Social eye

1975 ජූලි 27 වැනිදා එවක යාපනය නගරාධිපති ඇල්ෆ්‍රඩ් දොරේඅප්පා ඝාතනය කිරීමත් සමඟ ඇරඹි එල්.ටී.ටී.ඊ. ත්‍රස්තවාදයේ බිහිසුණු බව 1983 දී හමුදා සෙබළුන් 13 දෙනෙකු ඝාතනය කිරීම දක්වා වර්ධනය වූයේ මෙරට ඉතිහාසයට 'කළු ජූලිය' නමැති කළු පැල්ලම එක් කරමිනි. ඉන්පසු ගෙවුණු දශක තුනකට ආසන්න කාලය තුළ ඔවුන් ලොව කෲරතම ත්‍රස්තවාදී සංවිධානය බවට පත්වූයේ ජාති, ආගම් හෝ වයස් භේදයකින් තොරව අහිංසක සිවිල් වැසියන් දහස් ගණනින් අමු අමුවේ සංහාරය කරමිනි.

උදාහරණ ලෙස 1984 දී මුලතිව් දිස්ත්‍රික්කයේ ඩොලර් සහ කෙන්ට් ෆාම් ගොවි ජනපදවල නිදා සිටි අහිංසක ගොවි ජනතාව ඝාතනය, 1985 දී ශ්‍රී මහා බෝධිය අසල බෞද්ධ බැතිමතුන් ඝාතනය, 1987 ජූනි 2 වැනිදා අම්පාර දිස්ත්‍රික්කයේ අරන්තලාවේදී සිදුකල බෞද්ධ භික්ෂූන් වහන්සේලා 33 නමක් ඝාතනය, 1990 දී කාත්තන්කුඩි පල්ලිවල යාඥාවෙහි යෙදී සිටි බැතිමතුන් 147 දෙනෙකු ඝාතනය, 1992 දී පොළොන්නරුවේ පල්ලියගොඩැල්ල මුස්ලිම් සහ සිංහල වැසියන් 170කට ආසන්න පිරිසක් සංහාරය, අම්පාර ගෝනගල සංහාරය, කැබිතිගොල්ලෑව බස් බෝම්බ ප්‍රහාරය, දෙහිවල බෝම්බය, මුස්ලිම් ජනතාව උතුරෙන් පලවා හැරීම ඇතුලු සිය ගණනක් සිවිල් වැසියන් සංහාරය කරන ලදී.

2001 වසරේදී එළැඹි සටන් විරාම ගිවිසුම ද අමු අමුවේ උල්ලංඝනය කළ එල්.ටී.ටී.ඊ.ය, නැගෙනහිර සාමාන්‍ය වැසියන්ට ජලය සපයන මාවිල්ආරු සොරොව්ව වසා දැමීමත් සමඟ ආරක්ෂක අංශවල ඉවසීමේ සීමාව ඉක්මවා ගියේය. ඒ අනුව 2006 ජූලි 21 වැනිදා මාවිල්ආරු සොරොව්ව මුදාගැනීම වෙනුවෙන් දියත් කළ මෙහෙයුම සිව්වන ඊළාම් යුද්ධයේ නිල ආරම්භය සනිටුහන් කළ අතර එසේ ඇරඹුණ සිව්වන ඊලාම් යුද්ධය විදේශීය බලපෑම් හමුවේ නොසැලෙමින් ඉදිරියටම ඇදුණු අතර මෙම මානුෂීය මෙහෙයුමේ සුවිශේෂීම ජයග්‍රහණය වූයේ, කොටි නායක වේලුපිල්ලේ ප්‍රභාකරන් විසින් තමන්ගේ ආරක්ෂාව වෙනුවෙන් මිනිස් පලිහක් ලෙස රඳවාගෙන සිටි දස දහස් සංඛ්‍යාත දෙමළ වැසියන් බේරාගනිමින්, ලොව විශාලතම ප්‍රාණ ඇපකරුවන් මුදාගැනීමේ අභියෝගය සාර්ථකව නිමා කිරීමයි.
2009 මැයි 18 වැනිදා නන්දිකඩාල් කලපුව අසලදී එල්.ටී.ටී.ඊ. ත්‍රස්තවාදය යුදමය වශයෙන් සහමුලින්ම පරාජය කරමින් මව්බිමට සැබෑ නිදහස උදාකර දීමට අපේ වීරෝදාර රණවිරුවෝ සමත් වූහ.

