘

➡පෙරලිපි සඳහා පිවිසීමට

මුත්‍රා රෝග නසන ඉකිරිය හෙවත් නීරමුල්ලිය
https://www.facebook.com/103543444687579/posts/323926602649261/

☘️_____☘️_____☘️_____☘️_____☘️_____☘

➡️මෙවන් වැදගත් විස්තර දැනගැනීමට අපේ එකටත් 👍 කරන්න❤

➡ඔබ සැමට නිදුක් නීරෝගී සුවය

☘️_____☘️_____☘️_____☘️_____☘️_____☘

ඉකිරිය/ නීරමුල්ලිය

🌱 Marsh barbel යන ඉංග්‍රීසි නාමයෙන් හැඳින්වෙන මෙම ශාකය සිංහල භාෂාවෙන් ඉකිරිය, කටු ඉකිරිය, නීරමුල්ලි යන නම්වලින් හැඳින්වෙන අතර සංස්කෘත භාෂාවෙන් කෝකිලාක්ෂ ලෙසට හැඳින්වේ.

🌱මෙම ශාකය කුඹුරු වැව් ආදී ජලාශ්‍රිත ප්‍රදේශ වල හැදෙන අතර වර්ෂා සෘතුවේදී, වියලි කලාපයේ දී වැවී ග්‍රීස්ම කලාපයේ දී විනාශ වීම සිදුවේ .

🌱මෙහිදී ඖෂධ පිණිස ප්‍රධාන වශයෙන් මුළු ශාකයම ලබා ගන්නා අතර සංස්කෘත භාෂාවේ දී මේ සඳහා විවිධ පර්යාය නාම භාවිතා කරයි. කෝකිලාක්ශ , කාකේක්ශුර, ක්ශුරක, ක්ශුර, භික්ශු , කාණ්ඩේක්ශු, ඉන්ෂුගන්ධ, ඉක්ෂුවාලිකා....

🌱ගසේ කටු හොඳින් වර්ධනය වූ පසු සහමුලින් ශාකය උදුරාගෙන වියළා වායු නිවාරක බඳුන් වල ගබඩා කිරීමෙන් පසුව මේවා ඖෂධ පිණිස යොදා ගනු ලබයි .

🌱මධුර, අම්ල, පිත්ත යන රස තුනෙන් යුතු මේ ඉකිරිය ස්නිග්ධ හා පිච්චිල ගුණ සහිතයි .ශීත වීර්ය වන අතර මධුර විපාකයෙන් යුක්තයි .කර්ම ලෙස කඵ හෙවත් සෙම හා පිත සමනය කිරීමේ ගුණ ඇති අතර මෙහි බීජ වල ත්‍රිදෝෂ හෙවත් වාත ,පිත ,කඵ සමන ගුණ පවති.

🌱වාත රෝග වලට ඉතා හොඳ ඖෂධයක් වන මෙය ආමවාත වල දී ද යොදා ගනී. එමෙන්ම නාඩි බලකාරක නිසා නාඩි දුර්වලතා අවස්ථා වලදී මෙය ඖෂධයක් පිණිස යොදා ගත හැකි අතර ඒ වගේම යකෘත් උත්තේජනය කිරීමේ ගුණයක් ද ඇත. කාමලා හෙවත් කහ උණ, ආනාහ හෙවත් බඩ පිපීම වැනි රෝගවල දී යොදා ගත හැකිය . ඒ වගේම වාතරක්ත , රක්ත පිත්ත යන රෝගවල දී යොදා ගනී.

🌱ඒ වාගේම මුත්‍ර වැඩීමේ ගුණයක් සහිත නිසා මුත්‍ර අඩුවෙන් යන අවස්ථාවලදී ඖෂධයක් පිණිසයොදාගත හැකි . ඒ වගේම බඩේ ඇතිවන ගල් වලට ද ඉතා හොඳ ඖෂධයකි . ඒමෙන්ම ශුක්‍ර දුර්වලතා වලදී, මව්කිරි අඩු අවස්ථාවලදීද යොදාගත හැකියි .

