dm_stroi

Бауыр барда!
Бауыр барда бақытсызбын дей көрме,
Өз басыңның қамын ғана жей көрме.
Қан мен жаның бір тамырдан жаралған,
Бауыр барда,
Бақытсызбын дей көрме!

Кейде реніш,
Кейде ыза болса да,
Ақ көңілің қара ашуға толса да.
Ең қымбаты, ең ардағы бауырың,
Арадағы жылулығы солса да.

Ауыр айтпа,
Көңіліне қадама,
Жанжалдасып, ала көзбен қарама.
Бауырыңды «бауыр етім» деп сана,
Екі туып бір қалғанға балама.

Бір құрсақтан, бір жүректен шықтыңдар,
Бір ақылды, бір дүрсілді ұқтыңдар.
Бірге жүріп, бірге өсіп ержетіп,
Бір - біріңе шаранамен жұқтыңдар.

Тірі кезде алыспаңдар сақтаңдар,
Не жағдайда бір - біріңді жақтаңдар.
Шайтан келіп күнәлісің деп қалса,
Періштедей бір-біріңді ақтаңдар.

“Егер шүкіршілік етсеңдер, нығметтерімді арттыра түсемін, ал егер күпірлік етсеңдер, менің азабым қатты” ( “Ибраһим” сүресі, 7-аят) Әр күніңе, әр сәтіңе, әр деміңе шын жүрекпен рақмет айтқан сайын, өзгенің қуанышына қызғанышпен емес, қуанышпен қарап, елдің өмірімен емес, әркім өз өмірін сүріп, өмірінің әр сәтін бағалаған сайын Алла да ол пенденің өміріне нығметін арттыра түседі «ин ша́’ Аллах» Тек сену керек
« Аль-ха́мду ли-Лля́х»

Елдің ертеңі мен бүгіні ұлт жанашыры, халықтың тілі мен құлағы әр істің бастауында тұрар көшбасшының қолында. Қазақстанның жаңа саяси институты, әділетті қоғамы, алдыңғы қатарлы ел құру мақсатына негізделген сайлау алды кампаниясының жұмысын дамытуға қосқан үлесім, - расымен, “Жаңа Қазақстан құрылады” деген ұранған нық сенімім.
Барша құттықтап жатқан жанға алғысым шексіз! Әр азамат ұлты мен оның дамуы үшін атсалысса, алар белесіміз алыс емес.

Егемен елімізді дамыту, қаламызды көркейту, халқымызға қолдау көрсету әрбір қазақстандықтың азаматтық міндеті деп білемін. Биылғы жыл жетістіктерге толы жыл болды. Алатау ауданының әлеуметтік-экономикалық дамуына қосқан үлесім үшін бүгін, Алматы қаласының әкімі Бақытжан Сағынтаевтың алғыс хатымен марапатталдым. Осы еңбегімізді ескеріп, бағалаған шаһарымыздың басшысына алғыс білдіремін.