Lahiru DR

📖 සීගිරි අසපුව - සේවා බඳවා ගැනීම් 📖

සාහිත්‍යය, නිශ්කලංක බව සහ දේශීය රසය මුසු වූ අපේ නවතම 24-Hour Book Cafe සංකල්පය වන "සීගිරි අසපුව" කණ්ඩායමට එක් වීමට ඔබටත් අවස්ථාවක්!

පාඩම් කිරීමට සහ පොත් කියවීමට පැමිණෙන පිරිසකට නිහඬ, ගෞරවනීය සේවාවක් සැපයීමට කැපවුණු, ආකර්ෂණීය පෞරුෂයක් ඇති දක්ෂ තරුණයින් අප සොයන්නෙමු.

📍 තනතුර: සේවා සහායක (Service Assistant / Cook)
(පිරිමි ළමයින් දෙදෙනෙකු අවශ්‍යයි)
✅ සුදුසුකම්:
* පිරිසිදු, ආකර්ෂණීය පෙනුම සහ සුහදශීලී බව.
* ආහාර පාන සැකසීම පිළිබඳ මූලික දැනුම හෝ ඒ පිළිබඳ උනන්දුව (අවශ්‍ය පුහුණුව ලබා දේ).
* පැය 24 පුරා ක්‍රියාත්මක වන මුර ක්‍රමය (Shifts) යටතේ සේවය කළ හැකි වීම.
* පොත්පත් සහ සාමකාමී පරිසරයකට ලැදි අයෙක් වීම විශේෂත්වයකි.

🎁 අපෙන් ඔබට:
* රු. 35,000 ක ආකර්ෂණීය මූලික වැටුපක්.
* අතිකාල දීමනා (OT) සහ රාත්‍රී සේවා දීමනා.
* නවාතැන් සහ ආහාර නොමිලේ සැපයේ.
* ඉතාම ගෞරවනීය සහ නිදහස් සේවා පරිසරයක්.

📩 අයදුම් කළ යුතු ආකාරය:
ඔබේ නම, වයස, පදිංචිය සහ පළපුරුද්ද ඇතුළත් කෙටි විස්තරයක් සමඟ අයදුම්පතක් පහත WhatsApp අංකයට යොමු කරන්න.
📞 078 308 2850
📍කඳාන නගරයේ

අපොයියාව...

මස්ඉඹුලයන් විසින් එළිදක්වා වසර ගණනක් වුවත් මෙම අනඟි කෘතිය කියවන්නට අවස්ථාවක් නොලැබීම ජීවිතයේ ලද අභාග්‍යක් සේ හැඟෙන පරිද්දෙන්ම කර්තෘ විසින් පාඨකයා තුළ චිත්තසංකල්පනා මවන්නාවූ අපූර්ව ශක්‍යතාපූර්ණ පබැඳුමකි.

කුතුහලය ජනිත කිරීමෙහිලා කර්තෘගේ උත්සහය කිම්ද යත් පටුන ඉදිරිපත්වන්නේද කතාන්දරේ මූලික හරය එක්කාසු වූ අපූර්ව වස්තුවකිනි. එය මෙතෙක් මා කියවූ පොතක නොදුටු අපූර්ව අංගයකි.

බාල සන්දියේ ඕවිලි කෙළිදෙලෙන් මනදොළ පුරවාගත් සඳ අකුරු බැඳි පත්තර කෑලි වල ප්‍රහේලිකා පිරැවුමට පෞද්ගලිකව මා තුළත් කුකුසක් ඇතිවූ බැව් සිහිපත් විය. මහා ගිරක දිය බුබුළක් කෙමෙන් කෙමෙන් දොළක් වෙලා ගිරි පව්වෙන් පෙරළෙන සඳ හැපෙන පුංචි ගල් පර ළඟ රහස් කියා ගලා ගිහින් මහ මුහුදට පෙම් බැඳි සඳ ජීවිතයම ගඟක් වගේ ගලා ගියෙද්දේ මේ කතාන්දරයත් අපූර්ව මාවතක අපටත් නොදැනීම ගමන් කරමින් නිමාවක් දකින්නෙ පාඨක මසිත තුළ නම් මතු සම්බන්ධයක් රඳවමිනි.

