HEC YOUTH

Fredy Bassem’s Memorial | يوم احتفال بفريدى باسم (2) Fredy Bassem’s Memorial | يوم احتفال بفريدى باسم (2)

يارب، بنصلي روحك المعزي يغمر أهالي وأصحاب الولاد اللي سبقونا للسما، سندة ومعونة وتعضيد وسلام من عندك على قلوبنا الموجوعة على فراقهم. يكون سلامنا في ثقتنا إنهم دلوقتي في بيتهم الأبدي، مرتاحين في حضنك.

يارب، بنجيلك النهاردة بقلوب موجوعة ومثقلة بحزن. قلوبنا متلخبطة ومخضوضة، مليانة بيأس وإحباط… لكن بنقولك نحوك أعيننا، مالناش غيرك نترمي في حضنك ونستقبل منك العزاء.

أنت وحدك تقدر تسكّت كل دوشة وتيجي بسلامك الذي يفوق كل عقل وتحفظ قلوبنا وأذهاننا. تعالى يا روح الله المعزي وطبطب على أوجاعنا، شيل خوفنا واملانا برجاء، شيل الحزن وحط مكانه فرح، شيل اليأس وادي قوة وطاقة جديدة.

تعالى يا روح الله شدد ولادك وبناتك الوقت ده، خليّنا نختبر معيتك وسندتك في وسط الضيق والشدة. كن أنت الإجابة على الأسئلة والملجأ اللي بنجري عليه بحزننا؛ مش بغضب أو بلوم.
تعالى احفظ ولادك في حقك، نكون ثابتين في الرجاء وواثقين أنك صالح إلى الأبد.

آمين.

حفل وداع الشيخ سامر الضعيف حفل وداع الشيخ سامر الضعيف - ٤ ديسمبر ٢٠٢٥

A message from last Saturday’s sermon