ඒ වෙනුවෙන් තම රුධිරයෙන් මෙන්ම ජීවිත ද මව්බිම වෙනුවෙන් ලබා දුන් අභීත ලංකා පුතනුවනි, ඔවුන් ජාතියට දායද කල මව්වරුනි පියවරුනි, මව්බිම වෙනුවෙන් තම ස්වාමියා අවසන් සුසුම් හෙලද්දී නේක වේදනා
විදගත් බිරින්දෑවරුනි මර බියෙන් තොර රටක් නිර්මාණය වෙනුවෙන් ඔබ කල කැපකිරීමට අප සදා ණයගැති වෙමු.. වසර 17කට පසුද අප ඔබට හිස නමා ආචාර කරන්නෙමු..!

මිත්‍රවරුනි, අද ඔබ රෝහල් ගත වී නැවත සුවපත් වී නිවෙසට සුරක්ෂිත පැමිණුනත් අතීතයේ රෝගාබාධ වෙනුවෙන් රෝහල් ගත වූ රෝගීන් බොහෝ දෙනෙක් නිවෙසට පැමිණියේ නැත. ඒ රෝහල් තුලදීම තවත් රෝග වැලදී ඔවුහු මරු තුරුලට යන ලදී. ඒ ක්‍රිමියානු යුද්ධ සමයයි (1853-1856) ඔටෝමාන් අධිරාජ්‍යයේ බලය වෙනුවෙන් බ්‍රිතාන්‍යයන් රුසියානුවන් හා යුධ වැදුනහ. ක්‍රිමියානු යුද්ධයේදී බ්‍රිතාන්‍ය සෙබළුන් විශාල පිරිසක් මියගියේ සතුරන්ගේ ප්‍රහාරවලින් නොව, රෝහල් තුළ පැවති අපිරිසිදුකම නිසා වැළඳුණු කොලරාව සහ ටයිපොයිඩ් වැනි රෝගවලිනි.

එවකට රෝහල් යනු ඉතා අඳුරු, පිරිසිදු වාතාශ්‍රයක් නොමැති සහ මීයන්ගෙන් ගහණ වූ ස්ථාන විය. ෆ්ලොරන්ස් නයිටිංගේල් 1854 දී හෙදියන් 38 දෙනෙකුගෙන් යුත් කණ්ඩායමක් සමඟ ස්කුටාරි (Scutari) හි යුධ රෝහලට පැමිණියාය. ඇය පිරිසිදු ජලය, පිරිසිදු ඇඳ ඇතිරිලි සහ හොඳ වාතාශ්‍රය ලබා දීමට, රෝහල් පරිශ්‍රයේ අපද්‍රව්‍ය කළමනාකරණය විධිමත් කරමින් කටයුතු කල අතර, රෝගී සෙබළුන්ට ඔවුන්ගේ ශරීර ශක්තිය වර්ධනය කර ගැනීමට අවශ්‍ය සමබර ආහාර වේලක් හඳුන්වා දෙන ලදී. ඇය මරණ සිදුවන ආකාරය පිළිබඳ දත්ත එකතු කර, රූප සටහන් (Rose Diagram) මඟින් සෞඛ්‍ය තත්ත්වයන් වැඩිදියුණු කිරීමේ අවශ්‍යතාවය බලධාරීන්ට පෙන්වා දුන්නාය. මෙය වෛද්‍ය ක්ෂේත්‍රයේ දත්ත විශ්ලේෂණයේ ආරම්භයයි.
ඇයගේ ක්‍රමවේද ක්‍රියාත්මක කිරීමෙන් මාස කිහිපයක් ඇතුළත එම රෝහලේ මරණ අනුපාතය 42% සිට 2% දක්වා කැපී පෙනෙන ලෙස අඩු විය.

මිත්‍රවරුනි, ෆ්ලෝරන්ස් නයිටිංගේල් එදා මෙලෙසින් ඇරඹූ මේ හෙද සේවය නොවන්නට අද රෝහල් යනු රෝගයට ප්‍රතිකාර ගැනීමට ගොස් මරණය වැලද ගන්නා අදුරු කුටි වනු නොඅනුමානයි. නිදිවර්ජිත රාත්‍රීන් මැද දහස් ගණන් අහිංසකයන්ගේ ජීවිතය නිහඩව සුරකින සෞඛ්‍ය සේවයේ ආදරණීය හෙද නිළධාරීන්ගේ දිනය අදයි. නේක විධ කටුක අත්දැකීම් මැද සිදු කරන ඔවුන්ගේ සේවය අප කෘතවේදීව අද දිනයේ සිහිපත් කරන්නෙමු..!

අපි social eye

🕋 මක්කම ගැන ලෝකයම මවිත කරන අබිරහස් සහ සුවිශේෂී තොරතුරු 5ක්
ලොව පුරා වෙසෙන බිලියන සංඛ්‍යාත මුස්ලිම් බැතිමතුන්ගේ අතිශය පූජනීය නගරය ලෙස සැලකෙන සෞදි අරාබියේ මක්කම නගරය, එහි ඇති දැඩි නීති රීති සහ මවිත කරවන කරුණු නිසා නිරන්තරයෙන් ලෝක අවධානයට ලක් වේ.

