Rubber Development Department

කිරි කැපීම අතහැර දැමූ ඔබේ රබර් වගාවෙන් නැවත ඉහළ ආදායමක් ලබාගමු!

කිරි නොකපා අත්හැර දමා ඇති ඔබේ රබර් වගාව නැවත පුනරුත්ථාපනය කර, ඉහළ ආදායමක් ලබා ගැනීමට රබර් සංවර්ධන දෙපාර්තමේන්තුවෙන් නව වැඩසටහනක් දැන් ආරම්භ කර ඇත.

✅ ඔබට ලැබෙන ප්‍රතිලාභ

• මුදල් ආධාර: භූමිය පිරිසිදු කිරීමට සහ සකස් කිරීමට හෙක්ටයාරයකට රු.31 250.00ක්
• උපකරණ කට්ටල: කිරි පිහිය , කිරි බාල්දි, කෝප්ප ඇතුළු උපකරණ කට්ටලයක් සඳහා 50% ක මුල්‍ය දායකත්වය
• වැසි ආවරණ: එක් වැසි ආවරණයක් සඳහා රු 90.00 ක මුල්‍ය දායකත්වය
• තාක්ෂණික සහාය: කිරි කැපීම පිළිබඳ පුහුණු වැඩසටහන්.
• අවශ්‍ය ප්‍රතිලාභීන්ට වියලුම් කුටීර සඳහා රු 150 000.00 මුල්‍ය දායකත්වය
• මාසිකව නිපදවන රබර් කිරි ප්‍රමාණය අනූව දිරි දීමනා

📋 ඉල්ලුම් කිරීමට සුදුසුකම්

• අක්කර 50 ට අඩු ලියාපදිංචි රබර් ඉඩමක් වීම (අක්කර 10 ට අඩු ඉඩම්වලට ප්‍රමුඛතාවය හිමිවේ).
• වසරක් අඛණ්ඩව කිරි කැපීමට එකඟ වීම.
• මාස තුනකට වැඩි කාලයක් කිරි නොකපා අතහැර තිබීම හෝ පැළ සිටුවා වසර 8ක් හෝ ඊට වැඩිකාලයක් ගත වූව ද කිරි කැපීම ආරම්භ කර නොමැති පරිණත වගාවක් වීම.
• ඉඩමේ ප්‍රමාණය අනූව පැවතිය යුතු නිර්දේශිත රබර් ගස් ප්‍රමාණයෙන් 50% ක් වත් කිරි කැපිය හැකි මට්ටමේ පැවතීම.
• D පැනලයේ කිරි කපන්නේ නම් අවු 1 ½ කිරි කැපීමට පැනලයේ ඉඩ පැවතීම.
• කිරි කැපීම සඳහා හඳුනාගත් පුද්ගලයෙකු සිටීම.

📝 ඉල්ලුම් කරන්නේ කෙසේද?

ඔබේ ප්‍රදේශයේ රබර් සංවර්ධන නිලධාරීවරයා හමුවී හෝ www.rubberdev.gov.lk වෙබ් අඩවියට පිවිස ඉල්ලුම්පත්‍රය ලබාගෙන, සම්පූර්ණ කරන ලද ඉල්ලුම්පත් කඩිනමින් භාර දෙන්න.
______________________________________
වැඩි විස්තර සඳහා:
📞 දුරකථන

ප්‍රාදේශීය කාර්යාලය (ගාල්ල)
091 224 2490

ප්‍රාදේශීය කාර්යාලය (රත්නපුර)
045 222 2756

ප්‍රාදේශීය කාර්යාලය (කළුතර)
034 222 2551

ප්‍රාදේශීය කාර්යාලය (කෑගල්ල)
035 222 2326

ප්‍රාදේශීය කාර්යාලය (මොණරාගල)
055 227 7548

🌐 වෙබ් අඩවිය: www.rubberdev.gov.lk

රබර් වගාකරුවන් සදහා 2026 වසරට සහනාධාර වැඩසටහන් රැසක්!
-රබර් සංවර්ධන දෙපාර්තමේන්තුව-

Rubber Development Department Kegalle Rubber Development Department Kegalle Rdd Monaragala Rdd Galle Rubber Development Department

