Amme Mathave

"നമ്മുടെ അതിക്രമങ്ങൾക്കുവേണ്ടി അവൻ മുറിവേൽപ്പിക്കപ്പെട്ടു. നമ്മുടെ അകൃത്യങ്ങൾക്കുവേണ്ടി ക്ഷതമേൽപ്പിക്കപ്പെട്ടു.
അവന്റെ മേലുള്ള ശിക്ഷ നമുക്കു രക്ഷ നൽകി; അവന്റെ ക്ഷതങ്ങളാൽ നാം സൗഖ്യം പ്രാപിച്ചു".

"പിഴുതെറിയാനും ഇടിച്ചുതകർക്കാനും നശിപ്പിക്കാനും തകിടം മറിക്കാനും പണിതുയർത്താനും നട്ടുവളർത്താനും വേണ്ടി
ഇന്നിതാ, ജനതകളുടെയും രാജ്യങ്ങളുടെയുംമേൽ നിന്നെ ഞാൻ അവരോധിച്ചിരിക്കുന്നു”.

വിശ്വസ്‌തതയോടെ അവർക്കു ഞാൻ പ്രതിഫലം നൽകും. അവരുമായി ഞാൻ നിത്യമായ ഒരു ഉടമ്പടി ഉണ്ടാക്കും

"എല്ലാറ്റിനെയും ഭരിക്കുന്ന ദൈവമേ, ആശയറ്റവരുടെ ശബ്ദം കേൾക്കണമേ! തിൻമ ചെയ്യുന്നവരുടെ കരങ്ങളിൽനിന്നു ഞങ്ങളെ രക്ഷിക്കണമേ! എന്നെ ഭയത്തിൽനിന്നു മോചിപ്പിക്കണമേ”.

WORDS OF THE DAY... 1750

ദൈവം ആത്‌മാവാണ്‌. അവിടുത്തെ ആരാധിക്കുന്നവര്‍ ആഃ്‌മാവിലും സത്യത്തിലുമാണ്‌ ആരാധിക്കേണ്ടത്‌.
യോഹന്നാന്‍ 4 : 24

ഉറങ്ങും മുൻപ്‌.........
നിങ്ങള്‍ എന്നില്‍ വസിക്കുകയും എന്റെ വാക്കുകള്‍ നിങ്ങളില്‍ നിലനില്‍ക്കുകയും ചെയ്യുന്നെങ്കില്‍ ഇഷ്‌ടമുള്ളതു ചോദിച്ചുകൊള്ളുക; നിങ്ങള്‍ക്കു ലഭിക്കും.
യോഹന്നാന്‍ 15 : 7