🌱වැඩිහිටියන්ගේ කකුල් ඉදිමුණු අවස්ථාවලදී මෙම නීරමුල්ලිය කොළ තම්බා එම ජලය කකුල් බහා ගෙන සිටීම මෙන්ම එම කොළ වලින් තැවීම යනාදී ක්‍රියා සිදුකිරීම මගින් ඉදිමීම අඩු කරගත හැකිය .

🌱 මුත්‍රා ගල් තියෙන අයට ලුණුවරණ පොතු නීරමුල්ලිය මුල් කළං හයක් බැගින් කශාය කර බීම මෙන්ම නීරමුල්ලිය , පොල් පලා තැම්බූ ජලය සතියකට වරක් පානය කිරීමෙන් මෙම තත්ත්වයෙන් සහනයක් සලසා ගත හැක .

⚪⚪ මෙය අධි රුධිර පීඩනය සහිත අයට අහිත කරයි ⚪⚪

☘️_____☘️_____☘️_____☘️_____☘️_____☘

➡️️සටහන ✍️ - ආයුර්වේද වෛද්‍ය ශිෂ්‍යා
මධුරි මහේෂිකා ගුණසිංහ
(ගම්පහ වික්‍රමාරච්චි
ආයුර්වේද විද්‍යායතනය UG)
➡️මූලාශ්‍ර 📖️ - ආයුර්වේද ග්‍රන්ථ ඇසුරින්

☘️_____☘️_____☘️_____☘️_____☘️_____☘

➡පෙරලිපි සඳහා පිවිසීමට

☑️ සුදුකබර නසන බාකුචි

https://www.facebook.com/103543444687579/posts/322088202833101/

☘️_____☘️_____☘️_____☘️_____☘️_____☘

➡️මෙවන් වැදගත් විස්තර දැනගැනීමට අපේ එකටත් 👍 කරන්න❤

➡ඔබ සැමට නිදුක් නීරෝගී සුවය

☘️_____☘️_____☘️_____☘️_____☘️_____☘

✴️✴️✴️කොළ කැඳ පුරාණය✴️✴️✴️
( 13) කොටස

#රතු_ලූනු_කැඳ

🌱🌱රතු ලූනු කැඳ වල ගුණ🌱🌱

🌼බඩවැලේ තුවාල වලට ගුණයි.

🌼බඩදැවිල්ලට ගුණයි .

🌼පීනස සොටු දියර ගැලීම නවතයි.

🌼නාසයෙන් ඇතිවන ගඳ නැති කරයි.

🌼හිසේ තුවාල සුව කරයි .

🌼හිස්සොරි නැති කරයි .

🌼අත්පා දැවිල්ල නැති කරයි .

🌼ලේවල සෙමට ඉතා ගුණයි

🌱🌱සාදන ආකාරය🌱🌱

⭕නිවුඩු රතු කැකුළු හාල් දෙමිටක් වතුර අඩු කෝප්ප දෙකක් දමා හොඳට සෝදා බැරි වෙන්නට උයා පොඩි කරගන්න. එයට,
✔️රතුළූණු ග්‍රෑම් 50 ක්
✔️රම්පෙ කෑල්ලක්
✔️මුරුංගා පොතු ටිකක්
✔️පොල් දෙමිටක්
✔️අමු ඉඟුරු කළං එකක්
✔️සූදුරු
✔️මාදුරු
✔️අබ
✔️ගම්මිරිස්
✔️උළුහාල්
✔️කුරුඳු කුඩු ඇඟිලි දෙකට හසුවන ප්‍රමාණ 3 බැගින් ගෙන මේ සියල්ලම හොඳට තුන් පාරක් අඹරා වතුර බෝතල් භාගය බැගින් දමා තුන් තුන්වරක් අඹරා කිරි කොටුවෙන් පෙර ඉහත පිළියෙල කරගත් කැඳ වතුර දමා හොඳින් පැසවා බීමට දෙන්න.

