Concello de Ribadeo

🌹 ALICIA WANTS TO chega a Ribadeo

Alicia sae dun centro de menores e reencóntrase coa súa nai, Juana. Dúas mulleres que tratan de sobrevivir nunha sociedade marcada pola exclusión, os abusos e a pobreza.

♟️ Nesta historia, ademais, o público tamén xoga. A través dunha partida de xadrez, seredes vós quen decidiredes algunhas das eleccións que terá que tomar Alicia.

Que farías ti no seu lugar? Que decisión tomarías?

📅 4 de outubro
📍 Auditorio Municipal Hernán Naval · Ribadeo
🕗 20:00 h
🎟️ Entrada xeral: 10 € · Reducida: 5 €
👥 A partir dos 12 anos
🎫 Venda de entradas na billeteira do Auditorio media hora antes do comezo.

🥬🍽️ 𝘿𝙖 𝙝𝙤𝙧𝙩𝙖 𝙖𝙤 𝙥𝙧𝙖𝙩𝙤 𝙣𝙖 𝙂𝙖𝙨𝙩𝙧𝙤𝙥𝙧𝙖𝙯𝙖

👏 Este domingo celebramos unha nova xornada da Gastropraza no Mercado dos Domingos, dedicada nesta ocasión a “Da Horta ao Prato”.

🌱 Unha cita para poñer en valor os produtos da horta, o produto de proximidade e todas as posibilidades que ofrecen na nosa cociña, achegando gastronomía e mercado á veciñanza dunha maneira diferente.

🛍️ A actividade volveu compartir espazo co Mercado dos Domingos, contribuíndo a dinamizar a contorna da Praza de Abastos e a destacar o traballo dos produtores e produtoras locais.

📅 A Gastropraza continuará os próximos domingos:
▪️ 4 de outubro → Raíces e Tubérculos
▪️ 11 de outubro → Verdura de Folla e último día do Mercado dos Domingos

💙 Grazas a todas as persoas que se achegaron e ás entidades colaboradoras por seguir facendo posible esta programación arredor da gastronomía e do produto local.

🌳 Ribadeo acomete a maior inversión da súa historia na mellora e limpeza dos camiños

O Concello de Ribadeo segue dando pasos cara adiante co Plan Avanza Rural, unha actuación que xa comezou en Cedofeita e Piñeiro e que continuará por todas as parroquias, recuperando, limpando e acondicionando pistas e camiños, algúns deles pechados durante anos.

🚜 Os traballos inclúen a limpeza e ampliación de pistas, apertura de cunetas e taxeas, retirada de árbores e actuacións con motoniveladora, bulldozer, pala e camión. Nalgúns puntos, camiños de apenas dous metros pasan a alcanzar os oito metros de ancho, reforzando o seu papel como vías de acceso e cortalumes fronte aos incendios.

🤝 Un traballo realizado coa colaboración da Xunta de Galicia, o Concello, as asociacións veciñais e os propios veciños, aos que queremos agradecer especialmente a súa implicación e axuda para identificar os camiños e as necesidades de cada zona.

🌲 Comezamos en Cedofeita e Piñeiro e seguiremos por todas as parroquias, cunha planificación que busca mellorar, limpar e conservar os nosos camiños para gañar en seguridade e avanzar na planificación forestal de Ribadeo.

💜 Ribadeo envolve de agarimo a Manuela Barreiro nunha homenaxe que xa queda debuxada nas súas rúas

A nosa vila rendeu homenaxe a unha das súas mulleres pioneiras coa inauguración do mural realizado por Diego AS na rúa Ramón González, unha obra que recupera a figura da primeira muller licenciada pola Universidade de Santiago de Compostela.

🎨 O acto, celebrado coincidindo co Día Mundial do Farmacéutico, serviu para lembrar a súa traxectoria, o seu esforzo por abrir camiño e o legado que deixou en Ribadeo.

Un proxecto impulsado por Montserrat Iglesias Núñez e que contou tamén coa implicación de Isabel Fernández e da asociación xuvenil La Moderna.

💜 Desde agora, Manuela Barreiro forma parte tamén das rúas de Ribadeo, achegando a súa historia ás novas xeracións e lembrándonos a importancia de recoñecer ás persoas que abriron camiño.