ഞങ്ങളുടെ നല്ല ഈശോയെ... അങ്ങയെപ്പോലൊരു സ്നേഹം ഞങ്ങൾ അറിഞ്ഞിട്ടില്ലാ. അങ്ങെ സ്നേഹത്തിനു പകരമാകാൻ ആർക്കുമാകില്ല..!! തിരുക്കുടുംബത്തിന്റെ നാഥനായ ഈശോയെ. ഈ പ്രാർത്ഥനാവേളയിൽ ഞങ്ങളുടെ കുടുംബങ്ങളിലേക്ക്‌ കടന്നുവരേണമേ. സകല വിധ അസാമാധാനത്തിന്റെയും അരക്ഷിതാവസ്ഥയുടെയും മതിലുകൾ തകർക്കണമേ. ഐക്യത്തിലും സ്നേഹത്തിലും ഞങ്ങളുടെ കുടുംബങ്ങളെ പരിപാലിക്കണമേ. ഈശോയെ അറിയാത്ത മക്കളിലേക്ക്‌, ദൈവപരിപാലനയുടെ ശക്തിയും അനുഗ്രഹവും ലഭിക്കാൻ തടസമുള്ള കുടുംബങ്ങളിലേക്ക്‌, മക്കളില്ലാതെ വേദനിക്കുന്നവരിലേക്ക്‌, അനാഥരിലേക്ക്‌, ദാരിദ്ര്യത്തിന്റെ ദുരിതം പേറുന്ന കുടുംബങ്ങളിലേക്ക്‌. യേശുവേ... അങ്ങ് വരേണമേ. ദാമ്പത്യബന്ധങ്ങളിൽ വിള്ളലുള്ള സഹോദരങ്ങളിലേക്ക്‌, മക്കൾക്ക്‌ നല്ലവിധം പഠിക്കാനാവാത്ത അവസ്ഥകളിലേക്ക്‌, കുടുംബപ്രാർത്ഥന മുടക്കം വന്ന സഹോദരങ്ങളിലേക്ക്‌. അയൽ വക്കബന്ധങ്ങൾ പുനസ്ഥാപിക്കപ്പെടുവാൻ. തഴക്കദോഷങ്ങൾ, ശാപഗ്രസ്തമായ അവസ്ഥകൾ, ഐശ്വര്യം നഷ്ടപ്പെട്ടിട്ടുള്ളവർക്ക്‌ അവതിരിച്ചു കൊണ്ടുവരാൻ. കടക്കെണി, മാറാരോഗം, ബന്ധനങ്ങളുടെ മേഖലകൾ സകലതും കർത്താവീശോ മിശിഹായുടെ നാമത്തിൽ മാറിപ്പോകട്ടെ... അവിടുന്ന് രാജാവായി വസിക്കുന്ന കുടുംബമായി മാറുവാൻ, ഈശോയുടെ തിരുക്കുടുംബത്തിന്റെ സന്തോഷം എളിയവരായ ഞങ്ങൾക്കും സംജാതമാകുവാൻ അനുഗ്രഹിക്കണമേ... പരിശുദ്ധ ത്രീത്വത്തിന്റെ ഐക്യത്തിൽ, തിരുക്കുടുംബത്തിന്റെ പാലകനായ യൗസേപ്പിതാവിന്റെയും, മാതാവും സഹരക്ഷകയുമായ പരിശുദ്ധ കന്യാമറിയത്തിന്റെയും, ഉണ്ണീശോയുടെ അനുഗ്രത്താലും ഞങ്ങൾ സമർപ്പിക്കുന്ന പ്രാർത്ഥന കേട്ടരുളേണമേ... ആമേൻ