1. මුස්ලිම් නොවන අයට ඇතුළුවීම තහනම් නීතිය
මක්කම නගරය මුස්ලිම් භක්තිකයන්ට පමණක් සීමා වූ කලාපයකි. මෙය සෞදි රජය විසින් පනවා ඇති ඉතා දැඩි නීතියකි. නගර සීමාවට ඇතුළු වන සෑම ප්‍රධාන මාර්ගයකම පරීක්ෂණ මුපල (Checkpoints) පිහිටුවා ඇති අතර, මුස්ලිම් නොවන අයෙකුට අත්වැරදීමකින් හෝ ඇතුළු වීමට ඉඩ නොලැබේ. මෙම පාරිශුද්ධත්වය ආරක්ෂා කිරීම සඳහා "Makkah Bypass" නමින් වෙනම මාර්ග පද්ධතියක් ද සකස් කර ඇත.

2. අවුරුදු 4,000ක් නොසිඳුණු සම්සම් (Zamzam) උල්පත
අධික රස්නයක් සහිත කාන්තාරයක් මැද පිහිටියද, මක්කම මස්ජිදුල් හරාම් පල්ලිය තුළ පිහිටි සම්සම් ළිඳ වසර 4,000කට අධික කාලයක සිට අඛණ්ඩව ජලය ලබා දෙයි.
• විද්‍යාත්මක පුදුමය: තත්පරයකට ලීටර් 11 සිට 19 දක්වා ප්‍රමාණයක් පොම්ප කළද මෙහි ජල මට්ටම අඩු නොවීම විද්‍යාඥයන් පවා මවිතයට පත් කරවන කරුණකි. මිලියන ගණනක් වන්දනාකරුවන් මෙහි ජලය පානය කරන අතර එය කිසිදා හිඳී ගොස් නැත.

3. ඩොලර් මිලියන 6ක "කිස්වා" (Kiswah) ආවරණය
මක්කම මධ්‍යයේ ඇති කාබාව (Kaaba) ආවරණය කර ඇති කළු පැහැති සේද රෙද්ද "කිස්වා" ලෙස හැඳින්වේ.
• නිෂ්පාදනය: මෙය සකස් කිරීම සඳහා පිරිසිදු සේද කිලෝග්‍රෑම් 670ක් පමණ භාවිත කරන අතර, එහි ඇති අලංකාර කුරාණ වැකි එම්බ්‍රොයිඩර් කිරීමට රන් සහ රිදී නූල් කිලෝග්‍රෑම් 120කට වඩා වැය කෙරේ.
• සෑම වසරකම හජ් උත්සව සමයේදී මෙම ආවරණය අලුත් එකකින් මාරු කරනු ලබන අතර, එහි වටිනාකම ඇමරිකානු ඩොලර් මිලියන 6ක් පමණ වේ.

4. ස්වර්ගයෙන් වැටුණු කළු ගල (Hajar al-Aswad)
කාබාවේ එක් මුල්ලක රිදී රාමුවකින් වට කර ඇති "හජ්ර් අල් අස්වද්" හෙවත් කළු ගල පිළිබඳව ඇත්තේ පුදුම සහගත විශ්වාසයකි. ඉස්ලාමීය විශ්වාසයන්ට අනුව මෙය ස්වර්ගයෙන් (Jannah) පැමිණි ගලකි. මුලින්ම කිරි මෙන් සුදු පැහැයෙන් තිබූ මෙම ගල, එය ස්පර්ශ කළ මිනිසුන්ගේ පව් උරා ගැනීම නිසා කළු පැහැයට හැරුණු බව ඉස්ලාම් දහමේ සඳහන් වේ.

5. බිග් බෙන් මෙන් 35 ගුණයක් විශාල ඔරලෝසුව
මක්කම පල්ලියට යාබදව පිහිටි "අබ්රාජ් අල්-බයිට්" (Abraj Al-Bait) කුළුණ ලොව උසම ගොඩනැගිලි අතර තෙවන ස්ථානය ගනී. එහි මුදුනේ ඇති දැවැන්ත ඔරලෝසුව ලන්ඩනයේ ප්‍රසිද්ධ බිග් බෙන් ඔරලෝසුව මෙන් 35 ගුණයකට වඩා විශාලය.
• මෙම ඔරලෝසුවේ මුහුණත කොතරම් විශාලද යත්, කිලෝමීටර් 25ක් පමණ ඈතට වුවද පැහැදිලිව කාලය බලාගත හැකිය.