වෛද්‍ය ළහිරු ධනංජය රත්නායක

සුභ විශ්‍රාම ජීවිතයක් ආදරණීය ලොකු මිස්‍ ට
💗💗💗💗

-සාමාන්‍ය දැනීම ප්‍රශ්නය-
වෛද්‍ය අධ්‍යාපනය විකිණීමට විශාල වශයෙන්ම කැපවූ දේශපාලන නායකත්වය කුමක් ද ?

1)රනිල් වික්‍රමසිංහ .
2)මහින්ද රාජපක්ෂ .
3)මෛත්‍රීපාල සිරිසේන .
4)අනුර කුමාර දිසානායක .
5)සජිත් ප්‍රේමදාස.

විවරණය :

බැලූ බැල්මට අමාරු ප්‍රශ්නකි. මොකද මේ ඔක්කොම තරගෙට MBBS විකුණන්න පොරකාපු අයය. උත්තරේ ගන්න හොද IQ එකක් ඕනෑය. මොළේ ඇති ළමයි උත්තර 5න් එකින් එක ඉවත්කර නිවැරැදි පිළිතුරට ළගා වී තිබුණි.

දැක්ක ගමන් ඉවත් කළ හැකි උත්තර දෙකක් ඇත.
එකක් සජිත් ප්‍රේමදාස ය. අනෙක මෛත්‍රීපාල සිරිසේනය.
සජිත් කිසිදාක ජනාධිපති පුටුවේ වාඩි වී නැත. අඩුම තරමේ අගමැති පුටුවේවත්.. ඒ නිසා විකුණන එකට අත්පුඩි ගැසීම සහ හුරේ දැමීම ඇරෙන්න වෙන කරන්න දෙයක් එතුමාට තිබුනේ නැත. ඒ නිසා ඒ පිළිතුර මුලින්ම ඉවත් කළ හැක.

මෛත්‍රීපාල සිරිසේන අහිංසකයෙක් බව කවුරුත් දනී. වෙන කෙනෙක් ගහන පදේට නටනවා ඇරෙන්න වෙන දෙයක් එතුමා කළේ නැත. පදේ ගැහුවේ රනිල් බව කවුරුවත් දනී. ඒ නිසා ඒ පිළිතුර ඉවත් කළ හැක.

දැන් ප්‍රශ්නයෙ ගැඹුරුම හරියට පැමිණ තිබේ..

රනිල් ද ? අනුර ද ? මහින්ද ද ?
මෙතනින් එහාට යා හැක්කේ මොළේ ඇති ළමයින්ට පමණි. ගොඩක් අය ඇණගෙන තිබුණි.

රනිල් එදා සිටම අධ්‍යාපනය විකුණන පැත්තේ සිටගත් අයෙකි. ඔහුගේ දේශපාලන ජීවිතයේම ප්‍රතිපත්තිය එය විය. එනිසා ඔහුට එය අමුත්තක් නොවිණ. අමුතුවෙන් කැපවෙන්න දෙයක් නැත. ඇගෙන්ම එන දෙයකි.. ගොඩක් අයගේ පිළිතුර මෙය විය.

මහින්ද රාජපක්ෂ ද වෛද්‍ය අධ්‍යාපනය විකුණන්න සෑහෙන දත කෑ අයෙකි. සයිටම් නමින් උපාධි කඩයක් දමා කොතලාවල වෛද්‍ය පීඨයට හොරෙන් වෛද්‍ය සභා අනුමැතිය ලබා දීමේ පටන් සෑහෙන වෙහෙසක් දැරූ අයෙකි. එනිසා නිවැරැදි පිළිතුර මෙය බවට ඇතැම් ළමුන් සටහන් කර තිබුණි.. නමුත් මහින්දගේ කළු සුදු දේශපාලනය ඇතුලේ මෙය සිදු කිරීම ඔහුට කිරි කජුය.