බඳවාගත් රබර් සංවර්ධන නිලධාරීන් සදහා මසක පුහුණු වැඩසටහනක්!
-රබර් සංවර්ධන දෙපාර්තමේන්තුව-

✅සිව්වන සතිය

සිව්වන සතියේ පුහුණු වැඩසටහන වශයෙන් රබර් සංවර්ධන නිලධාරීන්ගේ ක්ෂේත්‍රයේ කාර්යයභාරය, වාර්තා සැපයීම, රබර් වගා පරීක්ෂාව, වෙළඳ ආයතන පරීක්ෂාව, පෞද්ගලික පැළ තවාන් පරීක්ෂාව ආදී කටයුතු පිළිබද අවබෝධයක් ලබාදීම සිදුකරන ලදි.

ඒ අනුව, රත්නපුර,ගාල්ල, කළුතර, කෑගල්ල සහ මොනරාගල ප්‍රාදේශීය කාර්යාල වෙත වාර්තා කරන ලද නිලධාරීන් දැනුවත් කිරීම එම ප්‍රාදේශීය කාර්යාල මට්ටමින් සිදුකරන ලදී

Rubber Development Department Kegalle Rdd Monaragala Rdd Galle

බඳවාගත් රබර් සංවර්ධන නිලධාරීන් සදහා මසක පුහුණු වැඩසටහනක්!
- රබර් සංවර්ධන දෙපාර්තමේන්තුව-

✅සමාලෝචනය

රබර් සංවර්ධන නිලධාරී පුහුණු වැඩසටහනේදී එම නිලධාරීන් ලබාගත් දැනුම පිළිබදව පසුවිපරම් කිරීමේ වැඩසටහනක් 2026 ජූනි 08 වන දින රබර් සංවර්ධන දෙපාර්තමේන්තු ප්‍රධාන කාර්යාලීය ශ්‍රවණාගාරයේදී සිදුකරන ලදී.

අධ්‍යයනය කරන ලද ක්ෂේත්‍රයන් පිළිබදව නවක නිලධාරීන් විසින් කණ්ඩායම් වශයෙන් විවිධ ඉදිරිපත් කිරීම් සිදුකරන ලදි.

එම නවක රබර් සංවර්ධන නිලධාරීන් ප්‍රාදේශීය කාර්යාලවල පුහුණුව සදහා යොමුකර ඇත.

බඳවාගත් රබර් සංවර්ධන නිලධාරීන් සදහා මසක පුහුණු වැඩසටහනක්!
-රබර් සංවර්ධන දෙපාර්තමේන්තුව-

✅තවාන් සංවර්ධන පුහුණුව

2026.06.05 දින ඈගල් ඔය දෙපාර්තමේන්තු පැළ තවානේදී රබර් සංවර්ධන දෙපාර්තමේන්තුව හා රබර් පර්යේෂණ ආයතනය එක්ව
නවක රබර් සංවර්ධන නිලධාරීන් සදහා එක්දින තවාන් පුහුණු වැඩසටහනක් පවත්වන ලදි.

එහිදී, ගුණාත්මයෙන් යුතු රබර් පැළ නිෂ්පාදනය සිදුකිරීම, බීජ තවානේ සිට පරිණත පැළයක් දක්වා සියළු නඩත්තු කඩයුතු, ඒ සදහා කම්කරුවන් යොදාගැනීම, රෝග පාලනය, බද්ධ අතු තවාන් පාලනය, තවාන්වල වර්තමානයේ දක්නට ලැබෙන ගැටළු හා විසදුම් සහ පැළ බද්ධ කිරීමේ ප්‍රායෝගික පුහුණුවක් ලබාදීමට කටයුතු කරන ලදි.

Rubber Development Department Kegalle
Rdd Monaragala Rdd Galle

බඳවාගත් රබර් සංවර්ධන නිලධාරීන් සදහා මසක පුහුණු වැඩසටහනක්!
-රබර් සංවර්ධන දෙපාර්තමේන්තුව-

✅තෙවන සතිය.