☘️_____☘️_____☘️_____☘️_____☘️_____☘

➡️️සටහන ✍️ - ආයුර්වේද වෛද්‍ය ශිෂ්‍යා
(ගම්පහ වික්‍රමාරච්චි
ආයුර්වේද විද්‍යායතනය UG)
➡️මූලාශ්‍ර 📖️ - බල වඩන හෙළ යවාගු

☘️_____☘️_____☘️_____☘️_____☘️_____☘

➡පෙරලිපි සඳහා පිවිසීමට

තල ඇට කැඳ

https://www.facebook.com/103543444687579/posts/295231642185424/

☘️_____☘️_____☘️_____☘️_____☘️_____☘

➡️මෙවන් වැදගත් විස්තර දැනගැනීමට අපේ එකටත් 👍 කරන්න❤

➡ඔබ සැමට නිදුක් නීරෝගී සුවය

☘️_____☘️_____☘️_____☘️_____☘️_____☘

☘️___කොළ කැඳ පුරාණය (11)___☘️

#නෙලුම්_ඇට_කැද

___නෙළුම් ඇට කැඳවල ගුණ___

🌼සියලුම ධාතු දුර්වලතා වලට.

🌼ස්නායු පෝෂණයට.

🌼ශාරීරික මස් දියවීමේ රෝගවලට.

🌼විශේෂයෙන්ම තමාගේම ලක්ෂණ රුව ඇති දරුවන් බිහිවීමට.

🌼දරුවන් නැති අයට.

🌼ගර්භාෂ පෝෂණයට.

🌼ගර්භාශයේ ඇති දුර්වලතාවයට.

🌼ආමාශයේ තුවාල වලට.

🌼දැවිල්ලට.

🌼කරකැවිල්ලට.

🌼පිත් රෝග වලට.

🌼පිත් වමනයට දහඩිය උෂ්ණය හා සියලුම සෙම් පිත් රෝග දුරලන්නේ ය.

___සාදන ආකාරය___

හොඳට සෝදා ගල් වැලි ඉවත් කළ නිවුඩු කැකුළු හාල් මිටක් ,වතුර අඬු කෝප්ප දෙකක් දමා හොඳට බෙරි වන්නට තම්බා තබා හොඳට පොඩි කර ගන්න.

එයට නෙළුම් ඇට මද මිටක් (ග්‍රෑම් දහයක් පමණ), කරපිංචා කිනිති හතරක්, පොල් මිටක් , රම්පා කෑල්ලක්, දමා කොටා මිරිකා ගත් ඉස්ම බෝතල් එකක් ඉහත පිළියෙල කළ බත් කැඳට දමා එයට අමු ඉඟුරු ස්වල්පයක්, සුදු ලූණු බික් දෙකක් ,සූදුරු ඇට දහයක්, මාදුරු ඇට දහයක් ,කරද මුංගු කරලක් යන මේ සියල්ල අඹරා වතුර අඩු කෝප්ප 1ක් කට දියකර පෙරා ඉහත පිළියෙල කර කැඳට දමා හොඳට බුබුළු දමන තෙක් පැසවා නිවුනාට පසු බීමට දෙන්න. ලුණු ලුණූ රස බලා දමන්න .

☘️_____☘️_____☘️_____☘️_____☘️_____☘

➡️️සටහන ✍️ - ආයුර්වේද වෛද්‍ය ශිෂ්‍යා
(ගම්පහ වික්‍රමාරච්චි
ආයුර්වේද විද්‍යායතනය UG)
➡️මූලාශ්‍ර 📖️ - බල වඩන හෙල යවාගු