අනුර කුමාර.. දේශපාලනයට පිවිසියේම ශිෂ්‍ය ව්‍යාපාරය හරහාය. ජවිපේ මූලධර්ම වලම අධ්‍යාපනය වෙළද භාණ්ඩයක් නොවන බව ඇතුලත් ය. ජවිපේ ප්‍රේමදාස යුගයේ ශිෂ්‍යයන් දහස් ගණනක් ජීවිත පරිත්‍යාගයෙන් උතුරු කොළඹ පෞද්ගලික වෛද්‍ය විද්‍යාලයට එරෙහි සටනක් කළේය.
සයිටම් සටනේ ද ජවිපේ විශාල භූමිකාවක් රග දක්වන බව ලොවට පෙන්වීය. මැතිවරණයට පෙර කොතලාවල හරහා වෛද්‍ය උපාධි විකිණීමක් නොකරන බවට සපථ කළේය. ඩෝබිලා පොළොවේ පස් කාපු නැති ටික විතරය. නමුත් කිසි හිරිකිතයක් නැතිව දැන් කොතලාවලින් වෛද්‍ය උපාධි විකුණමින් සිටියි. ඇතැමෙක් මාලිමාවේ උන් මැරිලා ඉපදිලා දැයි අසයි. ඩෝබිලාට රෙදි නැත. හේදීමේ සීමාවන් ඉක්මවා ගොස් ඇත. මෙවැනි පරිවර්තනයක් ඉහත කිසිදු දේශපාලකයන්ගේ දක්නට නොළැබිනි. ආත්මයම වෛද්‍ය උපාධි විකිණීම පිණිස පාවා දීම ලෙහෙසි නැත. එය ඉතා දුෂ්කර කාර්‍යකි. එබැවින් පරීක්ෂණ මණ්ඩලය නිවැරැදි පිළිතුර ලෙස ගෙන තිබුනේ මෙය ය.

නිවැරැදි පිළිතුර - (4)

😞 shame on you sri lanka police

⛔ශ්‍රී ලංකා පොලිසිය තරුණයෙක් ඝා ත න ය කරයි⁉️
වැලිකඩ පොලිසියේ හිංසාවට ලක් වී තරුණයෙක් මිය ගොස් තිබෙනවා! ඔහුගේ නම සත්සර නිමේශ් වන අතර, ⚠️️ඔහුගේ මව පොලිස් ස්ථානයට යන විට ඔහුගේ ඇඳුම් ඉවත් කොට තිබුන බවත්,ඔහුගේ කලිසම කුණු කුඩේ තිබී සොයා ගත් බවත් සඳහන් වෙනවා. ⚠️️
ඒ ගැන විමසූ විට ඔහුගේ මවට ලැබී ඇති පිළිතුර වන්නේ ඔහු සියදිවි නසා ගැනීමට උත්සාහ කළ බවයි.
⛔ ශ්‍රී ලංකා පොලිසිය විසින් සි යදිවි නසා ගන්නට උත්සාහ කරන පුද්ගලයන්ගේ ඇඳුම් ඉවත් කරනවද?

➡️පොලිස් වද හිංසා ගැන කතා කරන්නේ අද ඊයෙක නොවේ, වරක් පෞද්ගලිකව මා වෙත පැමිණි මානව හිමිකම් කඩවීමක සඳහන් වුණේ සංක්‍රාන්තික ඇයගෙන් ලිංගික අල්ලස් ගැනීමට පොලිසිය උත්සාහ කිරීමයි! පොලිසිය ඇතුළේ අපගේ ප්‍රජාව ලක්වන හිංසන බොහොමයි, මෙයත් මෙවැනිම සිද්ධියක් දැයි සැක මතුවේ...

➡️පසුව ලියමි: ඔහුගේ අනන්‍යතාව මෙහිදී හිංසනයට හේතු වූවා නම්, ඒ අනන්‍යතාව අප මගහැරිය යුතුද? නමුත් ඒ අනන්‍යතාව මත මෙය යට ගැසීමේ අවදානමක් ඇති නිසා අප සියලු දෙනා එක්වී මේ ගැන කතා කළ යුතු නොවේද??

⛔ "ආහා කතා කරන්න එපා හැංගිලා ඉඳපන්,ඔහෙල සමරිසි කියලා දැනගත්තොත් සාධාරණීයවත් නැහැ" මේ වචන ටික අහලම මහන්සි දරුවො! ඒකේ වැරැද්දක් තියෙනවනම් මට කියන්න.

➡️ඇයි අපි කතා කරන්නේ නැත්තේ, අපි සමරිසි වීම නිසා වෙනන ප්‍රශ්න? ඇයි අපි කතා කරන්නේ නැත්තේ පොලිස් හිංසනය ඒ නිසා වැඩිවීම ගැන??

සත්සර නිමේශ්, පෞද්ගලිකව ඔබ මා හට කතා කර ඇති අතර, ඔබගේ මෙම වියෝව අදහා ගත නොහැක! මෙවැනි හිංසකයන් සිටින ලෝකයක නැවත ඔබ ඉප නොදේවා. 🏳‍🌈

03/04/2025

ශ්‍රී ලංකාව තුළ බෞද්ධ සංස්කෘතිය පෙරදැරිකරගත් කතෝලික හින්දු ඉස්ලාම් සහා තවත් ආගමික සංවිධාන රාශියක සහා ජනවර්ග අතින් ඉතාමත් පුළුල් විවිධත්වයක් පෙන්වති...

