TradeBox

كلمنا وهتلاقيها بين إيديك🤍

نجيبهالك لحد السرير 🛏️ 🤍

فضل يحاول كتير... وفي الآخر قرر يرجع لبيته وهو مغطى وشه ومش قادر يبص في عين حد..

كان بقاله شهور ماشي في الشارع وعينه على كل اتجاه، بيسأل ده ويدور مع ده، ويدخل المكان ده يخرج منه وهو بيجر خيبته وراه. كل ما يقرب من حلمه، يكتشف إنه سراب؛ المكان مقفول في وشه، أو الحاجة اللي طلبها اتخطفت قبل ما يوصل لها، أو يقولوا له: "مش لينا... مش بتدخل هنا".
لحد ما أملُه انتهى تماماً، وقال جملته الأخيرة: "أنا خلاص... مش هحاول تاني".

بس الحقيقة؟ هو ما كانش بيحارب في معركة... هو كان مجرد واحد نفسه في كوتشي أوريجينال معين، وكل ما يلاقيه على موقع بره مصر، يكتشف إن المقاس خلص أو إن الموقع مش بيشحن للجمهورية!

وهنا القصة بتتغير... لأن اللي إنت فاكره مستحيل أو مقفول ضبت ومفتاح، شغلانتنا إحنا نفكه.
لو فيه جزمة، شنطة، ميك أب، إكسسوارات، أو أي حاجة نفسك فيها وموجودة في آخر الدنيا ومقتنع إنها مش هتوصلك مصر... سيبك من اللف والتعب. ابعتلنا الحاجة، وإحنا هنطاردها ونجيبهالك لحد باب بيتك.

إنت بس اختارنا... والباقي علينا.

لما العميل يقرر يتحدانا 😂

لما العميل يسيب كل المنتجات اللي بنشحنها
ويقولك بكل ثقة:
«طب المنتج ده بتشحنوه؟» 🤦🏻‍♂️😂

إحنا: يا فندم… هو لازم نبدأ بأصعب Level؟ 😭😂

محمد شافنا وإحنا رايحين نوصل أوردر لواحد، الأوردر جاي من إنجلترا مخصوص.

ولما وصلنا، اكتشفنا إن الأوردر عبارة عن جزمة وسليبر لابنه.

وأثناء ما إحنا بنسلّم الأوردر، لمحنا محمد واقف بعيد، ساكت، وعينه على ابن الراجل…

كان بيبص على الجزمة والسليبر، وبعدين يبص على نفسه، وكأن عينيه بتقول سؤال صغير بس وجعنا كلنا:

“هو أنا ليه مش مكانه؟”

محمد ماطلبش حاجة، ولا مد إيده، ولا قال إنه نفسه فيهم…
هو بس بص.

بس النظرة دي فضلت معانا.

رجعنا وإحنا مش قادرين ننساها، وكل واحد فينا كان حاسس إننا سيبنا ورا ضهرنا طفل نفسه في حاجة بسيطة جدًا، حاجة إحنا ممكن نعتبرها عادية… لكن بالنسبة له ممكن تكون حلم.

تاني يوم قررنا نرجع لمحمد.

جبناله جزمة وسليبر من مصر، نفس الفكرة اللي شافها بعينه، ولفيناهمله بنفس التغليف.

ولما اديناهوله…

مش قادرين نوصف إحساسه.

الابتسامة اللي على وشه، وطريقة حضنه للهدية، والنظرة اللي في عينه… خلتنا إحنا اللي حاسين إننا أخدنا أحلى هدية في الدنيا.

إحنا مش مصدقين إن كل السعادة دي ممكن تتعمل في طفل بحاجة بسيطة بالشكل ده.

يمكن بالنسبة لنا جزمة وسليبر…
لكن بالنسبة لمحمد كانوا أكتر من كده بكتير.

كانوا رسالة بتقوله:

“إنت كمان تستاهل.” ❤