රබර් වගාවට අදාළව දින 04 ක පුහුණුවක් ශ්‍රී ලංකා රබර් පර්යේශණ ආයතනය මගින් ලබාදෙන ලදි. එහිදී, ශාක විද්‍යා දෙපාර්තමේන්තුව, ප්‍රවේණි විද්‍යා සහ ශාක අභිජනන දෙපාර්තමේන්තුව, ශාක ව්‍යාධි විද්‍යා හා ක්ෂුද්‍ර ජීවී විද්‍යා දෙපාර්තමේන්තුව, පාංශු හා ශාක පෝෂ්‍යත්ව දෙපාර්තමේතුව ආදී සියළු දෙපාර්තමේන්තුවලින් සිදුකෙරෙන කාර්යයභාරය පිළිබදව අවබෝධය ලබාදීම, ආයතනය මගින් රබර් වගාව සම්බන්ධව හදුන්වාදී ඇති ප්‍රමිති සහ නිර්දේශයන් පැහැදිලි කිරීම සහ රබර් සංවර්ධන නිලධාරීන්ගෙන් ක්ෂේත්‍රයේදී අපේක්ෂා කරන කාර්යයභාරය පිළිබද ප්‍රායෝගික අවබෝධය ලබාදීමත් සිදුකරන ලදි.

එමෙන්ම, ශ්‍රී ලංකා රබර් පර්යේෂණ ආයතනයේ රත්මලාන කාර්යාලයේදී වියලි රබර් ප්‍රමාණය පරීක්ෂා කිරීම, රබර් ආශ්‍රිත නිෂ්පාදනය සහ ස්වභාවික/කෘත්‍රිම රබර්වල ගුණාංග, විවිධ නිෂ්පාදනවල අඩංගු සංයුතීන් පරීක්ෂා කිරීම හා ආයතනයේ කාර්යයභාරය ආදී කටයුතු පිළිබඳව මෙන්ම වෙළෙඳුන් හා නිෂ්පාදකයන් වෙත ගෙන යායුතු පණිවිඩ පිළිබදව දැනුවත් කිරීමද සිදුකරන ලදි.

තවද, ඩාර්ටන්ෆීල්ඩ් රබර් කර්මාන්තශාලාව නිරීක්ෂණය කිරීමටද ඔවුන් වෙත අවස්ථාවක් ලබාදී ඇත.

Rubber Development Department Kegalle Rdd Monaragala Rdd Galle

බඳවාගත් රබර් සංවර්ධන නිලධාරී සදහා මසක පුහුණු වැඩසටහනක්!

-රබර් සංවර්ධන දෙපාර්තමේන්තුව-

✅පළමු දෙසතිය.

රාජ්‍ය සේවයට නවක නිලධාරීන් ලෙස පත්වීම් ලැබූ රබර් සංවර්ධන නිලධාරීන් 41 දෙනා වෙනුවෙන් රාජ්‍ය සේවය පිළිබදව අවබෝධය ලබාදීම සදහා ආණ්ඩුක්‍රම ව්‍යවස්ථාව, ආයතන සංග්‍රහය, මූල්‍ය රෙගුලාසී ආදී කරුණුද, රබර් සංවර්ධන දෙපාර්තමේන්තුවේ රබර් පාලන පනත සහ රබර් නැවත වගා කිරීමේ සහනාධාර පනත පිළිබදවද දැනුම ලබාදෙන ලදි. එසේම, රබර් සංවර්ධන නිලධාරීන් ලෙස ක්ෂේත්‍රයේ කටයුතු කිරීමේදී අදාළවන පරිසර නීතිරීතී, ඉඩම් නීතිරීති, මිනින්දෝරු දෙපාර්තමේන්තුවේ කාර්යයභාරයන්, කම්කරු නීති රෙගුලාසි වැනි මූලික දැනුමද ඔවුන් වෙත ලබාදීමට මෙම වැඩසටහන යටතේ කටයුතු කරන ලදි.

තවද, කොළඹ රබර් වෙන්දේසිය දැක බලාගැනීම සදහා මහගු අවස්තාවක්ද මෙම නවක නිලධාරීන් සදහා උදාවිය.

Rdd Monaragala Rdd Galle Rubber Development Department Kegalle

සුබ අලුත් අවුරුද්දක් වේවා !!!

සුරකිමු ලංකා.

සිහිනුවණින් යුතු පරිභෝජනය සුරක්ෂිත අනාගතයක පදනමයි.