CFIC

Les inscriptions sont en cours passer vite vous inscrire

Les inscriptions sont en cours pour l'année académique 2026_2027

SANTE POU TOUT MOUN | Ansyen senatè Ronald Larêche òganize yon gwo klinik mobil gratis nan Wanament.

Ansyen senatè depatman Nòdès la, Ronald Larêche, pral mete yon klinik mobil gratis disponib pou popilasyon Wanamèt la nan kad selebrasyon fèt patronal Notre-Dame de l’Assomption, samdi 15 out 2026.

Aktivite a ap dewoule nan biwo politik ansyen senatè a, ki sitiye nan lokal Radio Maguana FM, sou Grand-Rue Espagnole, Wanamèt. Depi 9è nan maten, yon ekip pwofesyonèl sante kalifye ap resevwa pasyan yo pou konsiltasyon ak swen selon bezwen yo.

Moun ki pral patisipe nan klinik la ap gen posiblite jwenn konsiltasyon medikal ak medikaman gratis, nan objektif pou fasilite aksè popilasyon an ak sèvis sante.

Nan okazyon fèt Notre-Dame de l’Assomption la, biwo politik Ronald Larêche lanse yon envitasyon bay popilasyon Wanamèt la ak pèleren yo pou yo pwofite inisyativ sa a pou fè yon bilan sou eta sante yo.

Sante se yon richès. Pa neglije sante ou.
Tout moun envite pou patisipe nan klinik mobil gratis sa a samdi 15 out, apati 9è nan maten.