Truth First

We Will Come Back

ඔබේ ඊමේල් තවදුරටත් පුද්ගලික නොවේ

ඔබත් එකඟද?

මේ පිලිබඳවත් මොහොතක් සිතන්න

දෙරණ යනු වගකිවයුතු මාධ්‍ය ආයතනයක් යැයි නිතර ඔවුන්ගේ නාලිකාවෙන් මන්තරයක් සේ මතුරනු ලබයි. එහෙත් පසුගියදා විකාශය වූ ඩිල්කා සමන්මලීගේ අංශක 360 වැඩසටහන මගින් ඒ මාධ්‍ය ආචාරධර්ම අමු අමුවේ උල්ලංඝණය කරනු දුටුවෙමු.රටක මහජන මතයක් මාධ්‍යකට වෙනස් කල හැකිය.නමුත් ඔවුන් අතින් ඉටුවන්නේ සාධාරණ මහජන මතයක් ඇති කිරීම නොව රටට වින කරන්නන්ට සුදු හුණු ගානා අවර ගණයේ මාධ්‍ය කලාවක නිරතවෙමින් පවතී.බොදුනුවන්ට හා එහි නායකයන්ට හතර වටින් ගහන ශෝචනීය තත්වයක් උදාවෙමින් පවතී. පිලිල වැඩෙන්නේ ගසන් පෝශණය ලබාගනිමිනි.එහෙත් අවසානයේ පිලිලයේ අවසානයද ගසේ අවසානයම බව පිලිලය නොදනී. මේ ගෙවෙන්නේ පිලිලයේ සක්‍රිය හෝරාවකි. දෙරණේ මේ ක්‍රියාවද ඊට උඩ ගෙඩිදීමකි. එවන් නීච ක්‍රියා වහා වැලැක්විය යුතුය.
පහත පලවන්නේ ඔවුනේ එම මහලොකු ක්‍රියාවේ නිරුවතයි.අපි වචනයකුදු වෙනස් නොකර එය එලෙසින්ම ඉදිරිපත් කරමු.එය කියවන කල ඩිල්කා සමන්මලී මෙන්ම දෙරන ලක් පොලව උලා කෑම පිලිබඳවද මනාව පසක් වනු ඇත
--------------------------------------------------------------------------
පූජ්‍ය ගලබොඩඅත්තේ ඥානසාර හිමි චෝදනා ප්‍රතික්ෂේප නොකරයි - ලිස්සා යයිJune 18, 2013 02:16 pm
තමාට එල්ලවන චෝදනා සම්බන්ධයෙන් ඇතැම්විට නොපැකිළිව පිළිතුරු දිය හැකි වුවත් තවත් විටෙක උපායශීලී විය යුතු බව බොදුබල සේනා සංවිධානයේ මහ ලේකම්, පූජ්‍ය ගලබොඩඅත්තේ ඥානසාර හිමි පවසයි.

ටී.වී දෙරණ 360 වැඩසටහන සමග එක්වෙමින් බීමත්ව රිය පැදවීම සම්බන්ධයෙන් එල්ලවන චෝදනා පිළිබඳ ප්‍රතිචාර දක්වමින් උන්වහන්සේ මේ බව කියා සිටියේය.

ටී.වී දෙරණ විධායක වාර්තාකාරිණී ඩිල්කා සමන්මලී මිය විමසා සිටියේ කොළඹ-12, රථ වාහන මහේස්ත්‍රාත් අධිකරණයේ අංක 6315/2000 අංකය යටතේ නොසැලකිලිමත් ලෙස රිය පැදවීම, රිය අනතුරක් වළක්වා ගැනීමට ප්‍රයත්න නොදැරීම, රිය අනතුරක් වාර්තා නොකිරීම, බීමත්ව රිය පැදවීම, රියදුරු බලපත්‍රයක් නොමැතිව රිය පැදවීම, ආදායම් බලපත්‍රයක් නොමැතිව රිය පැදවිම ..ආදී වශයෙන් චෝදනා 9 ක් යටතේ ගලබොඩඅත්තේ ඥානසාර හිමියන්ට එරෙහිව නඩු පවරා ඇති බවයි. එකී චෝදනාවන්ට වැරදිකරු ලෙස පිළිගැනීමෙන් පසු දඩ මුදලක් ද ‍ගෙවා ඇති බවයි.

එම චෝදනා සියල්ල ප්‍රතික්ෂේප නොකළ ඥානසාර හිමියන් එදින මෝටර රථය පැදවූයේ තමාට හිතවත් හමුදා නිලධාරියෙකු බවත්, සමහර දේවල් හෙළිදරව් කළ නොහැකි බවත් කියා සිටියේය.

සමහර අවස්ථාවල උපායශීලි විය යුතු බවත් , අරමුණ පැහැදිලි නම් ඒ වෙනුවෙන් කැප කිරීම් කළ යුතු බවත් උන්වහන්සේ සඳහන් කළේය.