ලිංගික දිශානතිය පිළිබද ශ්‍රී ලාංකේය කියැවීම කෙතරම් කාලෝචිත ද ගෝලීයව ගැළපේද යන්න පිළිබඳවත් මානව හිතවාදීද යන්න පිළිබඳවත් කුකුසක් නවීන මතවාද දරණ සමාජයට ඇත...

ලිංගික අවයවය මත ස්ත්‍රී හෝ පුරුෂ හෝ නපුංසක හෝ වේවා ලිංගික නැඹුරුතාවය මත සමරිසි හෝ ද්විරිසි හෝ විෂමරිසි හෝ වේවා පුද්ගල හැඟීම් මානවවාදී කෝණයෙන් බැලීම කළ යුතුය...

ආගමික චින්තනය මත මානව හිමිකම් සහා මානව ගුණ යටපත් වීම සිදු නොවිය යුත්තකි...

කතෝලික සහා ක්‍රිස්තියානි ඉගැන්වීම් වල නපුංසකයන් සහා සමරිසින් සම්බන්ද ඉගැන්වීම් එතරම් කාලෝචිත නැතත්, අද වන විට ෆ්‍රැන්සිස් පාප් තුමන් පවා ඔවුන් ආශීර්වාද කිරීමට තීරණය ගැනීමම කාලානුරූපව මානවවාදි ගුණයන් ඔප්නංවන ආගමික සංස්ථාවක් බවට ධනාත්මක ප්‍රතිචාරයක් පෙන්වා ඇත...

බෞද්ධ සංස්කෘතිය තුළ සියලු සත්ත්යෝ සුවපත් වනු දැකීමට ඉගැන්වෙන අතරම සමරිසි සත්වයෝ වෙනුවෙන් ඇතැම් සිවුරු දැරූ ඊනීයා ආගම්වාදින් විවිධාකාර අදහස් වපුරනු දැකිය හැකි වුවත් බෞද්ධ ඉගැන්වීම් වල ගැඹුරට හැදෑරූ විට ඊනියා ආගම්වාදීන්ගෙ කියැවිම් වලට පහරක් එල්ල කිරීමටහැකිය. එවන් ඊනියා ආගම්වාදින් කිහිපයක් විසින් පසුගිය දිනක අසරණ අහිංසක මවුවරුන්ගේ දරුඵල වෙනුවෙන් සෑදුනු ශුක්‍රාණු බැංකුවත් සමරිසින්ට ළමයි ගන්න හදාපු අන්තර්ජාතික කුමන්ත්‍රණයක් යැයි හංවඩු ගැසීය...

හින්දු සංස්කෘතිය තුළ ශිව දෙවියන්ම කාන්තා පුරුෂ ස්වරූප දෙකම දරණ අවස්ථා සහිතය...

ඒ කෙසේ වෙතත් ඔබ මම නූතන ලෝකයේ පුරුක් ය. සමරිසි වීම මානව හිමිකම් කඩ වීමට හේතුවක් විය යුතු නැත. ලංකාවේ නිතිය තුළ සමරිසි අයිතින් සීමාවී ඇති නිසාම අනීතිකව සමරිසින් බියට පත් කිරිමටත් ඔවුන් මානසික හෝ කායික පීඩාවලට පත්කරන්නටත් නීතිය කරන අයට අවස්ථාවක් ඇත...

ඇතැමුන් පවසන පරිදි සමරිසින් ප්‍රසිද්ද විය යුතු නැත. හඬ නිහඬ විය යුතුය. ඔවුන් ගෙවල් තුළ කුමක් කරත් කමක් නැත. නමුත් සමාජයේ ඔවුන්ට නීතියෙන් කිසිවක් ලැබිය යුතු නැත. නමුත් සමරිසින් එසේ නිහඬ විය යුතුද???

නිදහස් නිවහල් රටක් යනු සියල්ලන්ටම සම අයිතිය ලැබෙන තැනක් විය යුතුය. එය සිංහල දෙමළ මුස්ලිම් කතෝලික හින්දු ලෙස පමණක් නොව ලිංගික දිශානතිය මතද අයිතීන් සම විය යුතුය...

