SJTTI Mananthavady

#സംസ്ഥാന #റ്റി #റ്റി #ഐ #കലോത്സവം

അഭിമാനം...... സന്തോഷം ......... !ഇത്
നിങ്ങളുടെ പരിശ്രമത്തിന് ലഭിച്ച സമ്മാനം🥰

#ലോക #രക്തദാനദിനം
രക്തദാനത്തിൻ്റെ മഹത്ത്വം/ പ്രാധാന്യം ഏവർക്കുമറിയുന്നതാണ്. മനസുണ്ടായിട്ട് കാര്യമില്ല എന്ന് ഞങ്ങൾക്ക് മനസിലായി ! കാരണം .....കുറച്ചു നാളുകൾക്ക് മുമ്പ് GKMHSS ലെ NSS Unit സംഘടിപ്പിച്ച രക്തദാന ക്യാമ്പിൽ പങ്കെടുക്കാൻ 2022-24 ബാച്ചിലെ മുഴുവൻ അധ്യാപക വിദ്യാർത്ഥികളും പോയി. ആകെ മൂന്ന് പേർക്കാണ് അതിൽ പങ്കെടുക്കാൻ കഴിഞ്ഞത് , ബാക്കിയുള്ളവർക്ക് മതിയായ ഹീമോഗ്ലോബിൻ ലെവൽ ഉണ്ടായിരുന്നില്ല ! ആ പാഠമുൾക്കൊണ്ട് ഞങ്ങളൊന്ന് തീരുമാനിച്ചു ; ഇപ്രാവശ്യത്തെ രക്തദാന ദിനത്തിൽ എല്ലാവരുടെയും ബ്ലഡ് പരിശോധന നടത്തിയ ശേഷം റിസൾട്ട് അനാലിസിസ് ചെയ്ത് ഒരു ഡോക്ടറുമായി കൂടിക്കാഴ്ച നടത്താൻ . പലവിധ കാരണങ്ങളാൽ നഷ്ടപ്പെടുന്ന ആരോഗ്യം വീണ്ടെടുത്തേ മതിയാകൂ.... നാളെയൊരു ദിനം ഞങ്ങളിലാർക്കും രക്ത ദാനമെന്ന മഹാദാനത്തിൽ നിന്ന് മാറിനിൽക്കാൻ ഇടവരരുത് എന്ന തിരിച്ചറിവാകട്ടെ ഈ ദിനത്തിൻ്റെ സമ്മാനം!

# റവന്യൂ ജില്ലാ ITEകലോത്സവം # വയനാട്

സെൻ്റ് ജോസഫ്സ് റ്റി. റ്റി. ഐ. മാനന്തവാടി ഇന്ന് വയനാടിന് വിജയതിലകം ചാർത്തിയ ദിവസമായിരുന്നു! ഏഴ് ഐ ടി ഇ കൾ തമ്മിൽ നടന്ന ഇഞ്ചോടിഞ്ച് പോരാട്ടത്തിൽ നമ്മുടെ അധ്യാപക വിദ്യാർത്ഥികൾ ഒന്നാം സ്ഥാനത്തിൻ്റെ കപ്പിൽ മുത്തമിട്ടു. പനമരം ഗവൺമെൻ്റ് റ്റി.റ്റി.ഐ ഒരുക്കിയ സൗഹൃദാന്തരീക്ഷത്തിന് ഞങ്ങൾ നന്ദി പറയുന്നു. ഡയറ്റ് പ്രിൻസിപ്പൽ സെബാസ്റ്റ്യൻ സാറിൻ്റെ കരുതൽ എല്ലായിടത്തും കാണാമായിരുന്നു. മാർ ബസേലിയൂസ് സംഘഗാനത്തിന് ഒന്നാം സ്ഥാനം നേടിയപ്പോൾ പ്രിൻസിപ്പൽ സുന്ദർലാൽ സാറിൻ്റെ സന്തോഷം ഞങ്ങളെയും ആനന്ദിപ്പിച്ചു. അവസാനം ഞങ്ങൾ ഓവറോൾ ട്രോഫി മേടിച്ചപ്പോൾ മോളി ടീച്ചറുടെ നേതൃത്വത്തിൽ തന്ന നിറഞ്ഞ കയ്യടികൾ ഞങ്ങളുടെ മനസ് നിറച്ചു! ഡയറ്റ് , പനമരം GTTI ,സെൻ്റ് ജോർജ്, സി കെ ആർ എം എസ് ,വാലുമ്മൽ ഐ ടി ഇ കളിൽ നിന്ന് സമ്മാനം നേടിയ പുലിക്കുട്ടികൾക്ക് അഭിനന്ദനങ്ങൾ. ഷൈൻ സാറിൻ്റെ സാന്നിധ്യം മേളക്ക് പകർന്ന ഊർജം ചെറുതല്ല. ബിനോജ് സാറിൻ്റെ സൗമ്യത കൈത്താങ്ങായി കൂടെയുണ്ടായിരുന്നു. സന്തോഷ് സാറിൻ്റെ നേതൃത്വം അഭിനന്ദനാർഹം തന്നെ !
ഇനി ഞങ്ങളുടെ അധ്യാപക വിദ്യാർത്ഥികളോട് , ടീം എന്ന വാക്ക് നിങ്ങളിലൂടെ അന്വർത്ഥമായി. ജെയ്ഡൻ്റെ നേതൃത്വത്തിൽ എത്തിയ സീനിയേഴ്സ് എത്ര മനോഹരമായാണ് ജൂനിയേഴ്സിനെ സപ്പോർട്ട് ചെയ്തത് ! ഈ വിജയത്തിൻ്റെ അവകാശം നിങ്ങൾക്ക് സ്വന്തമാണ്.... നിങ്ങളുടെ ഐക്യത്തിനുള്ള സമ്മാനം !!