☘️_____☘️_____☘️_____☘️_____☘️_____☘

➡පෙරලිපි සඳහා පිවිසීමට

🅾️මයිසූර් පරිප්පු කැද

https://www.facebook.com/103543444687579/posts/279425783766010/

☘️_____☘️_____☘️_____☘️_____☘️_____☘

➡️මෙවන් වැදගත් විස්තර දැනගැනීමට අපේ එකටත් 👍 කරන්න❤

➡ඔබ සැමට නිදුක් නීරෝගී සුවය

☘️_____☘️_____☘️_____☘️_____☘️_____☘

☘️______ගැට තුඹ ______☘️

✅ගැටතුඹ කියන්නේ සෙන්ටි මීටර 50 ක් විතර උසට වැඩෙන බහුවාර්ෂික පැලෑටියකි .පඳුරු ආකාරයෙන් වැඩෙන මේ ගැට තුඹ ශාකය කුඹුරු අයින් වල ගොඩක් වෙලාවට අපිට දකින්න පුළුවන් .පත්‍ර වල මෙන්ම කඳේ ද සියුම් බූවක් දකින්න පුළුවන් වන අතර සෙන්ටි මීටර් නවයක් දක්වා පමණ සිහින් දිගටි පත්‍රයක් මෙයට තියෙනවා. ඒ වගේම සුදු පාටට ද්වීලිංගික පුෂ්ප පිපෙනවා.

☘️_____☘️_____☘️_____☘️_____☘️_____☘

🔴කටු , ලවන , මධුර රසයෙන් යුක්ත වන අතර රූක්ෂ සහ තීක්ෂ්ණ ගුණ සහිතයි එමෙන්ම උෂ්ණ වීර්ය සහිත වන අතර මධුර විපාකයෙන් ද යුක්තයි . දෝෂ අනුරූප කර්ම ලෙස ගත් විට කඵ වාත ශාමක වන අතර පිත්ත ශෝධන වේ.

☘️_____☘️_____☘️_____☘️_____☘️_____☘

🌱ආහාර අරුචිය, කුසගිනි මදිකම, උදරාබාධ , හිස රදය, චර්ම රෝග, තුවාල, කරකැවිල්ල, උඳුගොව්වා කෑම, සර්ප විෂ, පිස්සු බලු විෂ ආදී රෝග සඳහා ප්‍රතිකාර කිරීමට මෙම ශාකයේ කොළ සහ මුල් භාවිතා කරයි

🌱ගැට තුඹ ව්‍යංජනය පණු රෝග රෝගවලට ගුණදායකය.

🌱බඩ බුරුලෙන් යන විට ගැටතුඹ ආහාරයට ගැනීමෙන් සුවය ලැබිය හැකිය.

🌱තරබාරු බව අඩු කිරීමේ හැකියාවක් ද මෙම ශාකය සතුව පවතී . එලකිරි උණු කරද්දී ගැටතුඹ මුල් දෙක තුනක් එක්කර ගැනීම මඟින් කිරි දිරවීමේ පහසුව ඇති කරවයි.

🌱ගැටතුඹ වාත පහ කරන ගුණ සහිතය. සෙම්ප්‍රතිශ්‍යාව සහ කැස්ස ට ගැට තුඹ මල් දෙමිටක් පමණ ගෙන වතුර අඬු කෝප්ප දෙකහමාරක් පමණ දමා තම්බා පානය කිරීම ගුණයි .

🌱අජීරනයට සහ බඩ බුරුලෙන් යෑම ට ගැට තුඹ ගස් දෙක තුනක් හොඳින් සෝදා පිරිසිදු කර වනේ කොටා කෙසෙල් කොළයක දවටා උණු අළු පල්ලේ දමා තම්බා නිවුණු පසු මිරිකා මී පැණි දමා බීම ගුණයි.

🌱ගැටතුඹ කුඩා පැළ ගෙන අඹරා තැම්බුම් හොද්දක් සකසා පානය කිරීම සමේ රෝග වලට ගුණයි.

🌱ගැට තුඹ කොළ මිටක් ගෙන අමු කහ කැබැල්ලක් දමා කොටා මිරිකා ගත් යුෂ මදක් රත් කර රෝගය පවතින තැන්වල ආලේප කිරීම

🌱බඩ රිදීමට සහ බඩ පිපීමට ගැටතුඹ මුල් සහ බෙලි මල් මිට බැගින් ගෙන පානය කිරීම ගුණයි .

