Used Vehicles Egypt

السؤال اللي داير اليومين دوول … هل الاسعار هتنزل تاني لو حصل اتفاق دائم بوقف الحرب ؟
الاجابة: اكيد طبعا بس خد بالك الاسعار مش هتنزل اكتر من اللي نزلته اول السنة و رجعت رفعته اثناء الحرب … يعني اعمل حسابك علي تخفيضات متعديش ١٥٪؜ بالكتير قوي …

وفر فلوسك و بلاش تركب افلام بروتكشن (حماية) لعربيتك … و لا ليها اي ٣٠ لازمة …

مشكلة فعلا و لازم يتوجد ليها حل …
في الامارات مثلا البيع بيتم في مكتب تابع للمرور و اسلمهم الرخصة بتاعت البائع يسلم المشتري رخصة باسمه و احنا واقفين من غير شبابيك و مشاوير و عقود شهر عقاري و خد دور و روح هناك …
الصفحة الرسمية لوزارة الداخلية
مركز المعلومات ودعم اتخاذ القرار بمجلس الوزراء - مصر

المشكلة علي لسان صاحبها …

السلام عليكم،
العربية دى كانت بتاعتى و بعتها من ٦ شهور لواحد باعها لواحد تانى و معنديش رقم تليفونه و بلغت الشخص اللى بعتها له و هو مش مهتم و دلوقت كل كام يوم و احيانا مرتين فى اليوم بيجيلى رسالة من المرور بمخالفة على العربية. انا بايع بعقد مسجل يعنى معنديش مشكلة انما المالك الحالى معندوش فكرة ان عليه ٢٣ مخالفة حتى اليوم و معظم المخالفات عدم ارتداء الحزام و شوية مخالفات سرعة . يا ريت لو حد يعرفه يبلغه يلبس الحزام و يخلى باله من الرادار اللى على صفط اللبن ، هو غالبا ساكن فى الهرم او ٦ اكتوبر .

تعديل: شكرا للناس اللى بتنصح بوضع صورة من العقد المسجل فى ملف العربية لكن للاسف ده مش هيفرق فى حاجة لان لغاية المالك الجديد ما ينقلها باسمه العربية هتفضل مسجلة باسمى امام القانون و انا قبل كده اتعمل لى محضر تبديد لوحات موتوسيكل كنت بايعه من كذا سنة بسبب ان المشترى منقلوش باسمه و اضطريت اروح المحكمة و قدمت هناك صورة عقد البيع و بعدها رحت المرور و كلمت مدير الوحدة علشان احط صورة من العقد فى الملف فرفض و قال ان الحل الوحيد علشان اتفادى اى وجع دماغ هى ان المشترى ينقل الملكية فى المرور التابع ليه و قال كمان انه هيعملى محضر تبديد لوحات تانى بس قال ان وضعى القانونى سليم و الورق اللى معايا كامل و الموضوع كله هيبقى غرامة بسيطة . للاسف المشكلة فى القانون فى مصر و لازم يتغير بحيث نقل الملكية تبقى فى المرور مش فى الشهر العقارى .

هوندا لسه بتبيع بسعر اول السنة … و لا زودت و لا نقصت … و عاملة عرض صيانة ٣ سنين …
الحقيقة سعرها مش منافس اصلا خصوص ال ZRV يعني اسيب اوبل جراند لاند اعلي فئة بكراسي مساچ و اروح اجيب ZRV بكماليات اقل لييه ؟؟؟
و شرحه CRV يعني اسيب سكودا كودياك البياعة المنتشرة و اروح اجيب هوندا بكماليات اقل لييييه برده ؟؟؟

Honda
Škoda

حملة
خليهالكم
#خليهالكم
لا للأوڤر برايس

بعد ساعات من وقف اطلاق النار ….
دولار نازل و سعر برميل البترول نازل …
اما نشوف التوكيلات هتنزل اسعار العربيات بنفس سرعة زيادتها و لا لأ …
خليكو فاكرين انهم زودو الاسعار بعد اسبوع واحد فقط من بداية الحرب و علي رأسهم عمدة زيادة الاسعار … غبور …
و حذاري حد يشتري باوڤر برايس و اللي حجز مع معرض و دفع اوڤر برايس مع معرض من معارض السحت يلغي الحجز و يقولهم خليها عندكم …
Hyundai Egypt
MG Egypt
Chevrolet
Nissan
ElTarek Automotive



#بلوجر

#خليهالكم

الحمد لله … العالم مانتهاش …

كل زيادات الاسبوع دا لحد دلوقتي …

شرح سريع بالبلدي:
EV: مافيش بنزين خالص، أوفر وأنضف، بس محتاج شحن.
REEV / E‑Power: العربية بتمشي كهربا، والبنزين بس يشحن البطارية لما تحتاج.
PHEV: تقدر تمشي كهربا أو بنزين، وتتشلن من الفيشة.
HEV: هايبرد عادي، مافيش شحن، البطارية بتتشحن لوحدها من السواقة.

راحيييت …

مشكلة من مشاكل الزمن الاسود …
الراجل حاجز عربية بسعر و عايزين يسلموهاله بسعر تاني … زيادة ١١٠ الف جنية …
انا مش هناشد المعرض الكبير العريق ElTarek Automotive و اقوله حل مشاكل عملائك … لا انا هدعو كل الناس تمانع عن الشراء من اي معرض يعمل موقف زي دا مع اي حد سواء يعرفه او ميعرفوش علشان المعارض ديه كانت من اقل من شهر بس بتاحايل عالناس تيجي تشتري من عنده و لا حتي تتفرج و النهارده يبهدل الناس و عايز ياخد فرق سعر مش من حقه دا حتي حرام … المشتري لو دافع جنيه واحد بس عربون علي حاجة مينفعش ترجع في البيعه الا بالتراضي بين الطرفين حتي او زادت مليون جنيه و انت عارف الكلام دا كويس يا تاجر يا كبير يا قديم …
جهاز حماية المستهلك المصري