මෙහිදී ඩිල්කා සමන්මලී මිය යළි විමසා සිටියේ පොලීසිය විසින් අධිකරණයට කරුණු දක්වන ලද වාර්තාවේ ශ්වසන නාල පරීක්ෂණයක් සිදුකර ඇති බව සඳහන්ව ඇති බවත්, එයින් ඥානසාර හිමියන් බීමත්ව සිටි බවට කරුණු තහවුරුවී ඇති බවත්, එය හුදෙක් පුද්ගල කාරණයක් නොව බෞද්ධ ශාසනයට ම අදාළ කාරණයක් බවයි.

" ඒක සිද්ධවුණා. දැන් ඒක ඉවරයි. ඒ ගැන කතා කරන්න ගියොත් සෑහෙන වෙලාවක් යනවා. ඇයි අපි වැදගත් දෙයක් කතා කරන්න තියෙන කාලය නාස්ති කරගන්නේ..අපි ඊළඟ ප්‍රශ්නයට යමු.." ඥානසාර හිමියන් පිළිතුරු දෙන්නේ ඒ ආකාරයෙනි.

2012 වසරේ "බොදු බල සේනා" සංවිධානය පිහිටුවීමට ප්‍රථම 2011 වසරේ ඥානසාර හිමියන් ඇතුළු 8 දෙනෙකුගේ කණ්ඩායමක් නෝර්වේ සංචාරයක නිරතවීම හා එහිදී එරික් සොල්හයිම් ඇතුළු නියෝජිතයින් සමග සාකච්ඡා කිරීම පිළිබඳවත් මෙවර 360 වැඩසටහනේදී සාකච්ඡාවට ලක්විය.

එම සංචාරය‍ට නෝර්වේ රාජ්‍යයෙන් ආධාර ලැබීම පිළිබඳ තමන් නොදන්නා නමුත් නෝර්වේහි තම හිතවතෙකු සහයවූ බව දන්නා බව ඥානසාර හිමියන් කියා සිටියේය.

එම සංචාරය පිළිබඳ හෝ සංචාරයේදී නෝර්වේහි පිහිටි ශ්‍රී ලංකා තානාපති කාර්යාලය සමග කිසිදු සබඳතාවක් නොපැවැත්වූයේ ඒ සඳහා තමාට කාලයක් නොතිබුණු නිසා බව ද , එම සංචාරයේ අරමුණ වූයේ යුද්ධයෙන් අවතැන්වූ උතුරේ ද්‍රවිඩ ජනයාට උපකාර කිරීමට ආධාර ඉල්ලා සිටීම බවත් උන්වහන්සේ අවධාරණය කළේය.

එහෙත් උතුරේ අවතැන් පිරිස්වලට ලබාදුන් සහය කුමක්දැයි ඩිල්කා විසින් යළි විමසන ලද අවස්ථාවේ ගලබොඩඅත්තේ ඥානසාර හිමියන් වැඩිදුරටත් කියා සිටියේ එකී වෑයම අසාර්ථක වූ බවයි.

http://sinhala.adaderana.lk/news.php?nid=35038&mode=beauti

========================================
එක්‌සත් ජාතික පක්‍ෂය ඉදිරිපත් කැර තිබෙන්නේ ආණ්‌ඩුක්‍රම ව්‍යවස්‌ථාවක්‌ නොව ආණ්‌ඩුක්‍රම ව්‍යවස්‌ථාවක්‌ සඳහා යෝජනාවලියක්‌ පමණකැයි ද රනිල් වික්‍රමසිංහ මහතා පැවසීය.නව ව්‍යවස්‌ථාවක්‌ කෙරෙහි මුස්‌ලිම් ජනතාවගේ ද අවධානය යොමු විය යුතු බව පැවසූ රනිල් වික්‍රමසිංහ මහතා දැනට පවතින ජනාධිපති ආණ්‌ඩු ක්‍රමයෙන් මුස්‌ලිම් ජනතාවට සිදුවී ඇති සෙත කුමක්‌දැයි විමසුවේය.
තවදුරටත් අදහස්‌ දක්‌වමින්විපක්‍ෂ නායක රනිල් වික්‍රමසිංහ මහතා මෙසේ ද පැවසීය. සියලු ජනකොටස්‌වලට සලකන ආණ්‌ඩු ක්‍රමයක්‌ රටට අවශ්‍යයි. පවතින ක්‍රමය යටතේ සියලු ජන කොටස්‌ලට එක සමානව සලකන්නේ නැහැ. අපි සියලු දෙනාම ශ්‍රී ලංකා වැසියෝ. අපේ කොඩියෙන් අපි හැමෝම වැහෙන්ට ඕනෑ. ශ්‍රී වික්‍රම රාජසිංහ රජතුමාගේ කොඩියට පාට දෙකක්‌ එකතු කළේ සියලු ජන කොටස්‌ සෑම කොටසක්‌ම වැහෙන්ටයි. ඩී. එස්‌. සේනානායක, ජී. ජී. පොන්නම්බලම්, සර් ජෝන් කොතලාවල ඇතුළු සියලු පක්‍ෂවල සියලු නායකයන් ඒ කොඩිය පිළිගත්තා.
-------------------------------------------------------------------------
ඉහත දැකෙවෙන්නේ රනිල් වික්‍රමසිංහ මහතා මහනුවර රිවර්ඩේල් හෝටලයේදී මුස්ලිමුන් පිරිසක් අමතා කල කතාවෙන් උපුටා ගන්නා ලද්දකි