🌱සෙංගමාලයට හීනටි සහල් වලින් කැඳ සාදා එයට ගැටතුඹ කොටා මිරිකා ගත් යුෂ එක්කර මද වේලාවක් රත්කර පානය කිරීම ගුණයි .

🌱කල් ගිය තුවාල වලට ගැට තුඹ කොළ අමු කහ සමව ගෙන තම්බාගත් ජලයෙන් සෝදා යි.

🌱ප්‍රතිශ්‍යාව සහ හිසේ වේදනා යන දෙකේ දී මෙම ගැටතුඹ වල ස්වරය මගින් නස්‍ය කිරීම සිදු කරයි.

🌱එමෙන්ම ගැට තුඹ කසාය වතුර තුවාල සේදීම සඳහා යොදා ගන්නා අතර පත්‍ර කල්කය කටීග්‍රහ ,සර්ප විෂ ආදියේදී ආලේප කිරීමට යොදා ගනී.

🌱ඒ වගේම කාමලා රෝගයේ දී පත්‍ර යුෂය අඳුන් දීම සඳහා යොදා ගනී

🌱ආහාර ජීරණ මාර්ග පද්ධතිය ආශ්‍රිතව ඇතිවන අධ්මානය , ශූලය , කාමලා කෘමි රෝග යන මේවායේ දී යොදා ගනු ලබයි.

🌱ග්‍රහනි , පුරාතන අතීසාර අවස්ථාවන්හිදී පත්‍ර දළු සියුම්ව ගලේ අඹරා ගෙන ව්‍යාංජනයක් වශයෙන් සාදා දීමෙන් මහඟු ගුණ ලබාගත හැකිය.

🌱අක්ෂි පටල රෝගයට ගැට තුඹ කොළ හාල්පානු දියෙන් අඹරා පෙරා නස්න කිරීම ගුණදායකයි.

☘️_____☘️_____☘️_____☘️_____☘️_____☘

➡️️සටහන ✍️ - ආයුර්වේද වෛද්‍ය ශිෂ්‍යා
(ගම්පහ වික්‍රමාරච්චි
ආයුර්වේද විද්‍යායතනය UG)
➡️මූලාශ්‍ර 📖️ - ඖෂධ සංග්‍රහය හා අපේ
ඔසු පැළ .

☘️_____☘️_____☘️_____☘️_____☘️_____☘

➡පෙරලිපි සඳහා පිවිසීමට

⭕ #ඉරිවේරිය

https://www.facebook.com/103543444687579/posts/255950732780182/

☘️_____☘️_____☘️_____☘️_____☘️_____☘

➡️මෙවන් වැදගත් විස්තර දැනගැනීමට අපේ එකටත් 👍 කරන්න❤

➡ඔබ සැමට නිදුක් නීරෝගී සුවය

☘️_____☘️_____☘️_____☘️_____☘️_____☘

☘️____ #කප්පරවල්ලිය____☘️

❇️කප්පර වල්ලිය යනු ඖෂධ ගුණයෙන් අනූන ශාකයකි. මේ ශාකය ගොඩක් වෙලාවට හැදෙන්නේ ගල් සහිත තැන්වල. මේක ප්‍රධාන වශයෙන් ශරීරය හැදෙන අශ්මරී හෙවත් ගල් බිඳ දමන නිසා පාශාන භේද කියන නමින් හඳුන්වනවා. ඒ වගේම මේ කප්පරවල්ලිය කොළ වල අසමෝදගම් වලට සමාන ගන්ධයක් තියෙනවා.

❇️කප්පරවල්ලිය ලඝු , රුක්ෂ තීක්ෂණ ගුණයෙන් යුතු වන අතර කටු , තික්ත රස සහිතයි. උෂ්ණ වීර්ය මෙන්ම කටුක විපාකයන් ද යුක්තයි .දෝෂ අනුරූපව ගත්කල ඌෂ්ණ තීක්ෂණ හෙයින් ශරීරයේ කඵ වාත සමනය කරනවා .