ශ්‍රී ලංකාවේ college of psychiatrist මෑතකදි පළ කරන ලද ලිපියකත් එය කිසිසේත්ම මානසික රෝගයක් නොවන බවත් එය ඔවුන්ගේ ලිංගික අනන්‍යතාව බවත් රජයට අවධාරණය කර ඇතත් පැවති පවතින කිසිම රජයක දැනට සාදනීය විසඳුමක් ඊට ලැබී නැත...

දේශපාලනය, රාජ්‍ය පරිපාලනය, සෞඛ්‍ය, ආරක්ෂක, නීති, කෘෂි, විශ්ව විද්‍යාල සහා විදේශ රැකියා ක්ෂේත්‍රවල මෙන්ම රහසේම ආගමික සංවිධාන වලද සමරිසින් අද සමාජයේ බහුලය...

නමුත් ඔවුන් බහුතරයක් ඔවුන් වෙනුවෙන් වත් අගතියට පත් අනෙකාවෙනුවෙන් වත් හඬක් නොනගති. ඔවුන්ට අසාධාරණයක් වන තුරුම ඔවුන්ට ඒ සඳහා කශේරුවක් ඇති වන්නෙ නැත...

ආදරය යනු සිදුරක් පිරවීමට අවයවයක් ඇතුළු කිරීම පමණක්ම නොවන බවත් ලිංගික අවයවයකට එහා මානුෂීය බැඳීමක් ඒ ආදර කතා තුළ ඇති බවත් සමාජය තේරුම්ගත යුතුව ඇත...

LGBTQ අයිතීන් සේම මානව හිමිකම් කඩවූ සියල්ලන්ට යුක්තිය සාධාරණය අවැසිමය...

❤️❤️❤️❤️

වෛද්‍ය ළහිරු ධනංජය රත්නායක

කුඩලිගමට ලස්සන මට නැති වැස්ස

යහනෙන් බහිනු බැහැ මට සිසිලයි ගතට
අහසෙන් වැටෙන දිය පොදියම වහලෙ උඩ
රූරා වැටෙන හඩ කන් බෙර වසයි මඩ
මේඝලතාවට චූ බර වැඩි වෙලද

වැස්ස කියා කවි ලියු හෙළු කුඩලිගම
බිස්ස තණේ හරි කොමළලු වහින සඳ
එළියට බහිනු රිසි නැහැ අද වැඩපළට
කෙළෙසද මතක නැති වූයේ කවිවරණ

වහලේ පීලි නැතුවා වැහි වැටෙද්දී
මිදුලේ ගොහොරු පිඹුරන් සේ දකිද්දී
ගෙට ආ සරුපයන් ගරුඩන් සිටිද්දී
වැස්සත් සොදුරු නැහැ මට නා කපද්දී

දෙගොඩ තලා ගං උතුරන වැහි සදට
සකුන්තලාවට රිදුනා පෙරළෙන්ට
දෙගැම්මැදි රජුන් ගම්බිම් වැදි කලට
පාවෙනු කොහොම සිහිනෙහි ළපටින් මෙලෙස

ඉවුරු කැඩී නම් වතුරක් නැහැ පිරෙන
ඉවුරු කඩා අටවා අසරණ ගෙපැළ
පියස්සට උඩින් ගලනා ගංදෑල
කෙසෙල් බෙදන්නට මන්ත්‍රී ආවාද

හැම වැහි කලෙක වැටෙනා කඳුලක සොවිනේ
පාන් බනිස් බත් පැකටුව හා කමිනේ
තෙද ගරු වෙදැදුරන් පෙති දෙක තුන දෙමිනේ
සරි කලෙ දිවිය ඇත්තට කාගෙද දෙරණේ

කදු ගැට වැටෙන් හෙණ ගෙඩි පුපුරන හඩට
කරවට උසට හිරවෙන පපු ජල කදට
පිරුවට ඇදන් බඩ තඩියන් බෙදු බතට
කුඩලිගමට ලස්සන මට නැති වැස්ස

වෛද්‍ය ළහිරු ධනංජය රත්නායක

ගම්මන්පිල වගේ ඡන්දෙ ගන්න රට අවුලන හනුමතලගේ ප්‍රකාශ ප්‍රතික්ෂේප කරමි
✝️කතෝලිකයෙක් ලෙස නිවැරදි පරීක්ෂණයක් ඉටු කරන ජනාධිපති සහෝදරයාට ප්‍රසාදය පළකරමි✝️

සීත දෙසැම්බරයේ අවසාන බාගයේ කළඑළි බසින්නට වෙර දරන යකඩ වෙස් මුහුණකින් වැසිගිය මාංශල සිතක අධ්‍යාත්මීය හැගීම් ගොන්න වූ යවෙස් ලූ සිත කාව්‍ය සංග්‍රහයට ඇතුළත් කරන්නට සිතූ වසර අටක් තුළ ලියැවුණු මගේ නිර්මාණවලින් තෝරාගත් කිහිපයක එකතුවේ එක් සටහනක් මෙලෙස සටහන් කරන්නෙමි.

