COMFREL

លោកស្រី ណូអេមី ប៉័ងតា លេខាទី១ នៃស្ថានទូតបារាំងប្រចាំកម្ពុជាទទួលបន្ទុកកិច្ចការនយោបាយ និងសារព័ត៌មានបានបញ្ជាក់បានបញ្ជាក់ប្រាប់វិទ្យុបារាំងអន្តរជាតិ RFI ថាបារាំងនឹងផ្តល់សិទ្ធិឱ្យកម្ពុជា និងថៃចូលពិនិត្យរាល់ឯកសារពាក់ព័ន្ធទាំងអស់ទាក់ទងនឹងព្រំដែនរវាងប្រទេសជិតខាងទាំងពីរ។ ការបញ្ជាក់របស់លោកស្រី ណូអេមី ប៉័ងតាដូចនេះ ធ្វើឡើងនៅក្រោយជំនួបរវាងលោកឯកអគ្គរដ្ឋទូតបារាំង អូលីវីយេ រីស្ហា និងលោក ឡាំ ជា រដ្ឋមន្ត្រីទទួលបន្ទុករដ្ឋលេខាធិការដ្ឋានកិច្ចការព្រំដែន។
ប្រភព RFI Khmer: https://shorturl.at/UYlRV

ក្រុមអ្នកសង្កេតការណ៍អាស៊ាន (AOT) បានចុះទៅពិនិត្យ និងរាយការណ៍អំពីស្ថានភាពព្រំដែននៅតំបន់ភូមិជោគជ័យ ដែលយោធាថៃកំពុងកាន់កាប់ដោយខុសច្បាប់។ នេះបើយោងតាមការប្រកាសព័ត៌មានរបស់ លោកស្រី ម៉ាលី សុជាតា អ្នកនាំពាក្យក្រសួងការពារជាតិ។
ប្រភព Thmey Thmey: https://shorturl.at/UX8eq

លោកនាយករដ្ឋមន្ត្រី ហ៊ុន ម៉ាណែត ​បានបញ្ជាក់ក្នុងពិធី​អបអរសាទរខួបលើកទី១៩ ទិវាអតីតយុទ្ធជន និងនិវត្តជនកម្ពុជា ថា​ការកែទម្រង់របស់រដ្ឋាភិបាលកម្ពុជានៅស្ថាប័នរដ្ឋ​​​ ជាពិសេសនៅ​ក្រសួងការពារជាតិចុងក្រោយនេះគឺ ​«បង្រួមក្បាល ពង្រីកខ្លួន» ក្នុងគោលបំណងពង្រឹងសមត្ថភាពការពារជាតិ​រយៈពេលវែង​​​។ តាមរយៈកំណែទម្រង់នេះ និង​បើតាមលោក ហ៊ុន ម៉ាណែត ក្រសួងការពារជាតិគ្រោងលុបចោលការិយាល័យ នាយកដ្ឋាន និង​ប្រ​​ភេទទ័ពមួយចំនួន​។ នៅចំពោះមុខនៃការធ្វើកំណែទម្រង់នៅក្រសួងការពារជាតិ​​​នេះ​ដែរ​ លោក ហ៊ុន ម៉ាណែត ក៏​បានបញ្ជាក់ដែរ​ថា ​​កម្ពុជាត្រូវការ​​ខ្លួនធំ រឹងមាំ និងរស់រវើក ពោល មិនមែនខ្លួនធំដោយមាន​សុទ្ធតែខ្លាញ់នោះទេ ៕
ប្រភព RFI Khmer: https://shorturl.at/AI4mP

ក្រុមពិសេសនៃគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (CATF) បានឆ្មក់ចូលទីតាំងចំនួនពីរនៅអគារ A និងអគារ B ក្នុងមជ្ឈមណ្ឌលព្រីនស៍ផ្លាហ្សា តាមបណ្តោយមហាវិថីព្រះនរោត្តម ក្នុងរាជធានីកាលពីថ្ងៃសៅរ៍ ដោយបានចាប់ខ្លួនជនបរទេសចំនួន ១០៤នាក់ ក្នុងនោះមានស្ត្រី ៧នាក់ បន្ទាប់ពីមានការសង្ស័យថាជាប់ពាក់ព័ន្ធនឹងសកម្មភាពឆបោកតាមអ៊ីនធឺណិត។
ប្រភព Kiripost Khmer: https://shorturl.at/NaEsh