☘️_____☘️_____☘️_____☘️_____☘️_____☘

❇️බාහිර වශයෙන් ශරීරයේ වේදනාව නැති කිරීම සහ විෂ නැති කරයි . අභ්‍යන්තර වශයෙන් ගත් කල ආහාර මාර්ග පද්ධතියේ දී රුචිකාරක ගුණ , අග්නි දීපන ගුණ , පාචන ගුණ ,වාත අනුලෝම ගුණ ඒ වගේම යකෘත් උත්තේජක ගුණ සංග්‍රාහී ගුණ සහිතයි.ස්වසන ව්‍යූහයේ කඵඝ්න වන අතර කඵ දුර්ගන්ධ නාශනය කරයි. ඒ වගේම ඇදුම නැති කරයි.

☘️_____☘️_____☘️_____☘️_____☘️_____☘

❇️හිසේ වේදනා , වාත වේදනාවලදී මෙය ආලේප කරයි . ඒ වගේම ඇස් රුදා ඇති විට මෙම පත්‍රවල යුෂ ඇස් වටේ ආලේප කිරීමෙන් වේදනාව නිවාරණය වේ.

❇️අරුචි, අග්නිමාන්දය, අජිරණ, මල විෂ්ටම්භ රෝග, උදර රෝග ,අතීසාර, ග්‍රහණි ,විසූචිකා, අර්ශස්, අම්ල පිත්ත සහ කෘමි රෝග අවස්ථාවලදී මේවා භාවිතා කරයි . ප්‍රදානයෙන් ම වැඩිහිටියන්ගේ සහ විශේෂයෙන්ම බාලයන්ගේ උදරයෙ අන්තර්ගත වේදනා(ශූල) අවස්ථාවලදී කප්පරවල්ලිය කොටා වණ්ඩුවේ තම්බා ගත් යුෂ මේස හැඳි එකක් පමණ සීනි සමඟ පානය කළ යුතුය.

❇️කප්පරවල්ලිය කොළ අඹරා කැඳ උයා වැළඳීමෙන් ග්‍රහණි රෝගය සුව කෙරේ.එමෙන්ම පුරාතන හෙවත් පැරණි අජීරණ හා උදරඅධ්මාන වලදීද ගුණ වේ.

❇️පැරණි කැස්ස ඇදුම,හික්කා ආදී රෝගවලදී ද ප්‍රයෝජනවත් වේ.කුක්කුර කාසය හෙවත් කක්කල් කැස්සේදී විශිෂ්ට වේ.කප්පරවල්ලිය පත්‍ර කොටා වණ්ඩුවේ තම්බා ගත් යුෂ සීනි මී පැණි තිප්පිලි කුඩු ප්‍රක්ශේප කොට ගැනීම මෙම රෝග වල දී පූර්ව අවස්ථාවන්හී ප්‍රයෝජනවත් ය.

☘️_____☘️_____☘️_____☘️_____☘️_____☘

➡️️සටහන ✍️ - ආයුර්වේද වෛද්‍ය ශිෂ්‍යා
(ගම්පහ වික්‍රමාරච්චි
ආයුර්වේද විද්‍යායතනය UG)
➡️මූලාශ්‍ර 📖️ - ඖෂධ සංග්‍රහය

☘️_____☘️_____☘️_____☘️_____☘️_____☘

➡පෙරලිපි සඳහා පිවිසීමට

⭕ එළ පිටවක්කා
https://www.facebook.com/103543444687579/posts/253444069697515/

☘️_____☘️_____☘️_____☘️_____☘️_____☘

➡️මෙවන් වැදගත් විස්තර දැනගැනීමට අපේ එකටත් 👍 කරන්න❤

➡ඔබ සැමට නිදුක් නීරෝගී සුවය

☘️_____☘️_____☘️_____☘️_____☘️_____☘