#2024-26

2024-26 ബാച്ചിലേക്കുള്ള D. El.Ed കോഴ്സിലേക്കുള്ള ആപ്ലിക്കേഷൻ ക്ഷണിച്ചു കൊണ്ട് ഗവൺമെൻ്റ് വിജ്ഞാപനം പുറപ്പെടുവിച്ചു.

അഭിമാനം.....സന്തോഷം..!! 100 % വിജയത്തോടെ കോഴ്സ് പൂർത്തിയാക്കിയ ഞങ്ങളുടെ പ്രിയ വിദ്യാർത്ഥികൾ സെൻ്റ് ജോസഫ്സ് റ്റി റ്റി ഐ മാനന്തവാടിക്ക് വേണ്ടി കുറിച്ച വരികൾ പങ്കുവെക്കട്ടെ...
🫧🫧🫧🫧🫧🫧🫧🫧🫧
രണ്ട് വർഷത്തെ ഏറ്റവും മികച്ച അധ്യാപക പരിശീലനം നൂറ് ശതമാനം വിജയ തിളക്കത്തോടൊപ്പം പൂർത്തികരിക്കുമ്പോൾ ഏറെ അഭിമാനം ...💫💫💫
ഒത്തിരി സന്തോഷം ...💫💫💫
സെന്റ് ജോസഫ്സ് ടി.ടി.ഐ ലെ മണ്ണിൽ വിതക്കപ്പെടുന്ന ഏതൊരു വിത്തും തഴച്ച് വളരുകയും അത് നൂറു മേനി ഫലം നൽകുകയും ചെയ്യും.കാരണം ആ മണ്ണിൽ വേല ചെയ്യുന്നത് ഞാൻ കണ്ടതിൽ വെച്ച് ഏറ്റവും മികച്ച പ്രതിഭാശാലികളായ , മാനുഷിക മൂല്യങ്ങളും ധാർമ്മികതയും കൈമുതലാക്കിയ , സൗഹൃദ സ്നേഹത്തിൽ വിജ്ഞാനം പകർന്ന് നല്കുന്ന മാതൃകാ അധ്യാപകരാണ്.

ഞങ്ങളുടെ വിജയത്തിന് കാരണക്കാരായ പ്രിയ അധ്യാപകരായ,
പ്രിൻസിപ്പാൾ അന്നമ്മ ടീച്ചർ, ബിന്ദു ടീച്ചർ , സ്മിത ടീച്ചർ ജെൻട്രി സാർ , മനോജ് സാർ , ജീത്തു ടീച്ചർ, വൈകി ഞങ്ങളോടപ്പം ചേർന്ന പ്രിൻസിപ്പാൾ ചാന്ദ്നി ടീച്ചർ മേഴ്സി ടീച്ചറെയും സ്നേഹത്തോടെ ഓർക്കുന്നു.🥰🥰🥰

അധ്യാപന ലോകത്തേ യാത്രക്കായി ഒരുങ്ങുമ്പോൾ പ്രിയ അധ്യാപകരുടെ നല്ല മാതൃക ഞങ്ങളുടെ അധ്യാപന ജീവിതത്തെ സ്വാധിനിക്കുമെന്നത് തീർച്ച.
ഈ കാലമത്രേയും പ്രിയ ഗുരുനാഥൻമാർ നല്കിയ സ്നേഹത്തിന്, പിന്തുണകൾക്ക് , വാത്സല്യത്തിന് , വിലപ്പെട്ട നിർദേശങ്ങൾക്ക് , വഴി കാട്ടലിന് , നല്കിയ ശിക്ഷണങ്ങൾക്ക് എല്ലാ നന്മകൾക്കും ഹൃദയത്തിൽ നിന്നും ഒത്തിരി ഒത്തിരി നന്ദി ....❤️❤️❤️❤️❤️❤️❤️