අධිරාජ්‍යවාදීන්ගේ යටත්විජිතයක්ව පැවති මාතෘභූමියේ අධිරාජ්‍යවාදීන් විසින් අපටම උරුම කර දුන් මාහැගි සම්පතක් ලෙස එදා සිට අද දක්වා මධ්‍යම කදුකරය විරාජමානව බබළවන්නාවූ තේ දල්ල. ඒ අධිරාජ්‍යවාදීන් විසින්ම ගෙන්වා ගත් වහල් ජනතාවක අසීමාන්තික ලේ දහදිය කදුළු ඔස්සේ ලොව පුරා ව්‍යාප්ත විණි. නිදහසින් දශක හතක් ගෙවෙද්දිත් උන් වහල් බැම්මෙන් නිදහස්ද යන පැනය ඔබට මට තවමත් පැන නොනැගීම මානව ගුණය අප තුළ නැද්දෝ යැයි පසක් කරන බැව් කණගාටුවෙන් වුවද සිහිකළ යුතුමය.

හිදින්නට පැළක් නැති මිහිකතේ බිම් අගලක් නැති අවිහිංසක ජනකායක් අදටත් මේ මහ පොළොව හා හැප්පෙමින් ඔබට මට ඉගෙනගන්නට, බෙහෙත් ටික ගන්නට රටට ඩොලර් හොයන අපූරුව නම් ප්‍රශංසනීය ය. කදුකර අහිංසක දමිළ හදවත් වල මල් පූදින දිනෙක මාද ඔවුන්ගෙ සිනහව පැතූවෙකු ලෙසට නිරහංකාර සතුටක් විදින්නෙමි.
සිලොන් ටී

ඒරොප්පෙ මහ රජත්
හරිම සා පිපාසෙන්
වක්කරන් බොනවලු
ලංකාවෙ සිලොන් ටී

කළු කෙට්ටු අම්මලා
නංගිලා අක්කලා
කෙස් පැහුණු ආච්චිත්
තංගච්චියෙකි මෙහේ

උතුරෙ ඉද දකුණ තෙක්
තම්බිලා මල්ලිලා
අකුරු කියවන්නෙ උන්
කඩන තේ දලු මිලෙන්

දල්ල හරි ලාමකයි
කඩන අතැගිලි බරයි
දැල්ලකට අසුවෙලා
කරවෙලා සේ දැනෙයි

කොළඹ ලස්සන ඇගිලි
නෙක වර්ණ නිය රටා
එව්ව අවලස්සනයි
කහට පැහැයට ඔබේ

මැණිකෙ උඩරට යද්දි
උබෙ ලැයිම පසු කරන්
උජාරුව මා ද යමි
නුඹට ඔච්චම් කරන්

නමුදු

පිටි හුන්ඩුවක් අරන්
පොල් ටිකක් උලුප්පන්
තෙල් බිදක් එක් කරන්
වඩල පුච්චන රොටී

ලයිමෙ පොඩි හුන්ඩුවක
රජෙක් සේ මගෙ එවුන්
බොන්නෙ අර මහ රජා
බොන අනගි සිලොන් ටී

එහෙත්

වසර ගණනක් ගෙවිල
නුඹ තවම එකම තැන

නුඹ නොදැන නුඹ කඩන
නුඹෙ ළපටි දළු රොත්ත
කැඩෙන්නේ නුඹේ ඒ
අහිංසක සිහිනමද

සුදු ඇදපු උබෙ උන්ම
උබව රවටන කලෙක
නුඹේ ඒ දහදියට
මිලක් දෙන්නේ කොහොම

වෛද්‍ය ළහිරු ධනංජය රත්නායක

උඩ පනින්න හිනාවෙන්න දන්නෙ නෑ සහෝදර වරුනි 😁❤️