ഇന്നത്തെ
ധ്യാന ചിന്ത

ഈശോയുടെ
മനസ്സറിയുക

ഈശോ ദൈവരാജ്യ ഭരണത്തെക്കുറിച്ച് പറയുമ്പോൾ ശിഷ്യൻമാർ ചിന്തിക്കുന്നത് ഈശോ ഇസ്രയേലിനെ ഒരു രാജ്യമാക്കി തങ്ങളിലൂടെ ഭരണം നടത്തുമെന്നാണ്.
വി.കുർബാനയർപ്പിച്ച് ഈശോ തൻ്റെ ശരീരം ശിഷ്യർക്ക് പങ്കുവച്ച് കൊടുത്ത് തൻ്റെ പീഡാനുഭവത്തെപ്പറ്റി പറയുമ്പോഴും ശിഷ്യൻ "തങ്ങളിൽ ആരാണ് വലിയവൻ " എന്ന തർക്കത്തിലാണ്.തർക്കം വഴിയിൽ വച്ചാണ് സംഭവിച്ചത്.
എല്ലാവരെയും സ്നേഹിക്കണമെന്നും ശപിക്കുന്നവരെപ്പോലും അനുഗ്രഹിക്കണമെന്നും ഈശോ പറയുമ്പോഴും യോഹന്നാൻ തങ്ങളെ സ്വീകരിക്കാത്ത സമരിയാ പട്ടണത്തെ "അഗ്നി ഇറക്കി നശിപ്പിക്കട്ടെ " എന്നാണ് ഈശോയോട് പറയുന്നത്.
ഉണർന്നിരുന്ന് പ്രാർത്ഥിക്കാൻ പറഞ്ഞ് ഒരു കല്ലേറ് ദൂരെ മാറി ഈശോ രക്തം വിയർത്ത് പ്രാർത്ഥിക്കമ്പോഴും ശിഷ്യർ പ്രാർത്ഥിക്കുകയല്ലായിരുന്നു, ഉറങ്ങുകയായിരുന്നു.
ശത്രുക്കളെ സ്നേഹിക്കാൻ പഠിപ്പിച്ച ഈശോ തൊട്ടടുത്തു നിൽക്കുമ്പോൾതന്നെയാണ് പത്രോസ് വാളെടുത്ത് ഭൃത്യൻ്റെ ചെവി വെട്ടിയത്.
ഈശോ പറയുന്നതെന്തൊ അതല്ല ശിഷ്യർ മനസ്സിലാക്കുന്നത്. ഈശോ പറയുന്നതിന് എതിരായിട്ടാണ് മനസ്സിലാക്കുന്നത്... ഈശോയുടെ ഒപ്പം നടക്കുമ്പോഴും ഈശോയുടെ മനസ്സറിയാനും ഈശോ പറയുന്നതെന്താണെന്നും അത് എങ്ങനെ ജീവിതത്തിൽ പ്രായോഗികമാക്കണമെന്നും ശിഷ്യർക്ക് മനസ്സിലാക്കാൻ ബുദ്ധിമുട്ടുണ്ടായിരുന്നു.
എന്നാൽ പന്തക്കുസ്തായിൽ പരിശുദ്ധാത്മാവിൻ്റെ അഭിഷേകം ലഭിച്ചപ്പോഴാണ് ശിഷ്യർക്ക് ഈശോയുടെ മനസ്സറിഞ്ഞ് പ്രവർത്തിക്കാൻ കഴിഞ്ഞത്.
ഈശോയുടെ മനസ്സറിയാനും
ഈശോയുടെ മനസ്സറിഞ്ഞ് പ്രവർത്തിക്കാനും നമുക്ക് കഴിയുന്നുണ്ടോ?
അതല്ല നമുക്ക് മനസ്സിൽ തോന്നുന്നതു പോലെയാണോ നാം ജീവിക്കുന്നത്?
ഈശോ പറയുന്നു:
" നീ ബലിയർപ്പിക്കുന്നതിനു മുൻപ് രമ്യതപ്പെടുക."
നാം രമ്യതപ്പെടാതെ ബലിയർപ്പിക്കുകയാണോ?
ഈശോ പറയുന്നു:
" ശത്രുക്കളെ സ്നേഹിക്കുക ".
നാം ശത്രുക്കളെ വെറുക്കുകയാണോ?
ഈശോ പറയുന്നു
" നീ നിന്നെത്തന്നെ താഴ്ത്തുക "
നാം നമ്മെത്തന്നെ ഉയർത്തുകയാണോ?
ജീവിത പങ്കാളിയുടെ മനസ്സറിഞ്ഞ് പ്രവർത്തിച്ചാൽ ദാമ്പത്യം വിജയകരമാകും...
സുഹൃത്തുക്കളുടെ മനസ്സറിഞ്ഞ് പ്രവർത്തിച്ചാൽ സൗഹൃദം വിജയകരമാകും...
ക്രിസ്തുവിൻ്റെ മനസ്സറിഞ്ഞ് പ്രവർത്തിച്ചാൽ ക്രിസ്തീയ അദ്ധ്യാത്മിക ജീവിതം വിജയകരമാകും...
ക്രിസ്തുവിൻ്റെ മനസ്സറിയുന്നില്ലെങ്കിൽ പത്രോസിനെപ്പോലെ ക്രിസ്തുവിൻ്റെ പേരിൽ നാം പലരെയും മുറിപ്പെടുത്തി കൊണ്ടിരിക്കും.
ഈശോയുടെ മനസ്സറിഞ്ഞ് പ്രവർത്തിക്കാൻ പരിശുദ്ധാത്മാവിനോട് സഹായം ചോദിക്കുക.

ജോഷി ജോസഫ്,
കറുകുറ്റി.

"അവിടുത്തെ മഹത്വപൂർണ്ണമായ ശക്തി തിട്ടപ്പെടുത്താൻ ആർക്കു സാധിക്കും? അവിടുത്തെ കാരുണ്യം വർണിക്കാൻ ആർക്കു കഴിയും"