ഓർമ്മകളുടെ മഴവില്ല് തീർത്ത സെന്റ് ജോസഫ് സ് ടി.ടി.ഐ ൽ നിന്നും പടി ഇറങ്ങുമ്പോൾ അധ്യാപക വിദ്യാർത്ഥികളിൽ നിന്നും അധ്യാപകരിലേക്കുള്ള യാത്രയിൽ പ്രിയ അധ്യാപകർക്കൊപ്പം ഞങ്ങളുടെ പ്രവർത്തനങ്ങളിൽ , സൗഹൃദങ്ങളിൽ,സന്തോഷങ്ങളിൽ, ആഘോഷങ്ങളിൽ, പ്രതിസന്ധികളിൽ, നല്ല നിമിഷങ്ങളിൽ ആയിരുന്ന
എൽ.പി. ,യു.പി.യിലെ പ്രിയ അധ്യാപകർക്കും, ഓഫീസ് സ്റ്റാഫുകൾ, ഞങ്ങൾക്ക് ഭക്ഷണം നൽകാൻ അടുക്കളയിൽ കഷ്ടപ്പെട്ട ചേച്ചിമാർ , അധ്യാപകരെപ്പോൽ ഞങ്ങളെ സ്നേഹിച്ച സൗഹ്യദം സ്ഥാപിച്ച പ്രിയ വിദ്യാർത്ഥികൾ, പി.ടി.എ അംഗങ്ങൾ ,ഞങ്ങളുടെ പാതയിൽ മികച്ച അധ്യാപകരിലേക്ക് പരിശീലിക്കപ്പെടുന്ന പ്രിയ ജൂനിയേഴ്സിനും ഏവർക്കും സ്നേഹവും നന്ദിയും അറിയിക്കുന്നതിനൊപ്പം നിങ്ങളുടെ സ്നേഹവും പ്രാർത്ഥനകളും പ്രതീക്ഷിച്ചുകൊണ്ട് ,

ഡി.എൽ.എഡ് 2021 - 23 ബാച്ച്

# സാമൂഹ്യ ശുചിത്വം.
ഞങ്ങളുടെ അധ്യാപക വിദ്യാർത്ഥികൾ മാതൃകാപരമായൊരു തീരുമാനത്തിലാണ് ... !സ്കൂളിനോട് ചേർന്നുള്ള നാല് സ്ഥാപനങ്ങളിലെ വിദ്യാർത്ഥികൾ ഉപയോഗിക്കുന്ന ബസ് സ്‌റ്റോപ്പ് ക്ലീനായി സൂക്ഷിക്കാനുള്ള പ്രോജക്ടാണ് അവർ ഏറ്റെടുത്തിരിക്കുന്നത്. LP ,UP ,HS & HSS വിദ്യാർത്ഥികൾക്ക് ബോധവത്കരണം, ബസ് സ്റ്റോപ്പ് സൗന്ദര്യവത്കരണം, എല്ലാ ആഴ്ചയും ക്ലീനിങ്...തുടങ്ങിയ വിവിധ പ്രവർത്തനങ്ങളിലൂടെ സ്കൂൾ പരിസരം വൃത്തിയായി സൂക്ഷിക്കുന്നത് കടമയായി കാണുന്ന വിദ്യാർത്ഥി സമൂഹത്തെ വാർത്തെടുക്കുമെന്ന നിശ്ചയദാർഢ്യത്തോടെയാണ് ഒന്നാം വർഷ D.El.Ed വിദ്യാർത്ഥികൾ മുന്നിട്ടിറങ്ങിയിരിക്കുന്നത്. 'വ്യക്തിശുചിത്വവും സാമൂഹ്യ ശുചിത്വവും' എന്ന സയൻസ് സെമിനാറിൻ്റെ തുടർ പ്രവർത്തനമാണിത്.പുതിയ പാർലമെൻ്റ് നേതൃത്വം വഹിക്കുന്ന പുതിയ പ്രോജക്ടിന് അസിൻ, ജിസ്മേരി, അളകനന്ദ , ആൻമരിയ എന്നിവർ ചുക്കാൻ പിടിക്കുന്നു..! അഭിനന്ദനങ്ങൾ പ്രിയരേ.... നന്മ പരത്താനുള്ള പുതിയ ആശയം പ്രാവർത്തികമാക്കാനുള്ള പരിശ്രമങ്ങൾക്ക്...!!