අප දන්නා පරිදි ශ්‍රි වික්‍රම රාජසිංහ රජතුමාගේ කොඩිය වන්නේ සිංහ කොඩියයි.එහි සුලු ජාතින් වෙනුවෙන් වර්ණ තීරු දෙකක් දක්නට නොලැබුණු අතර වර්තමාන කොඩිය නිර්මාණය වන්නේ 1951 වර්ෂයේදීය.ඒ මහනුවර රාජධානියේ කොඩියට වම් පසින් එනම් කඩුවක් අතින් ගත් සිංහයාට ඉදිරියෙන් කොල පාට හා තැඹිලි පාට වර්ණ තීරු 2ක් යොදාගනිමිනි.තමන් ම රටේ ඉතිහාසය නැවත වරක් නොදන්නා බව ඔහු නැවතත් ජනතාවට ඔප්පු කලේය
=========================================
මුස්‌ලිම් ප්‍රජාව බහුතරය පවතින ප්‍රදේශවල ජනකොටස්‌ ආරක්‍ෂා වන ආකාරයට නියෝජනය සිදුවෙනවා. බොරැල්ල, බලංගොඩ, හාරිස්‌පත්තුව, මාවනැල්ල වැනි ආසනවල මුස්‌ලිම් නියෝජනය ආරක්‍ෂා විය යුතුයි.

මුස්‌ලිම් ජනතාවට අසාධාරණයක්‌ සිදුවීමට ඉඩ දෙන්නේ නැහැ. නමුත් මුස්‌ලිම් ඡන්දයෙන් පත්වී අනෙක්‌ පැත්තට වාසි ලබාගෙන පනින්ට දෙන්නේ නැහැ. එක්‌සත් ජාතික පක්‍ෂය සෑම පක්‍ෂයක්‌ම ආරක්‍ෂා කරන පක්‍ෂයක්‌. ජනාධිපති පදවිය නැති කළාට කිසිම පක්‍ෂයක හෝ ජන කොටසකගේ ආරක්‍ෂාවත් අයිතිවාසිකමුත් නැතිවන්ට ඉඩ තබන්නේ නැහැ. බලය බෙදීම සහ දූෂණය නැති කිරීමේ ක්‍රම අපේ යෝජනාවලට ඇතුළත් කර තිබෙනවා. ජනතා පරමාධිපත්‍යයට අපේ යෝජනාවලින් මුල් තැන දී තිබෙනවා. මුස්‌ලිම් ජනතාවගේ අයිතිවාසිකම් ආරක්‍ෂා වන පරිදි යෝජනා ඇතුළත් කර තිබෙනවා. සියලු ජන කොටස්‌ ආරක්‍ෂා වී ඔක්‌කෝම ශ්‍රී ලාංකිකයන් ලෙස ආරක්‍ෂා විය යුතුයි.

මුස්‌ලිම් ප්‍රජාව සමග පැවැති දැනුවත් කිරීමේ රැස්‌වීමට පෙර මුස්‌ලිම් විද්‍යාර්ථීන්ගේ සාකච්ඡාවකදී එක්‌සත් ජාතික පක්‍ෂ නායක රනිල් වික්‍රමසිංහ මහතා 17 වැනි සංශෝධනය ක්‍රියාත්මක විය යුතු බව කියා සිටියේය.
-----------------------------------------------------------------------

මුස්ලිම් පල්ලි හා මුස්ලිමුන් වෙනුවෙන් මෙසේ කඩේ යන විපක්ෂනායකවරයා බෞද්ධ ජනතාවට සිදුවන අකටයුතුකම් හා හිරිහැර වෙනුවෙන් කිසිවක් නොපවසා සිටීම කණගාටුවට කරුණකි.එමෙන්ම ඔහු මෙරට තිබෙන විශාලම පක්ෂයේ නායකයා වේ.එහි වැඩිම සාමාජිකයන් සංඛ්‍යාවක් සිටිනුවේ මුස්ලිම් ජනතාව නොව සිංහල බෞද්ධ ජනතාව වේ.

Share කර දැනුවත් කරන්න