ក្រុមចលនាមាតាធម្មជាតិបានឱ្យដឹងថា គិតត្រឹមរយៈពេល ៦ខែនៃយុទ្ធនាការ «សរសេរដើម្បីសិទ្ធិ» របស់អង្គការលើកលែងទោសអន្តរជាតិ(Amnesty International) មានសំបុត្រគាំទ្រជាង ២០ម៉ឺនសំបុត្រ ត្រូវបានផ្ញើមកពីយុវជនតាមបណ្តាប្រទេសនានាលើសាកលលោក។ ជាសារគាំទ្រដល់សកម្មជនចលនាមាតាធម្មជាតិ ដែលកំពុងជាប់ក្នុងពន្ធនាគារ។ ការផ្ញើសារពីយុវជនគ្រប់ទិសទី គាំទ្រដល់ក្រុមយុវជនចលនាមាតាធម្មជាតិ ធ្វើឡើងនៅក្នុងយុទ្ធនាការ ដែលត្រូវបានកំណត់ធ្វើរយៈពេល ១ឆ្នាំ គឺចាប់ពីខែវិច្ឆិកា ឆ្នាំ២០២៥ រហូតដល់ខែវិច្ឆិកា ឆ្នាំ២០២៦ ស្តីពីការបង្ហាញពីសាមគ្គីភាព និងប្រឆាំងចំពោះអំពើអយុត្តិធម៌។
ប្រភព RFI Khmer: https://shorturl.at/AjCZJ

ជួបគ្នាជាមួយកម្មវិធី «សំឡេងម្ចាស់ឆ្នោត »នៃការផ្សាយសំឡេងសង្គមស៊ីវិល (VOC)
ប្រធានបទ ៖ តើអ្នកប្រកបរបរសេដ្ឋកិច្ចក្នុងនិងក្រៅប្រព័ន្ធមានបញ្ហាប្រឈមបែបណាខ្លះ អំឡុងពេលប្រងឥន្ទនៈឡើងថ្លៃ?
ថ្ងៃចន្ទ ទី១៨ ខែឧសភា ឆ្នាំ២០២៦ (៤:០០ ដល់ ៥:០០ ល្ងាច)

លោកអ្នកអាចចូលរួមផ្ដល់មតិយោបល់ និងចូលរួមសួរសំណួរមកកាន់កម្មវិធីនេះតាមរយៈខ្ទង់ខមិននៅលើផេកខុមហ្វ្រែល។

លោក ឡុំ សែ តំណាងសហគមន៍ដីធ្លីឬស្សីស្រុក ក្នុងខេត្តព្រះវិហារ បាននិយាយថា ប៉ូលិសមូលដ្ឋានបានដាក់សម្ពាធលើលោកនៅថ្ងៃពុធ ឱ្យចុះហត្ថលេខាលើឯកសារមួយ ដែលសន្យាថានឹងបញ្ឈប់ការតវ៉ាក្នុងជម្លោះដីធ្លីជាមួយក្រុមហ៊ុនមួយដែលមានទំនាក់ទំនងជាមួយគ្រួសាររបស់ឧកញ៉ា ទ្រី ភាព។
ប្រភព CamboJa News: https://shorturl.at/IsG8P

កម្ពុជា តាមរយៈក្រុមអ្នកសម្របសម្រួល (CLG) បានដឹកនាំប្រធានបេសកម្មក្រុមអ្នកសង្កេតការណ៍អាស៊ាន (HOM AOT) ទៅកាន់ប្រាសាទព្រះវិហារជាលើកដំបូងក្នុងអាណត្តិដែលហ្វីលីពីនធ្វើជាប្រធានប្តូរវេនអាស៊ាន។ សេចក្តីប្រកាសព័ត៌មានរបស់ក្រសួងការពារជាតិនាថ្ងៃទី១៤ ខែឧសភា ឆ្នាំ២០២៦ នេះឲ្យដឹងថា ការចុះសង្កេតការណ៍ពីក្រុមអ្នកសង្កេតការណ៍អាស៊ាន (AOT) ពេលនេះជាការលើកកម្ពស់តម្លាភាព គណនេយ្យភាព និងការជឿទុកចិត្តគ្នាទៅវិញទៅមករវាងកម្ពុជា និងថៃ។
ប្រភព RFI Khmer: https://shorturl.at/SJiKs