Dokan Rody
Share
For wedding accessories and Models of Bouquet
اهلا بيكوا ف بيدج Dokan Rody
احنا بنفذ اي شغل خاص بالهاند الميد
تخصصنا الاساسي اكسيسوريز العروسه ليله الزفاف "جيرب _ منديل كتب الكتاب _ جيست بوكس او بوك _ تيجان وطرح وهيد بيس وكل مشتملات الطرحه كمان _ صواني الشبكه اكريلك وخشب وجذع شجر وتمر حنه "
خارج اكسيسوريز العروسه متميزين جدا ف تصميم تابلوهات باب الشقه وديكورات الغرف البسيطه
عندنا استعداد لتنفيذ اي قطعه هاند ميد مهما كان حجمها او شكلها
اسعارنا ف متناول الجميع والماتريالز المستخدمه من افضل الانواع ف السوق ♥️♥️
09/02/2021
كوليكشن التيجان العاليه 😍😍
اشيك موديلات 2021 وحقيقي الكوليكشن ده الصور ظلماه جدا بس للاسف دي الصور المتاحه من المستورد حاليا 💔💔
لمعت الفصوص حقيقي ملهاش حل وانا شوفتها على الحقيقه وابهرتني 😍
المفاجأه بقى ان اي تاج من دول عليه خصم ٢٠% ولو خرج مع بوكيه ومنديل هيبقى عليه خصم ٥٠% وانشالله ماحد حوش بقى 😍💃💃
09/02/2021
تقديمه الدبل القمر 😍♥️
اتسألت عليها كتير الفتره اللي فاتت وكنت منفذها بقالي فتره بس محبتش احرقها الا بعد ما صحبتها تاخدها عشان تفضل متميزه بيها 😉
متاح تنفيذها ب اي لون طبعا تغير الاسماء والتواريخ وكتابه اي جُمل عميقه عليها 😂😂
09/02/2021
لما يطلب مننا تنفيذ صوره من على النت وشغلنا يطلع احلى 💃💃🤣
الصوره اللي على الشمال دي صوره النت
صور اليمين ده شغلنا ♥️😍
وحقيقي انا مبسوطه جدا جدا بالنتيجه اللي وصلتلها وفرحانه اكتر بفرحه عروستي القمر ♥️
دي اجدد فكره لتقديم الشبكه هتلاقوها متاحه دلوقتي وانا حرفيا انبهرت بيها بعد ما خلصت 😍♥️
قولولي رأيكوا فيها بقى 🤔♥️
09/02/2021
Welcome to our home ♥️🏡
القمر دي متاح تنفيذها بأي حجم وبأي لون
فكره جديده ولذيذه جدا ومش مكلفه وبتضيف شياكه وجمال لباب الشقه 😍♥️
09/02/2021
لما تكون العروسه فنانه لازم بيتها يبقى مليان تفانين 😉👌😂
قولولي رأيكو ف الباسكت وعلبه المناديل دول ♥️😍
متاح تنفيذهم بأي لون تحبوه وسعرهم على اد الايد جدا 💃💃
شكلهم شيك اوي وينفعوا كمان هديه لعروسه او لو بتجددي بيتك وحابه تضيفي فيه قطع جديده هيضفولك جدا جدا 👌😍
09/02/2021
بنغيب غيبتنا ونرجع بهيبتنا 🥰🥰
اني اتحمل مسؤليه اوردر عروسه وفرحتها دي حاجه كبيره جدا بالنسبالي بس اتعودت عليها والحمدلله بقيت قادره اكون قد المسؤليه دي دايما ♥️
المره دي الموضوع كان مختلف جدا بقى
انا العروسه واللي العرايس بتعمله فيا عملته في نفسي 😂
زنقت نفسي لاخر لحظه وعملت كل حاجه ف الوقت الضايع 😌🙄
من بوكيه لمنديل لجيست لماكيت كله كله جيه ف وقت قليل جدا وبدون ترتيب او تخطيط او تفكير وتحضير
كل اللي كان في دماغي اني حابه اعمل حاجه مميزه ومختلفه وسيمبل جدا
#البوكيه كنت حابه انه يكون Mixed وعشوائي ومش منظم وحتى ماسكته ميبانش فيها هو مدور ولا طول
#المنديل كنت حابه يكون تصميم سيمبل جدا وراقي ومفيهوش زحمه
#الماكيت كانت فكرته مطرقعه ومختلفه ومش تقليديه 😂🙄
#الجيست كانت فكرته لذيذه جدا وعمليه وشيك اوي ♥️♥️
#الحمدلله كل قطعه طلعت زي ما تخيلتها واتمنتها واكتر 👌♥️
قولولي مبروك وادعولي ومتنسوش تسبولي رأيكوا ف الكومنتس 🥰♥️
09/02/2021
اختي الصغنططه و عروستي القمر 😍😍♥️
اما العروسه تكون قمر 💜 والبوكيه يكون قمرين 💜💜
اكتر عروسه متعبه قابلتها في حياتي بس اشطى على قلبي زي العسل 😂😂
اللافندر والوانه ورقته وشياكته وطعامته وجمال عروستي وشياكتها ورقتها خطفوا قلبي اوي اوي اوي 😍💜🌷
15/11/2020
الورد الاحمر 😍🌹👇
طبعا انتوا شايفين الصور بتتكلم عن نفسها ازاي لاني فعلا مش لاقيه كلام اقوله اوصف بيه الجيرب ده 😍
ماتشينج الاخضر مع الاحمر مع الاوف وايت حاجه كده طلعت وهم في الاخر 👌♥️
وحقيقي البوكيه ترند جدا وينفع لكل المناسبات يعني لو عروسه مسكته لدوخلتها هيكون حوار
وعروستي القمر طلباه عشان قرايه فاتحتها 🥰
وينفع جدا خطوبه وينفع اكتر هديه وديكور لحد غالي عليكي يعني حقيقي مفيش اشيك من كده 😍😍👇
متنسوش تقولولي رأيكوا ف الكومنتس بقى 😉♥️
13/09/2020
مشوفتش رقه وجمال اكتر من كده والله ♥️
عروستي القمر اللي خطفت العيون بجمالها ورقتها 🌷☘
يتعلموا من رقتها فعلا 😄😄
وجيرب التيوليب السليكون اللي بيكون اختيار مميز لكل عروسه حابه تكون مميزه وسيمبل 👌🌷
🌸🌹
🍀🌸🌻
🌷🌱🌻
❤🤍
👏🏽❤
Click here to claim your Sponsored Listing.
Category
Website
Address
Cairo
Cairo
Opening Hours
| Monday | 12pm - 12am |
| Tuesday | 12pm - 12am |
| Wednesday | 12pm - 12am |
| Thursday | 12pm - 12am |
| Friday | 12pm - 12am |
| Saturday | 12pm - 12am |
| Sunday | 12pm - 12am |